Կարճ լուրեր
Բուխարեստի «Ստյաուա» ստադիոնում մեր ընտրանին, այսօր երեկոյան՝ Երևանի ժամանակով 22. 45-ին, կսկսի մրցել տեղացիների հետ: Մրցամարտի խաղավարներն են իտալացիներ Դանիելե Օրսատոն, Ալեսանդրո Ջիալատինին, Ջիորջիո Պերետին և չորրորդ պաշտոնյա՝ Լուկա Պայրետոն։
Աղբյուր՝ ՀԱՕԿ
Հյոգո պրեֆեկտուրայի «Խաղալիքների թագավորություն» լաբիրինթոսում փլվել է երրորդ հարկի հատակը: Ատրակցիոնն իրենից ներկայացնում է հինգ հարկանի շենք-լաբիրինթոս: Կիրակի օրը երրորդ հարկի հատակը փլուզվել է՝ առաջացնելով մեծ անցք, որի հետևանքով 7 մարդ ընկել է երկրորդ հարկ: Շենքը կառուցվել է 2013 թվականին: Ենթադրաբար, փլուզման պատճառ են դարձել կոտրտված փայտե գերանները:
Աղբյուր՝ ria.ru
Ուրբաթ՝ հոկտեմբերի 15-ին, 2021 SM3 աստերոիդը կթռչի Երկրին բավականին մոտ հեռավորության վրա: Նրա տրամագիծը մոտ 160 մետր է, ինչը մոտ 20%-ով ավելի մեծ է, քան Եգիպտոսի Քեոփսի բուրգը: Մոտենալիս առավելագույն հեռավորությունը Երկրից կկազմի 3 միլիոն կմ:
Աղբյուր՝ ria.ru
Լաս Վեգասի «T-Mobile Arena»-ում շաբաթ օրն անցկացված մենամարտը շատերը համարում են բոլոր ժամանակների ծանրքաշային լավագույն մարտերից մեկը: 15 820 երկրպագուների աչքի առաջ դաժան մրցապայքարում 33-ամյա բրիտանացին նոկաուտով հաղթեց Ուայլդերին 11-րդ ռաունդում:
Աղբյուր՝ cnn.com
Այս պաշտոնում նա կփոխարինի Արտակ Անանյանին, ով միությունը նախագահել է 2020-2021 թվականներին: ՀԲՄ կանոնադրության համաձայն միության նախագահն ընտրվում է մեկ տարի ժամկետով:
Աղբյուր՝ Հայաստանի բանկերի միության հասարակայնության հետ կապերի ծառայություն
Հոկտեմբերի 8 -10-ը Սոչիի լեռներում անցկացվեց բեյս ջամփինգի փառատոն: Միաժամանակ 28 պարաշյուտիստներ են թռել Ռուսաստանի ամենաերկար կախովի, հետիոտնային կամրջից: Այն դարձել է համաշխարհային նոր ռեկորդ, հայտնում է «Վեստի Սոչի» պետական հեռուստառադիոհեռարձակող ընկերությունը:
Աղբյուր՝ vesti.ru
Դեսպան Պատրիկ Սվենսոնի հետ հանդիպման ընթացքում քննարկվել են տնտեսական եւ բիզնես ներդրումների ներգրավման եւ այս ուղղությամբ երկու երկրների միջեւ փոխադարձ տնտեսական հետաքրքրություն ներկայացնող հարաբերությունների զարգացման, ինչպես նաեւ կայուն գործընկերային կապերի հաստատման վերաբերյալ հարցերի շրջանակը:
Աղբյուր՝ ՀՀ ֆինանսների նախարարություն
Ջեֆֆ Բեզոսի տիեզերական ընկերությունը կիրակի օրը հայտարարեց, որ մեկ օրով հետաձգել է «Star Trek»-ի հայտնի դերասան Ուիլյամ Շեթների մասնակցությամբ այս շաբաթ կայանալիք New Shepard հրթիռի արձակման ամսաթիվը՝ այն տեղափոխելով չորեքշաբթի: «Երեքշաբթի, հոկտեմբերի 12-ին կանխատեսվող քամիների պատճառով, Blue Origin-ի առաքելության օպերացիոն խումբը որոշում է կայացրել հետաձգել NS-18-ի գործարկումը՝ այժմ նախանշելով հոկտեմբերի 13-ը»,-ասվում է ընկերության հաղորդագրության մեջ:
Աղբյուր՝ reuters.com
Դեյվիդ Ֆինչերը սկսել է աշխատանքները իր նոր՝ «Մարդասպանը», ֆիլմի վրա: Թրիլերում գլխավոր դերերը կկատարեն Թիլդա Սուինթոնը և Մայքլ Ֆասբենդերը: Ֆիլմի սյուժեն հիմնված կլինի Ալեքսիս Նոլենտի համանուն կոմիքսների շարքի վրա: Նկարահանումները կսկսվեն 2022 թվականին:
Աղբյուր՝ kulturomania.ru
Ստուգված 17 խանութներում խախտումներ չեն արձանագրվել:
Աղբյուր՝ ՀՀ ՍԱՏՄ իրազեկման, խորհրդատվության և հանրության հետ տարվող աշխատանքների բաժին
Կիրակի վաղ առավոտյան Ռուսաստանի կազմում գտնվով Թաթարստանի հանրապետությունում օդ բարձրանալուց հետո պարաշյուտիստների խումբը տեղափոխող ինքնաթիռը կործանվել է, ինչի հետևանքով զոհվել է 16 մարդ, ևս 6-ը վիրավորվել են, հայտնում է Արտակարգ իրավիճակների նախարարությունը:
Աղբյուր՝ france24.com
Բնակչությունը հիմնականում դիմել է վարկային պարտավորությունների կատարման ապահովմանը, բռնի տեղահանված անձանց բնակարանային խնդիրների լուծմանն ու կորցրած գույքի դիմաց փոխհատուցման տրամադրմանը վերաբերող հարցերով: Բացթողնված զանգերին պատասխանելու նպատակով թեժ կատարվել է 75 հետզանգ:
Աղբյուր՝ ԱՀ նախագահի աշխատակազմ
Հոկտեմբերի 9-ին կապիկը Նիժնի Տագիլի կրկեսում ելույթի ժամանակ հարձակվել է հինգ տարեկան տղայի վրա: Ըստ առկա տեղեկությունների, ներկայացման ընթացքում շիմպանզեն անսպասելիորեն վազել է դեպի դահլիճը: Տղան վնասվել է, երբ կրկեսի աշխատակիցները փորձել են հանգստացնել կապիկին և հետ վերադարձնել ասպարեզ: Հարձակման հետևանքով երեխան ձախ ոտքի կտրվածքներ է ստացել: Բժիշկները տեղում օգնություն են ցուցաբերել տուժածին:
Աղբյուր՝ gazeta.ru
«Քեզ համար, Երևան» ֆոտոցուցահանդեսին ներկայացված են լուսանկարիչ, «Հարավկովկասյան երկաթուղի» ընկերության աշխատակից Ելենա Առաքելովայի (Arle) աշխատանքները: Ցուցահանդեսը կտևի մեկ ամիս: Այցելուների համար մուտքն ազատ է:
Աղբյուր՝ ՀԿԵ
Կիրակի օրը Ազգերի լիգայում Իտալիան գրավեց երրորդ տեղը` 2-1 հաշվով հաղթելով Բելգիային:
Աղբյուր՝ france24.com
Իշխանությունները պարզաբանել են, որ կիրակի՝ ժամը 19:00-ի դրությամբ, հայտնի է 67 թունավորվածների մասին: Հիվանդանոցներում գտնվում է 24 մարդ, որից 11-ի վիճակը բավարար է, վեցը պատրաստվում են դուրս գրման: Երկուսը միջին ծանրության են, յոթի վիճակը ծանր է: Ինը մարդ ամբուլատոր բուժում է ստանում: Մարզի բնակչությանը նախազգուշացվել է ալկոհոլ օգտագործելու վտանգավորության մասին:
Աղբյուր՝ ria.ru
ԵՏՀ կոլեգիայի անդամի «5+1» ձևաչափով հերթական խորհրդակցությանը ներկայացվել են զեկույցներ Եվրասիական տնտեսական հանձնաժողովի խորհրդի կարգադրությունների կատարման ընթացքի, մտավոր սեփականության և մրցակցության հարցերի, պետական գնային կարգավորման, հակամենաշնորհային/մրցակցային մարմինների իրավակիրառ գործունեության և այլ օրակարգային հարցերի վերաբերյալ:
Աղբյուր՝ Մրցակցության պաշտպանության հանձնաժողով
Դոկտոր Աբդուլ Քադիր Խանը մահացել է 85 տարեկան հասակում՝ Covid-19-ով հոսպիտալացվելուց հետո: Դոկտոր Խանին կոչել են ազգային հերոս` իր երկիրն աշխարհում առաջին իսլամական միջուկային տերությունը դարձնելու համար: Նա նաև հայտնի էր միջուկային գաղտնիքները մաքսանենգ ճանապարհով փոխանցմամբ այնպիսի պետություններին, ինչպիսիք են Հյուսիսային Կորեան և Իրանը: Վարչապետ Իմրան Խանը հայտարարել է, որ երկիրը կորցրել է «ազգային հերոսի»:
Աղբյուր՝ bbc.com
Լրահոս
Տեսանյութեր
Մեր հետ քննարկում չի եղել, հարկերը բարձրացրել են. Ոսկու շուկայի աշխատակիցները կառավարության մոտ են
