Կարճ լուրեր
ՀՀ կառավարության 2018 թվականի ապրիլի 12-ի N 451-Ն որոշմամբ հաստատված հավելվածի 11-րդ կետի համաձայն՝ ստացած տարկետման ժամկետի ընթացքում յուրաքանչյուր տարվա մինչև սեպտեմբերի 30-ը քաղաքացին կամ նրա օրինական ներկայացուցիչը կամ նրա կողմից լիազորված անձը ԿԳՄՍ նախարարություն և քաղաքացու զինվորական հաշվառումն իրականացրած ստորաբաժանում են ներկայացնում համապատասխան ուսումնական հաստատության կողմից տրված տեղեկանքները՝ հաջորդ կուրս փոխադրվելու վերաբերյալ: Նախատեսված փաստաթղթերը սահմանված ժամկետում չներկայացվելու դեպքերում քաղաքացին կկորցնի տարկետման իրավունքը և ենթակա կլինի պարտադիր զինվորական ծառայության զորակոչի:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Ֆիզիկոսներն առաջին անգամ տիտանի դիսուլֆիդային նանոկառուցվածքներ են օգտագործել գերզգայուն ֆոտոդետեկտորներ ստեղծելու համար, որոնք ունակ են կլանել արեգակնային սպեկտրի մեծ մասը: Այն կարող է կլանել ոչ միայն տեսանելի, այլև ինֆրակարմիր ճառագայթումը:
Աղբյուր՝ nauka.tass.ru
Բրիտանացի դերասանուհի Տանյա Ֆիրը հայտնաբերվել է՝ անհետ կորած համարվելուց հետո: Երկուշաբթի օրը՝ տեղական ժամանակով ժամը 11-ի սահմաններում, ոստիկանությանը հայտնել են, որ Ֆիրը գտնվել է: Ընկերների և հարազատների խոսքով ՝ 31-ամյա դերասանուհու վերաբերյալ մտահոգությունները սկսվել էին այն բանից հետո, երբ նրան չէին տեսել հինգշաբթի օրվանից:
Աղբյուր՝ cnn.com
ՌԴ նախագահի` միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյի հետ հանդիպման ժամանակ քննարկվել է Արցախյան 44-օրյա պատերազմից հետո Ադրբեջանի վերահսկողության ներքո հայտնված տարածքներում համամարդկային արժեքներ հանդիսացող հայկական մշակութային ժառանգության պահպանության խնդիրը: Շվիդկոն նշել է, որ պատրաստ է հնարավորինս նպաստել հարցի լուծմանը:
Աղբյուր ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Նիստի օրակարգում ընդգրկված էին երեք տասնյակից ավելի հարցեր, որոնք վերաբերում են Եվրասիական տնտեսական միության (ԵԱՏՄ) շրջանակներում ինտեգրացիոն գործընթացների զարգացմանը և անդամ պետությունների միջև առևտրատնտեսական հարաբերությունների խորացմանը: Համաձայն կանխատեսումների՝ 2022 թվականին 2019 թվականի համեմատ ԵԱՏՄ շրջանակներում արտաքին առևտրի բացասական սալդոն կկրճատվի՝ 5.8 մլրդ ԱՄՆ դոլարից դառնալով 2.5 մլրդ ԱՄՆ դոլար։
Աղբյուր՝ ՀՀ Կառավարություն
Ռուսաստանի նախագահ Վլադիմիր Պուտինը, իր միջավայրում COVID-19- ի հայտնաբերված դեպքերի պատճառով, պետք է պահպանի ինքնամեկուսացման ռեժիմ, հայտնում է Կրեմլի մամուլի ծառայությունը: Նշվում է, որ այս մասին նա ասել է Տաջիկստանի առաջնորդ Էմոմալի Ռահմոնի հետ հեռախոսազրույցի ժամանակ: Կարանտինի ժամկետի մասին տեղեկություններ չկան:
Աղբյուր՝ ria.ru
Դերասանուհի Ջենիֆեր Էնիսթոնը Entertainment Tonight-ին տված հարցազրույցում հերքել է լուրերը, թե ինքը հանդիպում է իր «Ընկերներ»-ի դերասան Դեյվիդ Շվիմերի հետ: Լրագրողները և երկրպագուները ենթադրում թին, որ 54-ամյա դերասանը և 52-ամյա դերասանուհին սիրավեպ ունեն «Ընկերներ»-ի վերամիավորման հատուկ էպիզոդից հետո: «Ես անգամ չէի կարող հավատալ դրան: Չէ, իսկապե՞ս... նա ինձ համար եղբոր պես է»,- ասել է Էնիսթոնը:
Աղբյուր՝ gazeta.ru
Ֆուտբոլի բրազիլացի լեգենդ Պելեն պատրաստվում է լքել Սան Պաուլոյի հիվանդանոցի վերակենդանացման բաժանմունքը՝ հաստ աղիքի ուռուցքի վիրահատությունից հետո, երկուշաբթի հայտմել է նրա դուստրերից մեկը: Քելի Նասիմենտոն Instagram-ի իր հաշվում պորտուգալերեն և անգլերեն լեզվով հաղորդագրություն է տարածել հոր առողջական վիճակի մասին՝ կից ներկայացնելով ժպտացող 80-ամյա ֆուտբոլային մեգաաստղի լուսանկարը:
Աղբյուր՝ france24.com
Ճարպակալման հիմնական պատճառը ոչ թե շատակերությունն է, այլ բարձր գլիկեմիկ ինդեքս ունեցող սննդամթերքների օգտագործումը: Նման եզրակացության է հանգել հետազոտողների միջազգային խումբը, որի հոդվածը հրապարակվել է The American Journal of Clinical Nutrition-ում:
Աղբյուր՝ lenta.ru
79 տարեկանում կյանքից հեռացել է Բորիս Ջոնսոնի մայրը՝ Շառլոթ Ջոնսոն Վալը: Times թերթում հրապարակված մահազդում ասվում է, որ նա մահացել է «հանկարծակի և խաղաղ», Լոնդոնի արևմտյան Սուրբ Մարիամ հիվանդանոցում: Բորիս Ջոնսոնը մի անգամ նկարագրել է մորը, ով նկարչուհի էր, որպես «գերագույն հեղինակություն» ընտանիքում:
Աղբյուր՝ bbc.com
ԱՄՆ նախագահ Ջո Բայդենը արտակարգ դրություն է հայտարարել Լուիզիանայում՝ «Նիկոլաս» մրրիկի պատճառով, որը հասել է փոթորկի աստիճանի: Այս մասին երկուշաբթի՝ սեպտեմբերի 13 -ին, հայտնել է Սպիտակ տան մամուլի ծառայությունը:
Աղբյուր՝ iz.ru
Քաղաքային իշխանությունները հայտարարել են, որ ֆրանսիական Բորդո քաղաքում սևամորթ ստրկուհու արձանը ծածկել են սպիտակ ներկով՝ ռասիստական հարձակման ժամանակ: Բրոնզե արձանը աֆրիկացի ստրկուհի Մոդեսթ Տեստասինն է, ում Բորդոյի մի ընտանիք գնել էր 18-րդ դարում: Հետագայում նա ազատ էր արձակվել: Արձանը պղծված էր հայտնաբերվել երկուշաբթի առավոտյան, բայց այժմ մաքրված է:
Աղբյուր՝ bbc.com
Երկուշաբթի օրը հայտնի դարձավ, որ երգչուհին ջնջել է սոցիալական ցանցերի իր բոլոր հաշիվները: Նրա խոսքով, ինքը դա արել է հանուն այլ հետաքրքրությունների և աշխատանքի, որոնք «պահանջում են գաղտնիություն և թափանցիկություն»: Երգչուհին վստահեցրել է, որ կշարունակի գրել բանաստեղծություններ և թողարկել ձայնասկավառակներ:
Աղբյուր՝ kulturomania.ru
Շանհայը դադարեցրել է բեռնարկղերի որոշ նավահանգիստներ և չեղյալ հայտարարել երկուշաբթի և երեքշաբթի օրերի չվերթների մեծ մասը, քանի որ «Չանթու» (Chanthu) թայֆունը մոտենում է քաղաքին, որը Չինաստանի ֆինանսական մայրաքաղաքն է և բեռնափոխադրումների խոշոր հանգույցը: Ամենայն հավանականությամբ, դադարեցումները կհանգեցնեն մատակարարման հետագա ուշացումների և կվնասեն համաշխարհային մատակարարման շղթաներին:
Աղբյուր՝ aljazeera.com
Սերբիան գիտի, որ չի անդամակցի ԵՄ-ին մինչև Կոսովոյի հարցը չլուծվի, Բելգրադը կողմ է երկխոսության հարցում փոխզիջումային լուծում գտնելուն, ասել է Սերբիայի նախագահ Ալեքսանդր Վուչիչը` Գերմանիայի կանցլեր Անգելա Մերկելի Բելգրադ կատարած այցի ընթացքում:
Աղբյուր՝ ria.ru
Ստենֆորդի համալսարանի մի խումբ դասախոսներ դիմել են Արդարադատության նախարարությանը՝ խնդրելով դադարեցնել չինացի լրտեսների որոնումը ԱՄՆ-ի համալսարաններում ՝ միանալով իրավապաշտպան խմբերի ջանքերին՝ վերջ դնելու Թրամփի վարչակազմի ծրագրին, ինչը, նրանց կարծիքով, առաջացրել է ռասայական պրոֆիլավորում և ահաբեկում է որոշ գիտնականների:
Աղբյուր՝ reuters.com
Իտալիայում առգրավվել է իռլանդացի նկարչի 500 կեղծ աշխատանք, հայտնում է Agenzia ANSA-ն: Հինգ կասկածյալներից իշխանությունները առգրավել են նաև մոտ երեք միլիոն եվրո արժողությամբ կանխիկ գումար և այլ արժեքավոր իրեր: Նրանց մեղադրանք է առաջադրվել արվեստի գործերը կեղծելու և կեղծիքներ տարածելու դավադրության, ինչպես նաև խարդախության և փողերի լվացման համար:
Աղբյուր՝ ria.ru
Իսրայելի բանակը հայտարարել է, որ երկուշաբթի վաղ առավոտյան հարձակումներ է իրականացրել ՀԱՄԱՍ շարժման օբյեկտների վրա` կիրակի ուշ երեկոյան հրթիռակոծությունից հետո: Երկու կողմերից տուժածների մասին առայժմ տեղեկություններ չկան: Իսրայելի և ՀԱՄԱՍ-ի միջև լարվածությունը սրվում է այն բանից հետո, երբ վեց պաղեստինցի բանտարկյալներ փախան իսրայելական խիստ ռեժիմի գաղութից:
Աղբյուր՝ aljazeera.com
Լրահոս
Տեսանյութեր
Կլինի այնպիսի մի շաբաթ, երբ որ այդ լուրը գուցեև ճիշտ լինի. Ավանեսյանը՝ ՔՊ-ի թիրախում լինելու մասին
