Կարճ լուրեր
Զույգը, որը հարաբերությունները սկսել էր 2020 թվականին՝ նկարահանման հրապարակում հանդիպելուց հետո, անցած տարվա սեպտեմբերին բաժանվել էր, բայց հետո վերսկսել էր սիրավեպը: Հեյլին Թոմի կողքին էր մայիսին՝ «Լավագույն հրաձիգ 2»-ի պրեմիերային, իսկ ինսայդերները հայտնում էին, որ նա այնտեղ էր «զուտ աջակցելու» դերասանին: The Sun-ի աղբյուրներից մեկն ասել է. «Ցավոք, դա նրանց մոտ չստացվեց: Նրանք հիմա որոշել են, որ ավելի լավ է՝ որպես ընկերներ մնան»։
Աղբյուր՝ thesun.co.uk
Համակարգը, որը կոչվում է Lumi, շուտով կգործարկվի Ֆինլանդիայում, իսկ սեպտեմբերին բոլոր օգտատերերը կկարողանան օգտվել դրա ծառայություններից: Սուպերհամակարգիչը աշխատանքը կմեկնարկի Քայաանի քաղաքում: Այն կլինի Եվրոպայում իր տեսակի մեջ ամենահզոր և էներգաարդյունավետ համակարգը, իսկ արտադրողականությամբ՝ աշխարհում երրորդը:
Աղբյուր՝ vesti.ru
Երկուշաբթի Դանիիլ Մեդվեդևը վերադարձավ ATP-ի վարկանիշային աղյուսակի առաջին հորիզոնական՝ առաջ անցնելով Ալեքսանդր Զվերևից, իսկ Նովակ Ջոկովիչը մոտ չորս տարվա ընթացքում առաջին անգամ դուրս մնաց առաջին երկու տեղերից: 26-ամյա ռուսաստանցին, ով Հերտոգենբոսի եզրափակչում զարմանալիորեն պարտվեց Թիմ վան Ռեյթհովենին, փետրվարի վերջին և մարտի սկզբին ևս երկու շաբաթով զբաղեցրել էր առաջին հորիզոնականը:
Աղբյուր՝ france24.com
«Թուրքիայում վերջին շաբաթների իրադարձություններից և իրանական մի շարք ահաբեկչություններից հետո իսրայելցիների դեմ, ովքեր արձակուրդ էին գնացել Ստամբուլ, մենք կոչ ենք անում իսրայելցիներին չթռչել Ստամբուլ և, եթե կենսական անհրաժեշտություն չունեք, ընդհանրապես չթռչել Թուրքիա: Եթե դուք արդեն Ստամբուլում եք, վերադարձեք Իսրայել որքան հնարավոր է շուտ»,- հայտարարել է Յաիր Լապիդը «Եշ Աթիդ» խորհրդարանական խմբակցության նիստում:
Աղբյուր՝ ria.ru
73-ամյա Օզի Օսբորնը երկուշաբթի լուրջ վիրահատության է ենթարկվում, որը «կորոշի նրա կյանքի մնացած մասը»: «The Dreamer»-ի հեղինակի կինը՝ Շերոնը, հայտնել է, որ Լոնդոնից վերադառնում է Լոս Անջելես՝ գտնվելու ամուսնու կողքին, քանի որ նա հաջորդ շաբաթ լուրջ վիրահատության է ենթարկվելու: Ռոքերը Պարկինսոնի հիվանդությամբ է տառապել, և ավելի վաղ ընկել էր ու տեղաշարժել՝ 2003-ին կվադրոցիկլով վթարի հետևանքով ողնաշարի մեջ դրված մետաղական ձողերը:
Աղբյուր՝ dailymail.co.uk
«Մեր տունը Գրոզնի քաղաքն է» հասարակական կազմակերպությունը նախատեսում է Կովկասում ստեղծել «անպարկեշտության դեմ պայքարի կոմիտե», հայտարարել է կազմակերպության ղեկավար Սաիպուդին Գուչիգովը։«Մենք չենք ուզում կռվել կախարդների դեմ կամ լինչի դատարաններ բացել։ Մենք ցանկանում ենք արժանապատվորեն կրթել մեր երիտասարդությանը»,- նշել է Գուչիգովը: Ֆիլիպ Կիրկորովի համերգում տեղի ունեցած սկանդալից հետո, որտեղ երգիչը բարձրացել էր խաչի վրա, երգչի ելույթները ՌԴ հարավային մի շարք քաղաքներում չեղարկվել են:
Աղբյուր՝ kulturomania.ru
Երևանի կենդանաբանական այգում ծիների շրջան է: Այգում ծնվել են 2 Եվրոպական և 2 Պտավոր եղնիկներ։ Նոր ծնունդներ ևս սպասվում են:
«Սարդ-Մարդ. Տունդարձի ճանապարհ չկա: Ավելի զվարճալի տարբերակ»-կցուցադրվի կինոթատրոններում Sony Pictures-ի կողմից՝ ավելացված և ընդլայնված տեսարաններով: Թողարկումը նախատեսվում է Սարդ-մարդու 60-ամյակի և հերոսի մասին ֆիլմերի 20-ամյակի առթիվ: Նշվում է, որ ընդլայնված տարբերակը կթողարկվի ԱՄՆ-ում և Կանադայում, մյուս երկրների մասին կհայտարարվի ավելի ուշ։ Տոմսերի վաճառքը կսկսվի օգոստոսի 9-ին, ցուցադրությունները՝ սեպտեմբերի 2-ից:
Աղբյուր՝ lenta.ru
Հյուսիսային Ուտար Պրադեշ նահանգի իշխանությունները քանդել են որոշ մահմեդականների տները, որոնք ենթադրաբար մասնակցել էին բռնությունների վերածված կրոնական ցույցերին: Բողոքի ցույցերի պատճառ են դարձել Մուհամեդ մարգարեի հասցեին իշխող Բհարաթիա Ջանատա կուսակցության (BJP) երկու նախկին առաջնորդների նվաստացուցիչ արտահայտությունները: Որոշ նահանգներում ցույցերը վերածվել են բռնության. մարդիկ գույքային վնասներ են հասցրել:
Աղբյուր՝ bbc.com
«Մանչեսթեր Սիթին» հայտարարել է Դորտմունդի «Բորուսիայի» հարձակվող Էրլինգ Հոլանդին ձեռք բերելու մասին: Հոլանդը «քաղաքայինների» հետ աշխատանքային պայմանագիր է կնքել հինգ տարի ժամկետով՝ մինչև 2027 թվականը: 21-ամյա խաղացողը թիմին կմիանա 2022 թվականի հուլիսի 1-ին: Էրլինգի հայրը՝ Ալֆ-Ինգլ Հոլանդը, նույնպես ժամանակին եղել է «Մանչեսթեր Սիթիի» խաղացող, որտեղ նա խաղացել է 2000-ից 2003 թվականներին:
Աղբյուր՝ kp.ru
Հռոմի պապ Ֆրանցիսկոսը չեղարկել է իր մասնակցությունը հաջորդ շաբաթավերջին կայանալիք ամենամյա պատարագին և երթին՝ ծնկի շարունակվող ցավերի պատճառով: Այս մասին երկուշաբթի հայտնել է Վատիկանը: Կիրակի օրը նախատեսված Կորպուս Դոմինիի ամենամյա երթը կաթոլիկ հավատքի դարավոր ավանդույթ է, որի ընթացքում Հաղորդությունը ցուցադրվում է հրապարակայնորեն:
Աղբյուր՝ apnews.com
LV0010 հրթիռը արձակվել է կիրակի օրը մոտավորապես ժամը 13.40-ին ԱՄՆ Ֆլորիդա նահանգի Կանավերալ հրվանդանի տիեզերակայանից: Հրթիռը պետք է ուղեծիր դուրս բերեր երկու փոքր արբանյակ՝ փոթորիկները ուսումնասիրելու համար: «Առաջին փուլի կանոնավոր թռիչք ենք ունեցել, վերին աստիճանն անջատվել է ժամանակից շուտ, և մենք ուղեծիր չենք հասցրել օգտակար բեռը»,- ասվում է Astra-ի հաղորդագրության մեջ:
Աղբյուր՝ ria.ru
Իրանական պետական լրատվամիջոցների փոխանցմամբ՝ Իրանի օդատիեզերական արդյունաբերության մեջ աշխատող երկու տղամարդիկ մահացել են առանձին միջադեպերի հետևանքով՝ ծառայություն իրականացնելիս: Դեպքերը վերջինն են առեղծվածային մահերի շարքում, որոնցից շատերը կապում են Իսրայելի հետ:
Աղբյուր՝ aljazeera.com
Netflix-ի հոսքային ծառայությունը Twitter-ում հրապարակել է հարավկորեական «Կաղամարի խաղ» հեռուստասերիալի երկրորդ սեզոնի թիզերը: Նախագծի շարունակության թողարկման ճշգրիտ ամսաթիվը առայժմ անհայտ է: Ռեժիսոր Հվան Դոն Հյոկի խոսքով՝ առաջին սեզոնի գլխավոր հերոսը՝ Սոն Գիհունը, երկրորդում կվերադառնա: Այս մասին գրում է Deadline-ը:
Աղբյուր՝ lenta.ru
Այս մասին կիրակի հայտարարել են տեղական ընդդիմադիր պատգամավորներից մեկը և իրանական պետական լրատվամիջոցները: Ծավալված իրավիճակը լույս է սփռում Լատինական Ամերիկայի թաքնված քաղաքական հոսանքների վրա: Emtrasur բեռնատար ինքնաթիռը, որը իրանական Mahan Air ավիաընկերությունը մեկ տարի առաջ վաճառրել էր Վենեսուելային, ըստ իրանական ավիաընկերության, ժամանել է Բուենոս Այրես հունիսի 8-ին, այդ մասին են վկայում թռիչքների հետագծման տվյալները:
Աղբյուր՝ reuters.com
«Իզվեստիա»-ի փոխանցմամբ՝ 38-ամյա մի տղամարդ հունիսի 12-ին երեկոն անցկացնելիս է եղել Մոսկվայի կենտրոնում գտնվող «Իմպրոմտ» ռեստորանում, երբ հանկարծակի խեղդվել է: Հաստատության աշխատակիցները փորձել են նրան առաջին օգնություն ցուցաբերել և շտապօգնություն են կանչել: Հիվանդանոցի ճանապարհին տղամարդը կոմայի մեջ է ընկել և գիտակցության չգալով մահացել:
«Լիվերպուլը» համաձայնության է եկել «Բենֆիկայի» հետ՝ գնելու ուրուգվայցի հարձակվող Դարվին Նունյեսին նախնական 75 միլիոն եվրոյով (64 միլիոն ֆունտ ստեռլինգ), երկուշաբթի հայտնել է պորտուգալական ակումբը: Տրանսֆերը կարող է ի վերջո հասնել 100 միլիոն եվրոյի, ասվում է «Բենֆիկայի» հայտարարության մեջ՝ ստվերելով ռեկորդային 75 միլիոն ֆունտ ստերլինգը, որը «Լիվերպուլը» վճարել է «Սաութհեմփթոնին» 2018 թվականին հոլանդացի կենտրոնական պաշտպան Վիրջիլ վան Դեյկի համար:
Աղբյուր՝ france24.com
Կանադայի Առողջապահության նախարարությունը այժմ հաստատել է բնակչության շրջանում կապիկի ծաղիկի 112 դեպք: Այս մասին կիրակի հաղորդվել է գերատեսչության կայքում: Վարակների մեծ մասը՝ 98 մարդ, հայտնաբերվել է Քվեբեկ նահանգում: Ինը մարդ վարակվել է Օնտարիոյում, ևս չորսը՝ Ալբերտայում: Առաջին հիվանդը գրանցվել է Բրիտանական Կոլումբիայում:
Աղբյուր՝ tass.ru
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
