Կարճ լուրեր
ժամը 19:00 «Առնո Բաբաջանյան» համերգասրահի նորաբաց ցուցասրահում տեղի կունենա ֆրանսահայ նշանավոր գեղանկարչներ Գառզուի (1907-2000) և Ժանսեմի (1920-2013) գրաֆիկական աշխատանքներից կազմված ցուցահանդեսի բացումը, որին կհաջորդի «Կադանս» անսամբլի համերգը: Երեկոյի ընթացքում կհնչեն Շառլ Ազնավուրի, Ժորժ Գարվարենցի, Միշել Լեգրանի, Ռիչարդ Գալիանոյի, Աստոր Պիացոլայի, ինչպես նաև Արամ Խաչատրյանի, Առնո Բաբաջանյանի և այլ կոմպոզիտորների ստեծագործություններ:
Աղբյուր՝ The State Philharmonia of Armenia / Arno Babajanyan Concert Hall
Ռուսաստանի նախկին կայսերական մայրաքաղաքում նախատեսվում է անցկացնել Ռուսաստանի թագավորական ընտանիքի ժառանգի հարսանիքը: Ուրբաթ օրը Սանկտ Պետերբուրգի Սուրբ Իսահակի տաճարում մեծ իշխան Գեորգի Միխայլովիչ Ռոմանովը ամունսական կապերով կկապվի իր իտալացի հարսնացուի՝ Վիկտորյա Ռոմանովնա Բետտարինիի հետ՝ հարյուրավոր օտարերկրյա հյուրերի մասնակցությամբ նախատեսված հոգևոր պսակով:
Աղբյուր՝ cnn.com
Բարբադոսը դուրս կգա բրիտանական թագի տիրապետությունից և կդառնա խորհրդարանական հանրապետություն, հայտարարել է կղզու վարչապետ Միա Մոթլին՝ խորհրդարանում ելույթ ունենալիս: Ապագա հանրապետության առաջին նախագահի պաշտոնը նոյեմբերի 30-ին կզբաղեցնի կղզու գլխավոր նահանգապետ Սանդրա Մեյսոնը:
Աղբյուր՝ ria.ru
96-ամյա կինը, ով աշխատել է որպես նացիստական համակենտրոնացման ճամբարի հրամանատարի քարտուղար, ձերբակալվել է ժամեր անց, երբ նա փախել էր ծերանոցից և բաց թողել Գերմանիայի հյուսիսում կայացած իր դատավարության մեկնարկը: Իրմգարդ Ֆուրշները 18 տարեկան է եղել, երբ սկսել աշխատել Բալթիկ ծովի ափին գտնվող Շտուտհոֆ նացիստական ճամբարում՝ Ազատ քաղաք Դանցիգում:
Աղբյուր՝ theguardian.com
Ուկրաինայի Գենիչեսկի շրջանի «Արբատսկայա Ստրելա» մարզահամալիրում սեպտեմբերի 10-12-ը կայացել է միջազգային «Ազովի ծովի գավաթ»-ի մրցաշարը: Մրցաշարին ուժերը փորձել են 5 երկրների ավելի քան 250 մարզիկ. Հայաստանի հավաքականը ներկայացրել են 13 մարզիկներ: Թիմային հաշվարկում Հայաստանի պաուերլիֆտինգի հավաքական թիմը գրավել է առաջին տեղը և ըստ տարիքային խմբերի՝ սահմանել աշխարհի 4 ռեկորդ: Բացարձակ հաղթող է դարձել Հրաչյա Աբգարյանը:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Apple-ի համահիմնադիր Սթիվ Ջոբսի կրտսեր դուստրը՝ Իվը, իր մոդելային դեբյուտն ունեցավ՝ ֆրանսիական Coperni ապրանքանիշի ցուցադրությամբ, Փարիզի նորաձևության շաբաթին: 23-ամյա աղջիկը պոդիում է դուրս եկել նեոնային կիպ շապիկով, ստրազների նախշերով մուգ մինի կիսաշրջազգեստով և հաստ ներբաններով «վիետնամական» հողաթափերով:
Աղբյուր՝ korrespondent.net
Հոկտեմբերի 1-ին կայացած հանդիպման ընթացքում Հնդկաստանի արտակարգ և լիազոր դեսպան Կիշան Դան Դեվալը հայտնել է, որ հնդկական կողմը պատրաստ է խորացնել Հայաստանի հետ համագործակցությունը պաշտպանական ոլորտում: Հայ-հնդկական ռազմական համագործակցության արդյունավետության բարձրացման նպատակով ձեռք է բերվել պայմանավորվածություն՝ ակտիվացնելու մասնագիտական աշխատանքային խմբերի գործունեությունը:
Աղբյուր՝ ՀՀ ՊՆ
Երեքշաբթի օրը սկսված սպանդի հետևանքով զոհվել է 116 մարդ, վիրավորվել՝ մոտ 80-ը: Այդ մասին չորեքշաբթի օրը հայտարարել է Էկվադորի նախագահ Գիլյերմո Լասսոն: Արյունալի բախումներից հետո «Լիթորալ» քրեակատարողական հիմնարկում, որը գտնվում է առափնյա Գուայակիլ քաղաքի ծայրամասում, զոհերի թիվը զգալի աճ է գրանցում:
Աղբյուր՝ cnn.com
IPhone 13-ի օգտատերերը բողոքել են CarPlay ծառայության խափանման պատճառով: Այս մասին հաղորդել է MacRumors պորտալը: CarPlay-ը Apple-ի ֆիրմային եհամակարգն է, որը թույլ է տալիս օգտագործել iPhone-ի հնարավորությունները մեքենա վարելիս: CarPlay-ում խափանում է տեղի ունենում, երբ iPhone-ի նորագույն մոդելով երաժշտություն են միացնում տարբեր ծառայությունների միջոցով, օրինակ՝ Apple Music-ը կամ Spotify-ը:
Աղբյուր՝ gazeta.ru
Գլխավոր քարտուղար Անտոնիո Գուտերեշը ասաց, որ աշխատում է կառավարության հետ՝ «ակնկալելով», որ տուժած անձնակազմը կկարողանա «շարունակել իրենց կարևոր աշխատանքը»: Եթովպիան ավելի վաղ 72 ժամ էր տվել Մակ-ի «պերսոնա նոն գրատա» հայտարարված յոթ աշխատակիցներին՝ երկիրը լքերու համար:
Աղբյուր՝ bbc.com
Ձերբակալվել է 2001 թվականին ծնված տեղի բնակիչը: Նա արդեն խոստովանական ցուցմունք է տվել: Հետաքննությունը կարծում է, որ տղամարդը հարձակում էր նախապատրաստում իրավապահ մարմինների աշխատակիցների վրա՝ ԻՊ գրոհայինների ցուցումների համաձայն: Խուզարկության ընթացքում նրա մոտ հայտնաբերել են ինքնաշեն պայթուցիկ սարք պատրաստելու բաղադրիչներ և գործիքներ, ինչպես նաև հանցագործների հետ նամակագրություն նրա բջջայինում:
Աղբյուր՝ ria.ru
Նա հինգշաբթի օրը դուրս է գրվել Սան Պաուլոյի հիվանդանոցից, որտեղ բուժվում էր՝ հաստ աղիքի ուռուցքը հեռացնելու վիրահատությունից հետո: Ալբերտ Էյնշտեյնի հիվանդանոցի տեղեկագրում ասվում է, որ սեպտեմբերի 4-ին վիրահատությունից հետո, որից հետո նա մի քանի շաբաթ հոսպիտալացվել էր, Պելեն քիմիաթերապիա է ստանալու:
Աղբյուր՝ reuters.com
Փարիզում կայացած հանդիպման ընթացքում անդրադարձ է կատարվել Արցախի Հանրապետության մշակութային ժառանգության պահպանության ոլորտում համագործակցությանը: Խոսվել է նաև Հայաստանի և Ֆրանսիայի միջև մշակութային համագործակցության փաստաթղթի մշակման և ստորագրման մասին: Հանդիպման ավարտին Ֆրանսիայի Հանրապետության մշակույթի նախարարը հրավիրվել է Հայաստան` հայ-ֆրանսիական մշակութային համագործակցութան վերաբերյալ նոր քննարկումնեի համար:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Ֆրանսիայի ոստիկանությունը հայտարարել է, որ «Չեչոտ» (Le Grêlé) մականունով ոճրագործը հանցագործություններ է կատարել 1986-1994 թվականներին: Նա կասկածվում էր առնվազն երեք սպանության և վեց բռնաբարության մեջ, այդ թվում՝ ութ և տասնմեկ տարեկան աղջիկների: Հաղորդվում է, որ Ֆրանսուա անունով 59-ամյա նախկին ժանդարմը ինքնասպան է եղել՝ «Չեչոտի» գործով հարցաքննության կանչվելուց հետո: 1988 թվականից ոստիկանությունում ծառայած տղամարդը, նամակ է թողել, որում խոստովանել է «Չեչոտին» վերագրվող բոլոր հանցագործությունները:
Աղբյուր՝ gazeta.ru
Վերջին մեկ տարվա ընթացքում առաջին ժայթքման ժամանակ՝ Կիլաուեա հրաբուխի գագաթին գտնվող խառնարանը լցվել է տաք կարմիր լավայով, հինգշաբթի առավոտյան երկինքը պատվել է հրաբխային ծխով, հայտնում է ԱՄՆ Երկրաբանական ծառայությունը: Հավայան կղզիների ամենաերիտասարդ և ամենաակտիվ հրաբխի ժայթքումը սկսվել է չորեքշաբթի կեսօրին:
Աղբյուր՝ reuters.com
Դերասան Ջոնի Դեփի և մոդել Վանեսա Պարադիի դուստրը՝ Լիլի-Ռոուզը, նկարահանվելու է HBO-ի վեց մասից բաղկացած «Կուռք» դրամայում՝ երգիչ The Weeknd-ի հետ: Variety-ի փոխանցմամբ՝ այն 22-ամյա արտիստուհու համար կլինի իր կարիերայի առաջին հեռուստատեսային նախագիծը:
Աղբյուր՝ gazeta.ru
ՀՀ Գեղարքունիքի մարզի Սևան քաղաքի Խ. Աբովյանի անվան ավագ դպրոցի, Երևանի Տ. Շևչենկոյի անվան թիվ 42 ավագ դպրոցի, Երևանի Ա. Ղարիբյանի անվան թիվ 142 ավագ դպրոցի, ՀՀ Սյունիքի մարզի Գորիս քաղաքի Ա. Բակունցի անվան թիվ 1 ավագ դպրոցի, ՀՀ Շիրակի մարզի Արթիկ քաղաքի թիվ 3 ավագ դպրոցի, ՀՀ Շիրակի մարզի Գյումրու Ակադեմիական վարժարանի, ՀՀ Արմավիրի մարզի Վաղարշապատ քաղաքի Մ. Գորկու անվան թիվ 5 ավագ դպրոցի գույքի ձեռք բերման համար կտրամադրվի շուրջ 109 մլն 727 հազար դրամ:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Բրիթնի Սփիրսի համար խոշոր հաղթանակի արդյունքում չորեքշաբթի օրը դատավորը հեռացրեց երգչուհու հորը խնամակալությունից, ով վերահսկում էր դստեր կյանքն ու ֆինանսները 13 տարի, ասելով, որ այդ պայմանավորվածությունը «թունավոր միջավայր է առաջացնում»:
Աղբյուր՝ france24.com
Լրահոս
Տեսանյութեր
Կլինի այնպիսի մի շաբաթ, երբ որ այդ լուրը գուցեև ճիշտ լինի. Ավանեսյանը՝ ՔՊ-ի թիրախում լինելու մասին
