Կարճ լուրեր
Նորզելանդացիներ Քոլին և Դոննա Քրեյգ-Բրաուններն իրենց այգում հսկայական կարտոֆիլ են հայտնաբերել և դիմել Գինեսի ռեկորդների գրքին։ Կշռելուց հետո պարզվել է, որ հսկայական կարտոֆիլի զանգվածը կազմում է մոտ 7,9 կգ։ Մինչ օրս Գինեսի ռեկորդների գրքում ամենածանր կարտոֆիլը եղել է Մեծ Բրիտանիայի հրեշը, որը կշռել է 5 կգ-ից մի փոքր պակաս: Ռեկորդը գրանցվել է 2011թ.-ին:
Աղբյուր՝ gazeta.ru
Հոլիվուդյան դերասան Դուեյն Ջոնսոնը («The Rock») հայտարարել է, որ այլևս չի օգտագործի իրական զենքեր իր ֆիլմերում այն բանից հետո, երբ անցյալ ամիս Նյու Մեքսիկոյում՝ նկարահանման հրապարակում, իր ընկեր և գործընկեր Ալեք Բոլդուինը պատահաբար կրակեց և սպանեց կինոօպերատորին: Ջոնսոնն ասել է, որ իր պրոդյուսերական ընկերությունը՝ Seven Bucks Productions-ը, «այլևս չի օգտագործի իրական զենքեր»:
Աղբյուր՝ reuters.com
Առնվազն երկու մարդ, այդ թվում՝ մեկ երեխա է զոհվել Աֆղանստանի արևելքում գտնվող Լոգար նահանգի Պուլի Ալամ քաղաքում տեղի ունեցած պայթյունի հետևանքով, հաղորդում է տեղական Tolo News հեռուստաալիքը։ Նշվում է, որ դեպքը տեղի է ունեցել եռանիվ փոխադրամիջոցի մեջ տեղադրված ականի պայթյունի հետևանքով։
Աղբյուր՝ ria.ru
Դերասանը նոր հուշագրություններում բացահայտել է իր դաստիարակության և բարդ հարաբերությունների մութ կողմերը՝ կապված իր հանգուցյալ հոր հետ: Նոյեմբերի 9-ին լույս տեսնող «Ուիլ»-ում աստղը նկարագրում է իր հորը որպես երկվություն ունեցող մարդ: «Հայրս դաժան էր, բայց նա նաև մասնակցում էր ամեն խաղի, բեմադրության և համերգի... Նա հարբեցող էր, բայց սթափ էր իմ յուրաքանչյուր ֆիլմի պրեմիերային: Նա լսում էր յուրաքանչյուր ձայնագրություն։ Նա այցելում էր յուրաքանչյուր ստուդիա»,- գրել է Սմիթը։
Աղբյուր՝ cnn.com
Դանիայի իշխանությունները կալանել են ռուսական «Akademik Ioffe» հետազոտական նավը։ Նավը պատկանում է Ռուսաստանի գիտությունների ակադեմիայի Պ.Պ.Շիրշովի անվան օվկիանոսագիտության ինստիտուտին։ Դա տեղի է ունեցել նոյեմբերի 1-ին Սկագեն նավահանգստի ճանապարհային հատվածում բունկերավորման ժամանակ (նավը վառելիքով և շարժիչային յուղերով լիցքավորելիս)՝ երրորդ կողմի հայցով:
Աղբյուր՝ lenta.ru
Շոկոլադե կեքսերի տեսականին հետ է կանչվել ԱՄՆ ութ նահանգներում, քանի որ դրանք կարող են մետաղական ցանցի փոքրիկ կտորներ պարունակել: Մարդկանց հայտարարվել է չուտել «Tastykake» բազմակի փաթեթավորմամբ արտադրանքները, որոնք վաճառվել են ավելի քան 500 «Walmart» խանութներում: Տուժածների մասին տեղեկություններ չկան։
Աղբյուր՝ bbc.com
Նոյեմբերի 4-ին տեղի է ունեցած առանձնազրույցի ընթացքում Արման Դիլանյանը և իր վրացի գործընկեր Մերաբ Տուրավան պատրաստակամություն են հայտնել շարունակել բարձր մակարդակի շփումները երկկողմանի օրակարգի բոլոր հարցերով ու դիտարկել համատեղ տարածաշրջանային ծրագրերի իրականացումը:
Աղբյուր՝ Սահմանադրական դատարանի մամուլի ծառայություն
Լագոսի Իկոի թաղամասում 21-հարկանի շենքի փլուզումից հետո արդեն չորրորդ օրն է՝ փրկարարական աշխատանքներ են ընթանում:
Աղբյուր՝ aljazeera.com
Disney ընկերությունը թողարկել է Սուրբ ծննդյան կարճամետրաժ մուլտֆիլմ, որը կոչվում է «Իսական հայրիկ»: Տեսանյութը հրապարակվել է Disney Russia յութուբյան ալիքում։ Պատմությունը Լոլա տատիկի և թոռնուհու՝ Նիկոլի մասին անցյալ տարվա կարճամետրաժ ֆիլմի շարունակությունն է։
Աղբյուր՝ kulturomania.ru
ԱՀ պետական նախարարը նոյեմբերի 2-ին և 3-ին ԱՄՆ Կոնգրեսի շենքում հանդիպել է Ֆրանկ Փալոնի, Աննա Էշուի և Ջիմ Քոսթայի հետ: Հանդիպմանը Բեգլարյանը նշել է, որ Արցախի ժողովրդի ինքնորոշման իրավունքի իրացման փաստի ճանաչումը հիմնաքարային նշանակություն ունի հակամարտության վերջնական ու արդարացի կարգավորման գործում՝ ակնկալելով, որ ԵԱՀԿ Մինսկի խումբը գործուն ջանքեր կգործադրի այդ ուղղությամբ: Նա նաև այցելել է Կոնգրեսի գրադարանի հայկական բաժին, ծանոթացել այնտեղ առկա հնարավորությունների հետ և քննարկել Արցախին առնչվող գրականության շարունակական ավելացման մեխանիզմները:
Աղբյուր՝ ԱՀ պետական նախարարի աշխատակազմի տեղեկատվության և հասարակայնության հետ կապերի բաժին
ԱՄՆ զինված ուժերի կողմից իրանական նավթի բեռների առգրավման փորձը կանխելու համար։ Այդ մասին հինգշաբթի հայտնել է Tasnim գործակալությունը։
Աղբյուր՝ tass.ru
Բոլիվիայի բարձրլեռնային Լա Պաս քաղաքը տուժել է անսովոր շոգից: Ուլտրամանուշակագույն ճառագայթման մակարդակը կտրուկ բարձրացել է նորմայից, ինչը սրվել է ամպամածության անսովոր ցածր մակարդակի պատճառով: Որոշ փորձագետներ դա կապում են կլիմայի փոփոխության հետ: Վերջին շաբաթներին ուլտրամանուշակագույն ճառագայթման մակարդակը աղյուսակում հասնում է 21-ի այն դեպքում, երբ այն սովորաբար չի գերազանցում 20-ը:
Աղբյուր՝ cnn.com
Մադրիդի «Ռեալը» դարձավ պատմության մեջ առաջին ակումբը, որը Չեմպիոնների լիգայում 1000 գոլ է խփել։ Նշանակալից իրադարձությունը տեղի ունեցավ Դոնեցկի «Շախտյորի» դեմ խաղում։ «Հանքափորների» դարպասին խփած հենց առաջին գոլը հոբելյանական դարձավ մադրիդցիների համար։ Չեմպիոնների լիգայի խմբային փուլի չորրորդ տուրում Մադրիդի «Ռեալը» «Շախտյորին» հաղթեց 2:1 հաշվով:
Աղբյուր՝ korrespondent.net
Դերասան Բրեդ Փիթը նախկին կնոջից՝ Անջելինա Ջոլիից, բաժանվելուց հետո որոշել է այլևս չամուսնանալ։ Այս մասին հայտնում է UsWeekly-ն՝ հղում անելով հոլիվուդյան աստղի շրջապատին մոտ աղբյուրներին։ Արտիստի ծանոթների խոսքով՝ Փիթի համար նոր կանանց հետ հանդիպելը դադարել է կարևոր լինել այն բանից հետո, երբ նա ստիպված է եղել լուրջ հարցեր լուծել Ջոլիի հետ ամուսնալուծության գործընթացի արդյունքում։
Աղբյուր՝ gazeta.ru
Պորտուգալիայի նախագահ Մարսելու Ռեբելու դե Սոզայի խորհրդատվական մարմինը՝ Պետական խորհուրդը, հավանություն է տվել խորհրդարանը ցրելու նրա առաջարկին այն բանից հետո, երբ անցյալ շաբաթ օրենսդիրները մերժեցին կառավարության 2022 թվականի բյուջեի օրինագիծը՝ ճանապարհ բացելով արտահերթ ընտրությունների համար։ Արտահերթ ընտրությունների անցկացման օրը չի նշվել:
Աղբյուր՝ aljazeera.com
Ադամանդե թևնոցները, որոնք պատկանել են Մարի Անտուանետին, և սուտակով և ադամանդով ապարանջանը, որը Վինձորի դքսուհուն նվիրել է նրա ամուսինը՝ ամուսնության առաջին տարեդարձի կապակցությամբ, հաջորդ շաբաթ կհայտնվեն Ժնևի աճուրդում: Ակնկալվում է, որ ապարանջանները, որոնք այժմ պատկանում են եվրոպական թագավորական ընտանիքին, նոյեմբերի 9-ին կայանալիք աճուրդում կվաճառեն 2-4 միլիոն դոլար, հաղորդում է «Քրիստիս»-ը:
Աղբյուր՝ reuters.com
Իսրայելի խորհրդարանը հաստատել է 2021 թվականի պետական բյուջեն՝ դրանով իսկ կանխելով արտահերթ ընտրությունները։ Հինգշաբթի՝ նոյեմբերի 4-ի վաղ առավոտյան, Քնեսեթի 120 պատգամավորներից 61-ը կողմ քվեարկեցին բյուջեի նախագծին: Վարչապետ Նաֆթալի Բենեթը Twitter-ի իր միկրոբլոգում այս իրադարձությունն անվանել է «տոն Իսրայել պետության համար»։
Աղբյուր՝ dw.com
«Մանչեսթեր Յունայթեդը» հայտարարել է, որ Ռաֆայել Վարանը կհեռացվի խաղերից մինչև մեկ ամսով: Երեքշաբթի Չեմպիոնների լիգայում «Յունայթեդի»՝ «Ատալանտայի» դեմ խաղի (2:2) առաջին խաղակեսում Վարանը հեռացվեց խաղից:
Աղբյուր՝ france24.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
