Կարճ լուրեր
Արձանների գլուխները հայտնաբերվել են ներկայիս Թուրքիայի տարածքում՝ ծովախորշի հատակին, սակայն հնագետները նշում են, որ մարմինները հայտնաբերվել են նախորդ պեղումների ժամանակ. հայտնի չէ, թե ինչպես են գլուխներն ու մարմինները բաժանվել։ Հունական սիրո աստվածուհի Աֆրոդիտեի և գինու աստված Դիոնիսոսի քանդակները փորագրվել են կրաքարից 5000 տարի առաջ, հնագույն Այզանոյ քաղաքում, որտեղ գտնվել է աշխարհի առաջին ֆոնդային բորսաներից մեկը:
Աղբյուր՝ dailymail.co.uk
նոյեմբերի 1-2-ն անցկացվել են վարժանքներ։ Ուսուցանվել են ժամանակակից պատերազմական գործողությունների ժամանակ ՀՕՊ գործողությունները, մարտական փաստաթղթերի վարման կարգը։ Անձնակազմի պատրաստության մակարդակն ու արագ կողմնորոշվելու ունակությունները ստուգելու նպատակով անցկացվել են ստուգարքներ՝ դյուրակիր զենիթահրթիռային համալիր վարժասարքի կիրառմամբ:
Աղբյուր՝ ՀՀ ՊՆ
Երևանի կենդանաբանական այգում ընթանում են հակահամաճարակային և սանիտարական աշխատանքներ:
Աղբյուր՝ Երևանի կենդանաբանական այգի
Հոկտեմբերի 26-ից 29-ը ՀՀ ՊՆ մարդու իրավունքների և բարեվարքության կազմակերպման կենտրոնի և Եվրոպայի խորհրդի երևանյան գրասենյակի նախաձեռնությամբ ՊՆ ռազմական ոստիկանության տարածքային բաժինների և բաժանմունքերի անձնակազմի համար անցկացվել են «Կյանքի իրավունք» և «Զինված ուժերի համատեքստում խոշտանգումների, վատ վերաբերմունքի և մահվան դեպքերի արդյունավետ քննության թեմաներով» վերապատրաստման դասընթացներ։ Մասնակիցներն ուսումնասիրել են զինված ուժերում մարդու իրավունքների պաշտպանությանն առնչվող հարցեր:
Աղբյուր՝ ՀՀ ՊՆ
Իրանի ռազմածովային ուժերը կանխել են ծովահենների հարձակումը Ադենի ծոց մեկնող իրանական նավթատար նավի վրա։ Ուղեկցող խումբը նախազգուշական կրակ է բացել ծովահենների վրա։ Չորսից վեց հոգանոց զինված ծովահենները կասկածելի նավակներով փորձել էին հարձակվել լցանավի վրա:
Աղբյուր՝ korrespondent.net
Ռեփեր Եգոր Բուլատկինը, ով ավելի հայտնի է որպես Եգոր Կրիդ, գրանցել է կոսմետիկայի իր սեփական բրենդը՝ «Kreed Cosmetics»։ SPARK-ի տվյալներով՝ արտիստին պատկանում է ապրանքանիշի բաժնետոմսերի 50%-ը: Մյուս կեսը ձեռներեց Մարինա Նազարովայինն է, ով համատեղությամբ ղեկավարում է նաև Beauty Creation LLC ընկերությունը։
Աղբյուր՝ gazeta.ru
Լիոնել Մեսսին ասել է, որ ընտանիքի հետ կվերադառնա Բարսելոնա ապրելու, երբ ավարտվի իր ժամանակը ՊՍԺ-ում, և կցանկանար օգնել Լա Լիգայի ակումբին՝ որպես տեխնիկական տնօրեն։ Մեսսին արտասեզոնային երկու տասնամյակ անցկացրեց իսպանական ակումբի հետ, որտեղ նա նրանց ռեկորդակիրն է 672 գոլով, Նա ՊՍԺ-ին է միացել ազատ տրանսֆերային իրավունքով, երկամյա պայմանագիրով:
Աղբյուր՝ reuters.com
Երեքշաբթի օրը Հանոյի Նոյ Բայի միջազգային օդանավակայանում երկու մարդատար ինքնաթիռներ են բախվել։ Միջադեպը տեղի է ունեցել գետնի վրա, և արդյունքում ոչ ոք չի տուժել, հայտնել են Վիետնամի քաղաքացիական ավիացիայի վարչությունից։ Իրար են բախվել Airbus A321 Neo-ն և Airbus A321-ը. երկուսն էլ թեթևակի վնասվել են:
Աղբյուր՝ tass.ru
Ճապոնիայի գլխավոր ընդդիմադիր կուսակցության առաջնորդ Յուկիո Էդանոն երեքշաբթի հայտարարեց իր հրաժարականի մասին այն բանից հետո, երբ նա չկարողացավ օգտագործել հանրային դժգոհությունը իշխող կուսակցությունից՝ համավարակի դեմ պայքարի շուրջ:
Աղբյուր՝ france24.com
Վրաստանի նախկին նախագահ Միխեիլ Սաակաշվիլին, ով գտնվում է բանտում, խոստանում է, ազատ արձակվելուց հետո, առավելագույնը տասը օրվա ընթացքում երկրում հասնել արտահերթ խորհրդարանական ընտրությունների։ Նախկին նախագահի նամակը երեքշաբթի օրը լրագրողների առաջ ընթերցել է նրա փաստաբան Դմիտրի Սաձագլիշվիլին՝ բանտում իր պաշտպանյալի հետ հանդիպելուց հետո։
Աղբյուր՝ sputnik-georgia.ru
Երեքշաբթի օրը Tesla-ի գործադիր տնօրենի կողմից հնագույն չինական բանաստեղծության տեղադրումը սոցցանցերում ստիպել է համացանցի չինացի օգտատերերին բուռն բանավեճ սկսել դրա իմաստի շուրջ, շատերը նաև գովաբանել են Մասկին՝ տեքստի իմացության համար: Twitter-ում իր խորհրդավոր գրառումներով հայտնի Մասկը իր պաշտոնական էջերում անգլերենով գրել է « Humankind» և դրան կից հրապարակել «Յոթ քայլեր» բանաստեղծոիթյան կրճատ տարբերակը չինարենով:
Աղբյուր՝ reuters.com
«Երբ «ՊՍԺ»-ն գնվեց, ես առաջինն էի, որ պայմանագիր կնքեցի: Ես հպարտ եմ դրանով։ Առանց ինձ «ՊՍԺ»-ն չէր դառնա այն, ինչ հիմա է: Շատերը կարծում էին, որ ես եկել եմ փողի, քաղաքի կամ կյանքի համար։ Բայց երբ ես եկա, ամեն ինչ փոխվեց»,- Զլատան Իբրահիմովիչի խոսքերը փոխանցում է Telefoot-ը։ Իբրահիմովիչը փարիզեցիների թիմում հանդես է եկել 2012-ից 2016 թվականներին:
Աղբյուր՝ gazeta.ru
YouTube-ի One Media ալիքը հրապարակել է «Մորբիուս» բլոկբաստերի թրեյլերը՝ ամերիկացի դերասան Ջարեդ Լետոյի մասնակցությամբ։ Տեսանյութում Լետոն խոսում է իր կերպարի և նրա գերկարողությունների մասին: Ըստ սյուժեի՝ Մայքլ Մորբիուսը տառապում է արյան հազվագյուտ հիվանդությունից, որը նրան վերածում է վամպիրի։ Ֆիլմը էկրաններ կբարձրանա 2022 թվականի հունվարի 20-ից։
Աղբյուր՝ gazeta.ru
Աշխարհի ավելի քան 100 առաջնորդներ կխոստանան մինչև 2030 թվականը դադարեցնել և չեղարկել անտառահատումները՝ COP26 կլիմայական գագաթնաժողովի առաջին խոշոր գործարքի շրջանակներում: Բրազիլիան, որտեղ վերացրել են Ամազոնի խոնավ անտառների որոշ հատվածներ, երեքշաբթի ստորագրողների թվում կլինի: Գրավը ներառում է մոտ 19,2 միլիարդ դոլար պետական և մասնավոր միջոցներ:
Աղբյուր՝ bbc.com
Ֆիլադելֆիայում կյանքի 101-րդ տարում մահացել է ամերիկացի հոգեբույժ և հոգեթերապևտ, Կոգնիտիվ-վարքաբանական թերապիայի հիմնադիրներից Ահարոն Բեկը։ Երկուշաբթի օրը իր էջում համապատասխան գրառում է տեղադրել Բեկի ինստիտուտը՝ վաստակավոր հոգեբույժի և նրա դստեր՝ Ջուդիտի կողմից 1994 թվականին հիմնադրված ոչ առևտրային կազմակերպությունը:
Աղբյուր՝ tass.ru
Ուսման Դեմբելեն, որը աջ ծնկի վիրահատությունից հետո չորս ամիս բացակայում էր, մեկն է այն չորս խաղացողներից, ովքեր հետ են կանչվել «Բարսելոնայի»՝ Չեմպիոնների լիգայում Կիևի «Դինամոյի» հետ հանդիպման համար, երկուշաբթի հայտարարել է ակումբը:
Աղբյուր՝ france24.com
«Հոգ տանելով առողջության մասին» պուլսօքսիմետրերով և զարկերակային ճնշման չափիչներով հավաքածուներ են Մոսկվայում պատվաստումից հետո ստացել մոտ 300 հազար թոշակառուներ, երեքշաբթի հաղորդվում է մայրաքաղաքի քաղաքապետի պաշտոնական պորտալում։
Աղբյուր՝ ria.ru
Բրազիլիայի իշխանությունների տվյալներով՝ ինը հրշեջ է զոհվել Ալտինոպոլիս քաղաքի մոտ, երբ փլուզվել է քարանձավոի ծածկը՝ ներսում ընթացող պարապմունքների ժամանակ։ Պատահարը տեղի է ունեցել կիրակի օրը, երբ 26 հրշեջներ ուսումնամարզական վարժանքներ էին կատարում Դուաս Բոկաս քարանձավում, Twitter-ում հայտնել է Սան Պաուլոյի հրշեջ ծառայությունը։
Աղբյուր՝ aljazeera.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
