Կարճ լուրեր
«Մանչեսթեր Յունայթեդի» հարձակվողը Չեմպիոնների լիգայի խմբային փուլի «Վիլյառեալի» դեմ խաղում (2-0) խփեց հաղթական գոլը։ Նա աչքի ընկավ հանդիպման 78-րդ րոպեին։ ՈՒԵՖԱ-ի Չեմպիոնների լիգայի 2021/22 մրցաշրջանում պորտուգալացին իր երրորդ հաղթական գոլը խփեց վերջին 15 րոպեների ընթացքում։ Սա մրցաշարի նոր ռեկորդ է (չհաշված լրացուցիչ ժամանակում ավարտված հանդիպումները):
Աղբյուր՝ sport-express.ru
Սիրիայի բանակը հայտնել է, որ իսրայելական ռազմական ինքնաթիռները չորեքշաբթի վաղ առավոտյան հարձակվել են երկրի կենտրոնական շրջանում գտնվող դիրքերի վրա, ինչի հետևանքով զոհվել է երկու խաղաղ բնակիչ, և յոթ մարդ վիրավորվել է, որոնցից վեցը զինվորներ են:
Աղբյուր՝ apnews.com
Իրակլի Ղարիբաշվիլին կարծում է, որ Ռուսաստանի Դաշնության ղեկավարության հետ անմիջական շփումների համար պայմաններ չկան. դա չպետք է լինի հանդիպում պարզապես հանդիպելու համար։
Աղբյուր՝ tass.ru
Ալբերտ Էյնշտեյնի համահեղինակած ձեռագիրը, որ բացառիկ հնարավորություն է՝ պատկերացում կազմելու լեգենդար ֆիզիկոսի մտքերի մասին, որոնք հանգեցրել են նրա հարաբերականության ընդհանուր տեսության ստեղծմանը, երեքշաբթի աճուրդում վաճառվել է 13,17 մլն դոլարով: «Քրիստիս» աճուրդի տունը ձեռագրի նախնական արժեքը գնահատել էր 2,25-3,38 մլն դոլար:
Աղբյուր՝ aljazeera.com
ԱՄՆ ֆինանսների նախարարությունը երեքշաբթի օրը պատժամիջոցներ է սահմանել Կիպրոսում գտնվող Transadria ընկերության և Ռուսաստանի դրոշով Marlin նավի նկատմամբ։
Աղբյուր՝ tass.ru
Իր հայրենի քաղաքի տեղական իշխանությունների տվյալներով՝ Ֆրանցիսկա Սուսանոն, ով համարվում է Ֆիլիպիններում և, հավանաբար, աշխարհում ապրող ամենատարեց մարդը, մահացել է երկուշաբթի՝ 124 տարեկանում։ Կաբանկալանի քաղաքային իշխանությունը հայտնել է, որ Լոլա Իսկան, ինչպես մտերմիկ դիմում էին Ֆրանցիսկային, մահացել է երեկոյան ժամը 18:45-ի սահմաններում: Սուսանոն ծնվել է 1897 թվականի սեպտեմբերի 11-ին:
Աղբյուր՝ cnn.ph
Երեքշաբթի օրը թուրքական լիրայի անկումից հետո ինքնաբուխ բողոքի ցույցեր են տեղի ունեցել Ստամբուլում և Անկարայում: Այս մասին հայտնել է Halk TV-ն։ Նշվում է, որ ցուցարարները կարգախոսներ են բղավել՝ պահանջելով կառավարության հրաժարականը և իշխող «Արդարություն եւ զարգացում» կուսակցության հեռացումը իշխանությունից։
Աղբյուր՝ ria.ru
Ամերիկացի դերասանուհի և պրոդյուսեր Սանդրա Բալոքը Esquire-ին տված հարցազրույցում ասել է, որ չի հանդիպում դերասան Կիանու Ռիվզի հետ, սակայն չի բացառում դրա հավանականությունը ապագայում։ Երկու հայտնիները վաղուց ընկերներ են, և այս ամբողջ ընթացքում խոսակցություններ էին պտտվում, որ նրանք կարող են սիրավեպ ունենալ, սակայն Բուլոքը հաղորդել է, որ դա ճիշտ չէ։
Աղբյուր՝ gazeta.ru
Ճապոնիայի պաշտպանության նախարարությունը համարել է, որ Չինաստանի ռազմաօդային ուժերի և Ռուսաստանի օդատիեզերական ուժերի համատեղ պարեկությունը Ասիա-խաղաղօվկիանոսյան տարածաշրջանում կարող է լինել «դեմոնստրացիա՝ ուղղված Ճապոնիայի դեմ»,- ասել է գերատեսչության ղեկավար Նոբուո Կիսին։
Աղբյուր՝ ria.ru
Վարչապետ Ժան Կաստեքսը, ով լիովին պատվաստված է, Բրյուսելում նախարարների հետ այցից Ֆրանսիա վերադառնալուց հետո պարզել է, որ վարակված է կորոնավիրուսով: Բելգիայից վերադառնալուց հետո Կաստեքսը իմացել է, որ իր 11-ամյա դստեր կորոնավիրուսի թեստը դրական է եղել, որից հետո նա ևս թեստ է հանձնել: Դրական արդյունքը հաստատվել է: Կաստեքսի բելգիացի 5 գործընկեր ստիպված է եղելինքնամեկուսանալ:
Աղբյուր՝ cnn.com
Միլոշ Զեմանը առաջարկել է չեխական զորքեր ուղարկել Բելառուսի հետ Լեհաստանի սահման, որոնց միջոցով անօրինական միգրանտները փորձում են մտնել Եվրամիության տարածք։ Զեմանն ընդգծել է, որ լեհ-բելառուսական սահմանը նաև Եվրամիության և ՆԱՏՕ-ի սահմանն է։
Աղբյուր՝ tass.ru
Ավստրիական ORF հեռուստաալիքը հայտարարել է վիճակահանություն, որին կարող են մասնակցել 18 տարեկանից բարձր անձինք, ովքեր ապրում են Ավստրիայում և պատվաստվել են կամ մտադիր են պատվաստվել COVID-19-ի դեմ՝ հոկտեմբերի 1-ից դեկտեմբերի 20-ը ընկած ժամանակահատվածում։ Մրցանակները ներառում են հավաքովի տուն և էլեկտրամոբիլ: Ընդհանուր առմամբ խաղարկվում է մոտ հազար մրցանակ։
Աղբյուր՝ dw.com
Երկուշաբթի Կումբրե Վիեխա հրաբխի ժայթքման պատճառով երեք ափամերձ քաղաքների բնակիչներին արգելել են դուրս գալ փողոց, քանի որ լավայի նոր հոսքը հասել է օվկիանոս։
Աղբյուր՝ reuters.com
Բրիտանացի գրող և Հարրի Փոթերի մասին վեպերի հեղինակ Ջոան Ռոուլինգը բողոքել է, որ սկսել էմահվան սպառնալիքներ է ստանալ՝ իր տան հասցեի հրապարակվելուց հետո: Այս մասին նա հայտնել է Twitter-ում։ Նախկինում տրանսգենդեր ակտիվիստներ Հոլլի Սթարսը, Ռիչարդ Էներջին և Ջորջիա Ֆրոստը համացանցում լուսանկար էին հրապարակել Ռոուլինգի տան դիմաց: Լուսանկարն արվել է այնպես, որ ընթեռնելի երևում է հասցեի ցուցանակը։
Աղբյուր՝ kulturomania.ru
Հարաբերականության տեսության վերաբերյալ Ալբերտ Էյնշտեյնի ձեռագիր գրառումները երեքշաբթի օրը աճուրդի են դրվել Փարիզում: «Քրիստիս»-ն ակնկալում է, որ լոտի արժեքը կկազմի 2,3-3,4 միլիոն դոլար: 54 էջանոց փաստաթուղթը գրվել է 1913 և 1914 թվականներին Շվեյցարիայի Ցյուրիխ քաղաքում Էյնշտեյնի և նրա գործընկեր ու մտերիմ, շվեյցարացի ինժեներ Միշել Բեսոյի կողմից:
Աղբյուր՝ france24.com
Թուրքիան մտադիր է մինչև տարեվերջ 3-ից 10 տարի ժամկետով գազային նոր պայմանագրեր կնքել Ռուսաստանի Դաշնության հետ:Այդ մասին հայտարարել է երկրի էներգետիկայի նախարարության ղեկավար Ֆաթիհ Դոնմեզը։
Աղբյուր՝ ria.ru
Հնդկական տեխնոլոգիական կենտրոն Բանգալորում ջրհեղեղ է՝ հորդառատ անձրևների հետևանքով, որոնք վերջին մի քանի շաբաթվա ընթացքում բազմաթիվ մարդկանց կյանք են խլել երկրի հարավում: Երեք օր կատաղի անձրևներից, ճանապարհները ջրի տակ են անցել, քաղաքի շուրջ տեղ-տեղ լճերը են գոյացել: Ըստ տեղական ԶԼՄ-ների՝ առնվազն 30 մարդ է զոհվել վերջին օրերին երկրի հարավում տեղի ունեցած հեղեղումների հետևանքով:
Աղբյուր՝ france24.com
Ամերիկացի դերասանուհի Ջենիֆեր Լոուրենսը «Vanity Fair»-ին տված հարցազրույցում պատմել է, թե ինչպես է մահից պրծել 2017 թվականին՝ Լուիսվիլից Նյու Յորք թռիչքի ժամանակ։ Արդեն օդում ուղևորները բարձր ձայն են լսել։ Պարզվել է, որ ինքնաթիռի շարժիչներից մեկը անսարք է։ «Իմ կմախքն այն ամենն էր, ինչ մնացել էր նստարանին: Քիչ էր մնում մեռնեինք։ Ես սկսեցի մտովի հաղորդագրություններ ուղարկել ընտանիքիս. «Ես հիանալի կյանք եմ ունեցել, կներեք ինձ»,- հիշում է Լոուրենսը:
Աղբյուր՝ gazeta.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
