Կարճ լուրեր
«Պահպանելով բազմակարծությունը, մենք միևնույն ժամանակ խստորեն ճնշելու ենք ծայրահեղականության ցանկացած ձև, թույլ չենք տա ոտնձգություն մեր պետական ինքնիշխանության և տարածքային ամբողջականության նկատմամբ»,- ասել է Տոկաևը՝ ուղերձ հղելով ժողովրդին յոթերորդ գումարման խորհրդարանի երկրորդ նստաշրջանի բացման ժամանակ:
Աղբյուր՝ ria.ru
Տասնյակ հազարավոր մարդիկ տարհանվել են Կալիֆոռնիայի հյուսիսում գտնվող Թահո լճի ափերից. խոշոր հրդեհների տարածումը շարունակվում է: «Քալդոր» հրդեհն (Caldor Fire) արդեն այրել է ավելի քան 191,000 հեկտար տարածք, և հրդեհի միայն 16%-ն է հսկողության տակ առնվել: 2 շաբաթից ավել տևող հրդեհների մարման աշխատանքներին ներգրավվել են ավելի քան 3500 հրշեջներ:
Աղբյուր՝ bbc.com
Ստեփանակերտի բնակիչներին երաշտի պայմաններում շուրջօրյա խմելու ջրով ապահովելու նպատակով Պատարա գետից դեպի մայրաքաղաքի ջրամատակարարման համակարգ տանող խողովակաշարի կառուցման աշխատանքները նախատեսվում է ավարտին հասցնել 2022 թվականի հունիսին։
Աղբյուր՝ Արցախի Հանրապետության նախագահի աշխատակազմ Տեղեկատվության գլխավոր վարչություն
հանդիպել եռամսյա հավաքի մասնակիցների հետ։ Դավթյանը ստուգել է հավաքի անցկացման ընթացքը, ծանոթացել պահեստազորայինների կենցաղային պայմաններին, սննդի որակին։
Աղբյուր՝ ՀՀ ՊՆ
Չորեքշաբթի հրապարակված` Բուսաբանական այգիների պահպանության միջազգային կազմակերպության (BGCI) կողմից կատարված ուղեցույց հետազոտության համաձայն՝ մոտ 17,500 ծառատեսակ կամ ամբողջ ծառատեսակների 30 տոկոսը անհետացման վտանգի տակ են, մինչդեռ 440 տեսակներ վայրի բնության մեջ մնացել են՝ 50-ից պակաս օրինակներով:
Աղբյուր՝ aljazeera.com
ԱՄՆ ռազմածովային ուժերի ուղղաթիռը կործանվեց Օվկիանոսում՝ Հարավային Կալիֆորնիայի ափերի մոտ, երեքշաբթի օրը՝ ավիակիրից սովորական թռիչքի ժամանակ: Անձնակազմի անդամներից մեկը փրկվել է, «որոնողական աշխատանքները շարունակվում են անձնակազմի մյուս հինգ անդամների համար»:
Աղբյուր՝ apnews.com
Վրաստանի վարչապետը ԵՄ օգնությունից հրաժարվելը բացատրել է Թբիլիսիի արտաքին պարտքը նվազեցնելու ցանկությամբ: Դիտորդները կարծում են, որ իշխանությունները խորամանկում են, իսկ տրանշը կասկածի տակ է դրվել իշխող կուսակցության կողմից՝ իր պարտավորությունները կատարելուց հրաժարվելու պատճառով:
Աղբյուր՝ dw.com
Օգոստոսի 31-ին կատարած աշխատանքային շրջայցի ընթացքում Կարապետյանը ծանոթացել է ստորաբաժանումների ուսումնական գործընթացին, առանձնահատուկ ուշադրություն դարձրել զորամասերի սոցիալ-կենցաղային, ինչպես նաև զինծառայողների սննդի կազմակերպման պայմաններին: Նա եղել է նաև եռամսյա վարժական հավաքների անցկացման մի քանի շրջաններում և վստահեցրել պահեստազորայիններին, որ հավաքներով պայմանավորված նրանց սոցիալական խնդիրների լուծումը գտնվում է կառավարության ուշադրության կենտրոնում։
Աղբյուր՝ ՀՀ ՊՆ
Արայիկ Հարությունյանը սեպտեմբերի 1-ին ստորագրել է հրամանագիր Մանե Թանդիլյանին Արցախի Հանրապետության աշխատանքի, սոցիալական և միգրացիայի հարցերի նախարարի պաշտոնից ազատելու մասին։ Մեկ այլ հրամանագրով՝ Արմինե Պետրոսյանը նշանակվել է Արցախի Հանրապետության աշխատանքի, սոցիալական և միգրացիայի հարցերի նախարար։
Աղբյուր՝ Արցախի Հանրապետության նախագահի աշխատակազմ Տեղեկատվության գլխավոր վարչություն
Բրիտանական Blood Cancer UK բարեգործական կազմակերպության հետազոտողները պարզել են, որ գիշերը չափից ավելի քրտնելը կարող է լեյկեմիայի մասին վկայել: Գիտնականները հարցում են անցկացրել արյան քաղցկեղով ավելի քան երկու հազար հիվանդների հետ: Պարզվել է, որ 31%-ի մոտ գիշերները չափազանց շատ քրտինք է առաջացել՝ նույնիսկ նախքան հիվանդության հայտնաբերումը:
Աղբյուր՝ ria.ru
Հանրակրթական և նախադպրոցական ուսումնական հաստատությունների աշխատակիցները հրավիրվում է մասնակցելու «Տարվա լավագույնները» մրցույթին: Մրցույթին կարող է ներկայացվել ինչպես անհատական ծրագիր առանձին մասնակցի կողմից, այնպես էլ համատեղ ծրագիր մասնակիցների խմբի կողմից՝ բաղկացած առավելագույնը 3 անդամներից: Ծրագրային առաջարկների ներկայացման վերջնաժամկետը սույն թվականի սեպտեմբերի 17-ն է, ժամը՝ 18։00:
Աղբյուր՝ ՀՀ ԿԳՄՍՆ Հասարակայնության հետ կապերի և տեղեկատվության վարչություն
Սեպտեմբերի 11-ին, Ժամը 13:00, Արարատի մարզի Սուրբ Կարապետ վանական համալիրի բակում տեղի կունենա բացօթյա միջոցառում` Հայաստանի պետական ֆիլհարմոնիայի Ֆոլկ-մոդեռն ժողովրդական գործիքների անսամբլի մասնակցությամբ:
Աղբյուր՝ Հայաստանի պետական ֆիլհարմոնիա
«Սևիլիայի» հարձակվող Լյուկ Դե Յոնգը կարիերան կշարունակի «Բարսելոնայում»: Կատալոնական ակումբը հայտարարել է 31-ամյա հոլանդացու վարձակալության մասին մինչև հաջորդ ամառ: Նշվում է, որ «Բարսելոնան» կվճարի ֆուտբոլիստի աշխատավարձը, ինչպես նաև իրավունք կունենա գնել խաղացողի իրավունքները:
Աղբյուր՝ sport-express.ru
Ֆրանսիայի մայրաքաղաքի իշխանությունները կստիպեն վարորդներին դանդաղեցնել արագությունը՝ այն սահմանափակելով քաղաքի գրեթե բոլոր ճանապարհներին՝ աղտոտվածությունը նվազեցնելու և ճանապարհների անվտանգությունը բարձրացնելու նպատակով: Սակայն որոշ քննադատներ ասում են, որ դա կվատթարացնի քաղաքի պիկ ժամերի խցանումները և նույնիսկ կարող է մեծացնել ջերմոցային գազերի արտանետումները:
Աղբյուր՝ cnn.com
Դերասանները հանդես կգան Apple Studios առաջիկա «Ռեյմոնդը և Ռեյը» (Raymond and Ray) ֆիլմում: Ֆիլմի ռեժիսոր և սցենարիստ է ընտրվել Ռոդրիգո Գարսիան: Ֆիլմը կպատմի Ռեյմոնդ և Ռեյ անուններով խորթ եղբայրների մասին, ովքեր ապրել են իրենց ընդհանուր սարսափելի հոր ստվերում: Բայց նրա մահից հետո նրանցից յուրաքանչյուրը հնարավորություն է ունենում ինքն իրեն վերագտնելու:
Աղբյուր՝ ria.ru
Էստոնիայի անկախության վերականգնումից ի վեր առաջին անգամ հանրապետության նախագահն ընտրվել է ոչ այլընտրանքային սկզբունքով: Երկրի խորհրդարանը՝ Ռիյգիկոգուն, քվեարկել է միակ թեկնածուի՝ Էստոնիայի Ազգային թանգարանի տնօրեն Ալար Կարիսի օգտին:
Աղբյուր՝ dw.com
Երեքշաբթի օրը Ռուսաստանի տիեզերական պաշտոնյան մտահոգություն հայտնեց Միջազգային տիեզերակայանի (ՄՏԿ) Ռուսաստանի հատվածի վիճակի վատթարացման վերաբերյալ` հնացած սարքավորումների պատճառով, նախազգուշացնելով, որ դա կարող է հանգեցնել «անդառնալի ձախողումների»:
Աղբյուր՝ aljazeera.com
«Դպրոցների սեյսմիկ անվտանգության բարելավման» ծրագրի շրջանակում 3 դպրոցների կառուցման համար հայտարարված մրցույթներն ամփոփվում են:
Աղբյուր՝ Փոխվարչապետ Ս.Պապիկյանի գրասենյակ
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
