Կարճ լուրեր
Նախկինում անհայտ աստերոիդը շարժվում է դեպի Երկիր։ Այն նկատել է Կիրառական մաթեմատիկայի ինստիտուտի աշխատակից Լեոնիդ Ելենինը՝ Վրաստանում գտնվող Աբասթումանի աստղադիտարանի աստղադիտակի պատկերները վերլուծելուց հետո։ Օբյեկտն անվանել են 2021UL17։
Աղբյուր՝ vesti.ru
ՅՈՒՆԵՍԿՕ-ն կազմակերպության ստեղծագործական քաղաքների ցանցում ներառել է վրացական Բաթումի (Աջարիա) առողջարանային քաղաքը՝ նրան տալով երաժշտության քաղաքի կարգավիճակ։ Այս մասին ասվում է Աջարիայի կառավարության՝ հինգշաբթի օրը հրապարակած հայտարարության մեջ։ Բաթումին դարձավ Վրաստանի առաջին քաղաքը, որն ունեցավ նման կարգավիճակ։
Աղբյուր՝ tass.ru
Եմենցի լրագրողուհին և նրա երեխան զոհվել են՝ հարավային Ադեն քաղաքում ականապատ մեքենայի պայթյունի հետևանքով, որի թիրախը եղել է նրա ընտանիքի մեքենան: Խմբավորումներից ոչ մեկն անմիջապես չի ստանձնել երեքշաբթի տեղի ունեցած հարձակման պատասխանատվությունը: Իշխանությունները հայտնել են, որ հետաքննությունը շարունակվում է:
Աղբյուր՝ aljazeera.com
Չեխիայի նախագահ Միլոշ Զեմանը ընդունել է վարչապետ Անդրեյ Բաբիշի կառավարության հրաժարականի դիմումը, որն այսօր ավելի վաղ ներկայացրել էր Բաբիշը: Նախագահը հանձնարարել է նախարարների կաբինետի անդամներին շարունակել կատարել իրենց պարտականությունները մինչև նոր կառավարության նշանակումը: Այս մասին Պրահայի ամրոցի կայքում հայտնել է հանրապետության ղեկավարի մամուլի քարտուղար Իրժի Օվչաչեկը։
Աղբյուր՝ ria.ru
Այս մասին հինգշաբթի օրը հայտարարել է Վրաստանի նախկին նախագահի փաստաբան Դմիտրի Սաձաղիշվիլին՝ իր պաշտպանյալի հետ հանդիպումից հետո։
Աղբյուր՝ ria.ru
Շափյուղայով և ադամանդներով բրոշը և համապատասխան ականջօղերը, որոնք 1917 թվականի հեղափոխության ժամանակ երկրից մաքսանենգ ճանապարհով դուրս բերված ռուսական Ռոմանովների ընտանիքի թագավորական զարդերի մի մասն են, չորեքշաբթի վաճառվել են 806,500 շվեյցարական ֆրանկով (883,641,94 դոլար), հաղորդում է Sotheby's-ը: Ժնևի աճուրդում պատմական հավաքածուի համար ստացված գինը գրեթե երկու անգամ գերազանցել է վաճառքի համար սահմանված նախնական գինը:
Աղբյուր՝ reuters.com
Հրդեհը բռնկվել է Ռումինիայի կենտրոնական Պլոեշտի քաղաքում հինգշաբթի՝ տեղական ժամանակով մոտավորապես ժամը 4-ին:
Աղբյուր՝ aljazeera.com
Լեհաստանի փոխարտգործնախարար Պավել Յաբլոնսկին ասել է, որ ԵՄ-ն պետք է լրացուցիչ տնտեսական պատժամիջոցներ սահմանի` կենտրոնանալով Բելառուսի և Լեհաստանի սահմանին անօրինական միգրացիան կազմակերպող ֆիզիկական և «իրավաբանական անձանց» վրա:
Աղբյուր՝ bbc.com
Չեխիայի վարչապետ Անդրեյ Բաբիշը հիվանդանոցում գտնվող երկրի նախագահ Միլոշ Զեմանին պաշտոնապես տեղեկացրել է հանրապետության կառավարության հրաժարականի մասին։ Сeske Noviny-ի հաղորդմամբ՝ նախարարների կաբինետի ղեկավարը համապատասխան նամակ է ուղարկել և այժմ ակնկալում է, որ Զեմանը կհաստատի այս որոշումը։
Աղբյուր՝ gazeta.ru
Ֆրանսիայի նախագահը, ավանդույթի համաձայն, ծաղիկներ է խոնարհել պատերազմի ժամանակաշրջանի քաղաքական գործիչ Ժորժ Կլեմանսոյի հուշարձանին։
Աղբյուր՝ tass.ru
ԱՄՆ Ռոդ Այլենդ նահանգից 89-ամյա Մանֆրեդ Շտայները հասել է իր նպատակի, որի վրա աշխատել է երկու տասնամյակ, և դրա շուրջ մտածել է գրեթե ամբողջ կյանք. նա դոկտորական կոչում է ստացել՝ դառնալով ֆիզիկոս։ Շտայները վերջերս հաջողությամբ պաշտպանել է իր ատենախոսությունը Փրովիդենսում գտնվող Բրաունի համալսարանում:
Աղբյուր՝ apnews.com
Կիսապաշտպանը նախօրեին հեռացվել է Գերմանիայի հավաքականի առաջիկա խաղերից: Յոզուա Կիմիխը կարանտին է սկսել մյունխենցիների պաշտպան Նիկլաս Սյուլեի հետ շփումից հետո, որի կորոնավիրուսի թեստը դրական էր եղել։ Ըստ օրենքի «Բավարիան» իրավունք ունի աշխատավարձ չվճարել 26-ամյա գերմանացուն նրա բացակայության ընթացքում։ Յոթօրյա կարանտինի դեպքում խաղացողը կարող է կորցնել 384 հազար եվրո։
Աղբյուր՝ sport-express.ru
85 տարեկանում կյանքից հեռացել է Հարավաֆրիկյան Հանրապետության նախկին նախագահ Ֆրեդերիկ Վիլեմ դը Կլերկը՝ ապարտեիդի շրջանի վերջին առաջնորդը և երկրի ժողովրդավարության անցման հիմնական դերակատարը: Լուրը հայտել է նրա հիմնադրամը։
Աղբյուր՝ aljazeera.com
Հինգշաբթի իշխանությունները հայտարարեցին, որ Հնդկաստանի հարավում և Շրի Լանկայում տեղատարափ անձրևները խլել են առնվազն 41 մարդու կյանք: Օդերևութաբաններն ակնկալում են, որ անձրևները կթուլանան առաջիկա մի քանի օրվա ընթացքում, իսկ տուժած համայնքները ազատվում են հեղեղներից:
Աղբյուր՝ reuters.com
Ճապոնիայում Կենսաբժշկական նորարարության, առողջության և սնուցման ազգային ինստիտուտի գիտնականների թիմն ավարտել է ՄԻԱՎ-ի դեմ պատվաստանյութի փորձարկումները լայնաքիթ կապիկների վրա: Պրիմատներին ամբողջական վիրուս են ներարկել։ Փորձարկման ենթարկված յոթ կապիկներից վեցը չեն հիվանդացել, իսկ թեստերը վիրուս չեն հայտնաբերել: Գիտնականները հույս ունեն հինգ տարի անց սկսել պատվաստանյութի փորձարկումները մարդկանց վրա:
Աղբյուր՝ korrespondent.net
Ամերիկացի դերասան Քրիստոֆեր Ուոքենը բաց գույնի ներկով ոչնչացրել է բրիտանացի անդերգրաունդ ուղղության նկարիչ Բենքսիի գրաֆիտին Սթիվեն Մերչանտի «Violators» հեռուստասերիալի նկարահանումների ժամանակ։ Ֆիլմի նկարահանումները տեղի են ունեցել Բրիստոլում՝ խորհրդավոր նկարչի հայրենի քաղաքում։ Ինչպես պարզվել է հետագայում, վանդալիզմի ակտը եղել է նախապես ծրագրված։
Աղբյուր՝ ria.ru
Չորեքշաբթի ուշ երեկոյան NASA-ն և SpaceX-ը տիեզերական առաքելության են ուղարկել ևս չորս տիեզերագնացների՝ ներառյալ տիեզերագնաց վետերանին և անձնակազմի երկու երիտասարդ անդամներին, որոնք ընտրվել էին ՆԱՍԱ-ի ապագա լուսնային առաքելություններին միանալու համար:
Աղբյուր՝ france24.com
Քուրտիս Մինզը լույս աշխարհ էր եկել Բիրմինգհեմում (Ալաբամա) անցյալ տարի՝ ընդամենը 420 գ քաշով: Գինեսի ռեկորդների գիրքը հաստատել է. որ այժմ 16 ամսական Քուրթիսը նոր ռեկորդ է սահմանել։ Ամբողջական հղիությունը սովորաբար տևում է 40 շաբաթ, ինչը Քուրտիսին դարձնում է մոտ 19 շաբաթով վաղաժամ ծնված:
Աղբյուր՝ bbc.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
