Կարճ լուրեր
ԱՄՆ նախկին նախագահ Դոնալդ Թրամփը դատի է տալիս իր զարմուհուն և New York Times-ին՝ 2018 թվականի հոդվածի համար, ըստ որի, նա ներգրավված է եղել «կասկածելի հարկային սխեմաներում»: Հայցը, որը ներկայացվել է Նյու Յորքում, մեղադրում է Մերի Թրամփին և թերթի լրագրողներին «նենգ դավադրությամբ» գաղտնի փաստաթղթեր ձեռք բերելու մեջ:
Աղբյուր՝ bbc.com
Ան-26 ռազմական տրանսպորտային ինքնաթիռը, որում եղել է վեց մարդ, դադարել է կապի դուրս գալ Խաբարովսկի մոտակայքում:
Աղբյուր՝ dw.com
Մոտ 2,500 հազվագյուտ եղջյուր է ոչնչացվել չորեքշաբթի՝ Հնդկաստանի հյուսիս-արևելքում իր տեսակի մեջ առաջին արարողության ժամանակ, ռնգեղջյուրի համաշխարհային օրվան նվիրված, որսագողության դեմ արշավի շրջանակներում: Ռնգեղջյուրի եղջյուրի առևտուրն արգելված է 1977 թվականից՝ Վայրի ֆաունայի և ֆլորայի վտանգված տեսակների միջազգային առևտրի մասին կոնվենցիայով:
Աղբյուր՝ france24.com
57 տարեկան հասակում կյանքից հեռացել է ամերիկացի դերասան Ուիլի Գարսոնը: Այս մասին հայտնել է նրա որդին Instagram-ի իր էջում:
Աղբյուր՝ ria.ru
Սեպտեմբերի 23-ին Ղազախստանի Հանրապետության մայրաքաղաք Նուր-Սուլթանում կայանալիք նիստի ընթացքում կքննարկվեն իրավական տարբեր ոլորտներում, հանցավորության դեմ պայքարում ԱՊՀ անդամ-պետությունների գլխավոր դատախազների համագործակցության պլանների իրականացման հարցեր: Հայաստանից ներկա կլինի ՀՀ գլխավոր դատախազը:
Աղբյուր՝ ՀՀ դատախազություն
Գերմանական խանութներում կարելի է գնել ոսկե սկավառակներ՝ Գերմանիայի հեռացող կանցլեր Անգելա Մերկելի դիմանկարով: Առցանց խանութներից մեկը, որն առաջարկում է գնել Ֆրաու կանցլերի պատկերով ոսկի, հիշատակում է նրա «տպավորիչ քաղաքական կարիերան» և արժանիքները:
Աղբյուր՝ vesti.ru
Վրաստանում Փերիա գյուղի մեկ տուն ամբողջովին ավերվել է, իսկ երեքը՝ բնակության համար պիտանի չեն: Աղետի հետեւանքով զոհեր չեն եղել: Միայն 33-ամյա կին է տուժել և տեղափոխվել հիվանդանոց: Նա ենթարկվել է ոտքի վիրահատության:
Աղբյուր՝ 1tv.ge
1979 թվականից ի վեր Գերմանիայի մակերեսից 6 անգամ ավելի մակերեսով սառույց է հալչել: Այս մասին ասված է Կոպեռնիկոսի ծովային ծառայության հինգերորդ տարեկան զեկույցում:
Աղբյուր՝ dailymail.co.uk
Apple-ը մտադիր է մշակել՝ օգտվողների հոգեկան առողջության հեռակա ախտորոշման գործիք: Այս մասին հաղորդել է The Wall Street Journal-ը: Ինչպես հայտնի է դարձել լրագրողներին, ընկերությունն աշխատում է տեխնոլոգիաների վրա, որոնք կարող են կանխել գաջեթների տերերի հոգեկան խանգարումները: Հեղինակների կողմից ուսումնասիրված վավերագրերը վերաբերում են դեպրեսիային և ճանաչողական կարողությունների անկմանը:
Աղբյուր՝ lenta.ru
Պաշտոնյաները երեքշաբթի հաստատել են, որ հրշեջ մեքենաները և շտապ օգնության մեքենան ուղևորվել են Կալիֆոռնիայի Կալաբասաս քաղաքում գտնվող, 42 միլիոն դոլար արժողությամբ երազանքի տուն՝ հրդեհի հետևանքով ծխի վնասի առաջացումից հետո: Տեսանյութերից պարզ է դառնում, որ երկուշաբթի՝ ժամը 15:30-ից անմիջապես հետո շտապօգնության մեքենա է մոտենում տանը: Չնայած դրա առկայությանը, հրշեջ ծառայությունը հայտնել է, որ տուժածներ չկան:
Աղբյուր՝ pagesix.com
Կադրերում երևում է, թե ինչպես են իրավապահ մարմինները աշխատում դեպքի վայրում: Սերգեյ Շեֆիրի մեքենայի վրա կպչուն պիտակներ են փակցված, որոնք, ենթադրաբար, ցույց են տալիս փամփուշտների տեղերը: Մահափորձը տեղի է ունեցել ճանապարհին. ինքնաձիգի կրակահերթ է արձակվել Ուկրաինայի նախագահի առաջին օգնականի մեքենայի վրա, որի հետևանքով վարորդը վիրավորվել է:
Աղբյուր՝ gazeta.ru
Ռիո դե Ժանեյրոյի քաղաքապետ Էդուարդո Պաեսը Instagram-ի իր էջում հայտնել է, որ քաղաքը պատրաստ է ընդունել 2021 թվականի ֆուտբոլի աշխարհի ակումբային առաջնությունը: Ի սկզբանե մրցաշարը պետք է անցկացվեր դեկտեմբերին Ճապոնիայում, սակայն կորոնավիրուսային համավարակի պատճառով Ճապոնիան հրաժարվեց առաջնությունը հյուրընկալելուց:
Աղբյուր՝ rsport.ria.ru
The Rolling Stones-ը ներկայացրեց իր առաջին համերգը՝ անցյալ ամիս խմբի թմբկահար Չարլի Ուոթսի մահվանից հետո: Փոքր նախավարժանք համերգը տեղի է ունեցել «Ջիլետ» մարզադաշտ՝ մոտ 300 հոգու հանդիսատեսի առջև: Երգիչ Միք Ջագերը համերգը նվիրել է Ուոթսին, ով մահացավ 80 տարեկանում:
Աղբյուր՝ bbc.com
Գերմանիայի դեսպանության բակում կազմակերպված փոքրիկ Օկտոբերֆեստի ժամանակ փորձել են ստանալ նույն տրամադրությունը, որը տիրում է մյունխենյան օրիգինալ տոնակատարության ժամանակ: Իսկական բավարական գարեջուրը, գերմանական ուտեստները, ավանդական երաժշտությունն ու բազմագույն տարազներն ապահովել են Օկտոբերֆեստին բնորոշ միջավայր ու տրամադրություն։
Աղբյուր՝ Երևանում Գերմանիայի դեսպանություն
Դերասան Բրեդ Փիթը նոր հայց է ներկայացրել Անջելինա Ջոլիի դեմ՝ կապված Ֆրանսիայում իրենց ընդհանուր ունեցվածքի հետ: Ինչպես գրում է Daily Mail-ը՝ հղում կատարելով փաստաթղթին, դերասանուհին, իբրև, խանգարում է իրեն տնօրինել սեփականության իր մասնաբաժինը: Խաղողի այգիներով հանդերձ՝ ընդհանուր ունեցվածքը գնահատվում է 164 միլիոն դոլար, այստեղ 2008 թվականին աստղերը նշել են իրենց հարսանիքը:
Աղբյուր՝ gazeta.ru
Իսպանական կղզում հրաբխի ժայթքումը և դրա հետևանքները կարող են տևել մինչև 84 օր, չորեքշաբթի հայտնել են փորձագետները: Կանարյան կղզու հրաբխագիտության ինստիտուտը հայտարարել է, որ իր հաշվարկը հիմնավորել է արշիպելագի նախորդ ժայթքումների տևողության վրա, որին, ինչպես և վերջին ժայթքումանը, հաջորդել են լավայի առատ հոսքերը և տևական սեյսմիկ ակտիվությունը:
Աղբյուր՝ apnews.com
ԱՄՆ նախագահը խառնել է ԱՄՆ-ն և ՄԱԿ-ը՝ կազմակերպության Գլխավոր ասամբլեայի 76-րդ նստաշրջանում ունեցած ելույթի ժամանակ: «Միացյալ Նահանգները կպաշտպանի ժողովրդավարական արժեքները, ազատությունն ու հավասարությունը: Ես հավատում եմ բոլոր մարդկանց համընդհանուր իրավունքներին, դա մեր ազգի ԴՆԹ-ի մեջ է, և որ ամենակարևորն է, դա բնորոշ է այս կազմակերպությանը՝ Միացյալ Նահանգներին»,- իր ելույթի ժամանակ ասել է ամերիկյան առաջնորդը:
Աղբյուր՝ ria.ru
Նախկին դերասան Իսկո Մորենոն թիրախավորում է նախագահ Դուտերտեին COVID-19-ի համավարակի և ենթադրյալ կոռուպցիայի «անհաջող» արձագանքման համար: Ընտրությունները պետք է տեղի ունենան 2022 թվականի մայիսին, իսկ Դուտերտեին արգելվում է երկրորդ անգամ առաջադրվել:
Աղբյուր՝ aljazeera.com
Լրահոս
Տեսանյութեր
Կլինի այնպիսի մի շաբաթ, երբ որ այդ լուրը գուցեև ճիշտ լինի. Ավանեսյանը՝ ՔՊ-ի թիրախում լինելու մասին
