Ձեր վստահելի աղբյուրը

Երկու խոշոր տեսակների՝ բևեռային և գորշ արջերի ձևավորման շրջադարձերը հիմնականում համընկնում են մարդկության տարբեր ճյուղերի միջև հարաբերությունների պատմության հետ, ասվում է ամերիկացի և ֆինն գիտնականների նոր ուսումնասիրության մեջ: Այս մասին հոդվածը երկուշաբթի հրապարակվել է Proceedings of the National Academy of Sciences-ում։ Թիմը վերծանել է բևեռային արջի գենոմը, որն ապրել է մոտավորապես 115-130 հազար տարի առաջ Նորվեգիայի Շպիցբերգեն արշիպելագում:

Աղբյուր՝ ria.ru

Մրցակցության պաշտպանության հանձնաժողովի մշակած և հաստատած ուղեցույցով ներկայացվում են տեսալսողական մեդիայի ոլորտում տեսալսողական ծրագրերի դիստրիբյուտորների և ցանցային օպերատորների վարքագծի կանոնների, մասնավորապես՝ տեսալսողական ծրագրերի տարածման իրավունքի տրամադրման շրջանակում վարվող գնային քաղաքականության և պայմանագրային դրույթների հետ կապված հարաբերությունները։

Աղբյուր՝ Մրցակցության պաշտպանության հանձնաժողով 

ԱՄՆ նախագահը մեկնում է Հոլիվուդ։ 79-ամյա Բայդենը չորեքշաբթի հանդես կգա «Ջիմի Քիմելը ուղիղ եթերում» շոուին իր առաջին մասնակցությամբ՝ որպես նախագահ: Հաղորդավար Ջիմի Քիմելը լուրը հայտարարեց կիրակի երեկոյան իր «Jimmy Kimmel Live: NBA Finals Game Night» հատուկ թողարկման ժամանակ։

Աղբյուր՝ people.com

Նախագիծը կթողարկվի Netflix-ում 2022 թվականի օգոստոսի 5-ին։ Օրիգինալ կոմիքսների հեղիակ Նիլ Գեյմանը թողարկման ամսաթիվը հայտնել է Netflix Geeked Week-ի դերասանական վահանակում: Միջոցառման ընթացքում ցուցադրվել են անոնսային տեսանյութ և նախագծի նոր պաստառը։ Նախագծի սյուժեն կառուցված է քնի աստված Մորփեուսի շուրջ, ով ազատ արձակվելուց հետո ստիպված է լինելու առերեսվել առասպելական այլ կերպարների հետ։

Աղբյուր՝ kulturomania.ru

Նիստի ընթացքում խորհրդի անդամներին ներկայացվել են շինարարական այն նորմերը, որոնց մշակումն ու արդիականացումը նախատեսվում է իրականացնել առաջիկա տարիներին: Ներկաներին առաջարկվել է ներկայացնել իրենց դիտարկումները՝ անհրաժեշտության դեպքում համալրելու վերանայման ենթակա նորմերի ցանկը: Հրավիրված են եղել շինանյութ արտադրող և մատակարար ընկերությունների ներկայացուցիչներ, որոնց բարձրաձայնած հարցերը կուսումնասիրվեն խորհրդի իրավասությունների շրջանակում:

Աղբյուր՝ ՀՀ քաղաքաշինության կոմիտե 

«Լիվերպուլի» կիսապաշտպանը մեկ տարով երկարածգել է պայմանագիրը ակումբի հետ՝ մինչև հաջորդ մրցաշրջանի ավարտը։ 36-ամյա խաղացողի պայմանագիրը պետք է ավարտվեր այս ամիս, և նա ընդունել է աշխատավարձի զգալի կրճատումը՝ մնալու այն ակումբում, որին միացել է 2015 թվականին «Մանչեսթեր Սիթիից»:

Աղբյուր՝ theguardian.com

«Առնո Բաբաջանյան» համերգասրահի Ներքնահարկում հունիսի 8-ին, ժամը 19։00 Սալոնային համերգ կանցկացվի։ Սալոնային համերգի ձևաչափն ընդգծում է միջոցառման մշակութային խորությունն ու ծրագրի նկատմամբ ընտրողականությունը։ Ծրագրում Անտոնիո Վիվալդիի, Ֆրանց Շուբերտի,  Ջոակինո Ռոսսինիի, Ժակ Օֆենբախի, Լեո Դելիբի, Պաոլո Տոստիի, Կլոդ Դեբյուսիի, Ֆրանսիս Պուլենկի ստեղծագործություններն են։

Աղբյուր՝ «Առնո Բաբաջանյան» համերգասրահ

Սննդաբան Ելենա Սոլոմատինան NEWS.ru-ին տված հարցազրույցում բացատրել է, թե ինչպես լավագույնս հագեցնել ծարավը։ Նրա կարծիքով, լավագույն միջոցը սեղանի ջուրն է, ոչ թե հանքայինը։ Սննդաբանը նշել է, որ շաքարի բարձր պարունակությամբ գազավորված ըմպելիքները, ընդհակառակը, ծարավն ավելի են սաստկացնում։

 

Կոնգոյի Դեմոկրատական Հանրապետության արևելյան Իտուրի նահանգում տեղի ունեցած նոր կոտորածի մասին երկուշաբթի հայտնել է դիտորդներից մեկը՝ հավելելով, որ կասկածվողերը ADF-ի զինյալներն են։ Իրումու շրջանի Կարմիր Խաչի ղեկավար Դեյվիդ Բեյզան ասում է, որ իր կազմակերպության կամավորները կոտորածի վայրում «36 դի են հաշվել»:

Աղբյուր՝ france24.com

Հունիսի 8-ին, ժամը 19:00 «Առնո Բաբաջանյան» համերգասրահում Երևանի տանգոյի միջազգային փառատոնի շրջանակում կհնչի Աստոր Պիացոլայի երաժշտությունը։ Երեկոյին ելույթ կունենա Կադանս անսամբլը, որի կատարումներին երեկոյի ընթացքում կմիանան երգչուհի Մարիել Դյուպետին և բանդոնեոնահար Վալտեր Ռիոսը Արգենտինայից:

Աղբյուր՝ «Առնո Բաբաջանյան» համերգասրահ

Ամերիկացի ռեփեր Trouble-ը (իսկական անունը՝ Մարիել Սեմոնտե Օրր) մահացել է 34 տարեկանում։ Այս մասին հաղորդել է Variety-ն։ Արտիստը սպանվել է շաբաթ օրը՝ հունիսի 4-ին, փոխհրաձգության հետևանքով։ Հրատարակչության տվյալներով՝ արտիստը գտնվել է փակ համալիրներից մեկում, երբ նրա ու ենթադրյալ մարդասպանի միջև կոնֆլիկտ է սկսվել։ Դրանից հետո կրակոց է հնչել։ Դեպքի վայր ժամանած բժիշկները հայտնաբերել են ռեփերի դին։

Աղբյուր՝ lenta.ru

Հայ-հնդկական ՏՀՏ գերազանցության կենտրոնը (AITC) հայտարարում է «Ծրագրավորման և դիզայնի ամառային դպրոց»՝ նախատեսված 8-16 տարեկան երեխաների համար։Ծրագրի ընթացքում, բացի ծրագրավորման և դիզայնի դասընթացներից, երեխաներն ունենալու են նաև «soft training»-ներ, խաղեր, այցելություններ ՏՏ և դիզայնի ընկերություններ։

Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն

Մոհամեդ Սալահը կիրակի 90 րոպե խաղացել է Եգիպտոսի հավաքականի կազմում՝ չնայած վնասվածքին: «Լիվերպուլի» հարձակվողը խաղից առաջ մերժել է՝ հետազոտություն անցնելու «կարմիրների» առաջարկը: Նա պայքարում էր աճուկի հետ կապված խնդրի հետ, որն առաջացել էր Անգլիայի գավաթի եզրափակչում: Եգիպտոսը ևս երկու հանդիպում ունի այս ամիս, սակայն Սալահն այժմ ռենտգեն հետազոտություն կանցնի:

Աղբյուր՝ dailymail.co.uk

Ռուս գործարար Ռոման Աբրամովիչին պատկանող երկու ինքնաթիռ կարող են կալանքի տակ դնել ԱՄՆ-ում: Ինչպես երկուշաբթի հայտնել է CNBC-ն, հրամանը ստորագրել է ԱՄՆ շրջանային դատարանի դատավոր Սառա Քեյվը Նյու Յորքի հարավային շրջանում: Boeing 787-8 Dreamliner-ի և Gulfstream G650ER-ի ձերբակալությունը հանձնարարված է ԱՄՆ արդարադատության նախարարությանը:

Աղբյուր՝ vesti.ru

«Կառլոս III-ի առողջապահության ինստիտուտը հաստատել է 198 դրական դեպք»,- հայտնել են գերատեսչությունը: Հունիսի 3-ին իշխանությունները հայտնել էին 186 դեպքի մասին:

Աղբյուր՝ tass.ru

Իլոն Մասկը սպառնում է հրաժարվել Twitter-ը գնելու իր 44 միլիարդ դոլար արժողությամբ առաջարկից՝ մեղադրելով ընկերությանը՝ սպամ բոտերի և կեղծ օգտահաշիվների մասին տեղեկատվություն տրամադրելու հարցում իրեն մերժելու մեջ: Tesla-ի և SpaceX-ի գործադիր տնօրենի փաստաբաններն սպառնալիքը ներկայացրել են Twitter-ին ուղղված երկուշաբթի գրված նամակում, և Twitter-ը դա բացահայտել է ԱՄՆ Արժեթղթերի և բորսաների հանձնաժողովում ներկայացված փաստաթղթերում:

Աղբյուր՝ apnews.com

73-ամյա կինը արտասվել է, երբ տեսել է իր նոր տունը, որը որդին զարդարել էր իր համար նոստալգիկ նշանակություն ունեցող իրերով: «Մայրիկ, ես սիրում եմ քեզ, անակնկա՜լ: Երբ ես փոքրիկ տղա էի, չէի սիրում մորս արցունքները, բայց հիմա երջանիկ եմ նրա ուրախության արցունքներով: Մորս համար գաղտնի նոր տուն գնեցի։ Ես և դիզայներները երկու ամիս աշխատեցինք դրա վրա, որպեսզի նա մտնի և տեսնի ամենը՝ նոր ու զարմանալի»,- «Ժայռ»-ի խոսքերը մեջբերել է EOnline-ը:

Աղբյուր՝ gazeta.ru

1679 թվականին իտալացի հայտնի վարպետ Անտոնիո Ստրադիվարիի կողմից պատրաստված բացառիկ ջութակը հաջորդ ամիս աճուրդի կհանվի, որտեղ այն կարող է վաճառվել մինչև 11 միլիոն դոլարով: "Hellier" Stradivarius" կոչվող արվեստի նմուշը վաճառքի կհանի Christie's-ը հուլիսի 7-ին՝ "The Exceptional Sale" («Բացառիկ վաճառք») խորագրով աճուրդի ժամանակ:

Աղբյուր՝ reuters.com