Կարճ լուրեր
հարկային մարմինների ղեկավարների համակարգող խորհրդի 28-րդ նիստը։ Այս տարի խորհրդի նախագահությունը ստանձնել էր Հայաստանի Հանրապետությունը։ ԱՊՀ հարկային մարմինների ղեկավարների համակարգող խորհրդի հաջորդ նիստն անցկացվելու է Բելառուսում։
Աղբյուր՝ ՀՀ ՊԵԿ տեղեկատվության և հասարակայնության հետ կապերի բաժին
Այս տարվա հունվարից հուլիս ընկած ժամանակահատվածում «բելառուսական երթուղով» Գերմանիա է ժամանել 26 մարդ, օգոստոսին՝ 474, իսկ սեպտեմբերին՝ 1 914 մարդ: Հոկտեմբերի 11-ի դրությամբ՝ միայն ամսվա առաջին օրերին, Բելառուսով Գերմանիա է ժամանել 1 934 մարդ: Խոսքը Իրաքից, Սիրիայից, Եմենից եւ Իրանից ժամանած փախստականների մասին է:
Աղբյուր՝ eadaily.com
Քանդակազարդ զույգ արձանները, որոնք օգտագործվել են որպես պարտեզի զարդարանք, վաճառվել են ավելի քան 195,000 ֆունտ ստեռլինգով (265,510 դոլար) այն բանից հետո, երբ պարզվել է, որ դրանք հին եգիպտական մասունքներ են և հազարամյակների պատմություն ունեն: Արտեֆակտները ձեռք են բերվել արևելյան Անգլիայի Սադբերի քաղաքի այգիներից մեկից:
Աղբյուր՝ cnn.com
Բռնցքամարտի ծանր քաշային կարգում WBC վարկածով աշխարհի չեմպիոն Թայսոն Ֆյուրիին և նրա վերջին մրցամարտի հակառակորդ Դեոնթեյ Ուայլդերին, հեռացվել են բռնցքամարտից: Նրանց արգելվել է մասնակցել մարտերին բժշկական պատճառներով: Ուայլդերը չի կարողանա մարտերի մասնակցել առաջիկա վեց ամիսների ընթացքում: Իսկ Ֆյուրիին արգելվել է կռվել 45 օր:
Աղբյուր՝ vesti.ru
Հոփքինսը կնկարահանվի «Որդին» ֆիլմում, հաղորդել է The Wrap-ը: Նկարահանումները սկսվել են հոկտեմբերի սկզբին Լոնդոնում, և կանցկացվեն նաև Նյու Յորքում և Ֆրանսիայում: Գլխավոր դերերում են Հյու Ջեքմանը և Լորա Դերնը: Նրանց հերոսները նախկին ամուսիններն են, որոնց որդին ցավալիորեն է տանում ծնողների ամուսնալուծությունը: Հոփքինսի դերի մասին դեռ բացահայտումներ չկան:
Աղբյուր՝ ria.ru
«Բրուքլին Նեթսը» որոշել է հեռացնել Քայրի Իրվինգին մարզումներից, ինչպես նաև հաջորդ շաբաթ մեկնարկող NBA մրցաշրջանի խաղերից, քանի որ նա հրաժարվում է պատվաստվել Covid-19-ի դեմ:
Աղբյուր՝ france24.com
Սպիտակ ռնգեղջյուր Թոբին սատկել է հյուսիսային Իտալիայի կենդանաբանական այգում, երեքշաբթի հայտնել է հաստատության ներկայացուցիչը: Սպիտակ ռնգեղջյուրները արֆելավայրում սովորաբար ապրում են մինչև 40 տարի, իսկ վայրի բնության մեջ՝ մինչև 30 տարի:
Աղբյուր՝ france24.com
Նյութական մշակութային ժառանգություն, Ոչ նյութական մշակութային ժառանգություն, Իմ ընտանիքի ավանդույթը թեմաներով մրցույթին կարող են մասնակցել իններորդ և տասներորդ դասարանի աշակերտները: Առաջին փուլում յուրաքանչյուր մարզից և Երևան քաղաքից կընտրվեն մեկական նամակ, իսկ երկրորդ փուլում վերջնարդյունքները կամփոփվեն հանձնաժողովի կողմից: Ամփոփումը նախատեսվում է նոյեմբերին: Մրցույթի հաղթողը կխրախուսվի հատուկ մրցանակով:
Աղբյուր՝ ՀայՓոստ ընկերություն
Ադրբեջանի մայրաքաղաք Բաքվում մահվան ելքով վրաերթ է տեղի ունեցել բեռնատարի և ուղևորատար ավտոբուսի մասնակցությամբ: Նախնական վարկածով՝ վարորդը բեռնատարի վարորդը քնել է ղեկին և, կորցնելով կառավարումը, բախվել է ավտոբուսին: Ավտոբուսը հարվածից կողաշրջվել է: Նախնական տվյալներով, վթարի հետևանքով զոհվել է 5 մարդ, ավելի քան 10-ը գտնվում են ծանր վիճակում:
Աղբյուր՝ korrespondent.net
Հանգստյան օրերին Կալիֆոռնիայում տեղի ունեցավ աճուրդում՝ ԱՄՆ-ի հանրահայտ գանգստեր Ալ Կապոնեին պատկանած իրերի վաճառքը: Ներկայացված է եղել շուրջ 174 իր, ներառյալ հրազեն, անձնական լուսանկարներ, զարդեր և կահույք: «A Century of Notoriety: The Estate of Al Capone» խորագրով միջոցառմանը ներգրաված էր շուրջ 1000 հայտատու: Ամենահայտնի իրը եղել է Կապոնեի սիրած ատրճանակը, որը վաճառվել է 860.000 դոլարով:
Աղբյուր՝ bbc.com
Իրանի Իսլամական հեղափոխության պահապանների կորպուսի ռազմածովային ուժերի հրամանատար, ծովակալ Ալիրեզա Թանգսիրին նախօրեին՝ հոկտեմբերի 12-ին, հայտարարել է, որ ամերիկյան նավատորմը 6 անգամ հարձակման է ենթարկվել Պարսից ծոցում և հարակից ջրերում՝ Իսլամական Հանրապետության նավատորմի հետ 1980-ականների բախումների՝ Իրան-իրաքյան պատերազմի ժամանակ. հաղորդում է «Tasnim» լրատվական գործակալությունը:
Աղբյուր՝ eadaily.com
Ճապոնիայի միջազգային համագործակցության կազմակերպությունը (JICA) ֆինանսավորում է «Agricultural Studies Network for Food Security (Agri-Net)» մագիստրոսական և թեկնածուական կրթաթոշակային ծրագիրը: Մագիստրոսական ծրագրի տևողությունը 2 տարի է, իսկ թեկնածուական ծրագրինը` 3 տարի: Ուսումնառությունն իրականացվում է անգլերենով: Մասնակցելու և առցանց գրանցման համար անհրաժեշտ է մինչև հոկտեմբերի 30-ը դիմել ՀՀ-ում ՃՄՀԿ գրասենյակի համակարգողին:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Իսպանացի պաշտպան Սերխիո Ռամոսը կարող է իր նորամուտը նշել «Պարի Սեն Ժերմենի» կազմում հոկտեմբերի 15-ին՝ «Անժեի» դեմ Ֆրանսիայի առաջնության տասներորդ տուրում: Այս մասին հայտնում է Get French Football News-ը: Ռամոսը «ՊՍԺ» է տեղափոխվել այս տարվա հուլիսին, սակայն վնասվածքի պատճառով դեռ չի խաղացել թիմում:
Աղբյուր՝ gazeta.ru
Առնվազն 28 մարդ է զոհվել, շատերը վիրավորվել են՝ Նեպալի հյուսիս-արևմուտքում տեղի ունեցած վթարի հետևանքով, հայտնում է ոստիկանությունը: Ըստ տեղական ԶԼՄ-ների հաղորդագրությունների՝ մեքենան անցնում էր Մուգուի տարածքով, երբ երեքշաբթի կեսօրից քիչ անց դուրս է եկել ճանապարհից և նետվել բլրի լանջը: Վթարի պատճառը պարզ չէ, սակայն որոշ տեղեկություններ վկայում են, որ ավտոբուսը կարող էր անսարքության խնդիրներ ունենալ արգելակների հետ:
Աղբյուր՝ bbc.com
Ավելի քան հարյուր մարդկանց պատվաստել են ժամկետանց Pfizer պատվաստանյութով Շվեդիայի հարավային Նյուչոպինգ քաղաքում, ասվում է Սոդերմանլանդ շրջանի մամուլի հաղորդագրության մեջ, որտեղ գտնվում է քաղաքը:
Աղբյուր՝ ria.ru
«Մանչեսթեր Յունայթեդը» կմնա առանց Ռաֆայել Վարանի՝ աճուկի վնասվածքի պատճառով, որի հետևանքով Օլե-Գունար Սուլշերը մի քանի դժվարին շաբաթներ կունենա՝ առանց կենտրոնական պաշտպանի ծառայությունների: Ֆրանսիացի պաշտպանը վնասվածք է ստացել կիրակի՝ ՈւԵՖԱ-ի Ազգերի լիգայի եզրափակչում Իսպանիայի ընտրանու նկատմամբ 2-1 հաշվով տարած հաղթանակի ժամանակ:
Աղբյուր՝ france24.com
«Ուոլթ Դիսնեյ ընկերություն»-ը ներկայացրել է «Տանը մենակ» ֆրանչայզինգի վերաթողարկման առաջին թրեյլերը: Սուրբ ծննդյան օրը ծնողների կողմից մոռացված համարձակ տղայի մասին ֆիլմը կթողարկվի Disney + հարթակում: Կինոնկարի պրեմիերան նախատեսված է նոյեմբերի 12-ին:
Աղբյուր՝ vesti.ru
վկայակոչելով «ինքնիշխան» պետությունների անձեռնմխելիությունը: ՄԻԵԴ-ը երեքշաբթի մերժեց կաթոլիկ քահանաների կողմից սեռական ոտնձգության զոհերի գործը, որոնք փորձում էին պատասխանատվության ենթարկել Վատիկանին. Սուրբ Աթոռն օգտվում է ինքնիշխան պետություններին տրված իրավական անձեռնմխելիությունից:
Աղբյուր՝ france24.com
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
