Կարճ լուրեր
Չեխիայում Սենատի սահմանադրական հանձնաժողովը երեքշաբթի՝ հոկտեմբերի 19-ին, միաձայն կողմ քվեարկեց գործող նախագահ Միլոշ Զեմանին լիազորություններից հեռացնելուն`նրա առողջական վիճակի պատճառով: Մինչդեռ Չեխիայի ոստիկանությունը հետաքննություն է սկսել պետության դեմ հնարավոր անօրինական գործողությունների վերաբերյալ՝ կապված երկրի նախագահ Զեմանի հոսպիտալացման հետ:
Աղբյուր՝ korrespondent.net
Ֆուտբոլի մեծ երկրպագու Ֆրանցիսկոս պապը երկուշաբթի անսովոր նվեր է ստացել Ֆրանսիայի վարչապետից. մարզաշապիկ, որը ստորագրել է պոնտիֆիկոսի հայրենակից, արգենտինացի Լիոնել Մեսսին: Ժան Կաստեքսը Վատիկանում 35 րոպե առանձնազրույցից հետո պապին է նվիրել 30 համարի մարզաշապիկը: 84-ամյա պապը հանդիպել է 34-ամյա Մեսսիին և մի անգամ նրան անվանել բոլոր ժամանակների լավագույն ֆուտբոլիստներից մեկը:
Աղբյուր՝ reuters.com
Ուժեղ երկրաշարժ է գրանցվել Հունաստանի մի շարք կղզիներում և Արևելյան Միջերկրականի այլ շրջաններում, այդ թվում՝ Թուրքիայի հարավային Անթալիա մարզում, ինչպես նաև Եգիպտոսի քաղաքներում: Երկրաշարժի ուժգնությունը, ըստ ԱՄՆ Երկրաբանական ծառայության, կազմել է 6 մագնիտուդ՝ խորությունը եղել է 37,8 կմ:
Աղբյուր՝ aljazeera.com
Շահագործման ձմեռային ռեժիմի փոխադրման կապակցությամբ զորամասերում մեկնարկել է սպառազինության ու զինտեխնիկայի սեզոնային սպասարկման գործընթաց։ Իրականացվում են ստուգման, մաքրման, յուղման և այլ աշխատանքներ։ Հայտնաբերված անսարքություններն ու թերություններն արագ շտկվում են սպասարկող անձնակազմի կողմից։
Աղբյուր՝ ՀՀ ՊՆ
Ինչպես հաղորդում է Sky Germany-ն, «Զալցբուրգի» հարձակվող Կարիմ Ադեյեմիով հետաքրքրված են «Ռեալը», «Ինտերը» և «Ատլետիկոն»: Ըստ աղբյուրի, հաջորդ շաբաթ 19-ամյա գերմանացու ներկայացուցիչները բանակցություններ կսկսեն իսպանական ակումբների հետ:
Աղբյուր՝ sport-express.ru
Հայիթիում 17 միսիոներների առևանգած հանցախումբը 17 միլիոն դոլար փրկագին է պահանջել՝ յուրաքանչյուրի համար մեկ միլիոն: Այս մասին հայտնում է Wall Street Journal- ը՝ հղում անելով Հայիթիի չբացահայտված պաշտոնյայի: ՀԴԲ-ն և Հաիթիի ոստիկանությունը աշխատում են առևանգվածներին ազատելու ուղղությամբ, սակայն դա կարող է շաբաթներ տևել:
Աղբյուր՝ korrespondent.net
Երկուշաբթի Լոս Անջելեսի դատավորը բավարարել է ռեփեր, պրոդյուսեր և մոդելյոր Քանյե Ուեսթի հայցը՝ օրինականորեն փոխել իր անունը Քանյե Օմարի Ուեսթից՝ դարձնելով Ye, առանց երկրորդ անունի և ազգանունի:
Աղբյուր՝ apnews.com
RootAyyildiz հաքերը կոտրել է ԱՄՆ նախկին նախագահ Դոնալդ Թրամփի վեբ կայքի բաժիններից մեկը և այնտեղ հրապարակել Ղուրանի սուրաներից մեկի տեքստը, ինչպես նաև տեսանյութ՝ Թուրքիայի առաջնորդ Ռեջեփ Թայիփ Էրդողանի հետ: Ենթադրվում էր, որ կայքը կոտրողը գործել է Թուրքիայից: Այդ մասին երկուշաբթի հաղորդեց VICE-ը:
Աղբյուր՝ tass.ru
Երեքշաբթի օրը բանակը հայտարարեց, որ Նիգերիայի ուժերը երկրի հյուսիս-արևելքում երկու հարձակումների արդյունքում սպանել են 24 ենթադրյալ իսլամիստ ապստամբների և որոշ զենքեր գտել:
Աղբյուր՝ reuters.com
«Դերբի Քաունթիի» գլխավոր մարզիչ Ուեյն Ռունին կարող է գլխավորել «Նյուքասլը», հայտնել է Chronicle Live-ը: Ըստ հրապարակման, մասնագետն անձամբ է հայտարարել այս պաշտոնը ստանձնելու ցանկության մասին: Ռունին պատրաստ է գլխավորել ակումբը՝ Սթիվ Բրյուսի պաշտոնաթողության դեպքում: Ավելին, նախկին ֆուտբոլիստն արդեն հայտնել է «Դերբիի» ղեկավարությանը՝ թիմը փոխելու մտադրության մասին:
Աղբյուր՝ sport-express.ru
Հոկտեմբերի 13-ից սկսած՝ մեկ տարի ժամկետով, հայ գիտնականները կարող են օգտվել քիմիայի ոլորտի հանրահայտ շտեմարաններից: Նշված շտեմարանների հասանելիությունը բաց կլինի ՀՀ ԳԱԱ օրգանական և դեղագործական քիմիայի գիտատեխնոլոգիական կենտրոնի տարածքում:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Հարավային Կորեայի բանակը հայտարարել է, որ Հյուսիսային Կորեան սուզանավից արձակվող բալիստիկ հրթիռ է ուղարկել Ճապոնիայի ափերի մոտ: Փհենյանը հրթիռը ներկայացրել էր հունվարին՝ այն որակելով որպես «աշխարհի ամենահզոր զենք»: Դա տեղի էր ունեցել՝ Հաևավային Կորեայի կողմից նմանատիպ զենք ներկայացնելուց մի քանի շաբաթ անց:
Աղբյուր՝ bbc.com
Տեսուչներն այցեր են անցկացրել մայրաքաղաքի 33 խոշոր խանութներում: Արդյունքում կազմվել է 15 արձանագրություն՝ աշխատակիցների կողմից դիմակ չկրելու, պատվաստված չլինելու կամ ՊՇՌ թեստի բացասական պատասխան չունենալու, ախտահանության մատյանները պատշաճ չվարելու հիմքով։
Աղբյուր՝ ՀՀ սննդամթերքի անվտանգության տեսչական մարմին
Հետաքննության նախնական տվյալներով՝ հոկտեմբերի 19-ի գիշերը Վիբորգսկիի շրջանի հիվանդանոցներից մեկի վիրաբուժական բաժանմունքում 72-ամյա պացիենտը դանակով հարվածել է բժշկի կրծքին: Տղամարդը տեղափոխվել է վերակենդանացման բաժանմունք: Հարուցվել է քրեական գործ սպանության փորձի հատկանիշներով:
Աղբյուր՝ ria.ru
Հոկտեմբերի 27-ին Թեհրանում Աֆղանստանի հարևան պետությունների արտաքին գործերի նախարարները կքննարկեն Աֆղանստանի ներառական կառավարության ձեւավորմանն աջակցելու հարցերը: Այդ մասին, ինչպես հաղորդում Է Իրանի ԱԳՆ կայքը, հայտարարել Է ԱԳՆ խոսնակ Սաիդ Խատիբզադեն: Հանդիպումը կկայանա անմիջական ձևաչափով և կտևի մեկ օր:
Աղբյուր՝ interfax.ru
Հնէաբանները հայտնաբերել են հսկա խեցգետնակարիճի (eurypterid) մնացորդներ, որն ապրել է մոտ 435 միլիոն տարի առաջ: խեցգետնակարիճները հատվածոտանիների բրածո կարգ են՝ ժամանակակիծ սարդակերպերի դասից:
Աղբյուր՝ gazeta.ru
Մադրիդի «Ռեալի» կիսապաշտպան Լուկա Մոդրիչը քննադատել է ՖԻՖԱ-ի՝ աշխարհի առաջնության երկու տարին մեկ անցկացնելու ծրագրերը և մտահոգություն է հայտնել, որ ֆուտբոլիստների հետ խորհրդակցություն չի անցկացվել:
Աղբյուր՝ france24.com
Տնօրենների հավակնորդները կանցնեն վերապատրաստում, հավաստագրում և թեստավորում: Քննությունը հաղթահարելու համար հավակնորդի ստացած միավորների տոկոսային արտահայտությունը պետք է լինի առնվազն 90 տոկոս: Քաղաքացիները և շահառու խմբերը մինչև հոկտեմբերի 29-ը կարող են ներկայացնել նախագծի վերաբերյալ իրենց առաջարկություններն ու դիտողությունները:
Աղբյուր՝ ՀՀ ԿԳՄՍՆ հասարակայնության հետ կապերի և տեղեկատվության վարչություն
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
