Կարճ լուրեր
Ահաբեկիչները ծրագրել էին գրոհել Միացյալ օպերատիվ հրամանատարության շտաբի ստորաբաժանումները։
Աղբյուր՝ tass.ru
Մեքսիկայի Գվադալախարա քաղաքում անցկացված WTA Finals-ի եզրափակիչ մրցախաղում չորեքշաբթի Գարբինե Մուգուրուսան 6-3, 7-5 հաշվով հաղթեց Անետ Կոնտավեյտին և դարձավ առաջին իսպանացին, ով նվաճել է Կանանց թենիսի ասոցիացիայի տարվա ամփոփիչ առաջնության տիտղոսը։
Աղբյուր՝ france24.com
ՌԴ տարածքային Քննչական կոմիտեն քրեական գործ է հարուցել Պերմի հինգ բնակիչների՝ ալկոհոլային թունավորումից մահանալուց հետո: Գերատեսչության տվյալներով՝ նոյեմբերի 17-ին Պերմի Ձերժինսկի թաղամասի տներից մեկի բնակարանում մահացել է 1963 թվականին ծնված տղամարդ։ Նույն օրը հիվանդանոցում մահացել են նրա 1962 թ.-ին ծնված կինը՝ և 1982 թ.-ին ծնված դուստրը։ Բացի այդ, զոհվել են զոհերի հարևանները՝ մի կին և մի տղամարդ։
Աղբյուր՝ ria.ru
Եղջյուրներով, մորթե գլխարկը, ձեռքին եղած նիզակը և նախշերը՝ մերկ կրծքին. այս խորհրդանիշները Ջեյքոբ Չենսլիին դարձրին ամենաճանաչվածը՝ հունվարի 6-ին Կապիտոլիում ներխուժածների մեջ: Նրա պատվին նույնիսկ տիկնիկ են պատրաստել, որը կնքվել է Կապիտոլիումի խռովության դեմք։ Չենսլին դատապարտվեց երեք տարի հինգ ամիս ազատազրկման։
Աղբյուր՝ vesti.ru
Գերմանիայի հյուսիսում գտնվող Գյուսթրու քաղաքի մոտ խոզաբուծական ֆերման չորեքշաբթի օրը սկսեց ոչնչացնել իր բոլոր 4000 կենդանիներին այն բանից հետո, երբ այնտեղ խոզերի աֆրիկյան ժանտախտի դեպք հաստատվեց: Խոզերի աֆրիկյան ժանտախտը սովորաբար մահացու է խոզերի համար, բայց վտանգավոր չէ մարդկանց համար:
Աղբյուր՝ euronews.com
Ֆիլիպինները հայտարարել է, որ Չինաստանի առափնյա պահպանության երեք նավեր արգելափակել և ջրցան սարքերով կրակել են մատակարարման ֆիլիպինական երկու նավակների վրա՝ վիճելի Հարավչինական ծովում երկրի բացառիկ տնտեսական գոտում (EEZ): Արտաքին գործերի նախարար Թեոդորո Լոչինն հայտնել է, որ միջադեպը տեղի է ունեցել նոյեմբերի 16-ին, և ֆիլիպինական նավերը, որոնք սնունդ էին մատակարարում մոտակայքում տեղակայված զինվորականներին, ստիպված են եղել դադարեցնել առաքելությունը:
Աղբյուր՝ aljazeera.com
Նոյեմբերի 17-ին Պրահայի Հին քաղաքի հրապարակում բողոքի ցույց է անցկացվել՝ ընդդեմ կորոնավիրուսի համավարակի հետ կապված կառավարության միջոցառումների։ Ոստիկանության տվյալներով՝ ցույցին մասնակցել է մոտ 10 հազար մարդ։
Աղբյուր՝ eadaily.com
Իրավապահների փոխանցմամբ՝ 36-ամյա ռեփերին կրակել և սպանել են հայրենի Մեմֆիս քաղաքում գտնվող սիրելի թխվածքաբլիթների խանութում:
Աղբյուր՝ apnews.com
Կորոնավիրուսից մահացության և վարակման ընդհանուր մակարդակը կարող է հասնել սեզոնային գրիպի միջին ցուցանիշին մինչև հաջորդ տարվա կեսերը պայմանով, եթե նոր՝ ավելի վտանգավոր, տարբերակներ չհայտնվեն։ Microsoft-ի հիմնադիրը նման կարծիք է հայտնել հինգշաբթի Սինգապուրում հիբրիդային ձևաչափով անցկացված «Նոր տնտեսական ֆորումում», որը կազմակերպել է գործարար Մայքլ Բլումբերգը։
Աղբյուր՝ tass.ru
Novavax-ի Nuvaxovid-ը կարող է լինել ԵՄ կողմից հաստատված առաջին պատվաստանյութը՝ ստեղծված ապաակտիվացված կորոնավիրուսի հիմքով:
Աղբյուր՝ dw.com
Կանադայում զինվորականներ են տեղակայվում՝ կիրակի գիշերը պատուհասած փոթորկի հետևանքով արգելափակված հազարավոր բնակիչներին օգնելու համար: Վարչապետ Ջասթին Թրյուդոն օգնություն է խոստացել Վաշինգտոն կատարած այցի ժամանակ և ասել, որ զորքերը կօգնեն վերակառուցմանը: Մեկ կին զոհվել է սողանքի հետևանքով, երկու մարդ անհետ կորած է:
Աղբյուր՝ bbc.com
Նիգերիայի Լագոս քաղաքում չորեքշաբթի՝ նոյեմբերի 17-ին, նոր շենքի փլուզման հետևանքով չորս մարդ է զոհվել, հինգը՝ վիրավորվել։ Միջադեպը տեղի է ունեցել Լագոսի մեկ այլ հատվածում կառուցվող 25-հարկանի շենքի փլուզումից երկու շաբաթ անց։ Այդ ողբերգության ժամանակ ավելի քան 40 մարդ էր զոհվել։
Աղբյուր՝ vesti.ru
Իլոն Մասկը չորեքշաբթի հայտնել է, որ Starship-ը, որը նախագծվել է SpaceX ընկերության կողմից և ընտրվել ՆԱՍԱ-ի կողմից՝ ամերիկացիներին Լուսին վերադարձնելու համար, իր առաջին ուղեծրային թռիչքը կիրականացնի հաջորդ տարվա սկզբին:
Աղբյուր՝ france24.com
Պերուի հյուսիսում հայտնաբերվել է Նոր աշխարհի ամենահին շինությունը՝ պատրաստված հում աղյուսից։ Լոս Մորտերոս բլրի ներսում թաքնված 5100 տարվա աղյուսե պատերը հայտնաբերել է հնագետների խումբը՝ Պերուի Պապական կաթոլիկ համալսարանից Անա Սեսիլիա Մաուրիսիոյի գլխավորությամբ:
Աղբյուր՝ gazeta.ru
Չորեքշաբթի օրը թուրքական ոստիկանությունը ձերբակալել է սիրիացի հայտնի երգիչ Օմար Սուլեյմանին և հարցաքննել նրան՝ արգելված քուրդ զինյալների հետ ենթադրյալ կապերի մասին: Այս մասին Ֆրանսպրեսին ասել է նրա մենեջերը: Սուլեյմանը հարցաքննության է ենթարկվել Թուրքիայի հարավային Սանլիուրֆա քաղաքում, որտեղ նա հացի արտադրությամբ է զբաղվում 2011 թվականից՝ Սիրիայի տասնամյա քաղաքացիական պատերազմից փրկվելուց հետո:
Աղբյուր՝ france24.com
Թուրքիայի արեւմուտքում գտնվող Դյուզջե քաղաքում նոյեմբերի 17-ին 5 բալ ուժգնությամբ երկրաշարժ է տեղի ունեցել։ Ստորգետնյա ցնցումները զգացվել են երկրաշարժի էպիկենտրոնից ավելի քան 200 կմ հեռավորության վրա գտնվող Ստամբուլում, ինչպես նաև մոտակա այլ քաղաքներում։
Աղբյուր՝ korrespondent.net
Պաշտպանության նախարարությունը հայտնել է, որ բրիտանական F-35 կործանիչն ընկել է Միջերկրական ծովը պլանային գործողության ժամանակ: Պաշտպանության նախարարությունը հավելել է, որ օդաչուն ցած է նետվել և ապահով վերադարձել Թագավորական նավատորմի «Queen Elizabeth» ավիակիր: Սկսվել է հետաքննություն:
Աղբյուր՝ bbc.com
Բելառուսի պատգամավորները հայտարարություն են ընդունել, որով կոչ են անում Եվրամիությանը մարդասիրական միջանցք բացել՝ Արևելքի և Աֆրիկայի երկրներից բելառուսական տարածքում կուտակված և ԵՄ հասնել ցանկացող միգրանտների համար։
Աղբյուր՝ ria.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
