Կարճ լուրեր
Գարեթ Բեյլը Ուելսին նվիրեց Աշխարհի գավաթը առաջին ուղեգիրը՝ 1958 թվականից ի վեր: Իսկ Ուկրաինայի երազանքները՝ բարձրացնել պատերազմից ավերված երկրի տրամադրությունը, դաժանորեն փշրվեցին կիրակի՝ Քարդիֆում կրած 1:0 հաշվով պարտությունից հետո: Բեյլի տուգանային հարվածը, որը Ուկրաինայի ավագ Անդրեյ Յարմոլենկոն վերածեց ինքնագոլի, վճռեց խաղի արդյունքը:
Աղբյուր՝ france24.com
Առնվազն 25 ուխտավոր է մահացել կիրակի օրը, երբ ավտոբուսը կիրճն է ընկել Հնդկաստանի Ուտարակհանդ նահանգում: Այս մասին հայտնում է ANI-ն: Գործակալության տվյալներով՝ ավտոբուսում 28 մարդ է եղել։ Միջադեպի հետևանքով ևս երեք անձ վիրավորվել է:
Աղբյուր՝ tass.ru
Բանգլադեշի Չիտագոնգ քաղաքի մոտակայքում գտնվող պահեստում բռնկված հրդեհի և հզոր պայթյունի հետևանքով զոհվել է առնվազն 49 մարդ: Հարյուրավոր մարդիկ եկել էին հանգցնելու կրակը, երբ Սիտակունդա փոքրիկ քաղաքի պահեստում մի քանի բեռնարկղեր պայթել են: Ենթադրվում է, որ որոշ տարաներում քիմիական նյութեր են պահվել։ Նշվում է, որ տուժածներից շատերը գտնվում են ծայրահեղ ծանր վիճակում, և զոհերի թիվը հնարավոր է ավելանա:
Աղբյուր՝ bbc.com
79 տարեկանում մահացել է վրացական և ռուսական թատրոնի ռեժիսոր, դերասան, Վրացական ԽՍՀ և Ռուսաստանի Դաշնության ժողովրդական արտիստ Թեմուր Չխեիձեն: Այս մասին կիրակի հայտնել է ՌԴ մշակույթի նախարարությունը։ Չխեիձեն Գ․ Տովստոնոգովի անվան դրամատիկական մեծ թատրոն աշխատել է 1991 թվականից: Այն ժամանակ նա զբաղեցնում էր ռեժիսորի պաշտոնը: 2004 թվականին դարձել է թատրոնի գլխավոր ռեժիսոր, իսկ 2007 թվականին՝ գեղարվեստական ղեկավար:
Աղբյուր՝ interfax.ru
Ռաֆայել Նադալը Ֆրանսիայի բաց առաջնությունում նվաճեց ռեկորդային 14-րդ տիտղոսը՝ հաղթելով նորվեգացի Կասպեր Ռուուդին 6-3 6-3 6-0 հաշվով: Նադալը հաղթել է եզրափակչի վերջին 11 խաղերում և այժմ երկու «սաղավարտով» առաջ է իր հին մրցակիցներ Նովակ Ջոկովիչից և Ռոջեր Ֆեդերերից: Հաղթանակը նաև նշանակում է, որ 36-ամյա Նադալը, ով 17 տարի առաջ նվաճեց Ֆրանսիայի բաց առաջնության իր առաջին տիտղոսը, դառնում է «Ռոլան Գարոսի» տղամարդկանց մենախաղի ամենատարեց չեմպիոնը:
Աղբյուր՝ cnn.com
Արգենտինայի հավաքականի ֆուտբոլիստներն ընկերական խաղում հաղթեցին Էստոնիայի ընտրանուն՝ հինգ անպատասխան գնդակ ուղարկելով մրցակցի դարպասը՝ 5:0: Հանդիպման հաղթողների համար պենտա-տրիկ ձևակերպեց ֆրանսիական «Պարի Սեն Ժերմենի» հարձակվող Լիոնել Մեսսին: 34-ամյա ֆուտբոլիստը գոլի հեղինակ է դարձել 8-րդ, 45-րդ, 47-րդ, 71-րդ և 76-րդ րոպեներին:
Աղբյուր՝ vesti.ru
հայտնում է The Hindu լրատվականը՝ վկայակոչելով իր դիվանագիտական աղբյուրները: Ավելի վաղ Վլադիմիր Զելենսկին հայտարարել էր, որ Հնդկաստանը կարող է Չինաստանի և Թուրքիայի հետ միասին դառնալ Ուկրաինայի անվտանգության երաշխավորը:
Աղբյուր՝ ria.ru
«Այսօր երկրին հարված հասցնելու թշնամիների ամենակարևոր հույսը հիմնված է ժողովրդական բողոքի ցույցերի վրա», - ասել էայաթոլլահ Ալի Խամենեին՝ նկատի ունենալով մեկշաբաթյա բողոքի ցույցերը՝ կապված անցած ամիս Իրանի հարավ-արևմուտքում տեղի ունեցած շենքի փլուզման հետ, որի հետևանքով զոհվեց 37 մարդ: «Սակայն թշնամիների հաշվարկները նույնքան սխալ են, որքան նախկինում արվածները»,- ասել է նա հեռուստատեսային ելույթի ընթացքում:
Աղբյուր՝ reuters.com
Ֆրանսիայի իրավապահ մարմինները 39 մարդու են ձերբակալել «Ստադ դե Ֆրանս» մարզադաշտի շրջակայքում, որտեղ ուրբաթ օրը կայացել է Ազգերի լիգայի Ֆրանսիա-Դանիա հանդիպումը, որն ավարտվել էր դանիացիների հաղթանակով՝ 2:1 հաշվով: Այս մասին շաբաթ օրը հայտնել է Փարիզի ոստիկանության պրեֆեկտուրան: Կարգուկանոն ապահովելու համար ներգրավվել է ավելի քան 2 հազար ոստիկան ու ժանդարմ:
Աղբյուր՝ tass.ru
Ուրբաթ Ռիչմոնդի մերձակայքում գտնվող Չեսթեր քաղաքում տեղի ունեցած հրաձգության հետևանքով մեկ մարդ մահացու հրազենային վիրավորում է ստացել, ևս հինգը վնասվածքներով հիվանդանոց են տեղափոխվել: Չեսթերֆիլդի շրջանի ոստիկանության վարչությունը հայտարարության մեջ նշվում է, որ հաղորդումներ են ստացվել ժամը 21:38-ի սահմաններում հնչած կրակոցների մասին: Եվս երկու մարդ ստացել է ոչ հրազենային վնասվածքներ, հայտնել են պաշտոնատար անձինք:
Աղբյուր՝ apnews.com
Ուրբաթ կառավարության հրապարակած տվյալները ցույց են տվել, որ Ճապոնիան 2021 թվականին գրանցել է ծնունդների ռեկորդային ցածր թիվ՝ առաջացնելով բնակչության երբևէ ամենամեծ բնական անկումը: Անցյալ տարի գրանցվել է 811,604 ծնունդ, ինչը 1899 թվականից ի վեր ամենաքիչն է առողջապահության նախարարության տվյալներով։ Մահվան դեպքերի թիվը հասել է 1,439,809-ի, որի արդյունքում բնակչության ընդհանուր թիվը նվազել է 628,205-ով:
Աղբյուր՝ reuters.com
36-ամյա Ջենա Աշկովիցը, ով առավել հայտնի է Glee հեռուստասերիալում Թինա Քոհեն-Չանգի դերով, 2022 թվականի հունիսի 3-ին առաջին անգամ մայր է դարձել: Այս մասին նա հայտնել է սոցցանցերի իր անձնական էջերում՝ կիսվելով նորածին երեխայի հետ առաջին լուսանկարով: «Մեր սրտերը այնքան բաց են, ինչքան երբեք», - մակագրել է Աշկովիցը կադրը:
Աղբյուր՝ gazeta.ru
Մրայա Քերիի և համահեղինակ Ուոլթեր Աֆանսիեֆի դեմ հայց է ներկայացրել երգահան Էնդի Սթոունը, ով պնդում է, որ Vince Vance & the Valiants-ի՝ 1989 թվականին իր հեղինակած «All I Want For Christmas Is You» երգի հեղինակային իրավունքները խախտվել են: Սթոունն իր փաստաթղթերը ներկայացրել է ԱՄՆ Լուիզիանա նահանգի շրջանային դատարան: Թեև երգերն ունեն նույն անվանումը, միայն վերնագիրն է ակնարկում Քերիի մեղեդին կամ բառերը: Սթոունը 20 միլիոն դոլարի փոխհատուցում է պահանջում:
Աղբյուր՝ deadline.com
Միլիարդատերը բազմիցս կշտամբել է պետության ղեկավարին՝ ասելով, որ նրա գործողությունների պատճառով ԱՄՆ-ի տնտեսությունը փլուզվի: ԱՄՆ առաջնորդի խոսքով՝ մինչ Մասկը խոսում է լուսին թռչելու մասին, Ford-ն և Stellantis-ը (նախկինում՝ Chrysler Corporation-ը) մեծացնում են ներդրումները էլեկտրական մեքենաների արտադրությունում: «Այնպես որ, գիտեք, ամենայն բարիք նրան դեպի Լուսին թռելիս», - ասել է Բայդենը:
Աղբյուր՝ gazeta.ru
Նա երկու կրիաներից մեկն է, որոնք ծնվել են անցյալ ամիս Սերվիոն քաղաքի Տրոպիկվարիումում՝ որպես անհետացող տեսակների պահպանման ծրագրի մի մաս: Մեկը իր ծնողների նման սև է, իսկ մյուսը՝ ալբինոս: Նրանց սեռը դեռ որոշված չէ: Փոքրիկ կրիաները ծնվելիս կշռել են մոտ 50 գ և տեղավորվում են ձեռքի ափի մեջ: Կենդանաբանական այգուց հայտնել են, որ ալբինիզմը հազվադեպ է կրիաների մոտ՝ 100,000-ից մեկը, համեմատած մարդկանց հետ՝ 20,000-ից մեկը:
Աղբյուր՝ swissinfo.ch
ՄԱԿ-ի երկու խաղաղապահներ զոհվել են, ևս երկուսը վիրավորվել են ուրբաթ Մալիի կենտրոնում ինքնաշեն ռումբի պայթյունից հետո, Twitter-ում գրել է Մալիում ՄԱԿ-ի առաքելության (MINUSMA) ներկայացուցիչը: Անվտանգության ներկայացուցչի խոսքով՝ զինվորները ՄԱԿ-ի խաղաղապահ առաքելության եգիպտական կոնտինգենտի մաս էին կազմում:
Աղբյուր՝ france24.com
ԱՄՆ ռազմածովային ուժերի F/A-18E Super Hornet կործանիչը ընկել է Կալիֆորնիայի Մոհավի անապատում, օդաչուն չի կարողացել փրկվել, հայտնել է ABC7 հեռուստաալիքը՝ վկայակոչելով զինվորականներին: Ինչպես նշվում է, ԱՄՆ ռազմածովային ուժերի Լիմուր բազայի կործանիչն ուրբաթ կեսօրին կործանվել է Կալիֆորնիայի Սան Բերնարդինո շրանում: Վթարի պատճառները հետաքննվում են:
Աղբյուր՝ ria.ru
Ջեֆ Բեքը հայտնել է Ջոնի Դեփի հետ իր պատրաստած ալբոմի թողարկման ամսաթիվը՝ դերասանի և իր նախկին կնոջ՝ Էմբեր Հյորդի դատավարությունից մեկ օր անց: Հինգշաբթի ելույթ ունենալով Գեյթսհեդում կայացած համերգի ժամանակ, որտեղ Դեփը հյուր էր, Բեքն ասել է. «Ես հանդիպել եմ այս տղային հինգ տարի առաջ, և մենք երբեք չենք դադարել ծիծաղել: Մենք իրականում ալբոմ ենք ստեղծել։ Ես չգիտեմ, թե ինչպես դա տեղի ունեցավ: Այն կթողարկվի հուլիսին»։
Աղբյուր՝ theguardian.com
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
