Կարճ լուրեր
Ֆրանսիայի Պա-դե-Կալե դեպարտամենտում տարածաշրջանային գնացքը հարվածել է չորս միգրանտների: Նրանցից մեկը մահացել, երեքը՝ վիրավորվել: Այդ մասին հայտնել է Օ-դե-Ֆրանս շրջանի փոխադրամիջոցների գծով փոխնախագահ Ֆրանկ Դերսենը: Վթարը տեղի է ունեցել հինգշաբթի երեկոյան։
Աղբյուր՝ ria.ru
Ենթադրվում է, որ Կոլորադոյի Rocky Mountain ազգային պարկում հայտնաբերված մարդկային մասունքները պատկանում են 27-ամյա գերմանացուն՝ Արևմտյան Գերմանիայից, ով անհետացել էր 38 տարի առաջ` դահուկավազքի ժամանակ: Ֆորտ Քոլինսում (Կոլորադո) ապրող փորձառու լեռնագնաց Ռուդի Մոդերի անհետանալու մասին իր սենյակակիցը հայտնել էր 1983թ. փետրվարին:
Աղբյուր՝ cnn.com
Ինդոնեզիայի գլխավոր Ճավա կղզում հորդառատ անձրևներից առաջացած ջրհեղեղի հետևանքով առնվազն ութ մարդ է զոհվել, ևս երեքը անհետ կորել են: Աղետների մեղմացման ազգային գործակալությունը ուրբաթ օրը հայտնել է, որ Արջունո լեռան լանջին գետերը հինգշաբթի օրը դուրս են եկել ափերից և հեղեղել Արևելյան Ճավա նահանգի Կոտա Բատու քաղաքում գտնվող հինգ գյուղ:
Աղբյուր՝ aljazeera.com
Շվեդական ABBA փոփ խումբը թողարկել է իր «Voyage» ալբոմը: Այն արդեն հասանելի է մի շարք հարթակներում, այդ թվում՝ YouTube-ում, Spotify-ում, iTunes-ում և այլուր:
Աղբյուր՝ interfax.ru
VoloCity կոչվող նախագիծը, որը նախատեսվում է իրականացնել նաև Փարիզում և Սինգապուրում, խոստանում է մարդկանց օդանավակայանից քաղաք տեղափոխել 20 րոպեում, առանց խցանումների և զրոյական արտանետումներով՝ ընթանալովժամում 110 կիլոմետր առավելագույն արագությամբ:
Աղբյուր՝ france24.com
5-ից 11 տարեկան երեխաները, ովքեր կպատվաստվեն COVID-19-ի դեմ, իրավասու են ստանալ վճար 100 դոլարի չափով: Այս մասին իր Twitter-ում հայտնել է Նյու Յորքի քաղաքապետ Բիլ դե Բլազիոն։
Աղբյուր՝ gazeta.ru
Հոլիվուդյան հանգուցյալ դերասանուհի Նատալի Վուդը դեռահաս տարիքում սեռական ոտնձգության է ենթարկվել դերասան Քըրք Դուգլասի կողմից, ասվում է նոր գրքում: Վուդի քույրը՝ Լանան, այս մասին նշում է իր «Փոքրիկ քույրը» հուշագրությունում, որը լույս կտեսնի նոյեմբերի 9-ին։ Ըստ Associated Press-ի հրապարակած հատվածների, Դուգլասը Վուդի վրա հարձակվել է 1955 թվականի ամռանը, ենթադրաբար, այն ժամանակ, երբ Վուդը նկարահանում էր «Որոնողները» ֆիլմում:
Աղբյուր՝ bbc.com
Լատինական Ամերիկայի երկրներից տասնյակ միգրանտներ բողոքի ակցիա են անցկացրել այն շենքի դիմաց, որտեղ գտնվում է սենատոր Չակ Շումերի գրասենյակը։ Նրանք պահանջում են պարզեցնել քաղաքացիություն ստանալու կարգը։
Աղբյուր՝ tass.ru
Հինգշաբթի տարածված լուրերի համաձայն՝ «Նյուքասլը» բանակցություններ է վարում «Բորնմութի» նախկին գլխավոր մարզիչ Էդդի Հոուի հետ՝ մարզչի թափուր մնացած պաշտոնի շուրջ:
Աղբյուր՝ france24.com
Microsoft-ի հիմնադիրը կարծում է, որ աշխարհը կարող է բախվել մի սպառնալիքի, որն ավելի սարսափելի է, քան կորոնավիրուսային համավարակը։ Ըստ ձեռնարկատիրոջ՝ խոսքը կենսաբանական զենքի կիրառմամբ ահաբեկչությունների մասին է։ Բիլ Գեյթսի խոսքով՝ բիոահաբեկիչները կարող են հարձակվել օդանավակայանների վրա՝ տարածելով ծաղիկ հիվանդություն։
Աղբյուր՝ vesti.ru
Սըր Փոլ ՄաքՔարթնին հայտել է, որ իր ծնողներն են եղել «ոգեշնչման իրական աղբյուրը» իր երգերից շատերի համար և մեծ ազդեցություն են ունեցել երաժշտությանը մոտենալու իր ճանապարհին: Նախկին «բիթլը» մի շարք նյութեր է տրամադրել՝ Բրիտանական գրադարանում իր հավաքածուի հուշանվերների ցուցահանդեսի համար: Դրանք ներառում են նախկինում չհրապարակված 35 իրեր երգչի անձնական հավաքածուից և դրանց մասին նրա սեփական մեջբերումները։
Աղբյուր՝ bbc.com
Իրակլի Ղարիբաշվիլին Եվրոպայի և Եվրասիայի հարցերով ԱՄՆ պետքարտուղարի փոխտեղակալ Էրիկա Օլսոնի հետ հանդիպմանը նույնպես ընդգծել է քաղաքական կայունության կարևորությունը։
Աղբյուր՝ tass.ru
Թեյլոր Ֆրիցն այս տարի Ֆրանսիայի բաց առաջնությունը լքել էր հաշմանդամի սայլակով, սակայն նրա վերադարձը Փարիզ շատ ավելի հաջող եղավ. նա հասավ Փարիզի մրցաշարի քառորդ եզրափակիչ՝ հինգշաբթի օրը 6-3, 7-6 (7/3) հաշվով գաղթելով Քեմերոն Նորիին: 24-ամյա ամերիկացու պարգևը՝ բրիտանացուն հեռացնելու համար,աշխարհի առաջին ռակետ Նովակ Ջոկովիչի հետ հանդիպումն է, ով այս տարվա Ավստրալիայի բաց առաջնությունում հինգ սեթում հաղթել էր Ֆրիցին:
Աղբյուր՝ france24.com
Այս մասին հինգշաբթի՝ նոյեմբերի 4-ին, հայտնել է թունիսյան Espace Manager թերթը։ Հոկտեմբերի 14-ին Հանրապետության նախագահ Քայիս Սաիդը Արդարադատության նախարարին կոչ արեց հետաքննություն սկսել Թունիսի դեմ դավադրություն կազմակերպողների մեղադրանքների վերաբերյալ արտերկրում՝ ակնարկելով Մոնսեֆ Մարզուկիին, ով ասել էր, որ հպարտ է, որ նպաստել է Ֆրանկոֆոնիայի գագաթնաժողովի հետաձգմանը: Այն նախատեսված էր նոյեմբերի 20-ին և 21-ին Ջերբայում:
Աղբյուր՝ iz.ru
Հինգշաբթի օրը Գերմանիայի հիվանդությունների վերահսկման կենտրոնը հաղորդել է համավարակի սկզբից ի վեր նոր կորոնավիրուսային վարակների ամենաբարձր թիվը: Ռոբերտ Կոխի ինստիտուտը հայտնել է, որ նախորդ 24 ժամվա ընթացքում գրանցվել է 33,949 նոր դեպք՝ մեկ շաբաթ առաջվա օրական 28,037 դեպքի դիմաց: Նախորդ ռեկորդը եղել է 33,777 նոր դեպք 2020 թվականի դեկտեմբերի 18-ին։
Աղբյուր՝ apnews.com
Երեքշաբթի օրը մոտ 60 մարդ, ներառյալ համայնքապետը, սպանվել են Նիգերի հարավ-արևմուտքում գտնվող Բանիբանգու գյուղի վրա հարձակման հետևանքով:Այս մասին Reuters-ին հայտնել են տեղական երկու պաշտոնյաներ:
Աղբյուր՝ reuters.com
Ֆրանսիայի դատարանը ֆրանսիացի դերասանուհի և կենդանիների պաշտպան Բրիջիթ Բարդոյին դատապարտել է 20 հազար եվրո տուգանքի՝ երկրի անդրծովյան տարածքի՝ Ռեյունիոն կղզու բնակիչների հասցեին ռասիստական արտահայտությունների համար, հայտնում է France Info ռադիոն։ Ավելի վաղ դատախազությունը պահանջել էր դերասանուհուն տուգանել 25 հազար եվրոյով։
Աղբյուր՝ ria.ru
Հազարավոր իրանցիներ հավաքվել են Թեհրանի փողոցներում 1979 թվականին ԱՄՆ դեսպանատան գրավման տարելիցի կապակցությամբ՝ վանկարկելով «Մահ Ամերիկային» և «Մահ Իսրայելին» և այրելով ամերիկյան և Իսրայելի դրոշները։ Իսլամական հեղափոխության պահապանների կորպուսի ղեկավար գեներալ Հոսեյն Սալամին դատապարտել է ԱՄՆ-ի ագրեսիան տարածաշրջանում վերջին տասնամյակների ընթացքում:
Աղբյուր՝ aljazeera.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
