Կարճ լուրեր
Աֆրիկյան Սիերա Լեոնե պետությունում պայթյուն է տեղի ունեցել վառելիքի բենզատար մեքենայի և բեռնատարի բախման հետևանքով։ Այս մասին հայտարարել է մայրաքաղաք Ֆրիթաունի քաղաքապետ Իվոն Ակի-Սավիերը։ Դեպքը տեղի է ունեցել Վելինգթոն բնակելի թաղամասում։
Աղբյուր՝ gazeta.ru
Ֆրանսիայի նախագահի անվտանգության հարցերով նախկին խորհրդականն դատապարտվել է երեք տարվա ազատազրկման, որից երկուսը պայմանական, ըստ լրատվամիջոցների՝ 2018 թվականին ցուցարարների վրա հարձակումների մեղադրանքով: Դատարանը հայտնել է, որ Ալեքսանդր Բենալլան, ով մեղավոր է ճանաչվել նաև դիվանագիտական անձնագրերի ապօրինի օգտագործման և ապօրինի զենք կրելու մեջ, գործել է «անպատժելիության և ամենակարողության զգացումով», Twitter-ում հայտնել է franceinfo-ի լրագրողը։
Աղբյուր՝ cnn.com
Առնվազն ութ մարդ զոհվել և մի քանիսը վիրավորվել են շաբաթ օրը՝ Տեխաս նահանգի Հյուսթոն քաղաքում ամերիկացի ռեփեր Թրևիս Սքոթի ելույթի ժամանակ հրմշտոցի հետևանքով։ Միջադեպը տեղի է ունեցել Astroworld Festival-ի բացման ժամանակ։ Միջադեպի պատճառով համերգը չեղարկվել է։
Աղբյուր՝ tass.ru
«Բարսելոնան» շաբաթ օրը հայտարարեց Չավիին (Խավիեր Էռնանդես Կրեուս) թիմի գլխավոր մարզիչ նշանակելու մասին։ «Բարսելոնայի» և Իսպանիայի հավաքականի 41-ամյա նախկին կիսապաշտպանի հետ պայմանագիրը նախատեսված է մինչև 2024 թվականը, հայտնում է «կապտանռնագույնների» կայքը։ Հաղորդվում է, որ Չավին Բարսելոնա կժամանի հանգստյան օրերին, իսկ երկուշաբթի՝ նոյեմբերի 8-ին, նա հրապարակայնորեն կներկայացվի «Կամպ Նոու» մարզադաշտում, որից հետո հանդես կգա մամուլի ասուլիսով։
Աղբյուր՝ interfax.ru
Յեյլի համալսարանը մի քանի շենք է տարհանել ռումբի բազմաթիվ սպառնալիքներից հետո: Ոստիկանությունը ահազանգեր է ստացել Յեյլի ութ շենքերում ռումբերի տեղադրման մասին: Ուսանողները տարհանվել են Նյու Հեյվեն Գրինի վերին հատված: Հաստատությունը տագնապ է հայտարարել ուրբաթ օրը՝ ժամը 14:35-ին:
Աղբյուր՝ dailymail.co.uk
Գունգու քաղաքում հազարավոր պատմական իրեր են ոչնչացվել այն բանից հետո, երբ մասնավոր թանգարանը մոխրացել է: Գունգուի ազգային թանգարանի իրերը համարվում են Կոնգոյի Դեմոկրատական Հանրապետության կարևորագույն հավաքածուներից մեկը: Ոչնչացվել են 18-րդ դարի վերջի առնվազն 8000 կամ 9000 իրեր: Հրդեհի պատճառները դեռևս հայտնի չեն։
Աղբյուր՝ bbc.com
Մադրիդի «Ռեալը» պլանավորում է երկարաձգել պայմանագիրը կիսապաշտպան Տոնի Կրոսի հետ: Այս մասին հայտնում է լրագրող Նիկոլո Սկիրան։ Աղբյուրի փոխանցմամբ՝ «Արքայական ակումբը» պատրաստ է բանակցություններ սկսել 31-ամյա գերմանացու հետ՝ պայմանագիրը մինչև 2024 թվականի հունիսի վերջ երկարաձգելու շուրջ։
Աղբյուր՝ sport-express.ru
Իրաքի վերջին խորհրդարանական ընտրությունների արդյունքների դեմ բողոքի ցույցերը Բաղդադում վերածվել են բռնի գործողությունների: Ցուցարարները դատապարտել են «կեղծիքները». անվտանգության ուժերի հետ բախումներ են եղել մայրաքաղաքի բարձր անվտանգության Կանաչ գոտուց դուրս: Ուրբաթ օրը իրանամետ խմբակցությունների կողմնակիցները քարեր են նետել անվտանգության ուժերի վրա, որոնք արցունքաբեր գազ են կիրառել ու օդ կրակել՝ ցրելու ամբոխը:
Աղբյուր՝ aljazeera.com
Նախկին նախագահ Միխեիլ Սաակաշվիլին բանկային քարտ է ստացել բանտում հայտնվելուց անմիջապես հետո։ Այդ գումարով նա սնունդ է գնել, որից հետո հրաժարվել է։ Սակայն որոշ ժամանակ անց քաղաքական գործիչը կրկին սկսել է շիլաներ և բնական հյութեր գնել բանտի խանութից, ասել է Վրաստանի Արդարադատության նախարար Ռատի Բրեգաձեն։ Բացի սննդից, Սաակաշվիլին ստանում է նաև բժիշկների կողմից նշանակված դեղամիջոցներ։
Աղբյուր՝ vesti.ru
Լեոնարդո դա Վինչիի Մոնա Լիզայի կրկնօրինակը, որը ստեղծվել է ավելի քան 400 տարի առաջ, կվաճառվի երեքշաբթի Փարիզի աճուրդում: Վաճառքի դրված կրկնօրինակը, որը թվագրվում է մոտ 1600 թվականով, այնքան նման է բնօրինակին, որ, ամենայն հավանականությամբ, նկարիչը մոտիկից ծանոթացել է Լեոնարդոյի տարբերակին, հայտնել է Artcurial աճուրդի տունը: Ըստ հաշվարկների՝ կրկնօրինակը կարժենա 150,000-200,000 եվրո:
Աղբյուր՝ aljazeera.com
Միլոշ Զեմանը տառապում է լյարդի ցիռոզով: Այս մասին լրագրողներին հայտնել է առաջնորդի առողջության մոնիտորինգի բժշկական խորհրդի անդամ, վիրաբույժ Պավել Պաֆկոն։ Ըստ Պաֆկոյի, ով ժամանակին վիրահատել է Չեխիայի առաջին նախագահ Վացլավ Հավելին, Զեմանի ստամոքսում սնուցող խողովակ են մտցրել՝ այսպես կոչված, PEG: Կենտրոնական զինվորական հոսպիտալից (CVH) Զեմանի դուրսգրումը կարող է տևել 3-4 շաբաթ։
Աղբյուր՝ ria.ru
Եթովպիայում ինը ապստամբ շարժումներ պայմանավորվել են «համագործակցել և միավորել ուժերը»՝ պայքարելու վարչապետ Աբի Ահմեդի կառավարության դեմ: Այս մասին հայտնել է Ֆրանսպրես գործակալությունը՝ հղում անելով նրանց համատեղ հայտարարությանը։
Աղբյուր՝ ria.ru
Իսպանիայի հավաքականի գլխավոր մարզիչ Լուիս Էնրիկեն ուրբաթ օրը հավաքական է կանչել «Բարսելոնայի» դեռահաս Անսու Ֆաթիին՝ Հունաստանի և Շվեդիայի դեմ Աշխարհի առաջնության ընտրական փուլի վճռորոշ խաղի համար: Մնացած երկու խաղերով Իսպանիան իր ընտրական խմբում երկրորդն է. զիջում է միայն Շվեդիային:
Աղբյուր՝ apnews.com
Կոլորադոյում (ԱՄՆ) բնակվող Դեքսթեր անունով շանը 2016 թվականին բեռնատարը վրաերթի էր ենթարկել, և նա կորցրել էր առջևի թաթը։ Շունը հինգ վիրահատության է ենթարկվել, և երբ նա սկսել է ապաքինվել, նա հետզհետե սկսել է հենվել հետևի երկու թաթերի վրա և քայլել այդ կերպ։ Դեքսթերն իր անսովոր քայլվածքի շնորհիվ հայտնի է դարձել սոցցանցերում: Նա հաճույքով է քայլում հետևի թաթերի վրա և միևնույն ժամանակ ուրախանում շրջապատի ուշադրությունից։
Ռուս դիվանագետին, նախնական տվյալներով, մահացած են գտել Գերմանիայի մայրաքաղաքում ՌԴ դեսպանատան մոտ։ Այս մասին հայտնել է է Der Spiegel պարբերականը՝ վկայակոչելով Բեռլինի ոստիկանությանը։ Լրատվամիջոցների չհաստատված տեղեկությունների համաձայն՝ դիվանագետն ընկել է պատուհանից, նրա մարմինը հայտնաբերվել է հոկտեմբերի 19-ին՝ տեղական ժամանակով ժամը 7.20-ին, Բերենշտրասսե շենքի դիմացի արահետին։
Աղբյուր՝ gazeta.ru
Բելգիայի հավաքականի գլխավոր մարզիչ Ռոբերտո Մարտինեսն ուրբաթ օրը ասել է, որ հարձակվող Ռոմելու Լուկակուն կոճի վնասվածքի պատճառով բաց կթողնի հաջորդ շաբաթ կայանալիք Աշխարհի առաջնության ընտրական փուլի հանդիպումները: «Կարմիր սատանաներին» ընդամենը երկու միավոր է բաժանում Քաթարի որակավորումն անցնելու համար:
Աղբյուր՝ france24.com
Ֆիլմը չի ցուցադրվի Սաուդյան Արաբիայում, Բահրեյնում, Քուվեյթում, Քաթարում և Օմանում։ Այս երկրներում կինովարձույթից հրաժարվելու պատճառը եղել է հերոսների միջև բոլոր ինտիմ տեսարանները և այլ դրվագներ կտրելու պահանջը։ Disney-ը որոշել է ֆիլմը չցուցադրել այս երկրներում։ «Հավերժների» գրաքննված տարբերակը կթողարկվի ԱՄԷ-ում, Հորդանանում, Լիբանանում և Եգիպտոսում: Ֆիլմից կհանվեն բոլոր ինտիմ տեսարանները:
Աղբյուր՝ kulturomania.ru
Հինգշաբթի ՆԱՍԱ-ն ներկայացրեց տիեզերական գործակալության առաջին մոլորակային պաշտպանության փորձնական առաքելության Double Asteroid Redirection Test (DART) տիեզերանավը, որը նախատեսում են գործարկել այս ամսվա վերջին: Այն տիեզերքում պետք է բախվի աստղակերպի հետ:
Աղբյուր՝ reuters.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
