Կարճ լուրեր
Դա տեղի ունեցավ այն բանից հետո, երբ համազգային հետազոտությունը հաստատեց սրտի բորբոքման փոքր ռիսկը՝ կապված «Moderna» պատվաստանյութի հետ:
Աղբյուր՝ express.co.uk
Պերուից մի ընտանիք, ով կարծում էր, թե շուն է գնել, շուտով հասկացել է, որ իրենց ունեցածն աղվես է, երբ այն հարձակվել է տարածքում գտնվող այլ կենդանիների վրա: Սոտելոների ընտանիքը շան ձագին 13 դոլարով գնել էր մայրաքաղաք Լիմայի փոքրիկ խանութից՝ հավատալով, որ դա մաքուր ցեղատեսակի հասկի է: Ինքնակոչ շանը բռնել են վայրի բնության պահպանության աշխատակիցները:
Աղբյուր՝ bbc.com
«Մանչեսթեր Յունայթեդի» և Ֆրանսիայի հավաքականի կիսապաշտպան Պոլ Պոգբան մարզման ժամանակ ազդրի վնասվածք է ստացել և հեռացել ազգային թիմից, հայտնում է RMC Sport-ը։ 28-ամյա ֆրանսիացին կվերադառնա Մանչեսթեր, որտեղ խորացված բուժզննում կանցնի։
Աղբյուր՝ sport-express.ru
85 տարեկան հասակում մահացել է Դին Սթոքվելը, ով դարձել է հոլիվուդյան հակամշակույթի առանցքային դեմքը և վերջին շրջանում հաջողություններ է ունեցել հայտնի հեռուստաշոուներում: Ըստ Deadline-ի՝ դերասանի ընտանիքը հայտնել է, որ նա մահացել է «բնական մահով» տանը:
Աղբյուր՝ theguardian.com
Չիլիի նախագահ Սեբաստիան Պինյերայի իմպիչմենտը հավանության է արժանացել Պատգամավորների պալատի կողմից, այժմ հարցը կքննարկի Սենատը։ Խորհրդարանականները հարցը քննարկել են գրեթե մեկ օր, կողմ է քվեարկել 78 մարդ, դեմ՝ 67։ Ընդ որում, նախագահական ընտրություններին մնացել է երկու շաբաթից էլ քիչ ժամանակ, որոնց Պինիերան չի մասնակցում։
Աղբյուր՝ vesti.ru
Երեքշաբթի օրը իրանական պետական լրատվամիջոցները հայտնել են, որ Իրանի զինուժը նախազգուշացրել են ամերիկյան երկու անօդաչու թռչող սարքերի մասին, որոնք այս շաբաթ Հորմուզի ռազմավարական նեղուցի մոտ թռել են այն ջրերի վրայով, որտեղ իրենք ռազմածովային զորավարժություններ էր անցկացնում:
Աղբյուր՝ france24.com
«Մանչեսթեր Սիթիի» գլխավոր մարզիչ Խոսեպ Գվարդիոլան, մեկնաբանելով թիմի կիսապաշտպան Ռահիմ Ստերլինգի նկատմամբ «Բարսելոնայի» հետաքրքրության մասին տեղեկությունը, ասել է, որ կատալոնական ակումբը կարող է ձեռք բերել «քաղաքաբնակների» ճամբարից ցանկացած խաղացողի։ Գվարդիոլայի խոսքերը Twitter-ում փոխանցել է լրագրող և ինսայդեր Ֆաբրիցիո Ռոմանոն։
Աղբյուր՝ gazeta.ru
Նեպալում հայտնաբերված լեռնագնացները անհետացել էին Էվերեստ լեռան մոտ երկու շաբաթ առաջ: Այս մասին երկուշաբթի հայտնել է ոստիկանությունը: Երեքն էլ փորձել են բարձրանալ 6783 մետր բարձրությամբ Կանտեգա լեռը, որը Էվերեստի մոտ գտնվող ավելի փոքր գագաթ է հեռավոր Սոլուխումբու շրջանում: Նրանք կապի դուրս րէին եկել արշավի կազմակերպիչների հետ հոկտեմբերի 26-ից, երբ տարածքում ձնահյուս էր սկսվել։
Աղբյուր՝ cnn.com
Հրամանատարների հմտությունները կատարելագործելու, ինչպես նաև կտրուկ փոփոխվող իրադրության պայմաններում արագ և նպատակային որոշումներ կայացնելու ունակություններն ստուգելու նպատակով նոյեմբերի 9-ին N զորամիավորման զորավարժադաշտերից մեկում անձնակազմին առաջադրվել են օպերատիվ-մարտավարական պայմանական խնդիրներ, որոնք կատարելիս զինծառայողները դրսևորել են բարձր կամային հատկանիշներ և պատրաստվածություն։
Աղբյուր՝ ՀՀ ՊՆ Տեղեկատվության և հասարակայնության հետ կապերի վարչություն
Հրդեհը բռնկվել է երեքշաբթի գիշերը Արխանգելսկի Բրեվեննիկ կղզու Կոլխոզնայա փողոցում գտնվող 12 բնակարանանոց բնակելի շենքում: Հրդեհի բռնկման շրջանառվող վարկածներից է մահացած տղամարդկանցից մեկի՝ հարբած վիճակում կրակի հետ անզգույշ վարվելը։
Աղբյուր՝ tass.ru
ՍԱՏՄ Վայոց ձորի մարզային կենտրոնի տեսուչները ստուգում են անցկացրել «Երփին» գյուղատնտեսական կոոպերատիվին պատկանող կաթնամթերքի արտադրամասում (Վայոց ձորի մարզ, գ. Ելփին): Առկա արտադրանքից վերցված նմուշների լաբորատոր փորձաքննությամբ պարզվել է, որ «Լոռի» պանրի նմուշը ԱՑԽՄ ցուցանիշով չի համապատասխանում սահմանված պահանջներին:
Աղբյուր՝ ՀՀ սննդամթերքի անվտանգության տեսչական մարմին
«Ուոլթ Դիսնեյ ընկերության» «Աստղային պատերազմներ»-ի հաջորդ ֆիլմի արտադրությունը հետաձգվել է, քանի որ ռեժիսոր Փեթի Ջենքինսը զբաղվում է այլ նախագծերով, երկուշաբթի օրը հայտնել է արտադրությանը մոտ կանգնած աղբյուրը: Աղբյուրը նշում է, որ «Star Wars: Rogue Squadron»-ը ներկայումս դեռ նախատեսված է թողարկել 2023 թվականի դեկտեմբերին, սակայն հնարավոր է, որ այս ամսաթիվը փոխվի:
Աղբյուր՝ reuters.com
Ինչպես հայտնում է Fox News-ը՝ վկայակոչելով երաժշտի պաշտոնական հայտարարությունը, Թրևիս Սքոթն այժմ համագործակցում է հետաքննության և իրավապահ մարմինների հետ՝ Astroworld փառատոնի ժամանակ զոհվածների ընտանիքների հետ կապ հաստատելու և նրանց օգնելու նպատակով։ Բացի այդ, ռեփերը պատրաստ է հոգալ զոհերի հարազատների համար հոգեթերապևտի ծառայությունների ծախսերը:
Աղբյուր՝ gazeta.ru
Չորս տիեզերագնացները երկուշաբթի օրը վերադարձան Երկիր՝ ավարտելով անցյալ գարնանը սկսված առաքելությունը: Նրանց կապսուլան վայրէջք է կատարել Մեքսիկական ծոցում՝ Փենսակոլայի ափերի մոտ:
Աղբյուր՝ apnews.com
«Խիզախ լինելը քեզ դավաճանած կնոջ հետ ապրելն է, այլ ոչ թե նախկին թիմիդ դեմ խաղի 10-րդ րոպեին 11 մետրանոց իրացնելը: Գարշելի մարդ»,- ասվում է «Ինտերի» 27-ամյա թուրք կիսապաշտպանին ուղղված պաստառի գրության մեջ։ Նոյեմբերի 7-ին Չալհանօղլուն Իտալիայի առաջնության 12-րդ տուրի «Միլանի» հետ խաղում (1:1) իրացրեց 11 մետրանոցը և սկսեց տոնել գոլը, ինչը վրդովեցրեց երկրպագուներին։
Աղբյուր՝ sport-express.ru
Նիգերի հարավում հինգից վեց տարեկան առնվազն 25 երեխա է մահացել այն բանից հետո, երբ նրանց ծղոտե խրճիթից դասասենյակները հրդեհվել են: Եվս մի քանիսը վնասվածքներ են ստացել հրդեհի ժամանակ, որը բռնկվել էր երկուշաբթի առավոտյան, երբ երեխաները մասնակցում էին դպրոցի դասերին երկրի Մարադի շրջանում:
Աղբյուր՝ bbc.com
Իսրայելը մի քանի հրթիռ է արձակել Սիրիայում գտնվող օբյեկտների ուղղությամբ: Այս մասին հայտնել է սիրիական SANA գործակալությունը։ Սիրիայի հակաօդային պաշտպանության ստորաբաժանումները հետ են մղել հարձակումը և խոցել հրթիռների մեծ մասը։ Ագրեսիայի հետևանքով երկու զինվոր վիրավորվել է։
Աղբյուր՝ korrespondent.net
Հարավային Ուելսում գտնվող քարանձավից փրկել են վիրավոր տղամարդուն, ով երկրի մակերևույթից առնվազն 300 մետր խորության վրա մնացել է ավելի քան երկու օր: Տղամարդուն դուրս են բերել Բրեքոն Բիքոնզ ազգային պարկի Ogof Ffynnon Ddu քարանձավից երկուշաբթի տեղական ժամանակով երեկոյան ժամը 19.45-ի սահմաններում՝ 54-ժամյա փորձությունից հետո: Նրա վնասվածքները կյանքի համար վտանգավոր չեն, սակայն ենթադրվում է, որ դրանք ներառում են ծնոտի, ոտքի կոտրվածք և ողնաշարի վնասվածքներ:
Աղբյուր՝ theguardian.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
