Կարճ լուրեր
Հանցագործները գոողացել են Tesla ավտոմեքենայի անիվները, որը պատկանում է ամերիկացի դերասան և սցենարիստ Օուեն Ուիլսոնին, հայտնում է The Mirror-ը: Մեքենան կայանված է եղել Կալիֆոռնիայում՝ Ուիլսոնի տան մոտ: Անիվների անհետացումը Վիլսոնը նկատել է առավոտյան: Միջադեպի այլ մանրամասներ չեն նշվում: Հայտնի է, որ դերասանը պատճառված վնասը գնահատել է 4 հազար դոլար։ Ոստիկանությունը հետաքննում է գողության դեպքը:
Աղբյուր՝ kulturomania.ru
Միայն մեկ անգամ աշխարհի ամենամեծ օվկիանոսով նավարկելը բավական մեծ ձեռքբերում է: Սակայն օվկիանոսային արկածներ սիրող 83-ամյա ճապոնացի Կենիչի Հորին դա արել է մի քանի անգամ: Շաբաթ օրը՝ հունիսի 4-ին, նա ռեկորդ սահմանեց՝ դառնալով աշխարհի ամենատարեց միայնակ նավաստին, ով անդադար նավարկել է Խաղաղ օվկիանոսով: Հորին ժամանել է արևմտյան Ճապոնիայի Կի թերակղզու ջրերը՝ ավելի քան երկու ամիս անցնելով աշխարհի ամենամեծ ջրային տարածքը:
Աղբյուր՝ cnn.com
Շաբաթ օրը Չինաստանի հարավում արագընթաց մարդատար գնացքը ռելսերից դուրս է եկել հանկարծակի սողանքի պատճառով: Չինաստանի կենտրոնական հեռուստատեսության տվյալներով՝ վարորդը մահացել է, առնվազն ութ մարդ վիրավորվել է: Բոլոր տուժածները տեղափոխվել են հիվանդանոց, այդ թվում՝ մեկ ուղեկցորդ և յոթ ուղևոր: Գնացքի մնացած 136 ուղեւորները շտապ տարհանվել են:
Աղբյուր՝ tass.ru
2021 թվականի աշնանը Վերսալի քրեական դատարանը վճիռ էր կայացրել՝ Բենզեմայի և ևս չորս անձանց կողմից Վալբուենային ինտիմ տեսագրությամբ շանտաժի ենթարկելու գործով: Հարձակվողը մեղավոր է ճանաչվել շանտաժի փորձի մեղսակցության մեջ: 34-ամյա հարձակվողը դատապարտվել է մեկ տարվա ազատազրկման և 75 հազար եվրո տուգանքի:
Աղբյուր՝ gazeta.ru
Ուրբաթ օրը «Ագաթա» փոթորկի հետևանքով հեղեղվել է Կուբայի արևմտյան հատվածի մեծ մասը, ինչի հետևանքով առնվազն երկու մարդ է զոհվել Հավանայում: Կուբայի պաշտոնյաները հայտնել են, որ շրջանի շատ բնակիչներ զրկվել են էլեկտրաէներգիայից, իսկ Պինար դել Ռիո նահանգում մի մարդ անհետ կորել է:
Աղբյուր՝ france24.com
2022թ. առաջին եռամսյակի ընթացքում գազի համակարգի` գազափոխադրման բարձր ճնշման 5 սուբյեկտում ստուգման ընթացքում բացահայտվել է 79 խախտում։ Ստուգումների արդյունքում կազմվել և տրամադրվել են պարտադիր կատարման միջոցառումները և դրանց կատարման ժամանակացույցը սահմանող 36 կարգադրագիր։ 2022թ. առաջին եռամսյակի ընթացքում վերստուգվել է 5 սուբյեկտ։ Արդյունքում պարզվել է, որ հայտնաբերված 75 խախտումներից 29-ը վերացվել են։
Աղբյուր՝ ՀՀ ՔՏՀԱՏՄ իրազեկման, խորհրդատվության և հանրության հետ տարվող աշխատանքների բաժին
2022թ. առաջին եռամսյակի ընթացքում ստուգվել է 44 տնտեսավարող սուբյեկտ, որից 8-ը՝ Երևանում, 5-ական՝ Արմավիրի, Շիրակի և Կոտայքի մարզերում, 4-ական՝ Լոռիում, Սյունիքում, Արարատում և Տավուշում, 3-ը՝ Արագածոտնում։ Ստուգումների արդյունքում արձանագրվել է 601 խախտում, որից 50-ը՝ Երևանում։ Ամենից շատ՝ 144 խախտում հայտնաբերվել է Կոտայքի մարզում, ամենից քիչ՝ 31-ական խախտում արձանագրվել է Արարատի և Վայոց ձորի մարզերում։ Խախտում չի հայտնաբերվել Գեղարքունիքի մարզում։
Աղբյուր՝ ՀՀ ՔՏՀԱՏՄ իրազեկման, խորհրդատվության և հանրության հետ տարվող աշխատանքների բաժին
Հունիսի 3-ին Հունաստանի ազգային պաշտպանության նախարարի տեղակալ Նիկոս Խարդալիասի գլխավորած պատվիրակությունն այցելել է ՀՀ ՊՆ պաշտպանական ազգային հետազոտական համալսարան: Հյուրերին ներկայացվել են ՊԱՀՀ-ի կազմավորման պատմությունը, գործունեության հիմնական ուղղությունները և կրթական ծրագրերը: Հանդիպմանը կարևորվել է հայ-հունական բարեկամական կապերի և փոխգործակցության զարգացումը, այդ թվում՝ ռազմական կրթության ոլորտում:
Աղբյուր՝ ՀՀ ՊՆ
«Արսենալը» հայտարարել է հարձակվող Ալեքսանդր Լակազետի հեռանալու մասին: Ինչպես հայտնում է լոնդոնյան ակումբի մամուլի ծառայությունը, 31-ամյա ֆրանսիացին լքել է թիմը պայմանագրի ժամկետի ավարտի պատճառով:
Աղբյուր՝ sport-express.ru
Ուկրաինայի թվային նորարարությունների փոխնախարար Միխայլո Ֆեդորովը նշել է, որ Tesla Powerwall արևային կայանները էլեկտրաէներգիայի անջատման ժամանակ պահեստային էներգիա են ապահովում։
Աղբյուր՝ tass.ru
Խոսակցություններ են պտտվում, որ Լոս Անջելեսում զույգը 60 միլիոն դոլար արժողությամբ առանձնատուն է գնել Բևերլի Հիլզում: Օրերս բեռնատարներ և Ջեյ Լոյի մեքենաներն են նկատվել զույգի հավանական նոր տան մոտ: Վերջին շրջանում շքեղ առանձնատունը պատկանում է ավստրալացի միլիարդատեր Ջեյմս Փաքերին՝ Մրայա Քերիի նախկին փեսացուին, իսկ նախկինում պատկանել է Դենի Դե Վիտոյին և Ռեա Պերլմանին։
Աղբյուր՝ mirror.co.uk
«Հարի Փոթերը և փիլիսոփայական քարը» գրքի առաջին հրատարակությունը՝ որոշ սխալներով և հեղինակ Ջ.Ք. Ռոուլինգի ստորագրությամբ կհանվի մասնավոր վաճառքի Լոնդոնի Christie's-ում՝ աճուրդի տան կողմից առաջադրված նախնական 250,000 դոլարով: Այս հրատարակությունը մեկն է այն 500 կոշտ կազմով օրինակներից, որոնք առաջին անգամ տպագրվել են 1997 թվականին։ Christie's-ի «Գրական արվեստ» միջոցառումը հանրության համար բաց կլինի հունիսի 7-15-ը։
Աղբյուր՝ cnn.com/style
Հարավային Կորեան հունիսի 8-ից կվերացնի կարանտինային պահանջները չպատվաստված զբոսաշրջիկների համար։ Համաձայն նոր կանոնների՝ չպատվաստված ճանապարհորդներին մուտք գործելու համար անհրաժեշտ կլինի երկու ՊՇՌ թեստ, որոնցից մեկը՝ արված մեկնելուց ոչ շուտ, քան 48 ժամ առաջ, իսկ մյուսը՝ երկիր ժամանելուց հետո 72 ժամվա ընթացքում, ինչպես նաև K-ETA էլեկտրոնային թույլտվություն:
Աղբյուր՝ ria.ru
Հնդկաստանի մի խումբ պաշտոնյաներ հանդիպել են Աֆղանստանի արտաքին գործերի նախարարի պաշտոնակատարի հետ՝ քննարկելու երկկողմ հարաբերությունները և մարդասիրական օգնությունը, հայտարարել են թալիբները։ Սա առաջին նման այցն է Քաբուլ՝ անցյալ տարի երկիրը Թալիբան խմբավորման վերահսկողության տակ անցնելուց հետո: Աղքատությունն ու սովը Աֆղանստանում աճել են այն բանից հետո, երբ թալիբները վերցրեցին իշխանությունը, և Հնդկաստանը հացահատիկ և այլ օգնություն է ուղարկել:
Աղբյուր՝ aljazeera.com
Հունիսի 3-5 ընթացող փառատոնի ընթացքում գնումներ կատարողները կկարողանան իրենց գինիները ՀայՓոստի տաղավարներից առաքել իրենց հասցեով և վայելել Երևանի Գինու օրերը առանց գնումներով ծանրաբեռնված լինելու: ՀայՓոստի տաղավարները կլինեն երեքը՝ Սարյան, Թումանյան և Մոսկովյան փողոցներում։
Աղբյուր՝ ՀայՓոստ ՓԲԸ
Եվրամիության նոր պատժամիջոցները նախատեսում են Եվրոպայում մի շարք ռուսական հեռուստաալիքների հեռարձակման արգելք։ Այս մասին հայտնի է դարձել ուրբաթ՝ հունիսի 3-ին, Եվրոպական խորհրդի կայքում հայտնված մամուլի հաղորդագրությունից։ Հրապարակման մեջ ասվում է, որ ԵՄ-ն նախատեսում է անջատել «Ռոսիա-24», «ՏՎ Ցենտր» և «ՌՏՌ Պլանետա» ալիքների հեռարձակումը։
Աղբյուր՝ lenta.ru
Նոր ուսումնասիրությունը ցույց է տալիս, որ սննդային ալերգիա ունեցող մարդիկ ավելի հազվադպ են վարակվում COVID-19-ով, քան ալերգիա չունեցող մարդիկ: Միևնույն ժամանակ, ասթման չի ազդում SARS-CoV-2 կորոնավիրուսով վարակվելու ռիսկի վրա։ Բացի այդ, ուսումնասիրությունը ևս մեկ անգամ հաստատել է, որ գիրությունը և մարմնի զանգվածի բարձր ինդեքսը (ՄԶԻ) կապված են նոր կորոնավիրուսով վարակվելու մեծ ռիսկի հետ։
Աղբյուր՝ vesti.ru
Tesla-ի գործադիր տնօրեն Իլոն Մասկը «սուպեր վատ զգացողություն» ունի տնտեսության վերաբերյալ և ցանկանում է կրճատել աշխատատեղերի մոտ 10%-ը էլեկտրամեքենաներ արտադրող ընկերությունում։ Այդ մասին նա հայտնել է հինգշաբթի ղեկավարներին ուղղված նամակում, որին ծանոթացել է Reuters-ը: Հաղորդագրությունը ուղարկվել է երկու օր այն բանից հետո, երբ աշխարհի ամենահարուստ մարդը աշխատակիցներին ասել է վերադառնալ աշխատավայր կամ լքել ընկերությունը:
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
