Կարճ լուրեր
44-ամյա մասնագետը առանց ակումբի էր 2021 թվականի մայիսից, երբ հեռացավ «Նապոլիից», որի հետ նախորդ տարի նվաճեց Իտալիայի գավաթը: Իտալիայի նախկին կիսապաշտպան Գատուզոն անցած ամառ նշանակվել էր «Ֆիորենտինայի» գլխավոր մարզիչ, սակայն լքել էր ակումբը մինչև թիմին միանալու պաշտոնական ամսաթիվը: 13 տարի որպես խաղացող «Միլանում» անցկացրած Գատուզոն փոխարինում է Խոսե Բորդալասին, ով աշխատանքից հեռացվել է ուրբաթ օրը:
Աղբյուր՝ bbc.com
Ռումինական հեռուստատեսության գլխավոր տնօրեն Դեն Տուրտուրիցան հայտարարել է, որ իր երկրի ներկայացուցիչներն այլևս չեն մասնակցի «Եվրատեսիլին»: Ավելի վաղ Եվրատեսիլում ռումինական պատվիրակության ներկայացուցիչները մեղադրել էին երգի միջազգային մրցույթի կազմակերպիչներին մասնակիցների ելույթների արդյունքները կեղծելու մեջ: Ռումինիայի ժյուրին ամենաբարձր գնահատականը տվել է Մոլդովայի մասնակցին, սակայն այդ ձայները չէին հաշվվել:
Աղբյուր՝ kulturomania.ru
Իսպանիայի հարավի լեռներում բռնկված անտառային հրդեհը ստիպել է 2000 մարդու տարհանել Բենահավիս քաղաքի կենտրոնից և վիրավորել երեք հրշեջների, հայտնում են իշխանությունները: Հրդեհը սկսվել է չորեքշաբթի կեսօրին Պուխեռա լեռան լանջերին՝ Սիերա Բերմեխա կոչվող տարածքում, որը գրավում է Անդալուսիայի ափ եկող բրիտանացի զբոսաշրջիկներին: Այս մասին Twitter-ում հայտնել է Անդալուսիայի անտառային հրդեհների վարչությունը:
Աղբյուր՝ reuters.com
«Օլիմպիկ Լիոնը» երկարաձգել է պայմանագիրը դարպասապահ Անտոնի Լոպեշի հետ: 31-ամյա պորտուգալացու հետ նոր պայմանագիրը նախատեսված է մինչև 2025 թվականի հունիսի վերջը:
Աղբյուր՝ sport-express.ru
Չինաստանի կենտրոնական Հունան նահանգում ջրհեղեղի հետևանքով երեք մարդ անհետ կորել է, իսկ հարավային Գուանսի շրջանի գյուղերից մեկի մի հատվածը ծածկել է սողանքը, հայտնում են պետական լրատվամիջոցները: Շուրջ 1,8 միլիոն մարդ տուժել է հիմնականում գյուղական, լեռնային նահանգում, որոնցից 286,000-ը տարհանվել են ապահով վայրեր, իսկ ավելի քան 2,700 տուն վնասվել կամ ամբողջությամբ փլուզվել է:
Աղբյուր՝ apnews.com
Էնթոնի Հոփքինսը միացել է Զաք Սնայդերի նոր՝ Rebel Moon («Ապստամբ Լուսին») ֆիլմի դերասանական կազմին: Նա կհնչյունավորի ռոբոտ Ջիմիին, ով պաշտպանում էր սպանված տիրակալին: Գիտաֆանտաստիկ ֆիլմը կպատմի գալակտիկայի ծայրամասում գտնվող գաղութի կյանքի մասին: նկարահանվել են նաև Չարլի Հանեմը, Քերի Էլվեսը, Ջենա Մելոունը և այլք: Նկարահանումները պատվիրել է Netflix հոսքային ծառայությունը:
Աղբյուր՝ kulturomania.ru
Ըստ TMZ-ի՝ Բրիթնի Սփիրսն ու Սեմ Ասղարին ամուսնանում են այսօր՝ հունիսի 9-ին: Հաղորդվում է, որ հարսանեկան արարողությունը համեստ է լինելու. հրավիրված են մոտ հարյուր հյուրեր, այդ թվում՝ հարսի ու փեսայի մտերիմ ընկերներն ու հարազատները: Հյուրերի թվում չկա երգչուհու հայրը՝ Ջեյմս Սփիրսը: Ենթադրվում է, որ երգչուհու հետ տոնը կիսելու կգա եղբայրը՝ Բրայանը:
Աղբյուր՝ gazeta.ru
ՀՀ սննդամթերքի անվտանգության տեսչական մարմնի ղեկավարի որոշմամբ՝ վերացվել են անհատ ձեռնարկատեր Նարինե Խաչատրյանին պատկանող հանրային սննդի կազմակերպության (Սյունիքի մարզ, ք. Կապան) և «Հարատիդ» ՍՊԸ-ին պատկանող լիմոնադի արտադրության (Լոռու մարզ, ք. Վանաձոր) գործունեության կասեցումները: Դրանցում շտկվել են նախորդիվ հայտնաբերված բոլոր թերություններն ու խախտումները:
Աղբյուր՝ ՀՀ ՍԱՏՄ
Հինգշաբթի Չինաստանի կենտրոնական Հուբեյ նահանգում Ժողովրդական ազատագրական բանակի ռազմաօդային ուժերի J-7 ինքնաթիռը կործանվել է ուսումնական առաքելություն ժամանակ՝ վնասելով մի քանի տներ, հայտնում է CCTV-ն: Հեռարձակողի տեղեկություններով՝ զոհվել է մեկ բնակիչ, ևս երկուսը վիրավորվել են: Օդաչուն, ով ստացել է թեթև վնասվածքներ, բարեհաջող ցած է նետվել ինքնաթիռից և պարաշյուտով իջել է գետնին մինչ ինքնաթիռի կործանվելը:
Աղբյուր՝ cnn.com
Արգենտինայի ֆուտբոլի ազգային հավաքականի ավագ Լիոնել Մեսսին էպիզոդիկ դերով հանդես է եկել արգենտինական «Los protectores» («Պաշտպաններ») հեռուստասերիալում, հայտնում է Marca-ն: Սերիալում Մեսսին խաղացել է ինքն իրեն: «Պարի Սեն Ժերմենի» հարձակվողի մասնակցությամբ տեսարանը նկարահանվել է Փարիզում և կցուցադրվի սերիալի երկրորդ սեզոնում 2023 թվականին: Սերիալը երեք ֆուտբոլային գործակալների մասին է, ովքեր ստիպված են լինում միավորվել՝ իրենց բիզնեսը փրկելու համար:
Աղբյուր՝ ria.ru
Բողկը ամենացածր կալորիականությամբ բանջարեղեններից է, որի օգտագործումը բարելավում է աղիների աշխատանքը և ոսկորների, մազերի և մաշկի վիճակը: Յուրահատուկ բանջարեղենի օգտակար հատկությունների մասին «Իզվեստիային» պատմել է Էնդոկրինոլոգ, սննդաբան Օքսանա Միխալևան: Նրա խոսքով, բողկը նաև առաջատարն է գարնանային բանջարեղենի մեջ՝ վիտամին C-ի պարունակությամբ. 100 գ մթերքը պարունակում է օրական պահանջարկի մեկ երրորդը:
Հինգշաբթի Հարավային Կորեայի Դեգու քաղաքում ենթադրյալ հրկիզման հետևանքով առաջացած հրդեհը տարածվել է գրասենյակի շենքում, հայտնել են տեղի հրշեջների և ոստիկանության ներկայացուցիչները: Տասնյակ հրշեջներ և մեքենաներ են տեղակայվել և արագ մարել կրակը, որը սկսվել է առավոտյան, քաղաքի շրջանային դատարանի մոտ գտնվող յոթհարկանի գրասենյակային շենքի երկրորդ հարկում: Առնվազն 41 մարդ տուժել է, հիմնականում՝ ծխի ներթափանցումից, նրանցից 26-ը բուժվում են մոտակա հիվանդանոցներում:
Աղբյուր՝ apnews.com
Քաղաքի իշխանությունները հայտարարել են, որ Շանհայը շաբաթ արգեափակելու է 2,7 միլիոնանոց շրջանը՝ զանգվածային կորոնավիրուսային թեստավորում անցկացնելու համա, քանի որ Չինաստանի մետրոպոլիան պայքարում է ամբողջությամբ դուրս գալու պատժիչ սահմաններից: Անցյալ շաբաթ քաղաքը թեթևացրեց բազմաթիվ սահմանափակումներ՝ մարտից ի վեր 25 միլիոն բնակիչության մեծ մասին կարանտինով իրենց տներում պահելով:
Աղբյուր՝ france24.com
Հունիսի 10-ին՝ ժամը 14:00-ից 15:00-ն ընկած ժամանակահատվածում, Արարատի մարզի Նշավան բնակավայրում իրականացվելու է «Օդային տագնապի դեպքում տարահանում և պատսպարում» թեմայով վարժանք: Գործարկվելու է բնակավայրի շչակը: ԱԻՆ-ը հորդորում է չանհանգստանալ:
Պրոդյուսերը երգչուհի Նարգիզին սպառնացել է քրեական հետապնդումով։ Նախկինում Ֆադեևի հետ աշխատած երգչուհին շարունակում է կատարել նրա երգերը իրենց բաժանվելուց հետո: Նարգիզն այժմ Ուզբեկստանում է և հայտարարել է, որ Ֆադեևի հետ ստեղծած իր հին երգերով համերգային ծրագիր է պատրաստում: Ֆադեևը չի համաձայնել, որ իր երգերը կատարվեն, ուստի հետագայում հնարավոր են դատական վեճեր:
Աղբյուր՝ kulturomania.ru
Հունիսի 10-ին՝ ժամը 17:00-ին, Արմավիրի մարզի Մեծամոր համայնքում անցկացվելու է «Պատսպարման կազմակերպումը «Օդային տագնապ» ազդանշանի դեպքում» թեմայով ուսումնավարժություն: Գործարկվելու են համայնքում առկա շչակները:
Աղբյուր՝ ՀՀ ԱԻՆ
Թերապևտ Թիմուր Ասանովը խորհուրդ է տալիս կեֆիրն օգտագործել առավոտյան կամ երեկոյան: «Օրը մեկ բաժակ կեֆիրով սկսելը բարելավում է ախորժակը, լավացնում է նյարդային համակարգի աշխատանքը և նույնիսկ վերացնում քնից հետո եղած՝ բերանի տհաճ հոտը»,- բացատրել է մասնագետը:։ Երեկոյան կեֆիր խմելը ևս չի արգելվում, քանի որ ըմպելիքը լավացնում է մարսողությունը, ինչպես նաև հագեցնում է քաղցը և նպաստում է առողջ քնին։ Միաժամանակ Ասանովը խորհուրդ է տվել կեֆիր խմել 20:00-ից ոչ ուշ:
Աղբյուր՝ gazeta.ru
Հունիսի 10-ին՝ ժամը 11:00-ին, Արագածոտնի մարզի Նոր Ամանոս բնակավայրում անցկացվելու է «Բնակչության ազդարարում, տարահանում և պատսպարում» թեմայով ուսումնավարժանք: Գործարկվելու է բնակավայրի շչակը:
Աղբյուր՝ ՀՀ ԱԻՆ
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
