Կարճ լուրեր
Երկար հանգստյան օրերին իրական ռիսկ է տագնապի զգացողության ի հայտ գալը: Դրանից խուսափելու համար հարկավոր է հավաքել լավ ֆիլմեր, գրքեր կարդալ, զբաղվել հոբբիներով և օգտակար բաներով և ֆիզիկապես ծանրաբեռնվել: Այդ մասին ՌԻԱ Նովոստիին հայտնել է Մոսկվայի Առողջապահության դեպարտամենտի մեծահասակների առողջության առաջնային պահպանման գծով գլխավոր ֆրիլանս մասնագետ Անդրեյ Տյաժելնիկովը։
Աղբյուր՝ ria.ru
Համացանցում է հայտնվել Մայքլ Բեյի «Շտապօգնություն» սպասվելիք մարտաֆիլի առաջին թրեյլերը։ 2022 թվականի փետրվարին թողարկվելիք նախագծի գլխավոր դերերում հանդես են եկել Ջեյք Ջիլենհոլը Յահյա Աբդուլ-Մաթին II-ը Էյսա Գոնսալեսը:
Աղբյուր՝ gazeta.ru
Հայտնաբերված անգլո-սաքսոնական ոսկյա մետաղադրամների ամենամեծ պաշարը ուսումնասիրության ժամանակ գանձ է ճանաչվել։ Չորս ոսկյա իրերը, 131 մետաղադրամների հետ միասին, հայտնաբերվել են արևմտյան Նորֆոլկի մի դաշտում, հիմնականում մետաղորսիչով: Ոստիկանության աշխատակիցը հայտնաբերել էր տասը մետաղադրամ, փորձել վաճառել դրանք և դատապարտվել 16 ամսվա ազատազրկման։
Աղբյուր՝ bbc.com
Երկու տարի առաջ կարիեռան ավարտած հայտնի չինացի թենիսիստուհի Պեն Շուայը սկանդալային հայտարարություն է արել: Մարզուհին իր երկրի նախկին փոխվարչապետ Չժան Գաոլիին մեղադրել է սեռական ոտնձգությունների և հարկադիր համատեղ կյանքի մեջ։ 35-ամյա թենիսիստուհին հայտարարությունն արել է երեքշաբթի՝ նոյեմբերի 2-ին, սակայն գրառումը շուտով հեռացվել է։
Աղբյուր՝ vesti.ru
Բայդենի վարչակազմը հայտարարել է Իսրայելական ընկերության լրտեսող ծրագրերը հնարավորություն են տալիս «ռեպրեսիաներ» կիրառել լրագրողների ու ակտիվիստների նկատմամբ։
Աղբյուր՝ aljazeera.com
Չորեքշաբթի օրը հեղափոխության պահապանները հայտարարել են, որ խափանել են Օմանի ծոծում Իսլամական Հանրապետության նավթ տեղափոխող լցանավը կալանելու ԱՄՆ-ի փորձը: ԱՄՆ ներկայացուցիչները հայտարարել են, որ իրանական հաղորդագրությունը չի համապատասխանում իրականությանը, և ամերիկյան կողմից լցանավ գրավելու փորձ չի եղել:
Աղբյուր՝ reuters.com
Հարավաֆրիկացի գրող Դեյմոն Գալգուտը 2021 թվականի Բուքերյան մրցանակին է արժանացել «Խոստում» վեպի համար:
Աղբյուր՝ ria.ru
Շվեդիայի Ուփսալա քաղաքի համերգասրահում տարեց տղամարդը յոթերորդ հարկից ընկել է երկու մարդու վրա ։ 80-անց տղամարդը ընկել է 60-անց տղամարդու և կնոջ վրա, որ հետևանքով երկու տղամարդիկ մահացել են: Շվեդիայի ոստիկանությունը հաստատել է, որ միջադեպի հետևանքով, որը տեղի է ունեցել տեղական ժամանակով ժամը 19.00-ի մոտակայքում, երրորդ անձը՝ 60-ն անց կինը, վիրավորվել է:
Աղբյուր՝ dailymail.co.uk
Առողջապահության համաշխարհային կազմակերպությունը չորեքշաբթի արտակարգ իրավիճակների օգտագործման լիցենզիա է տրամադրել Հնդկաստանում մշակված Covaxin պատվաստանյութին, երաշխավորելով որ երկրի կարգավորիչները թույլատրել են պատվաստանյութը անվտանգության և արդյունավետության ընդլայնված փորձարկումների ավարտից շատ առաջ: Covaxin-ը ութերորդ COVID-19-ի դեմ պատվաստանյութն է, որը ստացել է ԱՀԿ կանաչ լույս:
Աղբյուր՝ apnews.com
Վթարից հետո ինքնաթիռում հրդեհ է բռնկվել, մարդիկ մահացել են հրդեհից, «Ինտերֆաքս»-ին հայտնել է իրազեկող աղբյուրը։ Աղբյուրի փոխանցմամբ՝ աղետի վայրում հրդեհը մարելուց հետո հինգ մարդու մասունքներ են հայտնաբերվել, առանց փորձաքննության հնարավոր չէ նրանց նույնականացնել։ Ինքնաթիռում գտնվող ևս երկու մարդու աճյունի որոնողական աշխատանքները շարունակվում են։
Աղբյուր՝ interfax.ru
Աֆղանստանի հյուսիսում գտնվող Կունդուզ նահանգում պայթյունից զոհվե է առնվազն յոթ մարդ, ևս վեցը վիրավորվել, ՌԻԱ Նովոստիին հայտնել է ականատեսը։ Ականատեսի վկայությամբ՝ պայթել է նախկինում չպայթած արկ։
Կոլումբիայի արևմտյան Նարինո նահանգում սողանքի հետևանքով առնվազն 11 մարդ է զոհվել, տասնյակ մարդիկ վիրավորվել կամ անհետ կորել են։ Հարավամերիկյան երկրի աղետների հետևանքների վերացման գործակալությունը (UNGRD) երեքշաբթի ուշ երեկոյան հայտնել է, որ սողանքը տեղի է ունեցել Մալլամա ավանում հորդառատ անձրևներից հետո:
Աղբյուր՝ aljazeera.com
Էդ Շիրանը երրորդ անգամ անընդմեջ գլխավորել է Մեծ Բրիտանիայի ամենահարուստ երիտասարդ աստղերի ցուցակը, նրա կարողությունը գնահատվում է 236,5 մլն ֆունտ ստեռլինգ։ 30-ամյա Շիրանը վերջին անգամ է գլխավորել ցուցակը, քանի որ այնտեղ ընդգրկվում են միայն մինչև 30 տարեկան աստղերը։ Լավագույն հնգյակում են նաև Հարի Սթայլսը (80 մլն ֆունտ), LIttle Mix-ը (66,7 մլն ֆունտ), Նայլ Հորանը (57,5 մլն ֆունտ) և Կարա Դելևինը (52 մլն ֆունտ):
Աղբյուր՝ kulturomania.ru
Բոստոնի ընտրողները երեքշաբթի քաղաքական շրջադարձային իրադարձություն են ստեղծել՝ քաղաքապետի պաշտոնում ընտրելով կին և ասիական ծագումով Միշել Վուին: Նրանից առաջ Բոստոնում այս պաշտոնում ընտրվել են միայն սպիտակամորթ տղամարդիկ:
Աղբյուր՝ apnews.com
Հոկտեմբերին՝ արդեն հինգերորդ ամիսը, սպառողական գնաճը Թուրքիայում արագացել է ՝ պայմանավորված էներգակիրների ծախսերի աճով և թույլ ազգային արժույթով։ Անցյալ ամիս գները տարեկան կտրվածքով աճել են 19,89%-ով՝ սեպտեմբերի 19,58%-ի դիմաց, մինչդեռ Bloomberg-ի 20 վերլուծաբանների միջին գնահատականը կանխատեսում էր 20,35% աճ։ Ամսական գնաճը կազմել է 2,39 տոկոս՝ առանձին ուսումնասիրության միջին գնահատականի 2,8 տոկոսի դիմաց:
Աղբյուր՝ eadaily.com
«Արարքներն ավելի խոսուն են, քան բառերը»,- չորեքշաբթի արձագանքել է Չինաստանի արտգործնախարարության խոսնակ Վան Վենբինը՝ ի պատասխան Բայդենի մողադրանքների, թե Պեկինը առաջնորդություն չի ցուցաբերում կլիմայ փոփոխության դեմ պայքարում: «Այն, ինչ մեզ անհրաժեշտ է կլիմայի փոփոխությանը դիմակայելու համար, կոնկրետ գործողություններն են, ոչ թե դատարկ խոսքերը»,- ավելացրեց նա: «Չինաստանի գործողություններն կլիմայի փոփոխության դեմ իրական են»:
Աղբյուր՝ france24.com
Նոյեմբերի 3-ին N զորամասի հրետանային ստորաբաժանումների անձնակազմի անհատական պատրաստվածությունն ու ներդաշնակման կարողությունները կատարելագործելու նպատակով անցկացվել են գործնական պարապմունքներ։ Զինծառայողները բացազատել են հրետանային միջոցները, բերել մարտական վիճակի և կատարել առաջադրված խնդիրները։ Վերադաս հրամանատարությունը բարձր է գնահատել անձնակազմի մասնագիտական պատրաստվածությունը:
Աղբյուր՝ ՀՀ ՊՆ
Կծու պղպեղի սերմերը Միջազգային տիեզերական կայան են տարվել 2021 թվականի հունիսին՝ ՆԱՍԱ-ի փորձի շրջանակներում: ՆԱՍԱ-ի հաղորդմամբ՝ չիլիի առաջին բերքը հավաքվել է 2021 թվականի հոկտեմբերի 29-ին: Մեգան ՄաքԱրթուրը թվիթերյան իր էջում գրել է, որ թիմը փորձել է տավարի մսով, բանջարեղենով և ոչ երկրային կծու պղպեղով տակոներ: Տիեզերագնացը ստացված ուտեստն անվանել է «լավագույն տիեզերական տակոն»:
Աղբյուր՝ vesti.ru
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
