Կարճ լուրեր
Մեթ Թարգեթը «Ասթոն Վիլա»-ից «Նյուքասլ» տեղափոխվելու պայմանագիր կնքեց այն բանից հետո, երբ «կաչաղակները» ակտիվացրին նրա հետ մշտական գոչծարք կնքելու տարբերակը: Ձախ պաշտպանը հաջող վարձավճարով հանդես եկավ «Սենթ Ջեյմս Պարկում» նախորդ մրցաշրջանի երկրորդ կեսում, և նա այժմ դարձել է «Նյուքասլի» խաղացող՝ 12-15 միլիոն ֆունտ ստեռլինգով, հայտնում է Sportsmail-ը:
Աղբյուր՝ dailymail.co.uk
Չորեքշաբթի ԱՀԿ-ն նախազգուշացրել է, որ ոչ էնդեմիկ երկրներում կապիկի ջրծաղիկով վարակվելու վտանգը իրական է, և այժմ նման երկրներում հաստատված է ավելի քան հազար դեպք: Սկզբնական ախտանշանները ներառում են բարձր ջերմություն, այտուցված ավշային հանգույցներ և ջրծաղիկի նման ցան: Թեդրոս Հեբրեյեսուսը հայտնել է, որ իրեն հատկապես անհանգստացնում է այն վտանգը, որ վիրուսը ներկայացնում է խոցելի խմբերի, ներառյալ հղի կանանց և երեխաների համար:
Աղբյուր՝ france24.com
ՌԴ նախագահ Վլադիմիր Պուտինի և Իրանի առաջնորդ Սեյիդ Իբրահիմ Ռաիսիի հեռախոսազրույցի ընթացքում նշվել է իրանական միջուկային ծրագրի շուրջ համաձայնությունների ձեռքբերման ուղղությամբ դիվանագիտական ջանքերը շարունակելու անհրաժեշտությունը: Այս մասին հայտնել է Կրեմլի մամուլի ծառայությունը:
Աղբյուր՝ gazeta.ru
Չորեքշաբթի Իրանի ատոմային էներգիայի կազմակերպությունը (ԻԱԷԳ) հայտարարել է, որ անհայտ միջուկային վայրում անջատել է հարստացման առցանց մոնիտորինգի և Ատոմային էներգիայի միջազգային գործակալության (ՄԱԳԱՏԷ) հոսքաչափ համակարգերը: Ապամոնտաժված մոնիտորինգի բոլոր համակարգերը տեղադրվել էին կամավոր և ՄԱԳԱՏԷ-ի հետ երաշխիքների համաձայնագրի շրջանակներից դուրս, հայտնել է ԻԱԷԳ-ը:
Աղբյուր՝ aljazeera.com
Լիպեցկում 29-ամյա երիտասարդը մի քանի ամիս շարունակ ծամոն է գողացել մեծ հիպերմարկետում, գրում է «Լիպեցկի» պետական հեռուստառադիոհեռարձակման ընկերությունը։ Ինչպես հայտնում է Լիպեցկի շրջանի ՆԳՆ վարչության մամուլի ծառայությունը, խանութի աշխատակիցները տեսախցիկները դիտելիս բացահայտել են գողության 5 փաստ։ Մեկուկես ամսվա ընթացքում հանցագործը գողացել է 32 հազար ռուբլի արժողությամբ մաստակ։ Նրան սպառնում է մինչև երկու տարվա ազատազրկում։
Աղբյուր՝ vesti.ru
Իսպանական իշխանությունները փորձում են գտնել գորշ արջին և նրա ձագին, որոնք բաժանվել էին արու արջի դաժան հարձակման հետևանքով, որը ֆիքսել էր երկու ականատեսների տեսախցիկը: Հարձակումը տեղի է ունեցել հյուսիսային Կաստիլիա և Լեոն շրջանի ժայռոտ լեռան վրա: Արու արջը, որը էգից շատ ավելի մեծ էր, սատկել է ընկնելու ժամանակ ստացած վնասվածքներից, մինչդեռ վիրավոր մայրը ի վերջո վեր է կացել և փորձել գտնել իր ձագին, սակայն դեռևս պարզ չէ՝ նրանք վերամիավորվել են, թե ոչ։
Աղբյուր՝ france24.com
Օսկարակիր դերասան Բրեդ Փիթը պատրաստվում է նկարահանվել Ֆորմուլա 1-ի մասին ֆիլմում։ Ֆիլմի արտադրությամբ կզբաղվի Apple Studios-ը։ Ֆիլմի պրոդյուսերներից մեկը կլինի Ֆորմուլա 1-ի յոթակի չեմպիոն Լյուիս Հեմիլթոնը։ Ֆիլմի ռեժիսորը Ջոզեֆ Կոսինսկին է։
Աղբյուր՝ ria.ru
Ջոկերի ռեժիսոր Թոդ Ֆիլիպսը հայտարարել է, որ աշխատում է ֆիլմի շարունակության վրա։ Քրեական դրամայի աստղ Հոակին Ֆենիքսը կվերադառնա իր դերին։ Թոդ Ֆիլիպսը սոցցանցերում հրապարակել է Ջոկերի երկրորդ ֆիլմի սցենարի շապիկը, որը նա գրել է Սքոթ Սիլվերի հետ։ Սիքվելի աշխատանքային վերնագիրը «Folie à Deux» է։
Աղբյուր՝ vesti.ru
ՀՀ ԱԻՆ-ը ՌԴ արտակարգ իրավիճակների և աղետների հետևանքների վերացման հարցերով նախարարությունից որպես մարդասիրական օգնություն ստացել է «Ուրալ-5557» մակնիշի հրշեջ-փրկարարական 6 նոր ավտոմեքենա: Վերոնշյալ գույքի հանձնման արարողությունը տեղի է ունեցել Հյուսիսային Օսիա-Ալանիայի Հանրապետությունում:
Աղբյուր՝ ՀՀ ԱԻՆ
Անգլիական «Լիվերպուլը» պատրաստ է 100 միլիոն եվրո վճարել պորտուգալական «Բենֆիկայի» ֆուտբոլիստ Դարվին Նունյեսի տրանսֆերի համար, հայտնել է պորտուգալական Record հրատարակչությունը։ Աղբյուրի համաձայն՝ Նունյեսի խաղը տպավորել է «Լիվերպուլի» մարզիչ Յուրգեն Կլոպին։ Հարձակվողը ևս հայտնել է «Բենֆիկայի» ղեկավարությանը անգլիական ակումբում խաղալու ցանկության մասին։ Եթե տեղափոխությունը կայանա, ապա կլինի ամենաթանկը Լիվերպուլի պատմության մեջ։
Աղբյուր՝ ria.ru
Երևանի քաղաքապետի որոշմամբ ստեղծված հանձնաժողովի կողմից հունիսի 9-ին փորձարկվելու է Երևանի քաղաքապետարանի գլխավոր մասնաշենքի (Արգիշտիի 1) էլեկտրաշչակը: Արտակարգ իրավիճակների նախարարությունը պատճառված հնարավոր անհարմարության համար հայցում է քաղաքացիների ներողամտությունը:
Աղբյուր՝ ՀՀ ԱԻՆ
Գերմանիայի իշխանությունները հայտնել են, որ Բեռլինում մեքենան մխրճվել է եկեղեցու մոտ գտնվող ամբոխի մեջ, ինչի հետևանքով մեկ մարդ մահացել է, առնվազն 30-ը՝ վիրավորվել։ Չորեքշաբթի առավոտյան մեքենան հարվածել է մարդկանց Կայզեր Վիլհելմի եկեղեցու մոտ։ Այս մասին CNN-ին հայտնել է Բեռլինի հրշեջ բրիգադի ներկայացուցիչը։ Դեռևս պարզ չէ՝ պատահարը դժբախտ պատահար է, թե՚ դիտավորություն։
«Ամենակարևորի մասին» հաղորդաշարի հաղորդավար Սերգեյ Ագապկինը և սննդաբան Միխայիլ Գինզբուրգը վստահեցրել են, որ եգիպտացորենը շատ օգտակար հատկություններ ունի։ Այսպիսով, այն բարելավում է տրամադրությունը, օգտակար է հոդերի, մաշկի, մազերի և եղունգների, արյան նոր առողջ բջիջների ձևավորման համար, օգնում է կանխել ծերացումը: Խոհարարության համար ամենահամեղը, այսպես կոչված, կաթնային եգիպտացորենն է, որn ունի մանր ու քաղցր կաթնադեղին հատիկներ։
Աղբյուր՝ vesti.ru
Այսօր 67 տարեկանում կյանքից հեռացել է ԵՊՀ նախկին ռեկտոր, պատմական գիտությունների դոկտոր, պրոֆեսոր, ՀՀ ԳԱԱ թղթակից անդամ Արամ Հրաչիկի Սիմոնյանը: Արամ Սիմոնյանը 2006-2019 թվականներին եղել է Երևանի պետական համալսարանի ռեկտոր, հիմնել և որպես տնօրեն ղեկավարել է ԵՊՀ հայագիտական հետազոտությունների ինստիտուտը:
Աղբյուր՝ ԿԳՄՍ նախարարության հասարակայնության հետ կապերի և տեղեկատվության վարչություն
ի պատասխան Ռուսաստանի Ուկրաինա ներխուժման։ Այս մասին երեքշաբթի՝ Վիլնյուս կատարած այցի ժամանակ, հայտարարել է Գերմանիայի կանցլեր Օլաֆ Շոլցը։ «Մենք պատրաստ ենք ամրապնդել մեր համագործակցությունը և այն վերածել հզոր մարտական բրիգադի»,- ասել է Շոլցը լրագրողներին՝ Լիտվայի նախագահ Գիտանաս Նաուսեդայի և Լատվիայի և Էստոնիայի վարչապետների հետ հանդիպումից հետո:
Աղբյուր՝ reuters.com
«Բազելևս» ընկերությունը ներկայացրել է «Ինչպես է Պետրոս I-ը մեկնել Հոլանդիա և աշխատել նավաշինարանում» կատակերգական սերիալի պաշտոնական թրեյլերը։ Գլխավոր դերը մարմնավորել է Ֆիլիպ Կիրկորովը։ «Screenlife» սերիալի թողարկումը նվիրված է ռուս կայսրի ծննդյան 350-ամյակին։ Կիրկորովն արդեն փորձել է Պետրոս I-ի կերպարը մոտ 12 տարի առաջ։ Այն ժամանակ արտիստը կայսեր կերպարում հանդես էր եկել «Մեծ տարբերություն» շոուի համար։
Աղբյուր՝ gazeta.ru
Երկրի ռազմածովային ուժերի ներկայացուցիչները, որոնք երկար ժամանակ խորտակված Սան Խոսե գալեոնի ստորջրյա մշտադիտարկումն են իրականացնում, հայտնաբերել են ևս երկու պատմական նավաբեկություն։ Այս մասին հայտարարել է նախագահ Իվան Դուկեն: Սան Խոսե գալեոնը, որը պատմաբանների կարծիքով միլիարդավոր դոլարների գանձեր էր տեղափոխում, խորտակվեց 1708 թվականին Կոլումբիայի Կարիբյան նավահանգստի Կարթագենա նավահանգստի մոտ:
Աղբյուր՝ reuters.com
Առաջնությունը կմեկնարկի վաղը՝ Հոլանդիայի Վլիսինգեն քաղաքում։ Մեր թիմին մրցավայր է ուղեկցել մարզիչ Գրիգորի Ամբարյանը: Որակավորման փուլում Հայաստանը ներկայացնող Վահե Նազարյան - Խաչատուր Ասմարյան երկյակը կմրցի Շոտլանդիայի, Խորվաթիայի, Հունաստանի, Կոսովոյի և Էստոնիայի պատվիրակների հետ: Խմբից վճռական փուլ կանցնեն երկու լավագույն թիմերը:
Աղբյուր՝ ՀԱՕԿ
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
