Կարճ լուրեր
Հարավչինական ծովի շուրջ հակամարտությունն ուժեղանալու ֆոնին Չինաստանի առաջնորդ Սի Ցզինպինը հայտարարել է, որ իր երկիրը չի ձգտի գերիշխանության Հարավարևելյան Ասիայում և չի ճնշի իր փոքր հարևաններին:
Աղբյուր՝ aljazeera.com
«Հովեր» պետական կամերային երգչախումբը հանդես կգա համերգով՝ նվիրված Երևանի պետական կոնսերվատորիայի 100-ամյակին։ Երեկոյի բոլոր ստեղծագործությունները կատարվելու են առաջին անգամ: Համերգը կմեկնարկի դեկտեմբերի 3-ին՝ ժամը 19:00-ին:
Աղբյուր՝ toms.am
Ֆուտբոլի ֆրանսիացի մարզիչ Զինեդին Զիդանը մերժել է «Մանչեսթեր Յունայթեդի» ղեկավարությանը, երբ նրան առաջարկվել են գլխավորել թիմը։ «Ռեալի» նախկին մարզիչն իր որոշումը պատճառաբանել է կնոջ՝ Անգլիա տեղափոխվել չցանկանալով։ Բացի այդ, 49-ամյա մասնագետն այս որոշումը կայացրել է նաև լեզվական արգելքի պատճառով։ Զիդանը կարծում է, որ իր անգլերենի մակարդակը բավարար չէ Անգլիայում աշխատելու համար:
Աղբյուր՝ vesti.ru
Ամերիկացի Էշլի Անտիվերսոյին վռնդել են եկեղեցուց, երբ նա ծխականների համար համեմ է բերել, իսկ եկեղեցու այցելուները մտածել են, որ դա մարիխուանա է: Անտիվերսոյի խոքով՝ նա ցանկացել է բոլորի համար պատրաստել ֆիլիպինյան «մենուդո» ապուր, որի մեջ համեմ է օգտագործվում, սակայն ծխականները չեն հավատացել իրեն և դուրս վռնդեցին՝ մտածելով, որ կանաչին իրականում թմրանյութ է:
Աղբյուր՝ gazeta.ru
Նոյեմբերի 15-ից 19-ն ընկած ժամանակահատվածում բնակչությունը հիմնականում դիմել է վարկային պարտավորությունների կատարման ապահովմանը, նոր վարկերի տրամադրմանը, բռնի տեղահանված անձանց բնակարանային խնդիրների լուծմանը վերաբերող հարցերով: Բացթողնված զանգերին պատասխանելու և հարցերի ճշտման նպատակով թեժ գծի աշխատակիցները կատարել են 78 հետզանգ:
Աղբյուր՝ Արցախի նախագահի աշխատակազմ
BTS-ը դարձավ կիրակի օրը կայացած American Music Awards-ի գլխավոր հաղթողը՝ շոուում իր առաջին ելույթից ընդամենը չորս տարի անց: Իր դրական, ոգևորող երաժշտությամբ հայտնի խումբը հրաշք է անվանել «Տարվա արտիստ» անվանակարգում իր հաղթանակը: Նրանք նաև ճանաչվել են «Լավագույն փոփ խումբ» և հաղթել «Լավագույն փոփ երգ» անվանակարգում՝ իրենց ամառային «Butter» հիթի համար:
Աղբյուր՝ nbcnews.com
Գերմանիայի ներկայացուցիչ Ալեքսանդր Զվերևը փայլուն ելույթով նվաճեց Պրոֆեսիոնալ թենիսիստների ասոցիացիայի տարվա ամփոփիչ առաջնության հաղթողի կոչումը։ Կիրակի Տոկիոյի Օլիմպիական խաղերի չեմպիոնը Թուրինում կայացած եզրափակիչում 6-4, 6-4 հաշվով հաղթեց աշխարհի երկրորդ ռակետ Դանիիլ Մեդվեդևին:
Աղբյուր՝ france24.com
Չինաստանի հարավ-արևմուտքում՝ Յուննան նահանգի անտառածածկ լեռնաշղթայում, ՉԺՀ-ի երկրաբանական հետախուզական գրասենյակի արշավախմբի չորս անհետ կորած անդամներին մահացած են գտել։ Այս մասին նոյեմբերի 22-ին հայտնել է Սինհուա լրատվական գործակալությունը: Երկրաբաններն անհետացել են նոյեմբերի 15-ին: Որոնողական աշխատանքներին մասնակցել է մոտ 3 հազար մարդ։
Աղբյուր՝ korrespondent.net
Համավարակի պայմաններում այլատյացության նոր հիմք է առաջացել, քանի որ ի հայտ է եկել հակապատվաստումային նոր փոքրամասնություն, որի հետ անհրաժեշտ կլինի բանակցություններ վարել: Այս մասին հատարարել է Ռուսաստանի հրեական կոնգրեսի (ՌՀՎ) նախագահ Յուրի Կանները։
Աղբյուր՝ ria.ru
Ոգևորված հաղթանակով այն բանից հետո, երբ վարչապետ Նարենդրա Մոդին ենթարկվեց գյուղատնտեսության բարեփոխումների օրենքները չեղյալ հայտարարելու պահանջներին, հնդիկ ֆերմերները երկուշաբթի զանգվածային հանրահավաք սկսեցին՝ պահանջելով նվազագույն գների աջակցությունը տարածել ոչ միայն բրնձի և ցորենի, այլև բոլոր ապրանքների վրա: Հազարավոր մարդիկ են հավաքվել վերջին հանրահավաքի Լաքնաուում՝ Հնդկաստանի ամենաբնակեցված Ուտար Պրադեշ նահանգի մայրաքաղաքում:
Աղբյուր՝ reuters.com
Julien Auctions-ի տվյալներով՝ Էրիկ Կլեպտոնի վինտաժային կիթառը 625.000 դոլարով վաճառվել է Նյու Յորքում կայացած ռոքի հուշանվերների աճուրդում, որի ընդհանուր իրերի վաճառքը կազմել է մոտ 5 միլիոն դոլար: Շաբաթ օրը «Hard Rock Cafe»-ում վաճառված 1968 թվականի Martin D-45 ակուստիկ գործիքով Կլեպտոնը նվագել է 1970 թվականին՝ իր Derek and the Dominos խմբի հետ համերգի ժամանակ:
Աղբյուր՝ france24.com
Արարողությունն անցկացվել է Մեծ Վինձորի այգում, մարդկանց նեղ շրջանակի համար: Մկրտությունը կազմակերպվել էր արքայադուստր Եվգենյայի որդու՝ Ավգուստ Ֆիլիպի և Զարա Թինդալի որդու՝ Լուկաս Ֆիլիպի համար: Սկզբում հաղորդվում էր, որ թագուհին ստիպված է եղել հրաժարվել միջոցառումից, սակայն, ի վերջո, նրան նկատել են եկեղեցի գնալու ճանապարհին: Որոշումը հետաձգվել է բառացիորեն մինչև վերջին րոպեն:
Աղբյուր՝ gazeta.ru
Ռուսաստանի նախագահ Վլադիմիր Պուտինը պատրաստակամություն է հայտնել որպես կամավոր մասնակցել՝ կորոնավիրուսի դեմ քթի կաթիլներով պատվաստանյութի փորձարկմանը, որը մշակվում է Գամալեյայի անվան համաճարակաբանության և մանրէաբանության կենտրոնում:
Աղբյուր՝ ria.ru
«Մանչեսթեր Յունայթեդը» պաշտոնանկ է արել գլխավոր մարզիչ Օլե Գունար Սուլշերին շաբաթ օրը «Ուոթֆորդից» կրած պարտությունից հետո (4:1): Ակումբը Պրեմիեր լիգայի վերջին յոթ հանդիպումներից միայն մեկում է հաղթել և զբաղեցնում է աղյուսակի յոթերորդ հորիզոնականը՝ առաջատար «Չելսիին» զիջելով 12 միավորով:
Աղբյուր՝ bbc.com
Թենիսիստուհի Պեն Շուայը կիրակի օրը տեսազանգի ժամանակ ասել է, որ ինքն ապահով է և լավ, հայտնում է Միջազգային օլիմպիական կոմիտեն: ՄՕԿ-ի հայտարարության մեջ ասվում է,որ նախագահ Թոմաս Բախը 30 րոպե խոսել է Պենի հետ: 35-ամյա Պենը մոտ երեք շաբաթով անհետացել էր հանրության տեսադաշտից այն բանից հետո, երբ նա սեռական ոտնձգության մեղադրանքներ էր ներկայացրել չինացի բարձրաստիճան նախարարի դեմ:
Աղբյուր՝ bbc.com
Երկարատև հիվանդությունից հետո՝ նոյեմբերի 21-ին, 76 տարեկան հասակում կյանքից հեռացել է Ռուսաստանի ժողովրդական արտիստուհի Նինա Ռուսլանովան։
Աղբյուր՝ ria.ru
Իրանի հարավ-արևմուտքում գտնվող «Մասջեդ Սոլեյման» (Masjed Soleiman) նավթագազային ընկերությունը հայտնել է, որ կիրակի առավոտյան հրդեհ է բռնկվել ընկերության նյութատեխնիկական և մեքենաշինական պահեստում, այն մեկուսացվել է մինչև կեսօր: Միջադեպը հետաքննվում է, պատճառների և հնարավոր զոհերի մասին տեղեկություններ չկան։ Մասջեդ Սոլեյմանը շրջան է Իրանի հարավ-արևմուտքում գտնվող նավթով հարուստ Խուզեստան նահանգում:
Աղբյուր՝ irna.ir
Ամերիկացի դերասանուհի Սալմա Հայեկը աստղի է արժանացել Հոլիվուդի Փառքի ծառուղում։ Այս մասին հաղորդում է People-ը: Արարողությանը ներկա են եղել Ադամ Սենդլերը, Քլոե Չժաոն, Կումէիլ Նանջիանին։ Հայեկը նկարահանվել է ավելի քան 30 ֆիլմերում։ Նա դարձել է առաջին մեքսիկուհին, ով առաջադրվել է «Օսկար» մրցանակի լավագույն դերասանուհի անվանակարգում՝ «Ֆրիդա»-ի դերի համար:
Աղբյուր՝ kulturomania.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
