Կարճ լուրեր
Նոյեմբերի 15-ին՝ ժամը 11։00-ին, ԱՀ ԱԺ պաշտպանության, անվտանգության և օրինապահպանության հարցերի մշտական հանձնաժողովի նիստի օրակարգում կլինի «Զենքի մասին օրենքում փոփոխություններ և լրացումներ կատարելու մասին» և «Քրեական օրենսգրքում լրացում կատարելու մասին» օրենքների նախագծերի փաթեթը։
Աղբյուր՝ ԱՀ ԱԺ լրատվության և հանրության հետ կապերի բաժին
Փետրվարին Պեկինում անցկացվելիք ձմեռային օլիմպիական խաղերի կազմակերպիչները ուրբաթ հայտնել են, որ երկու օտարերկրյա մարզիկների մոտ COVID-19-ի թեստը դրական է եղել խաղերի համար ընթացիկ թեստային միջոցառումների ժամանակ։
Աղբյուր՝ apnews.com
Համացանցում են հայտնվել ապագա Tesla սմարթֆոնի ռենդերները, հայտնում է Gizchina պորտալը։ Սմարթֆոնը կունենա պրեմիում դիզայն և 2022 թվականի առաջատար մակարդակի կառուցվածք: Նկարներից մեկի վրա գրված է «Invisible camera» (Անտեսանելի տեսախցիկ), որը կարող է հուշել ոչ սովորական ապակու մասին։
Աղբյուր՝ gazeta.ru
Եվրոպական միության և Միավորված ազգերի կազմակերպության Զարգացման ծրագրի (ՄԱԶԾ) հայաստանյան գրասենյակի նախաձեռնած ՀՀՏԶ ծրագիրը կգործի մինչեւ 2024 թվականը եւ Արեւելյան գործընկերության (ԱլԳ) երկրներում տեղական կառավարման մարմիններին կխրախուսի զարգացման նորարարական մեթոդներ կիրառել, որոնք արդար մոտեցում կապահովեն բոլորի նկատմամբ, միեւնույն ժամանակ բարենպաստ ազդեցություն ունենալով շրջակա միջավայրի վրա:
Աղբյուր՝ Պաշտոնական հաղորդագրություն
«Բարսելոնայի» գլխավոր մարզիչ Չավին ցանկանում է, որ կատալոնական ակումբը ձեռք բերի «Լիվերպուլի» կիսապաշտպան Տիագո Ալկանտարային: Twitter-ում հայտնում է լրագրող Պեդրո Ալմեյդան։ Աղբյուրի փոխանցմամբ՝ Չավին կատալոնական ակումբի նախագահ Ժոան Լապորտայի հետ քննարկել է 30-ամյա իսպանացու հնարավոր տեղափոխությունը։
Աղբյուր՝ sport-express.ru
զանգվածային զինտեխնիկա տեղակայելով, զորավարժություններ անցկացնելով և կասկածելի ««նավարկության ազատություն» հաստատելով: Այս մասին China Daily-ի հետ զրույցում ասել է ռազմական փորձագետ Լուո Սին։
Աֆղանստանի արևելյան Նանգարհար նահանգի մզկիթներից մեկում ուրբաթօրյա աղոթքի ժամանակ պայթյուն է որոտացել, ինչի հետևանքով 16 մարդ վիրավորվել է, ՌԻԱ Նովոստիին հայտնել է ականատեսը։
Սեյսմոլոգների տվյալներով՝ Իսլանդիայի հարավում գտնվող Հեկլա հրաբխի մոտ տեղի է ունեցել նախնական չափումներով 5,2 մագնիտուդ ուժգնությամբ երկրաշարժ, որի ցնցումները զգացվել են ողջ տարածաշրջանում: Հինգշաբթի՝ տեղական ժամանակով ժամը 13:21-ին, գրանցված երկրաշարժի էպիկենտրոնը գտնվել է Իսլանդիայի հարավում հրաբխից 7,5 կմ հարավ: Լուրջ ավերածությունների կամ վիրավորների մասին տեղեկություններ չկան։
Աղբյուր՝ bnonews.com
Թողարկումից վեց օր անց ABBA-ի «Voyage» ալբոմը դարձել է ամենավաճառվող ալբոմը վերջին չորս տարվա ընթացքում։ Ըստ Daily Mail-ի՝ աշխարհահռչակ շվեդական փոփ քառյակի ալբոմը կգերազանցի Էդ Շիրանի «=» ալբոմին UK Album Chart-ում, որը թողարկվում է նոյեմբերի 12-ին:
Աղբյուր՝ gazeta.ru
Ամերիկացի դերասանուհի և մոդել Փերիս Հիլթոնն ամուսնացել է: Հիլթոնի ընտրյալը 40-ամյա գործարար Քարթեր Ռաումն է։ Հարսանիքի մասին մոդելը հայտնել է իր Instagram-ում։ Հարսանեկան արարողությունը տեղի է ունեցել Bel Air կալվածքում, որը պատկանել է դերասանուհու հանգուցյալ պապիկին։
Աղբյուր՝ kulturomania.ru
Հետազոտության արդյունքների՝ տղամարդիկ կարծում են, որ կարմիր միս օգտագործելը կարող է «ավելացնել իրենց առնականությունը»: Հայտնի չէ, թե ինչու է որոշ հասարակություններում կարմիր միսը առնականության հետ կապվում։ Սակայն պատճառ հարող են լինել կարմիր մսամթերքի գովազդներում ներկայացված տղամարդկանց սեռական ուժի մասին ակնարկները:
Աղբյուր՝ dailymail.co.uk
Բողոքը վերաբերում է Հնդկաստանի հյուսիսարևելյան Արունաչալ Պրադեշ նահանգի հետ սահմանամերձ շրջաններում բնակավայրերի կառուցմանը։ Հնդկաստանի պաշտպանության նախարարությունը ավելի վաղ հաստատել էր այն փաստը, որ Չինաստանը նահանգի հետ սահմանին «երկակի նշանակության ավան» է կառուցում։
Աղբյուր՝ tass.ru
Ամերիկացի գիտնականները դեղամիջոցի նոր տեսակ են մշակել, որը նպաստում է ողնաշարի վնասվածքներով մկների բջիջների վերականգնմանը և կաթվածի վերացմանը, ինչը թույլ է տալիս նրանց նորից քայլել՝ բուժումից հետո չորս շաբաթվա ընթացքում:
Source: france24.com
Լատվիայի Սեյմը նոյեմբերի 11-ին հաստատել է երկրում Սուրբ գեորգևյան ժապավենների օգտագործման արգելքը։ Վերջնական որոշման համար այժմ միայն նախագահի ստորագրությունն է անհրաժեշտ։
Աղբյուր՝ vesti.ru
ՀայՓոստը սկսել է համագործակցել Էյր Ֆրանսի և Լուֆթհանզայի հետ: Խոշոր ավիափոխադրողերի հետ համագործակցության շնորհիվ հասանելի 67 ուղղությունների փոխարեն ՀայՓոստի հաճախորդներն այժմ կարող են ծանրոցներ և փաթեթներ ուղարկել դեպի 124 երկիր:
Աղբյուր՝ «Հայփոստ» ընկերություն
Հնագետները հնագույն Չան Չան քաղաքում հայտնաբերել են 25 մարդու մասունքներ։ Կմախքները հայտնաբերվել են 10 քառակուսի մետր մակերեսով փոքր տարածքում, որը ժամանակին եղել է Չիմու կայսրության մայրաքաղաքը: Չան Չանը, որտեղ հայտնաբերվել է զանգվածային գերեզմանը, եղել է նախակոլումբիական Ամերիկայի ամենամեծ միջնաբերդը:
Աղբյուր՝ bbc.com
Ցուցակում առաջինը քրքումն է, որը կարող է օգնել նվազեցնել քաղցկեղի և տարիքային հիվանդությունների ռիսկը: Ցանկում հաջորդը դարչինն է: Այն օգնում է նվազեցնել արյան մեջ շաքարի մակարդակը՝ 2-րդ տիպի շաքարախտի դեպքում և ազատվել բորբոքումից: Երրորդ օգտակար համեմունքը եղեսպակն է: Այն օգնում է բարելավել ուղեղի աշխատանքը և հիշողությունը, ինչը հատկապես կարևոր է Ալցհեյմերի հիվանդության դեպքում։
Աղբյուր՝ ria.ru
Խորացող քաղաքական ճգնաժամի և վառելիքի խիստ պակասի պայմաններում, որը ազդել է Հաիթիի հիվանդանոցների, դպրոցների և ձեռնարկությունների վրա, Միացյալ Նահանգները կոչ է անում իր քաղաքացիներին լքել Կարիբյան երկիրը:
Աղբյուր՝ aljazeera.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
