Կարճ լուրեր
Երկրի երեսից բրդոտ մամոնտների անհետացումից 10 հազար տարի անց, գիտնականները գազաններին Արկտիկական տունդրա վերադարձնելու հավակնոտ նախագիծ են ձեռնարկում: Մամոնտներին վերստեղծելու և նրանց վայրի բնություն վերադարձնելու հեռանկարը երբեմն լրջորեն քննարկվում էր ավելի քան մեկ տասնամյակ, սակայն երկուշաբթի գիտնականները հայտարարեցին նոր ֆինանսավորման մասին, որը, նրանց կարծիքով, կարող է իրականություն դարձնել իրենց երազանքը:
Աղբյուր՝ theguardian.com
Սեպտեմբերի 14-ին ՀՀ զինված ուժերի ներկայացուցիչները Բելառուսի «Օբուզ Լեսնովսկ» զորավարժադաշտում դիտորդի կարգավիճակով կմասնակցեն Ռուսաստանի Դաշնության և Բելառուսի Հանրապետության «Զապադ-2021» համատեղ ռազմավարական զորավարժության ակտիվ փուլին:
Աղբյուր՝ ՀՀ ՊՆ
Վաշինգտոնը բանակցություններ է վարում Մոսկվայի հետ ռազմավարական կայունության վերաբերյալ`համոզվելու համար, որ հասկանում է, թե ինչ իրավիճակում են գտնվում կողմերը, ասել է ԱՄՆ-ի ռազմավարական հրամանատարության ղեկավար Ջոն Հայթենը:
Աղբյուր՝ tass.ru
Համաձայն Երևան քաղաքի ավագանու կանոնակարգի 26-րդ կետի` 2021 թվականի սեպտեմբերի 14-ին՝ ժամը 11:00-ին, գումարվելու է Երևան քաղաքի ավագանու 7-րդ նստաշրջանի 1-ին նիստը:
Աղբյուր՝ Երևանի քաղաքապետարան
Երևանի Տ. Շևչենկոյի անվան թիվ 42 ավագ դպրոցի մուտքի մոտ ՀՀ-ում Ուկրաինայի դեսպանատան աջակցությամբ տեղադրվել է ուկրաինացի մեծանուն գրող, բանաստեղծ, նկարիչ, հասարակական և քաղաքական գործիչ Տարաս Շևչենկոյի դիմապատկեր-հուշատախտակը: 1943 թվականին հիմնադրվելուց ի վեր դպրոցը կրում է Տարաս Շևչենկոյի անունը:
Հուշատախտակի էսքիզն իրականացրել է ճարտարապետ Խաչատուր Ղլիջյանը:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Ֆիլմի տևողությունը կլինի ընդամենը 90 րոպե: Ֆրանշիզայի առաջին մասը տևել է 112 րոպե: Երկրպագուներն արդեն իրենց տարակուսանքն հայտնել են «Վենոմ 2»-ի տևողության վերաբերյալ սոցիալական ցանցերում: Հայկական ծագում ունեցող Էնդի Սերքիսի ֆիլմի գլխավոր դերերում հանդես կգան Թոմ Հարդին և Վուդի Հարելսոնը: Պրեմիերան կկայանա սեպտեմբերի 30-ին:
Աղբյուր՝ kulturomania.ru
Սեպտեմբերի 12-ին N զորամիավորման զորամասերում նշվել է Խաչվերացը, որը Հայ Առաքելական եկեղեցու հինգ տաղավար տոներից վերջինն է և խորհրդանշում է գերությունից խաչի վերադարձը։ Զորամիավորման ավագ գնդերեց Տեր Սամուել Սարգսյանի ձեռամբ մատուցվել է Խաչվերացի Սուրբ պատարագ, զինծառայողներին բացատրվել է տոնի խորհուրդը։
Աղբյուր՝ ՀՀ ՊՆ
Մեծ Բրիտանիայի Առողջապահության ազգային ծառայությունը (NHS) հայտարարել է Grail ընկերության՝ արյան ստուգման նոր համակարգի խոշոր փորձարկման մասին` քաղցկեղի ավելի քան 50 տեսակի վաղ ախտորոշման համար: Հետազոտությանը կմասնակցի մոտ 140 հազար կամավոր:
Աղբյուր՝ tass.ru
ԶՈւ ԳՇ զորքերի ծառայության վարչության վերահսկիչ խումբը՝ վարչության պետի ղեկավարությամբ, սեպտեմբերի 8-ից 13-ն իրականացրել է շրջայց` ստուգելու զորամասերի ներքին ու պահակային ծառայությունների կազմակերպումը, մարտական հերթապահության իրականացումը: Մարտական դիրքերում ստուգվել են անձնակազմի սոցիալ-կենցաղային պայմանները, զենք-զինամթերքի պահպանությունը, հանդերձավորումը, անվտանգության կանոնների պահպանման պահանջների կատարումը, ձմռան նախապատրաստությունը, ինչպես նաև բարոյահոգեբանական վիճակը:
Աղբյուր՝ ՀՀ ՊՆ
Երգչուհին Instagram-ում տեսանյութ է տեղադրել, որում զույգը ցուցադրում է մատանին: 39-ամյա կինն այժմ դատական պայքար է մղում իր 13-ամյա խնամակալությունը դադարեցնելու համար, որը վերահսկում է ինչպես նրա անձնական կյանքը, այնպես էլ ֆինանսները: Սփիրսը հայտնել է, որ համաձայնագրի պայմանները թույլ չեն տալիս իրեն ամուսնանալ 27-ամյա Ասգարիի հետ կամ երեխաներ ունենալ:
Աղբյուր՝ bbc.com
ՊՆ խաղաղապահ բրիգադի զինծառայողները «ԶԱՌ» ուսումնական կենտրոնում մասնակցում են Բրիտանական ռազմական խորհրդատվական մարզչական թիմի կողմից անցկացվող «Կրտսեր հրամանատարների առաջնորդման» դասընթացին։ Մեծ Բրիտանիայի ԶՈւ տարբեր զորատեսակների հրահանգիչները հայ զինծառայողներին են փոխանցում մասնագիտական գիտելիքներ, կիսվում են հրամանատարական փորձառությամբ, ուսուցանում են մարտավարական տարբեր հնարքներ։
Աղբյուր՝ ՀՀ ՊՆ
Բելառուսում ռուսական S-400 զենիթահրթիռային համակարգերի տեղակայման հնարավորության հարցը կլուծվի երկու պետությունների անվտանգության ապահովման շրջանակներում՝ ելնելով ռացիոնալության տեսանկյունից, հայտարարել է հայտարարել է ՌԴ նախագահի մամուլի քարտուղար Դմիտրի Պեսկովը: Նա չի կարողացել նշել S-400-ների մատակարարման հնարավոր ժամկետները, ինչպես նաև այն, թե արդյո՞ք ռուսաստանյան անձնակազմը կսպասարկի համակարգերը:
Աղբյուր՝ gazeta.ru
«քաղաքակիրթ աշխարհ» մտնելուց ութ տարի անց: Հո Վան Լանգը մահացել է լյարդի քաղցկեղից՝ ջունգլիներում 40 տարի ապրելուց հետո: Լանգը և նրա հայրը՝ Հո Վան Թանը, փախել էին ջունգլիներ Վիետնամի պատերազմի ժամանակ: Նրանք քաղաքակրթություն վերադարձվեցին 2013 թվականին, երբ վատթարացավ Թանի առողջական վիճակը:
Աղբյուր՝ dailymail.co.uk
2020 թվականին սահմանվել է նոր հակառեկորդ. ամբողջ աշխարհում 227 բնապահպան ակտիվիստ է սպանվել, ինչը 25-ով ավելի է, քան նախորդած տարում: Այդ մասին ասված է Global Witness ոչ կառավարական կազմակերպության զեկույցում, որը հրապարակվել է կիրակի՝ սեպտեմբերի 12-ին: Գրեթե ամեն չորրորդ սպանությունը կատարվել է Լատինական Ամերիկայում:
Աղբյուր՝ dw.com
Հյուսիսային Կորեան շաբաթավերջին իրագործեց նոր հեռահար թևավոր հրթիռի հաջող փորձարկումները, երկուշաբթի հաղորդել են պետական լրատվամիջոցները: Վերլուծաբանների կարծիքով այն կարող է լինել երկրի առաջին նման զենքը՝ միջուկային ներուժով: Հրթիռները «մեծ նշանակություն ունեցող ռազմավարական զենք են» և թռչել են 1500 կմ՝ նախքան իրենց թիրախներին հարվածելը և երկրի տարածքային ջրերում ընկնելը:
Աղբյուր՝ reuters.com
կայանալու է ՀԱՊԿ արտաքին գործերի նախարարների խորհրդի, պաշտպանության նախարարների խորհրդի և անվտանգության խորհուրդների քարտուղարների կոմիտեի համատեղ նիստը։
ՀՀ-ից կլինի ՀՀ Անվտանգության խորհրդի քարտուղարը։
Աղբյուր՝ ՀՀ Անվտանգության խորհրդի գրասենյակ
Rolling Stones-ի տուր մենեջեր Միք Բրիգդենը մահացել է 73 տարեկանում՝ իր շան համար գերեզման փորելիս: Այս մասին հայտնել է TMZ պորտալը: Բրիգդենի կնոջ՝ Ջուլիայի խոսքերով, նրա մահը դժբախտ պատահար է եղել: Հողաշերտը փլվել է մենեջերի վրա, երբ նա փոսում է եղել: Նշվում է, որ Բրիգդենը մահացել է ակնթարթորեն:
Աղբյուր՝ ria.ru
«Ուոլթ Դիսնեյ ընկերությունը» ուրբաթ օրը հայտարարել է, որ «Հավերժները», «Վեսթսայդյան պատմությունը» և 2021 թվականի մնացած ֆիլմերը կթողարկի բացառապես կինոթատրոններում, նախքան դրանք հոսքային ցուցադրման ուղարկելը: Այս կերպ ընկերությունը ներկայացնում է իր վստահությունը, որ կինո գնալը կվերականգնվի:
Աղբյուր՝ reuters.com
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
