Կարճ լուրեր
Բլումը նկարահանվելու է ֆիլմի 6-րդ մասում, ինչը նշանակում է, որ նրա կերպարը՝ Ուիլ Թերները, նորից է հայտնվելու: Դիսնեյը դեռ չի բացահայտել ֆիլմի գլխավոր ինտրիգը՝ արդյո՞ք Ջոնի Դեփը կվերադառնա Ջեք ճճղուկի դերին:
Աղբյուր՝ kulturomania.ru
Paramount Pictures-ը հետաձգել է Թոմ Քրուզի մասնակցությամբ «Լավագույն հրաձիգ. Մևերիկ»-ի թողարկումը մինչև 2022 թվականի մայիսը և և «Առաքելությունն անիրագործելի է 7» ֆիլմինը՝ մինչև 2022 թվականի սեպտեմբեր: Պատճառը COVID-19-ով վարակման թվերի աճն է:
Աղբյուր՝ reuters.com
Կիսապաշտպան Արսեն Զախարյանը դրական է գնահատեց իր նորամուտը Ռուսաստանի հավաքականում ՝ հայտարարելով, որ 2022 թվականի աշխարհի առաջնության ընտրական մրցաշարում խորվաթների նկատմամբ հաղթանակի հույս ուներ: Ռուսաստան-Խորվաթիա հանդիպումը կայացավ Մոսկվայում եւ ավարտվեց 0:0 հաշվով, որի ընթացքում 18-ամյա Զախարյանը դաշտում անցկացրեց 70 րոպե:
Աղբյուր՝ rsport.ria.ru
Նպատակն է իրականացնել կրթության ոլորտի համապարփակ վերլուծություն` Կրթության համաշխարհային գործընկերության հիմնադրամի ուղեցույցներին համապատասխան: Շահագրգիռ կազմակերպությունները կարող են իրենց հայտերը ներկայացնել համապատասխան էլեկտրոնային հասցեներին մինչև սեպտեմբերի 13-ը` ժամը 18:00: Դիմումի ընթացակարգերի հետ կապված որևէ հարց առաջանալու դեպքում այն պետք է ուղղել հետևյալ էլ. հասցեին՝ [email protected]: Ստացված հարցերի պատասխանները կհրապարակվեն ՅՈՒՆԻՍԵՖ-ի հայաստանյան ներկայացուցչության կայքում՝ https://www.unicef.org/armenia/en/announcements.
Աղբյուր՝ Յունիսեֆ Հայաստան
Օրերս տեղի ունեցած Միջազգային երիտասարդական դեմոկրատական միության (IYDU) խորհրդի առցանց հավաքի ժամանակ Լիլիթ Բեգլարյանը ընտրվել է կառույցի փոխնախագահ: Կազմակերպության նախագահ է ընտրվել Միխաել Դուստը Գերմանիայի քրիստոնեադեմոկրատական կուսակցությունից, իսկ գլխավոր քարտուղար Նիկ Ֆրանսիսը Սենթ Վինսենթ և Գրենադինների Նոր դեմոկրատական կուսակցությունից։ IYDU-ը միավորում է շուրջ 120 անդամ կազմակերպությունների մոտ 80 երկրներից:
Աղբյուր՝ ՀՀԿ երիտասարդական կազմակերպություն
Ոստիկանները հայտնել են, որ չորեքշաբթի օրը Նիգերիայի հյուսիս-արևմուտքում տեղի ունեցած հերթական հարձակման հետևանքով 73 աշակերտ է առևանգվել, ինչը ստիպել է իշխանություններին փակել Զամֆարա նահանգի բոլոր տարրական եւ միջնակարգ դպրոցները:
Աղբյուր՝ france24.com
Հունաստանի կառավարությունը կոմպոզիտոր Միկիս Թեոդորակիսի մահվան կապակցությամբ եռօրյա սուգ է հայտարարել: Այս մասին սեպտեմբերի 2-ին, հայտարարեց Հունաստանի վարչապետ Կիրյակոս Միցոտակիսը: Նախարարը նշել է, որ կոմպոզիտորն ավանդ է թողնում իր երգերը, քաղաքական գործունեությունը, ինչպես նաև «ազգային ներդրումը կրիտիկական պահերին»:
Աղբյուր՝ iz.ru
Էլթոն Ջոնը հայտարարեց նոր «The Lockdown Sessions» ալբոմի թողարկման մասին, որը ձայնագրվել է համավարակի ժամանակ: Երգերը նրա հետ կատարել են Դուա Լիպան, Լիլ Նաս Էքսը (Lil Nas X), Մայլի Սայրուսը, Gorillaz-ը և այլ աստղեր: Ալբոմը վաճառքի կհանվի հոկտեմբերի 22 -ին:
Աղբյուր՝ kulturomania.ru
«հաջորդ Թերեզա Մեյ»: Կանադայի վարչապետի պաշտոնում Ջասթին Թրյուդոյի դիրքերը լուրջ սպառնալիքի տակ են, քանի որ վերջին հարցումները ցույց են տալիս, որ մեծամասնության կառավարություն ապահովելու համար արտահերթ ընտրություններ նշանակելու նրա որոշումը հակառակ արձագանքի է արժանանալու: Ոմանք նրա անկումը համեմատում են Թերեզա Մեյի 2017 թվականի աղետալի արկածախնդրության հետ:
Աղբյուր՝ express.co.uk
Սեպտեմբերի 1-ին ԱՀ «Հայ հեղափոխական դաշնակցություն», «Արդարություն», «Արցախի ժողովրդավարական կուսակցություն» խմբակցությունների պատգամավորները հանդիպել են «Հայաստան» դաշինքի պատգամավորների հետ: Հանդիպմանը առաջարկվել է ունենալ հստակ օրակարգ, ստեղծել արցախահայության առջև ծառացած մարտահրավերների, առկա խնդիրների հաղթահարման միասնական ծրագիր: Արմեն Ռուստամյանը կարևորել է համատեղ, համաձայնեցված փոխգործակցությունը:
Աղբյուր՝ ԱՀ ԱԺ լրատվության և հանրության հետկապերի բաժին
Սուսերամարտի օլիմպիական կրկնակի չեմպիոն Յանա Եգորյանը որդու ծնունդից հետո դեռ չի մտածում կարիերան վերսկսելու մասին: Այդ մասին նա հայտարարել է «Նոր գիտելիք» մարաթոնի ժամանակ: Մարզուհին նշել է, որ այժմ իր գլխավոր հետաքրքրությունը ընտանիքն է:
Աղբյուր՝ tass.ru
ԱՄՆ Օրեգոն նահանգի McDonald's-ի մասնաճյուղը 14 և 15 տարեկան պատանիներին ածխատանք է առաջարկում ռեստորանում՝ արագ սննդի կետերի աշխատակիցների սղության պատճառով: Հաղորդվում է, որ հայտերի թիվն ավելացել է՝ առաջարկն անելուց ի վեր: Այն համապատասխանում է աշխատանքային օրենսդրությանը:
Աղբյուր՝ bbc.com
Օրերս Սևան-Երևան մայրուղու Պտղնի համայնքի հատվածում Բնապահպանության և ընդերքի տեսչական մարմնի աշխատակիցների կողմից ստուգման է ենթարկվել Ա.Մ.-ի վարած «Կամազ» մակնիշի բեռնատարը, որտեղ հայտնաբերվել է 7 խմ հողի բերրի շերտ՝ առանց համապատասխան փաստաթղթերի։ Հաշվարկվել է 70.000 ՀՀ դրամի չափով շրջակա միջավայրին հասցված վնաս, նշանակվել 50.000 ՀՀ դրամի չափով վարչական տուգանք:
Աղբյուր՝ Բնապահպանության և ընդերքի տեսչական մարմին
«ՊՍԺ»-ի և Արգենտինայի հավաքականի կիսապաշտպան Անխել Դի Մարիան ասել է. «Մանչեսթեր Յունայթեդում» իմ խնդիրը մարզիչն էր: Վան Գալը իմ կարիերայի վատագույն մասնագետն էր: Նրան դուր չէր գալիս, որ խաղացողը կարող էր իրենից ավելի կարևոր լինել»: Ֆուտբոլիստը «Մանչեսթեր Յունայթեդում» հանդես է եկել 2014-ից 2015 թվականներին:
Աղբյուր՝ sport-express.ru
Արայիկ Հարությունյանը սեպտեմբերի 2-ին ԱՀ երկրորդ և երրորդ նախագահներ Արկադի Ղուկասյանի և Բակո Սահակյանի, ՀԱԵ Արցախի թեմի առաջնորդ Վրթանես եպիսկոպոս Աբրահամյանի հետ այցելել է Ստեփանակերտի քաղաքային հուշահամալիր և ծաղկեպսակ խոնարհել Արցախյան և Հայրենական պատերազմներում զոհվածների հիշատակին: Պաշտոնական արարողակարգին մասնակցում էին հայկական երկու հանրապետությունների խորհրդարանականներ, ԱՀ կառավարության բարձրաստիճան անդամներ, Պաշտպանության բանակի հրամկազմի ներկայացուցիչներ:
Աղբյուր՝ Արցախի Հանրապետության նախագահի աշխատակազմ Տեղեկատվության գլխավոր վարչություն
Ֆրանսիան կարող է նպաստել Հեռավոր Արևելքում զբոսաշրջության ներուժի զարգացմանը, ասել է Արեւելյան տնտեսական ֆորումում Ֆրանս-Ռուսական առևտրաարդյունաբերական պալատի գլխավոր տնօրեն Պավել Շինսկին: Նրա խոսքով, Հեռավոր Արևելքում ֆրանսիացիներին հետաքրքրում են դեղագործությունը, էներգետիկան, օգտակար հանածոների արդյունահանումը, ճանապարհային աշխատանքների սարքավորումները և մի շարք այլ ոլորտներ:
Աղբյուր՝ ria.ru
Բրիտանացի Սառա Սթորին հաղթեց հեծանվասպորտի C4-5 կանանց ճանապարհային մրցավազքում իր երրորդ ոսկին նվաճեց Տոկիո 2020-ում: Դա տեղի ունեցավ առաջին ոսկին վաստակելուց 29 տարի անց:
Աղբյուր՝ france24.com
Եղանակի տեսության ազգային ծառայությունը (NWS) Նյու Յորքի համար առաջին անգամ ջրհեղեղի մասին նախազգուշացում է հայտարարել: «Իդա» փոթորկի հետևանքները հորդառատ անձրևի պատճառ են դարձել, որոնք ողողել են մետրոյի գծերը և փողոցները Մանհեթենում, Բրուքլինում և Նյու Ջերսիում: Փոթորիկը Նյու Ջերսիում մեկ մարդու կյանք է խլել:
Աղբյուր՝ theguardian.com
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
