Կարճ լուրեր
Կոլումբիայում մի ամբողջ քաղաք ավերած հրաբուխը, որի հետևանքով զոհվել էր մոտ 25,000 մարդ, այս շաբաթավերջին՝ ավերիչ ժայթքման 36-րդ տարելիցին մոխիր և գազ է արտանետել: Կոլումբիայի երկրաբանական ծառայությունը հայտնել է, որ Նևադո դել Ռուիզ հրաբուխը «նկատելի» ակտիվություն է ցուցաբերել շաբաթ օրվանից։
Աղբյուր՝ france24.com
Դատախազությունը հայտնել է, որ առնվազն 68 բանտարկյալ է սպանվել, ևս 25-ը վիրավորվել են Litoral Penitentiary-ում՝ ծովափնյա Գուայակիլ քաղաքում գտնվող ամենամեծ բանտերից մեկում, շաբաթ օրը տեղի ունեցած բախումների ժամանակ:
Աղբյուր՝ cnn.com
Հինգերորդ մասի պրեմիերան կկայանա 2023 թվականին։ «Մահացու զենք»-ի չորս մասերը թողարկվել են 1989-1998 թվականներին: Բոլոր ֆիլմերը նկարահանվել են Ռիչարդ Դոնների կողմից։ Ըստ լրատվամիջոցների, Դոներն ինքն է խնդրել Գիբսոնին, որպեսզի նկարահանի վերջին ֆիլմը, եթե ինքը չկարողանա։ Ռեժիսորը մահացել է 2021 թվականի հուլիսի 5-ին՝ 92 տարեկան հասակում։
Աղբյուր՝ kulturomania.ru
Գրողը մահացել է Քեյփթաունի իր տանը շաբաթ օրը՝ 88 տարեկան հասակում: Այդ մասին հայտարարել է նրա հրատարակիչը։ Հեղինակի 49 հրատարակված գրքերն ամբողջ աշխարհում վաճառվել են ավելի քան 140 միլիոն օրինակով: Նա լայն ճանաչում ձեռք բերեց 1964 թվականին իր դեբյուտային «Երբ տոնում են առյուծները» վեպի հրատարակումից հետո։
Աղբյուր՝ bbc.com
Կառլուս Պազի անվան ավտոարշավարանում Բրազիլիայի Գրան պրիի ժամանակ հաղթեց բրիտանացի ավտոարշավորդ Լյուիս Հեմիլթոնը: Երկրորդ տեղը զբաղեցրեց շաբաթ օրվա որակավորման հաղթող, հոլանդացի Մաքս Ֆերստապենը:
Աղբյուր՝ vesti.ru
Լիբիայի նախկին առաջնորդ Մուամմար Քադդաֆիի որդին՝ Սեյֆ ալ Իսլամ Քադդաֆին, նախագահի թեկնածություն է առաջադրել դեկտեմբերի 24-ին կայանալիք ընտրություններին: Այս մասին հայտնում է երկրի Ընտրական հանձնաժողովը։
Աղբյուր՝ aljazeera.com
Տոնավաճառը տեղի կունենա 2021թ. դեկտեմբերի 12-ին՝ կիրակի, 10:00-ից մինչեւ 20:00-ը, «Դվին» համերգասրահում: Ստացված ամբողջ հասույթն ուղղվելու է աշխարհի տարբեր անկյուններում դժվարին պայմաններում հայտնված մարդկանց կյանքը բարեփոխելու ծրագրերին, որոնք տառապում են հակամարտությունների, մարդկության դեմ իրագործվող հանցագործությունների կամ մարդու իրավունքների այլ լուրջ խախտումների հետեւանքով: Տոնավաճառին տաղավար ունենալու համար՝ կապ հաստատել մինչեւ 2021 թ. նոյեմբերի 23-ը:
Աղբյուր՝ «Ավրորա» մարդասիրական նախաձեռնության Հանրային կապերի բաժին
Երկրի վրա կյանքի գլխավոր բնական սպառնալիքը գերհրաբուխն է: Այս մասին ասել է դանիացի գիտական լրագրող Լարս Հենրիկ Օգորն իր «Աղետների մեծ չար գիրքը» աշխատության մեջ: Գրքում Օգորը պատմել է հրաբխի ժայթքման մասին, որը տեղի է ունեցել մոտ 75 հազար տարի առաջ Սումատրա կղզում։ Հսկայական տարածքներ ծածկվել են լավայի, մրի և մոխրի շերտով մինչև 400 մետր խորությամբ։
Աղբյուր՝ gazeta.ru
«Արսենալը» պատրաստ է դիտարկել հարձակվող Նիկոլյա Պեպեին վաճառելու առաջարկները։ Պեպեն դեռևս մնում է ռեկորդային ձեռքբերում «Արսենալի» պատմության մեջ. 2019 թվականի օգոստոսին «զինագործները» Նիկոլային ձեռք բերեցին «Լիլից» 72 միլիոն ֆունտով: Ընթացիկ մրցաշրջանում 26-ամյա Պեպեն մեկնարկային կազմում անցկացրել է ընդամենը 5 հանդիպում և ոչ մի գոլ չի խփել։
Աղբյուր՝ sport-express.ru
Մեծ Բրիտանիայի զինված ուժերի հեռացող ղեկավարն ասել է, որ Արևելյան Եվրոպայում վերջին լարվածությունից հետո զինվորականները պետք է պատրաստ լինեն Ռուսաստանի հետ պատերազմի, սակայն նա չի հավատում, որ Վլադիմիր Պուտինն իսկապես ցանկանում է «թեժ պատերազմ» Արևմուտքի հետ: Նիք Քարթերն ասել է, որ Ռուսաստանը դարձել է ավելի մեծ սպառնալիք Արևելյան Եվրոպայում, բայց չի կարծում, որ այն «թեժ պատերազմ» է ցանկանում:
Աղբյուր՝ theguardian.com
Մարոկկոյի հյուսիսում 20 մեքենաների բախման հետևանքով զոհվել է մեկ մարդ, վիրավորվել՝ 37-ը, հայտնում է MAP լրատվական գործակալությունը՝ հղում անելով տեղական իշխանություններին։ Նրանց տվյալներով՝ վթարը տեղի է ունեցել կիրակի օրը, Մարոկկոյի մայրաքաղաք Ռաբաթից դեպի Կենիտրա քաղաք տանող մայրուղու վրա։
Աղբյուր՝ ria.ru
Լիվերպուլի կանանց հիվանդանոցի մոտ ավտոմեքենայի պայթյունից զոհվել է մի տղամարդ: Ոստիկանություն ահաբեկչության դեմ պայքարի բաժինը հայտնել է, որ 29, 26 և 21 տարեկան տղամարդիկ ձերբակալվել են դեպքի առնչությամբ, որը տեղի է ունեցել 11:00-ից մոտակայքում (GMT): Տաքսի մեքենայի ուղևորը տեղում մահացել է, տղամարդ վարորդը վիրավորվել է և գտնվում է հիվանդանոցում:
Աղբյուր՝ bbc.com
«Սնիքերելլա»-ի դեբյուտային թրեյլերը տեղադրվել է համացանցում՝ Disney + հոսքային հարթակի երկրորդ տարեդարձի առթիվ: Մյուզիքլում, որը միավորում է Մոխրոտի, հիփ-հոփի և սպորտային կոշիկների ենթամշակույթի պատմությունը, գլխավոր հերոսը սևամորթ վաճառողն է։ Գլխավոր դերերը մարմնավորում են Չոուզեն Ջեյքոբսն ու Լեքսի Անդերվուդը։
Աղբյուր՝ vesti.ru
Մեծ Բրիտանիայի իշխանությունների տվյալներով՝ մեկ օրում Լա Մանշը հատել է ռեկորդային թվով միգրանտներ։ Ներքին գործերի նախարարությունը հաստատել է, որ հինգշաբթի առնվազն 1,185 մարդ է ժամանել Մեծ Բրիտանիա 33 փոքր նավով՝ գերազանցելով նախորդ օրական առավելագույնը՝ 853 մարդ:
Աղբյուր՝ euronews.com
ԱՄՆ նախագահ Ջո Բայդենը հաստատել է իրանական նավթի նկատմամբ ամերիկյան պատժամիջոցների պահպանումը. համաշխարհային պաշարները բավարար են այն Թեհրանից չգնելու համար։ Սպիտակ տունը յուրաքանչյուր վեց ամիսը մեկ պետք է վերահաստատի, որ նավթի համաշխարհային մատակարարումը բավարար է՝ Իրանի դեմ պատժամիջոցները պահպանելու համար:
Աղբյուր՝ interfax.ru
Իսրայելցի ամուսնական զույգը ձերբակալվել է ուրբաթ ուշ երեկոյան լրտեսության համար՝ Ստամբուլում Թուրքիայի նախագահի նստավայրը լուսանկարելուց հետո: Լուրը հայտնել է թուրքական Anadolu լրատվական գործակալությունը։ Ձերբակալվել է նաև Թուրքիայի քաղաքացի։ Նրանք բերման են ենթարկվել Ստամբուլի ասիական կողմում գտնվող Camlica ռադիոհեռուստատեսային աշտարակի աշխատակցի հայտնած տեղեկությունից հետո։
Աղբյուր՝ apnews.com
Փախստականի մահվան ստույգ պատճառը դեռ պարզված չէ։ Նոյեմբերի սկզբից միգրանտները Բելառուսի տարածքից փորձում են ներթափանցել Լեհաստան։
Աղբյուր՝ rbc.ru
39-ամյա փոփ աստղն այժմ ազատ է բժշկական, ֆինանսական և անձնական որոշումներ կայացնելու հարցում՝ առաջին անգամ մոտ 14 տարվա ընթացքում:
Աղբյուր՝ aljazeera.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
