Կարճ լուրեր
Նահանգապետի ավտոշարասյան մեջ պայթած ականապատ մեքենան կիրակի օրը ցնցել է Եմենի հարավային նավահանգստային Ադեն քաղաքը, որի հետևանքով զոհվել է առնվազն 6 մարդ: Պետական լրատվական գործակալությունը հայտնել է, որ նահանգապետ Ահմեդ Լամլասը և գյուղատնտեսության նախարար Սալեմ ալ-Սուքաթրին, ովքեր Եմենի հարավում անջատողական խմբավորման անդամներ են, ողջ են մնացել «ահաբեկչական մահափորձից»:
Աղբյուր՝ aljazeera.com
Ավստրիայի նախագահ Ալեքսանդր Վան դեր Բելենը հայտարարել է, որ երկրի կառավարությունում ճգնաժամը, որը ծագել էր կանցլեր Սեբաստիան Կուրցի հրաժարականից հետո, ավարտվել է, գրում է RND-ը: Վան դեր Բելենը ասել է, որ Ավստրիայի համար աշխատանքը «կարող է շարունակվել»: Նա հավելել է, որ հոկտեմբերի 11-ին կհայտարարի հանրապետության նոր կանցլերի, ինչպես նաև արտաքին գործերի նոր նախարարի անունները:
Աղբյուր՝ lenta.ru
Չեխիայի նախագահ Միլոշ Զեմանը հիվանդանոց է տեղափոխվել քաղաքական հեղաշրջման ֆոնին՝ խորհրդարանական ընտրություններում ընդդիմության անակնկալ հաղթանակից հետո: 77-ամյա Զեմանը թունդ ծխող և նախկին հարբեցող է, ով անվասայլակ է օգտագործում և տառապում է շաքարախտով: Նա պետք է բանակցեր նոր կառավարության ձևավորման շուրջ շաբաթ օրվա քվեարկությունից հետո:
Աղբյուր՝ bbc.com
Ֆրանսիայի հավաքականը 2: 1 հաշվով հաղթել է Իսպանիայի հավաքականին ֆուտբոլի Ազգերի լիգայի եզրափակիչ խաղում: Հանդիպումը կայացել է Միլանում: Հաղթողների կազմում գոլերի հեղինակ դարձան Կարիմ Բենզեման (66-րդ րոպե) և Կիլիան Մբապպեն (80): Պարտվածներից աչքի ընկավ Միկել Օյարսաբալը (64):
Աղբյուր՝ tass.ru
Բաթումիում բնակելի շենքի մի մասի փլուզումից հետո Վրաստանի վարչապետ Իրակլի Ղարիբաշվիլին հոկտեմբերի 11-ը սգո օր է հայտարարել:
Աղբյուր՝ dw.com
Հնագույն մեքսիկական արտեֆակտերը, որոնք հայտնաբերվել են արտերկրում, ցուցադրվում են երկրի մշակութային ժառանգությունը ներկայացնող հնագիտական գանձերի շարքում՝ Իսպանիայից անկախանալուց 200 տարի անց: «Մեքսիկայի վեհությունը» խորագիրը կրող ցուցահանդեսը Մարդաբանության ազգային թանգարանում և այլ վայրերում ներկայացնում է 1500 հազվագյուտ նմուշ, ներառյալ մայաների քանդակները և ացտեկների ծածկագրերը:
Աղբյուր՝ france24.com
Վեց մարդ ձերբակալվել է Ստամբուլում և Անթալիայում: Ստամբուլի ոստիկանության վարչության ահաբեկչության դեմ պայքարի մասնաճյուղի և Ազգային հետախուզական կազմակերպության աշխատակիցները ձերբակալություն են իրականացրել հինգ վայրերում: Խուզարկությունների ընթացքում հայտնաբերվել են զենք, զինամթերք, գումար և ռուսական անձնագրեր, որոնց իսկությունը դեռ հաստատված չէ:
Աղբյուր՝ vesti.ru
Հոկտեմբերի 25-ին՝ ժամը 18:30-ին, «Նարեկացի» արվեստի միությունում տեղի կունենա՝ «Հողմի ծիլեր» խորագիրը կրող ցուցահանդեսը: Միջոցառմանը կներկայացվեն Արմինե Հարությունյանի ստեղծած արծաթյա զարդերը: Ցուցահանդեսը բաց է մինչև հոկտեմբերի 29-ը:
Մուտքն ազատ է:
Աղբյուր՝ Նարեկացի Արվեստի Միություն
Չինաստանի նախագահ Սի Ցզինպինը խոստացել է խաղաղ ճանապարհով հասնել «վերամիավորման» Թայվանի հետ՝ Թայվանի նեղուցում մեկշաբաթյա լարվածությունից հետո: Թայվանը կարճ ժամանակ անց արձագանքեց՝ կոչ անելով Պեկինին հրաժարվել իր «պարտադրանքից»՝ կրկնելով, որ միայն Թայվանի ժողովուրդը կարող է որոշել իր ապագան:
Աղբյուր՝ theguardian.com
Ուրբաթ օրը Ատլանտայից հյուսիս-արևելք գտնվող օդանավակայանում թռիչքի ժամանակ վթարի է ենթարկվել և հրդեհվել մեկ շարժիչով ինքնաթիռ, հայտնում է Դաշնային ավիացիոն վարչությունը: «Cessna 210» ինքնաթիռում գտնվող չորս մարդիկ զոհվել են:
Աղբյուր՝ cnn.com
1980 թվականին Իրանի նորաստեղծ Իսլամական Հանրապետության առաջին նախագահ ընտրված Աբոլհասան Բանիսադրը մահացել է շաբաթ օրը, Փարիզի Սալպետրիեր հիվանդանոցում, 88 տարեկան հասակում, հայտնում է «Fars»-ը: Գործակալությունը չի նշել մահվան պատճառը:
Աղբյուր՝ ria.ru
«Սոթբիս» աճուրդի տան լոտերից մեկը կլինի իտալացի նկարիչ Սանդրո Բոտիչելլիի «Վշտերի մարդը» (Man of sorrows) եզակի գործը: Կտավը որը թվագրվում է մոտ 1500 թվականով և պատկերում է հարություն առած Քրիստոսին, գնահատվում է 40 միլիոն դոլար: Աշխատանքը ներկայումս ցուցադրվում է Հոնկոնգի նախնական աճուրդի ցուցադրությունում, որտեղ այն կմնա մինչև հոկտեմբերի 11-ը:
Աղբյուր՝ kulturomania.ru
Ամեն օր ավոկադո ուտելը բարելավում է նյութափոխանակությունը և կարգավորում աղիների աշխատանքը: Այս մասին գրում է «Nihon Keizai» ճապոնական պարբերականը: Հոդվածի հեղինակը հղում է կատարում ամերիկացի գիտնականների ուսումնասիրությանը, որին մասնակցել է տարբեր սեռերի 163 պացիենտ՝ 25-45 տարեկան: Մանակիցների մարմնի զանգվածի ինդեքսը եղել է, իսկ նորման այս ցուցանիշից ցածր է:
Աղբյուր՝ ria.ru
Մեծ Բրիտանիայի բազմաթիվ դպրոցներ նախազգուշացրել են ծնողներին՝ չթողնել իրենց երեխաներին դիտել Netflix-ի հարավկորեական «Կաղամարի խաղը» (Squid Game) մեծ աղմուկ հանած սերիալը, երբ նկատել են, որ աշակերտները սկսել են կրկնօրինակել տեսարանները: Երեխաները մասնակցում են սերիալում ներկայացված դաժան և բռնի խաղերի իրենց տարբերակներին, ինչը դպրոցներում անհանգստություն է առաջացրել:
Աղբյուր՝ dailystar.co.uk
Բաթումիում փլուզված տան փլատակներից փրկված կանանցից մեկը մահացել է` վթարի հետևանքով ստացած վնասվածքներից, հոկտեմբերի 9-ին հայտնել է «Ռուսթավի-2» հեռուստաալիքը: Մահացածի անունը Ինգա Մեքիձե է, նա 36 տարեկան էր: Այսպիսով, տան փլուզման զոհերի թիվը հասել է վեցի, այդ թվում՝ երկու անչափահասի: Եվս երեք մարդ մնում են փլատակների տակ. որոնումները շարունակվում են:
Աղբյուր՝ iz.ru
Էքստրեմալ պայմաններում գոյատևելու ունակ, սոված միկրոօրգանիզմներին արդեն հաջողվել է ընդամենը երեք օրվա ընթացքում «ուտել» մեխ: Անտոֆագաստա արդյունաբերական քաղաքում գտնվող իր լաբորատորիայում 33-ամյա կենսատեխնոլոգ Նադակ Ռիալիսը թեստեր է անցկացնում էքստրեմոֆիլների (ծայրահեղ միջավայրում ապրող օրգանիզմների) հետ:
Աղբյուր՝ france24.com
Վրաստանի ՆԳՆ-ն հայտարարել է Բաթումիում բնակելի շենքի փլուզման հետաքննության շրջանակներում բնակարանի սեփականատիրոջ և երկու աշխատողների ձերբակալման մասին: «Բնակարանի սեփականատիրոջ ղեկավարությամբ և անվտանգության կանոնների կոպիտ խախտումներով բնակարանում իրականացվել են շինարարական և վերանորոգման աշխատանքներ, ինչի հետևանքով այս տարվա հոկտեմբերի 8-ին փլուզվել է բազմաբնակարան շենքի մուտքերից մեկը»,- ասված է հայտարարության մեջ:
Աղբյուր՝ ria.ru
տուժել է 10 մարդ: Սաուդյան Արաբիայի գլխավորած կոալիցիան հայտնել է, որ ուրբաթ ուշ երեկոյան և շաբաթ վաղ առավոտյան պայթուցիկներով լի երկու անօդաչու թռչող սարքերով երկու հարձակում է տեղի ունեցել հարավային Գիզան քաղաքում գտնվող «Թագավոր Աբդուլլահ» օդանավակայանում:
Աղբյուր՝ reuters.com
Լրահոս
Տեսանյութեր
Մեր հետ քննարկում չի եղել, հարկերը բարձրացրել են. Ոսկու շուկայի աշխատակիցները կառավարության մոտ են
