Կարճ լուրեր
Lexus-ը կոմպակտ քրոսովեր է մշակում: Այդ մասին պարզել է ճապոնական BestCarWeb պորտալը և հրապարակել մոդելի ռենդերը։ Ակնկալվում է, որ փոքր հինգդռնանի Lexus քրոսովերը կհամեմատվի Toyota-ի՝ եվրոպական շուկայում ամենակոմպակտ և մատչելի Aygo X մոդելի հետ, որը ներկայացվել է նոյեմբերի սկզբին: Lexus-ի նորույթի երկարությունը կկազմի 4 մետրից ոչ ավելի։
Աղբյուր՝ gazeta.ru
«Մանչեսթեր Յունայթեդի» աշխատավարձի ֆոնդը աճել է 23 տոկոսով այն ժամանակահատվածում, երբ նրանք վերստին պայմանագիր կնքեցին Կրիշտիանու Ռոնալդուի հետ, չորեքշաբթի ցույց է տվել ակումբի ֆինանսական արդյունքների վերջին փաթեթը:
Աղբյուր՝ france24.com
Երկու ամերիկացի զբոսաշրջիկներ տուգանվել են Կոլիզեյում ներխուժելու համար, որոնք, ըստ տեղեկությունների, ցանկացել էին զգալ հին հռոմեական ամֆիթատրոնում գարեջուր խմելու հաճույքը: 24 և 25 տարեկան զույգը երկուշաբթի վաղ առավոտյան բարձրացել էր հուշարձանի երկրորդ հարկ: Նրանց նկատել էին առավոտյան՝ մոտ 5.30-ին, և ոստիկանություն ահազանգել:
Աղբյուր՝ theguardian.com
GQ-ի տարվա մարդիկ են դարձել դերասան Թոմ Հոլանդը, երաժիշտ Լիլ Նաս Էքսը և բասկետբոլիստ Յաննիս Ադետոկումբոն։ Այդ մասին տեղեկացնում է պարբերականի կայքը։ Ըստ ամսագրի՝ հաղթողները մեկ ընդհանրություն ունեն՝ քաջությունը։
Աղբյուր՝ kulturomania.ru
Մադրիդյան ակումբը հույս ունի խաղացողին ձեռք բերել զեղչված գնով, քանի որ կիսապաշտպանը չի ընդգրկվի «Մանչեսթեր Յունայթեդի» հիմնական կազմում:
Աղբյուր՝ sport-express.ru
Ֆրանսիայի կառավարությունը ներկայացրել է անչափահասների մարմնավաճառության դեմ պայքարի ծրագիր՝ այն որակելով «մտահոգիչ» և «աճող» խնդիր: Երեխաների հարցերով պետքարտուղար Ադրիեն Տաքեն երեքշաբթի մամուլի ասուլիսում հայտնել է, որ տուժել է առնվազն 7000-10000 երեխա՝ նշելով, որ այդ թիվը «անընդհատ աճում է»։
Աղբյուր՝ euronews.com
բանակցություններ վարել Պարթենոնի մարմարյա քանդակների շուրջ: Բորիս Ջոնսոնը երեքշաբթի իր հույն գործընկեր Կիրիակոս Միցոտակիսին ասել է, որ քանդակների հարցը վերաբերում է Բրիտանական թանգարանին, ոչ թե իր կառավարությանը։
Աղբյուր՝ reuters.com
ԱՄՆ-ի բնակիչը հրաշքով փրկվել է՝ գնացքի հետ վթարի ենթարկվելուց հետո: Ալեքսանդր Էվանսը մեքենայով հատել է երկաթուղու գծերը, սակայն չի նկատել եկող գնացքը, որից իր մեքենան երկու կեսի է բաժանվել։ Դեպքը տեղի է ունեցել տղամարդու ծննդյան օրը՝ նոյեմբերի 10-ին:
Աղբյուր՝ gazeta.ru
«Salvator Mundi»-ն, որը 2017 թ.-ին «Քրիսթիս» աճուրդի տանը վաճառվել էր 450 միլիոն դոլարով՝ որպես Լեոնարդո դա Վինչիի՝ իսկությունը լիովին հաստատված կտավ, Իսպանիայի Մադրիդի Պրադո ազգային թանգարանի համադրողների կողմից արժեքային անկման է ենթարվել: Վարկանիշի իջեցումը տեղի է ունենում Պրադոյի «Լեոնարդոն և Մոնա Լիզայի պատճենը» ցուցահանդեսի կատալոգում: Ցուցահանդեսը կգործի մինչև 2022 թվականի հունվարի 23-ը:
Աղբյուր՝ cnn.com
Դելիի շրջանի օդի որակի ազգային մայրաքաղաքային հանձնաժողովը որը ներառում է Նյու Դելին, զգուշացրել է, որ սահմանափակումները կերկարաձգվեն օդի վիճակի վատթարացման պատճառով: Դելիի և հարակից բնակավայրերի բոլոր դպրոցներն ու քոլեջները հեռավար կաշխատեն մինչ հաջորդ ծանուցումը՝ կախված քաղաքի մթնոլորտի վիճակից:
Աղբյուր՝ gazeta.ru
Պրահայում 98 տարեկան հասակում մահացել է Հայրենական մեծ պատերազմի վետերան, նացիստների հետ մարտերի մասնակից, մշտապես Չեխիայում բնակվող ամենատարեց ռուս Անատոլի Անդրեևը։
Աղբյուր՝ vesti.ru
Ռուսաստանից գնված S-400 զենիթահրթիռային համակարգերը կօգտագործվեն «ճիշտ տեղում և ճիշտ ժամանակին», հայտարարել է Թուրքիայի պաշտպանության նախարար Հուլուսի Աքարը։ Նա հավելել է, որ Անկարան բազմիցս հայտարարել է իր պատրաստակամության մասին պարզաբանել ԱՄՆ-ի պահանջների «անհիմն լինելը» S-400-ի վերաբերյալ, որոնք պաշտպանական համակարգեր են և Թուրքիայի կողմից կկիրառվեն այնպես, ինչպես ՆԱՏՕ-ի այլ երկրների հետ սպասարկվող S-300 համակարգերը։
Աղբյուր՝ ria.ru
Դեսպան Բահաա Էլ Դին Բահգատին փոխանցել է իր երկրի պատրաստակամությունը նաև իրավական ոլորտում հարաբերությունների ընդլայնման հարցում՝ նշելով, որ իրենք պատրաստ են քննարկելու՝ հայ-եգիպտական բազմավեկտոր օրակարգը նաև այս ուղղությամբ հարստացնելու առաջարկները: Քննարկվել են առաջիկայում Կոռուպցիայի դեմ պայքարի կոնվենցիայի անդամ երկրների համաժողովի 9-րդ նստաշրջանին ՀՀ գլխավոր դատախազի գլխավորած պատվիրակության այցի կազմակերպմանն առնչվող և այլ հարցեր:
Աղբյուր՝ ՀՀ Դատախազություն
Սիրիայի նախագահ Բաշար ալ-Ասադը հրամանագիր է արձակել, որով փաստացի պաշտոնանկ է արվում Սիրիայի գերագույն մուֆթի Ահմադ Հասունին՝ Սիրիայում իսլամական բարձրագույն իշխանությունը: Որոշմանը պատչառաբանում չի տրվել:
Աղբյուր՝ aljazeera.com
Ընդդիմադիր «Միացյալ ազգային շարժման» անդամ Խատիա Դեկանոիձեն, քաղաքական գործչի հետ հանդիպումից հետո, ասել է, որ Վրաստանի նախկին նախագահ Միխայիլ Սաակաշվիլին հացադուլի պատճառով շատ թույլ է, դեմքի գույնը դեղնել է, սկսել է դժվար խոսել:
Աղբյուր՝ ria.ru
Դիարբեքիրի դատարանը քուրդ ուսուցչուհի Բաշաք Դեմիրթաշին դատապարտել է երկուսուկես տարվա ազատազրկման՝ բժշկական արձանագրության մեջ ամսաթվի սխալի պատճառով «կեղծ բժշկական տեղեկատվություն տրամադրելու» համար։ Նշվում է, որ Դեմիրթաշին բավարարել էր դպրոցում չվճարվող արձակուրդ տրամադրելու դիմումը։ Սակայն բժիշկը պատահաբար շփոթել էր ժամկետները և 2015 թվականի դեկտեմբերի 11-ի փոխարեն գրել էր դեկտեմբերի 14։
Աղբյուր՝ gazeta.ru
Սան Մարինոն, որը պաշտոնապես աշխարհի ամենացածր վարկանիշ ունեցող ֆուտբոլային երկիրն է, երկուշաբթի օրը Աշխարհի առաջնության ընտրական խաղում 10-0 հաշվով ջախջախիչ պարտություն է կրել Անգլիայի թիմից:
Աղբյուր՝ cnn.com
Մեքսիկայի անվտանգության ուժերը ձերբակալել են «Էլ Մենչոյի»՝ Մեքսիկայի ամենափնտրվող մարդու և վտանգավոր Jalisco New Generation կարտելի (CJNG) առաջնորդի կնոջը: Ռոզալինդա Գոնսալեսը կասկածվում է CJNG-ի ֆինանսները ղեկավարելու մեջ: Մեքսիկայի պաշտպանության նախարարությունը հայտնել է, որ նա ձերբակալվել է Սապոպանում՝ նույն քաղաքում, որտեղ նրան կալանավորել էին 2018 թվականին:
Աղբյուր՝ bbc.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
