Կարճ լուրեր
Իսպանացի դերասանուհին արժանացել է 2022 թվականի ազգային կինոմրցանակ, հայտնել է Իսպանիայի մշակույթի և սպորտի նախարարությունը: Ինչպես նշվում է նախարարության կայքում, ժյուրին մրցանակը միաձայն շնորհել է դերասանուհուն «2021 թվականին ձեռք բերած հաջողությունների համար, որոնք գումարվում են այն ամենին, ինչ նա կուտակել է իր ողջ կարիերայի ընթացքում»: Դերասանուհուն շնորհավորել է Իսպանիայի վարչապետ Պեդրո Սանչեսը:
Աղբյուր՝ ria.ru
Ակնկալվում է, որ Պարեկային ծառայությունը, համաձայն Կառավարության 2021-2026թթ. գործունեության միջոցառումների ծրագրի, ՀՀ-ում ամբողջությամբ ներդրված կլինի 2024թ. ընթացքում:
Աղբյուր՝ ՀՀ Կառավարության տեղեկատվության եվ հասարակայնության հետ կապերի վարչություն
70 տարեկան հասակում մահացել է ամերիկյան լեգենդար Bon Jovi ռոք խմբի հիմնադիր անդամ, նախկին բաս կիթառահար Ալեք Ջոն Սաչը, հայտնում է խումբը: Այս մասին հայտարարել է խումբը: Սաչը նրանց հետ նվագել է 1983-ից 1994 թվականներին, երբ խումբը ներկայացնում էր այնպիսի հիթեր, ինչպիսիք են «You Give Love a Bad Name»-ը, «Livin' on a Prayer»-ը և «Bad Medicine»-ը: Թե ինչպես և որտեղ է նա մահացել, մանրամասներ չեն հաղորդվում:
Աղբյուր՝ bbc.com
Վարկանիշը գլխավորել է «Պարի Սեն Ժերմենի» հարձակվող Կիլիան Մբապպեն, ով այս մրցաշրջանում երկարաձգել է պայմանագիրն ակումբի հետ, և ում CIES Football Observatory հետազոտական կենտրոնի փորձագետները գնահատել են 205,6 միլիոն եվրո: Մադրիդի «Ռեալի» երիտասարդ հարձակվող Վինիսիուս Ժունիորը 185,3 մլն եվրոյով երկրորդն է, իսկ նորվեգացի Էրլինգ Հալանդը, ով գարնանը Դորտմունդի «Բորուսիայից» տեղափոխվեց «Մանչեսթեր Սիթի», երրորդն է՝ 152,6 մլն եվրոյով:
Աղբյուր՝ vesti.ru
Ծրագրի շրջանակում Արմավիրի մարզը ներկայացնող սաները հանդես են եկել Երևանի Ա. Սպենդիարյանի անվան երաժշտական դպրոցում: Գեղարքունիքի մարզի Մարտունի քաղաքի և Վարդենիկ համայնքի երաժշտական դպրոցների սաներին հյուրընկալել է Երևանի Կ. Սարաջյանի անվան երաժշտական դպրոցը: Վայոց ձորի մարզի Եղեգնաձորի երաժշտական դպրոցի և Աղավնաձոր համայնքի երաժշտական դպրոցների սաներն էլ ելույթ են ունեցել Երևանի Ա. Տիգրանյանի անվան երաժշտական դպրոցում:
Աղբյուր՝ ՀՀ ԿԳՄՍ նախարարության հասարակայնության հետ կապերի եվ տեղեկատվության վարչություն
«Լավագույն հրաձիգ. Մևերիկ» ֆիլմը արդեն դարձել է Թոմ Քրուզի՝ իր կարիերայի ընթացքում ամենաշատ եկամուտ ունեցող տնային նախագիծը: Ըստ Comscore-ի գնահատումների անցած շաբաթավերջին հայրենասիրական մարտաֆիլմը վաստակել է 86 միլիոն դոլար՝ հյուսիսամերիկյան ընդհանուր եկամուտը հասցնելով 291,6 միլիոն դոլարի: Մինչ այս Քրուզի կինովարձույթի ամենամեծ հաջողությունը «Աշխարհների պատերազմն» էր, որը 2005 թվականին հավաքեց 234,3 միլիոն դոլար:
Աղբյուր՝ latimes.com
Հունիսի 7-ին՝ ժամը 10:00-ին, Արագածոտնի մարզի Զովասար բնակավայրում անցկացվելու է «Բնակչության ազդարարում, տարահանում և պատսպարում» թեմայով ուսումնավարժանք: Գործարկվելու է բնակավայրի շչակը:
Աղբյուր՝ ՀՀ ԱԻՆ
Ֆրանսիայի շրջակա միջավայրի փոփոխությունների հարցերով նախարար Ամելի դե Մոնշալենը ֆրանսիացիներին հորդորել է այս ամառ չչարաշահել օդորակիչների կիրառումը՝ հաշվի առնելով էլեկտրաէներգիայի թանկացումը և կլիմայի փոփոխության դեմ պայքարի նպատակով:
Աղբյուր՝ ria.ru
Ընտրողներն աջակցել են նախագահ Կասիմ-Ժոմարտ Տոկաևի կողմից հանրաքվեի ժամանակ առաջարկված սահմանադրական փոփոխություններին, երկուշաբթի հայտնել է Կենտրոնական ընտրական հանձնաժողովը: Հանձնաժողովը հայտնել է, որ կիրակի կայացած հանրաքվեի ձայների 77,18%-ը կողմ է եղել փոփոխություններին, որոնք կապակենտրոնացնեն որոշումների կայացումը և կզրկեն նախկին առաջնորդ Նուրսուլթան Նազարբաևին «ազգային առաջնորդի» կարգավիճակից:
Աղբյուր՝ reuters.com
Կիսապաշտպան Նեմանյա Մատիչը մոտ է «Ռոմա» տեղափոխվելուն։ 33-ամյա սերբն արդեն համաձայնեցրել է հռոմցիների հետ պայմանագրի պայմանները՝ հաշվարկված մինչև 2024 թվականի հունիսի վերջը: Այս մասին հայտնել է լրագրող Նիկոլո Շիրան Twitter-ում։ Ֆուտբոլիստի աշխատավարձը Հռոմի ակումբում կկազմի 3,6 մլն եվրո մեկ մրցաշրջանում՝ բոնուսները չհաշված: Մատիչը «Մանչեսթեր Յունայթեդում» հանդես է գալիս 2017 թվականի հուլիսից: Հունիսի վերջին սերբն կլքի ակումբը ազատ տրանսֆերով:
Աղբյուր՝ sport-express.ru
Թուրքիայի գլխավոր ընդդիմադիր Ժողովրդահանրապետական կուսակցության առաջնորդը կարող է առաջադրվել երկրի նախագահի պաշտոնում հաջորդ տարվա հունիսին նշանակված նախագահական ընտրություններում: Ըստ Cumhuriyet թերթի աղբյուրների՝ Քեմալ Քըլըչդարօղլուն ընտրություններին մասնակցելու իր մտադրության մասին կարող է հայտարարել հուլիսի 3-ին, երբ կհանդիպեն «վեցի դաշինքի» առաջնորդները:
Աղբյուր՝ tass.ru
Tesla-ի ավելի քան 750 սեփականատերեր բողոքել են ԱՄՆ անվտանգության կարգավորող մարմիններին, որ ավտոմեքենաները, որոնք աշխատում են ավտոարտադրողի մասնակի ավտոմատացված վարման համակարգերով, հանկարծակի կանգ են առել ճանապարհներին՝ առանց որևէ ակնհայտ պատճառի: Այս թիվը հայտնել է Ճանապարհների երթևեկության անվտանգության ազգային վարչությունը՝ Tesla-ին ուղղված մանրամասն տեղեկատվության հարցման նամակում:
Աղբյուր՝ apnews.com
Ֆրանսիայի բաց առաջնության չեմպիոն Ռաֆա Նադալը կխաղա Ուիմբլդոնում այս ամսվա վերջին, եթե նրա մարմինը թույլ տա: Այս մասին իսպանացին ասել է կիրակի՝ «Ռոլան Գարոսում» ռեկորդային 14-րդ հաղթանակից հետո: Նադալը ոտնաթաթի խրոնիկական վնասվածք ունի:
Աղբյուր՝ reuters.com
DALL-E 2-ի օգտատերերը, որոնք պատկերներ են ստեղծում տեքստային նկարագրության համաձայն, հրապարակել են արհեստական ինտելեկտով ավարտված դասական նկարներ: Այսպես, օրինակ, «Մոնա Լիզա» կտավը դիմանկարից վերածվել է հասակի երկայնքով ամբողջական պատկերի. նկարում պատկերված աղջիկը ոտքեր ուներ: Նեյրոնային ցանցում նոր ռեժիմը կիրառելու համար օգտատերը պետք է նշի կոնկրետ պատկեր, որից հետո ալգորիթմները «կընդլայնեն» դրա սահմանները:
Աղբյուր՝ gazeta.ru
ԱՀԿ-ն նշում է, որ այն երկրներում, որտեղ վիրուսը սովորաբար չի հայտնաբերվում, գրանցվել է կապիկի ծաղկի 780 հաստատված դեպք։ Սա մոտ երեք անգամ ավելի է, քան մեկ շաբաթ առաջ գրանցված 257 դեպքը։ Դա վկայում է, որ վերջին երեք շաբաթվա ցուցանիշը, հավանաբար, թերագնահատված է. համաշխարհային ռիսկի մակարդակը գնահատվում է «միջին»: Վարակման դեպքեր են հայտնաբերվել 27 երկրում: Ամենաշատ դեպքեր ունի Մեծ Բրիտանիան՝ 207, որին հաջորդում են Իսպանիան՝ 156 և Պորտուգալիան՝ 138:
Աղբյուր՝ bbc.com
Ուիլեմ Դաֆոն պատվավոր դոկտորի կոչում է ստացել Վիսկոնսինի համալսարանից, գրում է Milwaukee Journal Sentinel-ը: 1970-ականներին դերասանը երկու տարի սովորել է այնտեղ՝ թատերական բաժնում, բայց այդպես էլ չի ավարտել բուհը: Այն ժամանակ նա ստիպված էր երկու աշխատանք կտարել, որպեսզի վճարեր համալսարանի թատերական բաժնում ուսման ծախսերը: Շնորհակալական խոսքում Դաֆոն նշել է, որ Էփլթոն փոքր քաղաքից Միլուոքի է եկել 17 տարեկանում և հիացած է նրանով:
Աղբյուր՝ ria.ru
Կիրակի՝ պատարագի ժամանակ, զինված անձինք գնդակահարել են ծխականներին և պայթուցիկ սարք կիրառել Նիգերիայի Օնդո նահանգի կաթոլիկ եկեղեցում՝ սպանելով ավելի քան 50 մարդու «սատանայական հարձակմամբ», հայտնել են տեղի պաշտոնյաներն ու կամավորները: Հարձակվողները թիրախավորել էին Օվո քաղաքի Սուրբ Ֆրանցիսկոս Խավիեր կաթոլիկ եկեղեցին, երբ հավատացյալները հավաքվել էին Պենտեկոստեի (Հոգեգալուստ) տոնին:
Աղբյուր՝ theguardian.com
Այսօր Պեկինի ժամանակով 11:09-ին «Շենչժոու-14»-ը հաջողությամբ բացել է «Տյանչժոու-4» բեռնանավի մտոցը: Այս մասին հայտնել է Չինաստանի Ժողովրդական Հանրապետության կառավարվող տիեզերական թռիչքների ծրագրի գրասենյակը: Հաջորդը, նրանք պետք է մտնեն «Տյանչժոու-3» բեռնանավը: Դրանից հետո անձնակազմը կսկսի ապամոնտաժել բեռը և կատարել իրեն տրված մյուս առաջադրանքները:
Աղբյուր՝ CGTN на русском
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
