Կարճ լուրեր
«30»-ը առաջինն է՝ շրջանցելով Abba-ին և դառնալով տարվա ամենավաճառվող ալբոմը։ Չարթերի առաջին շաբաթվա 261,000 վաճառքով այն գերազանցել է շվեդական փոփ խմբի «Voyage» ալբոմին, որը գրանցել է 204,000 վաճառք:
Աղբյուր՝ bbc.com
Արտադրողներն արդեն փորձարկում են, թե ինչպես են իրենց պատվաստանյութերը գործում նոր հայտնաբերված «Օմիկրոն»-ի դեմ:
Աղբյուր՝ nbcnews.com
Կուզմա Պետրով-Վոդկինի, Հովհաննես Այվազովսկու և Իլյա Ռեպինի աշխատանքները կդառնան Sotheby's-ի ռուսական արվեստի աճուրդի թոփ լոտերը: Աճուրդը տեղի կունենա Լոնդոնում նոյեմբերի 30-ին և դեկտեմբերի 1-ին: Նոյեմբերի 30-ին կայանալիք Ռուսական արվեստի աճուրդի կենտրոնական լոտը կլինի Կուզմա Պետրով-Վոդկինի խնձորներով նատյուրմորտը, որը գնահատվում է 2,5-3,5 մլն ֆունտ ստեռլինգ։
Աղբյուր՝ interfax.ru
Հնագետների խումբը Պերուի կենտրոնական ափերի մոտ հայտնաբերել է մումիֆիկացված մարդու մնացորդներ: Մումիան, որի սեռը դեռ չի պարզվել, հայտնաբերվել է Լիմայի շրջանում, ուրբաթ հայտնել է հնագետ Պիտեր Վան Դալեն Լունան:
Աղբյուր՝ theguardian.com
Բժիշկ և սննդաբան Մարիա Տիխոմիրովան ՌԻԱ Նովոստիին պատմել է սոխի օգտակար հատկությունների մասին և զգուշացրել, թե որ հիվանդությունների առկայության դեպքում չի կարելի օգտագործել այս մթերքը։ Ստամոքսի և տասներկումատնյա աղիքի խոցի դեպքում պետք է խուսափել սոխ ուտելոց, ասել է նա։
91 տարեկան հասակում մահացել է ամերիկացի լեգենդար կոմպոզիտոր և երգահան Սթիվեն Սոնդհայմը։ Նրա փաստաբանը New York Times-ին հայտնել է, որ Սոնդհեյմը մահացել է ուրբաթ օրը Կոնեկտիկուտ նահանգի Ռոքսբերի քաղքի իր տանը: Նյու Յորքում ծնված կոմպոզիտորը արժանացել է ութ Գրեմմիի, ինը Թոնիի մրցանակների, Նախագահական ազատության մեդալի և մեկ Օսկար մրցանակի:
Աղբյուր՝ bbc.com
Կոսովոյում՝ Չեռնոգորիայի հետ սահմանին, անհայտ անձինք կրակել են դպրոցական ավտոբուսի վրա: Սպանվել են երկու դեռահաս և երկու մեծահասակ: Հանցագործները դիմակներով են եղել: Բելգրադի մամուլը նշում է, որ սա կարող էր լինել սերբերի դեմ ուղղված սադրանք:
Աղբյուր՝ vesti.ru
Դորտմունդի «Բորուսիայի» գլխավոր մարզիչ Մարկո Ռոզեն հայտնել է, որ հարձակվող Էրլինգ Հոլանդը ապաքինվել է վնասվածքից։ Մարզչի խոսքով՝ ֆուտբոլիստը թիմի հետ կմեկնի Բունդեսլիգայի 13-րդ տուրի՝ «Վոլֆսբուրգի» դեմ խաղին, որը կկայանա նոյեմբերի 27-ին։ Այդուհանդերձ, Հոլանդը չի կարողանա մասնակցել ամբողջ հանդիպմանը և խաղադաշտ դուրս կգա միայն որոշ ժամանակով:
Աղբյուր՝ sport-express.ru
Ֆրանսիայի անդրծովյան Մարտինիկա կղզում տասը ոստիկան վիրավորվել է հինգշաբթի լույս ուրբաթ գիշերը, իսկ մի քանի լրագրողների ուղղությամբ կրակ է արձակվել՝ Covid-19-ի դեմ պատվաստման միջոցառումների դեմ բողոքի ցույցերի ժամանակ: Լրագրողները վիրավորում չեն ստացել:
Աղբյուր՝ france24.com
Կանադացի հայտնի ռոք երաժիշտ Բրայան Ադամսը հայտնել է, որ մեկ ամսվա ընթացքում երկրորդ անգամ է վարակվել կորոնավիրուսով: «Ես նոր եմ ժամանել Միլան: Մեկ ամսվա ընթացքում երկրորդ անգամ COVID-ի դրական թեստ եմ հանձնել։ Գնում եմ հիվանդանոց։ Շնորհակալություն աջակցության համար»,- գրել է երգիչը իր Instagram-ում և կադրեր հրապարակել, թե ինչպես է շտապօգնության մեքենայով գնում հիվանդանոց։
Աղբյուր՝ gazeta.ru
Ինյացիո Կասիսին տեղափոխող ինքնաթիռը ՉԺՀ-ի ճանապարհին տեխնիկական խնդիրների պատճառով չնախատեսված վայրէջք է կատարել Նովոսիբիրսկում, այնուհետև թռել է Մոսկվա՝ անսարքությունները ամբողջությամբ վերացնելու համար, «Ինտերֆաքս»-ին հայտնել է իրազեկ աղբյուրը: Նրա խոսքով՝ ինքնաթիռի վերանորոգումը կարող է տևել մեկ օր։
Իտալիայի վարչապետ Մարիո Դրագին հայտարարել է, որ Ֆրանսիայի նախագահ Էմանուել Մակրոնի հետ ուրբաթ ստորագրված՝ երկկողմ համագործակցությունը ամրապնդելու համաձայնագիրը կամրապնդի նաև Եվրոպական միությունը այնպիսի ոլորտներում, ինչպիսին պաշտպանությունն է: Պայմանագիրը խորացնում է համագործակցությունը «կարևոր ոլորտներում՝ անվտանգությունից մինչև արդարադատություն, հետազոտությունից մինչև արդյունաբերություն»,- ասել է Դրագին մամուլի ասուլիսի ընթացքում:
Աղբյուր՝ apnews.com
Ռեժիսոր Ռեյնալդո Մարկուս Գրինը Collider-ին հայտնել է, որ կենսագրական ֆիլմ է պատրաստում ճամայկացի երաժիշտ Բոբ Մարլիի մասին։ Գրինի խոսքով՝ ֆիլմի սցենարի վրա աշխատում են ինքը և Զաք Բեյլինին, իսկ լեգենդար երաժշտի ավագ որդին՝ Զիգգի Մարլին, նախագծի պրոդյուսերն ու համադրողն է: Նա հավելել է, որ ֆիլմի գործողությունները սկսվում են 1976թ.-ից:
Աղբյուր՝ kulturomania.ru
Հայաստանի պետական սիմֆոնիկ նվագախումբը Արամ Խաչատրյան համերգասրահում կազմակերպել է համերգային երեկո՝ նվիրված կոմպոզիտոր Միքայել Թարիվերդիևի 90-ամյակին: Միջոցառումը կկայանա նոյեմբերի 27-ին՝ ժամը 19:00-ին: Համերգին կհնչեն Թարիվերդիևի սիմֆոնիկ ստեղծագործությունները և և կինոերաժշտության ընտրանին:
Աղբյուր՝ ՀՀ ԿԳՄՍՆ
Ավելի քան 2000 հին և խորհրդանշական բջջային հեռախոսներ ցուցադրվում են նոր առցանց թանգարանում: Բջջային հեռախոսների թանգարանը ստեղծվել է ոլորտի վերլուծաբան Բեն Վուդի կողմից, ով որպես հոբբի հավաքել էր հազարավոր հեռախոսներ:
«ՊՍԺ»-ի ղեկավարությունը դժգոհ է արդյունքներից և, ամենակարևորը, թիմի խաղից, ուստի ծրագրում է բաժանվել գլխավոր մարզիչ Մաուրիսիո Պոչետինոյից։ Արգենտինացի մարզչին, ամենայն հավանականությամբ, թույլ կտան աշխատել մինչև մրցաշրջանի ավարտը, որից հետո նա կհեռացվի: Փոխարինողի հիմնական թեկնածուն Զինեդին Զիդանն է։ 49-ամյա ֆրանսիացին նախկինում խոսել է հայրենի երկրում աշխատելու իր ցանկության մասին։
Աղբյուր՝ korrespondent.net
Կատակերգու Մաքսիմ Գալկինը «Bluff» շոուի ժամանակ պատմել է, թե ինչպես է երգիչ Նիկոլայ Բասկովը հարբածության պատճառով ուշացել երեք թռիչքից՝ երկուսը դեպի Մոսկվա, մեկը՝ ԱՄՆ:
Աղբյուր՝ gazeta.ru
Ավելի ու ավելի շատ երկրներ են խստացնում իրենց ճանապարհորդական սահմանափակումները՝ այս շաբաթվա սկզբին Հարավային Աֆրիկայում կորոնավիրուսի նոր տարբերակի հայտնաբերումից հետո: Գիտնականները դեռ շատ բան ունեն պարզելու այս տարբերակի մասին, սակայն կան մտավախություններ, որ այն կարող է լինել ամենավտանգավորը:
Աղբյուր՝ bbc.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
