Կարճ լուրեր
Չորեքշաբթի օրը Էրմիտաժի իտալական կաբինետում այցելուների համար բացվել է «Անյոլո Բրոնձինո. «Դանթեի այլաբանական դիմանկարը»» ցուցահանդեսը՝ կազմված Լեոնիդ Բոգուսլավսկու մասնավոր հավաքածուից։ Ցուցահանդեսի այցելուները կարող են տեսնել, մասնավորապես, նկարիչ Անյոլո Բրոնձինոյի 16-րդ դարի Դանթեի դիմանկարը և «Աստվածային կատակերգության» 1578 թվականի հրատարակությունը:
Աղբյուր՝ kulturomania.ru
Միացյալ Նահանգները կտրականապես դեմ է Բելառուսի կողմից «միգրացիան որպես զենք» օգտագործելուն, հայտարարել է պետքարտուղար Էնթոնի Բլինկենը։ «Այն միտքը, որ Բելառուսը կարող է օգտագործել միգրացիան որպես զենք, մենք համարում ենք կտրուկ դատապարտման արժանի»,- ասել է Բլինկենը: Նա հրաժարվել է խոսել այն մասին, թե արդյոք Միացյալ Նահանգները միգրացիոն պատժամիջոցներ կսահմանի Մինսկի դեմ։
աղբյուր՝ ria.ru
Իսրայելի ՊՆ-ից հայտնել են, որ երկիրը պատրաստվում է հնարավոր զինված հակամարտության տարածաշրջանային ոխերիմ հակառակորդ Իրանի և նրա հովանավորյալների դեմ: Իսրայելի բանակի շտաբի պետ, գեներալ-լեյտենանտ Ավիվ Կոհավին երեքշաբթի ասել է, որ իսրայելական բանակը «արագացնում է օպերատիվ պլանները և պատրաստվում է պայքարել Իրանի և միջուկային ռազմական սպառնալիքի դեմ»։
Աղբյուր՝ apnews.com
Այն ստացել է «Հին Օլիմպիա՝ ընդհանուր վայր» անվանումը։
Աղբյուր՝ tass.ru
Անցյալ շաբաթ Սիերա Լեոնեի մայրաքաղաք Ֆրիթաունում վառելիքի տանկի ավերիչ պայթյունի հետևանքով ևս 63 մարդ դեռևս բուժվում է Ֆրիթաունի չորս հիվանդանոցներում: Նրանցից 19-ը գտնվում են ծայրահեղ ծանր վիճակում, չորեքշաբթի ասաց կառավարության Աղետների կառավարման ազգային գործակալության կապի տնօրեն Մոհամեդ Լամրանա Բահը:
Աղբյուր՝ aljazeera.com
Youtube վիդեոհոսթինգը հայտարարել է, որ նոյեմբերի 10-ից բոլոր տեսանյութերի տակ կթաքցնի dislike-երը։ Այս մասին հաղորդվում է հարթակի կայքում։ Ինքնին «Չհավանել» կոճակը կմնա, սակայն միայն բովանդակության հեղինակները կկարողանան տեսնել ստացված բացասական արձագանքների քանակը։
Աղբյուր՝ lenta.ru
2018 թվականից վերանորոգման պատճառով փակված Լոնդոնի «Courtauld»-ի պատկերասրահը վերաբացում է իր դռները այս ամսվա վերջին՝ իր պատմության մեջ ամենամեծ ձևափոխման նախագծի իրականացումից հետո: Պատկերասրահը, որը գտնվում է Սոմերսեթ Հաուսում՝ Թեմզա գետի ափին, ենթարկվել է բազմամիլիոնանոց վերանորոգման և վերակառուցման:
Աղբյուր՝ france24.com
ԱՄՆ-ում սպառողական գները (CPI) հոկտեմբերին նախորդ տարվա նույն ամսվա համեմատ աճել են 6,2%-ով։ Այս մասին են վկայում երկրի աշխատանքի նախարարության տվյալները։ Ցուցանիշը հասել է իր ամենաբարձր արժեքին 1990 թվականի նոյեմբերից ի վեր։
Աղբյուր՝ interfax.ru
Ինչպես հայտնում է Daily Record-ը, բիրմինգհեմցիների մարզչի համար կվճարի 2-3 միլիոն ֆունտ ստերլինգ փոխհատուցում։ Ավելի վաղ հաղորդվել էր, որ 41-ամյա Ջերարդը անգլիական ակումբի նոր մարզիչ կնշանակվի մինչև ուրբաթ, ինչպես նաև կդառնա «Ասթոն Վիլայի» պատմության մեջ ամենաբարձր վարձատրվող մասնագետը։
Աղբյուր՝ sport-express.ru
Մարդկանց Լուսնի մակերևույթ հասցնելու՝ 1972 թվականից ի վեր ՆԱՍԱ-ի առաջին առաքելությունը մեկ տարով հետաձգվել է՝ տեղափոխվելով 2025 թվական: Տիեզերական գործակալության ղեկավար Բիլ Նելսոնը երեքշաբթի օրը կայացած մամուլի ասուլիսում հաստատել է հետաձգումը։
Աղբյուր՝ bbc.com
Universal Pictures-ը ֆիլմ կնկարահանի Աֆղանստանից տարհանման մասին իրական իրադարձությունների հիման վրա։ Սյուժեի համաձայն՝ երեք նախկին հատուկջոկատայիններ վերադառնում են թալիբների կողմից գրավված Աֆղանստան՝ փրկելու գործընկերների և ստիպված փախստական դարձած դաշնակիցների ընտանիքները։
Աղբյուր՝ gazeta.ru
Իրանն ազատ է արձակել վիետնամական նավթատարը, որը գրավել էր հոկտեմբերի վերջին՝ Օմանի ծոցում Միացյալ Նահանգների նավատորմի հետ առճակատումից հետո՝ իր նավթը «գողանալու» փորձի համար: Չորեքշաբթի օրը ԻՀՊԿ-ն հաստատեց, որ «Sothys»-ն ազատ է արձակվել, սակայն ոչ մի հիշատակում չի եղել անձնակազմի կամ բեռի մասին:
Աղբյուր՝ aljazeera.com
Ուկրաինայի Գերագույն Ռադայի հայազգի պատգամավոր Գեո Լերոսը հայտնել է, որ իր մեքենայի ներքևի մասում տեղադրված հետևող սարք է գտել: Այս մասին նա չորեքշաբթի օրը՝ նոյեմբերի 10-ին, գրել է Telegram-ում։
Աղբյուր՝ korrespondent.net
Վելինգտոնում հիմնված ստուդիան ստեղծել է կերպարներ և տեսարաններ այնպիսի ֆիլմերի համար, ինչպիսիք են «Ավատարը», «Մատանիների տիրակալը», «Հրաշք կինը» և «Կապիկների մոլորակը»:
Աղբյուր՝ theguardian.com
Մադրիդի «Ռեալի» կիսապաշտպան Կազեմիրոն կարծում է, որ իր թիմակից Կարիմ Բենզեման արժանի է տարվա «Ոսկե գնդակ» մրցանակին։ «Ինձ համար պատիվ է Բենզեմայի հետ նույն թիմում խաղալը, ես ցանկանում եմ, որ Կարիմը նվաճի «Ոսկե գնդակը», նա արժանի է այդ մրցանակին»,- Կազեմիրոյի խոսքերը մեջբերում է Marca-ն։ «Ոսկե գնդակի» մրցանակաբաշխությունը տեղի կունենա նոյեմբերի 29-ին Փարիզում:
Աղբյուր՝ sport-express.ru
Ռադը, ով առավել հայտնի է Marvel-ի «Մրջյուն-մարդ», «Արդեն 40» և «Անտեղյակ» ֆիլմերում իր գլխավոր դերերով, այս տարվա հաղթող է ճանաչվել երեքշաբթի երեկոյան CBS-ի The Late Stephen Colbert Show-ի ընթացքում: Ամսագրին ուրբաթ օրը լույս տեսած համարում դերասանը հայտնել է, որ ոմանք կզարմանան՝ իմանալով, որ ինքն է ստանալու այդ մրցանակը։
Աղբյուր՝ apnews.com
Ըստ նախնական գնահատման, հանցագործությամբ պատճառված ընդհանուր վնասի չափը կազմել է 24.607.971.770 ՀՀ դրամ, որից պետությանը պատճառված նախնական վնասի չափը կազմել է 24.378.963.387 ՀՀ դրամ, իրավաբանական անձանցը՝ 80.752.153 ՀՀ դրամ, իսկ ֆիզիկական անձանցը՝ 148.256.230 ՀՀ դրամ: Վերականգնվել է պետությանը պատճառված վնասից 566.199.139 ՀՀ դրամը, իսկ ֆիզիկական անձանց պատճառված վնասից՝ 5.907.732 ՀՀ դրամը:
Աղբյուր՝ ՀՀ ԱԱԾ
Թեմզա գետում հայտնաբերվել են ծովաձիեր, օձաձկներ, փոկեր և շնաձկներ։
Լոնդոնի Կենդանաբանական միության փորձագետները այդ եզրակացությանն են հանգել գետի ամենածավալուն հետազոտության արդյունքներով՝ 1957 թվականից ի վեր, երբ Թեմզան գիտնականները ճանաչեցին որպես «կենսաբանորեն մեռած» գետ։
Աղբյուր՝ gazeta.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
