Կարճ լուրեր
Շուկայի տվյալների համաձայն՝ բիթքոյնի գինը բարձրացել է 68 հազար դոլարից։ Ավելի վաղ գիշերը կրիպտոարժույթի գինը հատել էր 67 հազար դոլարի սահմանագիծը։
Աղբյուր՝ ria.ru
Մադհյա Պրադեշ նահանգի Կամլա Նեհրու հիվանդանոցի նորածնային բաժանմունքի 40 նորածիններից չորսը մահացել են Հնդկաստանի կենտրոնական մասում՝ երկուշաբթի ուշ երեկոյան բաժանմունքում բռնկված հրդեհի հետևանքով, հայտնում են կառավարության ներկայացուցիչները: Հիվանդանոցի մյուս նորածինները, որոնցից շատերը թերքաշ են, տեղափոխվել են այլ բաժանմունքներ:
Աղբյուր՝ reuters.com
Ճապոնիայի Յոկոհամա քաղաքի շրջանային դատարանը երեքշաբթի օրը ցմահ ազատազրկման է դատապարտել 34-ամյա նախկին բուժքույր Այումի Կուբոկիին, որը մեղավոր է ճանաչվել տեղի հիվանդանոցում երեք տարեց հիվանդների կանխամտածված սպանության մեջ։ Բուժքույր Կուբոկին 2016 թվականի սեպտեմբերին, անձնական անբարեհաճությունից ելնելով, հաջորդաբար թունավորել է հիվանդանոցի 78-ից 88 տարեկան երեք հիվանդի:
Աղբյուր՝ tass.ru
Մասնավոր ներդրողների կոնսորցիումը և Մեծ Բրիտանիայի կառավարությունը աջակցել են Rolls-Royce-ին՝ մշակելու փոքր միջուկային ռեակտորներ ավելի մաքուր էներգիայի համար: Rolls-Royce Small Modular Reactor (SMR) բիզնեսի ստեղծման համար մասնավոր ընկերությունների կողմից կլինի 195 միլիոն ֆունտ ստերլինգ կանխիկի ներհոսք և կառավարությունից՝ 210 միլիոն ֆունտ ստեռլինգ դրամաշնորհի տրամադրում:
Աղբյուր՝ bbc.com
Netflix-ը թողարկել է «Արքեյն» (Arcane) նոր սերիալի առաջին երեք դրվագները, որոնք տեղադրվել են սթրիմինգ ծառայության YouTube ալիքում։ Անիմացիոն նախագծի պրեմիերան կայացել է նոյեմբերի 7-ին։ Սերիալը պոպուլյարությամբ գերազանցել է հարավկորեական «Կաղամարի խաղ» դրամային 38 երկրներում։
Աղբյուր՝ gazeta.ru
Tesla-ի բաժնետոմսերի արժեքը նվազել է 6%-ով այն բանից հետո, երբ ընկերության սեփականատեր Իլոն Մասքը հարցում անցկացրեց Twitter-ում՝ ցանկանալով իմանալ ընթերցողների կարծիքը, թե արդյոք պետք է վաճառի իր բաժնետոմսերի 10%-ը: Այս մասին հայտնում է «Փրայմ» գործակալությունը՝ հղում անելով արժեթղթերի շուկայի տվյալներին։
Աղբյուր՝ gazeta.ru
Ֆրանսիական դատարանը ճանաչել է «հողմաշարժիչի սինդրոմը» այն բանից հետո, երբ ամուսինները բողոքել են, որ իրենց առողջական վիճակը տուժել է հողմակայանի մոտ ապրելու պատճառով: Ֆրանսիայում իր տեսակի մեջ առաջին դատավճռով, Քրիստել և Լյուկ Ֆոկաերները Թուլուզում դատավորի վճռով ստացել են ավելի քան 100,000 եվրո փոխհատուցում՝ հողմակայանի հետ կապված առողջական խնդիրներ ունենալուց հետո:
Աղբյուր՝ theguardian.com
Վթարի վերացման աշխատանքներով պայմանավորված, ս.թ. նոյեմբերի 9-ին ժամը 10:00-19:00 կդադարեցվի Արարատի մարզի՝ Մասիս քաղաքի, Այնթապ, Մարմարաշեն, Ջրահովիտ, Արևաբույր գյուղերի և Նոր Կյուրին գյուղի 1, 2, 3 փողոցների ջրամատակարարումը:
Աղբյուր՝ Վեոլիա Ջուր
ՍԱՏՄ Վայոց ձորի մարզային կենտրոնի տեսուչները վերահսկողական միջոցառումներ են անցկացրել «Կամարի» ՍՊԸ-ին պատկանող պանրի արտադրամասում (Վայոց ձորի մարզ, գ. Ռինդ): Պանրի առկա խմբաքանակից վերցվել են նմուշներ լաբորատոր հետազոտության համաձայն «Լոռի» պանրի նմուշը ԱՑԽՄ ցուցանիշով չի համապատասխանել Մաքսային միության «Կաթի և կաթնամթերքի անվտանգության մասին» տեխնիկական կանոնակարգի մասին պահանջներին: Արտադրամասի արտադրական առանձին գործառույթը կասեցվել է մինչև հայտնաբերված խախտումները վերացնելը:
Աղբյուր՝ ՀՀ սննդամթերքի անվտանգության տեսչական մարմին
Նիկարագուայում կիրակի օրը՝ նոյեմբերի 7-ին, երկրում և համաշխարհային հանրության շրջանում լայնածավալ քննադատության ֆոնին տեղի են ունեցել նախագահական ընտրություններ։ Ընտրողների մասնակցությունը ցածր է եղել, ընտրատեղամասերում երկար հերթեր չեն եղել՝ չհաշված մի քանի բացառություններ, հայտնում են Նիկարագուայի առցանց լրատվամիջոցները: ԱՄՆ նախագահ Բայդենը Նիկարագուայի ընտրությունները ֆարս է անվանել։
Աղբյուր՝ dw.com
Մինչև 32 մ/վրկ քամին Վլադիվոստոկում վնասել է մի քանի շենքերի տանիքներ։ Այս մասին երկուշաբթի հայտնել է քաղաքապետարանի մամուլի ծառայությունը։ Երկրամասի կենտրոնում տարերքի հետևանքով վնասվել են նաև էլեկտրամատակարարման սյուներ, գրանցվել են այլ արտակարգ իրավիճակներ։ Օպերատիվ խմբերն ու փրկարարներն արդեն սկսել են վերացնել վատ եղանակի հետևանքները։
Աղբյուր՝ tass.ru
Զգեստը, որը Էմի Ուայնհաուսը կրել է իր վերջին բեմելի ժամանակ, վաճառվել է ավելի քան 243,000 դոլարով՝ իր իրերի աճուրդում: Երգչուհի-երգահանը մինի զգեստը կրել է 2011 թվականի հունիսին Բելգրադում՝ մահից մեկ ամիս առաջ՝ 27 տարեկանում: Այն վաճառվել է իր սկզբնական գնահատված արժեքից 16 անգամ թանկ: Լոս Անջելեսում կայացած Julien's աճուրդում 800 իրերի վաճառքից հավաքվել է ավելի քան 4 միլիոն դոլար։
Աղբյուր՝ bbc.com
Կորոնավարկի դեմ ձեռնարկվող միջոցառումների նկատմամբ վերահսկողության ընթացքում իրացման ցանցի և հանրային սննդի օբյեկտներ կատարած ստուգայցերի արդյունքում խախտումներ չեն հայտնաբերվել և արձանագրություններ չեն կազմվել:
Աղբյուր՝ ՀՀ ՍԱՏՄ իրազեկման, խորհրդատվության և հանրության հետ տարվող աշխատանքների բաժին
Ձեռնարկված միջոցառումների արդյունքում պարզվել է, որ Էջմիածին քաղաքի Գ. Նժդեհի փողոցում գտնվող տնակում ենթադրյալ հանցագործություն կատարած անձը, դիտավորությամբ, բութ առարկայով կյանքի համար վտանգավոր հարվածներ է հասցրել նույն հասցեի 75-ամյա բնակչի գլխի հատվածին՝ պատճառելով մարմնական վնասվածքներ, որի արդյունքում վերջինս մահացել է:Կատարվում են քննչական և դատավարական այլ գործողություններ՝ ենթադրյալ հանցագործությունը կատարած անձի ինքնությունը պարզելու, նրան հայտնաբերելու ուղղությամբ:
Աղբյուր՝ ՀՀ Քննչական կոմիտե
Կանադայում Ալբերտա նահանգի անտառտնտեսության և գյուղատնտեսության նախարար Դևին Դրիշենը հրաժարական է տվել ալկոհոլի հետ կապված խնդիրների պատճառով։ Այս մասին նա հայտնել է երկուշաբթի՝ նոյեմբերի 8-ին, Facebook-ում։ Նախարարը գինարբուք է կազմակերպել հենց աշխատավայրում: Մամուլի հրապարակումներից հետո նա ներողություն է խնդրել և հրաժարականի դիմում գրել:
Աղբյուր՝ korrespondent.net
Գերմանական մարդասիրական նավը՝ ավելի քան 800 փրկված միգրանտներով, այդ թվում՝ 15 մանկահասակ երեխաներով, կիրակի օրը մտել է Սիցիլիայի նավահանգիստ՝ Միջերկրական ծովում մի քանի օր սպասելով Իտալիայի իշխանություններից թույլտվություն ստանալուց հետո: Sea-Eye բարեգործական խումբը հայտնել է, որ Sea-Eye 4 նավը Սիցիլիայի արևմտյան Տրապանիի նավահանգստ է ժամանել շաբաթ երեկոյան:
Աղբյուր՝ apnews.com
Ջորջիայի բնակիչները բողոքում են հսկա սարդերի ներխուժումից, որոնք մինչև երեք մետրի հասնող ցանց են հյուսում։ Նահանգի 25 շրջաններում տները, էլեկտրահաղորդման գծերը և բուսականությունը ծածկված են Յորո սարդի (Trichonephila clavata) խիտ սարդոստայնով: Յորո սարդերը էնդեմիկ են Չինաստանում, Թայվանում, Ճապոնիայում և Կորեայում և մեծանում են մինչև 8 սանտիմետր:
Աղբյուր՝ gazeta.ru
ԱՀ պետական նախարարը նոյեմբերի 7-ին Բոստոնի Հայկական ժառանգության պուրակում տեղի ունեցած՝ 44-օրյա պատերազմի զոհերի հիշատակին նվիրված միջոցառմանը ներկայացրել է ընթացիկ իրավիճակն ու Արցախի ապագայի տեսլականը՝ շեշտադրելով, որ արցախահայության արդար պայքարը շարունակվում է իր ինքնորոշման իրավունքի ու անկախության միջազգային ճանաչման ուղղությամբ: Նա ընդգծել է, որ այսուհետ Սփյուռքը ոչ թե պետք է աջակցի Հայրենիքին, այլ՝ մասնակցի Հայրենիքի զարգացման ու զորացման ջանքերին:
Աղբյուր՝ ԱՀ պետական նախարարի աշխատակազմի տեղեկատվության և հասարակայնության հետ կապերի բաժին
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
