Կարճ լուրեր
Օգոստոսի 30-ին անցկացվել է եզրափակիչ՝ կրակային պատրաստության «Դիպուկահար» մրցաձևը: Մասնակիցները երեք դիրքից խոցել են 100 մետր հեռավորությամբ թիրախները: Յուրաքանչյուր վարժությանը հատկացվել է հինգական փամփուշտ: Հրաձգության ընթացքում առավել դիպուկ են եղել Ղազախստանի զինվորականները: Սեպտեմբերի 1-ին տեղի կունենա մրցույթի փակման հանդիսավոր արարողությունը:
Աղբյուր՝ ՀՀ ՊՆ Տեղեկատվության և հասարակայնության հետ կապերի վարչություն
Սաուդյան Արաբիայում ութ մարդ է վիրավորվել Եմենից ապստամբների անօդաչու թռչող սարքի հարձակման արդյունքում, հայտնում է թուրքական «Ենի Սաֆաք» թերթը՝ վկայակոչելով Սաուդյան Արաբիայի գլխավորած կոալիցիայի կենտրոնակայանը: Սաուդյան Արաբիայից հարավ -արևմուտք գտնվող Աբհա օդանավակայանի վրա հարձակումը վնասել է նաև քաղաքացիական ինքնաթիռ:
Աղբյուր՝ gazeta.ru
Իրանը մտադիր է տարածաշրջանային մրցակից Սաուդյան Արաբիայի հետ Իրաքում բանակցությունների չորրորդ փուլ անցկացնել՝ Իրանի նոր կառավարության ստեղծումից հետո, երեքշաբթի օրը հայտնել է Բաղդադում Իրանի դեսպանը:
Աղբյուր՝ reuters.com
ՀՀ սննդամթերքի անվտանգության տեսչական մարմնի Երևանի կենտրոնի տեսուչները շարունակել են շրջայցերը մայրաքաղաքի Նոր Նորք վարչական շրջանի իրացման ցանցում: Կորոնավարակի դեմ պայքարի նորմերի խախտումներ չեն եղել: Ստուգայցերը շարունակվելու են:
Աղբյուր՝ Սննդամթերքի անվտանգության տեսչական մարմին
Ամերիկյան American Humane հասարակական կազմակերպությունը, որը պաշտպանում է կենդանիների իրավունքները, դատապարտել է ԱՄՆ իշխանություններին՝ Աֆղանստանից տարհանման ժամանակ բանակի ծառայական շներին չհանելու համար:
Աղբյուր՝ ria.ru
Օգոստոսի 31-ին՝ Վերածնունդ մշակութային և ինտելեկտուալ հիմնադրամը մեկնարկում է խաղարկություն՝ Սարոյանի 113-ամյակին, որտեղ խաղարկվելու է հիսուն 5000 դրամանոց թղթադրամ։ Նախաձեռնությանը մասնակցելու համար անհրաժեշտ է ընդամենը գրանցվել www.saroyan.rf.am կայքում և հետևել հիմնադրամին սոցիալական տարբեր հարթակներում՝ հաղթելու հավանականությունը մեծացնելու համար: Սեպտեմբերի 30-ին հիմնադրամի ինստագրամյան էջով ուղիղ եթերում պատահականության սկզբունքով կընտրվի հինգ հաղթող, ովքեր կստանան յուրաքանչյուրը տասը սարոյանական 5000 դրամանոց:
Աղբյուր՝ Վերածնունդ մշակութային և ինտելեկտուալ հիմնադրամ
«Մանչեսթեր Յունայթեդը» չի ցանկանում հարձակվող Էդինսոն Կավանիին տալ «Բարսելոնային», հայտնում է լրագրող Ժերար Ռոմերոն Twitter-ում: Հաղորդվում էր, որ ակումբները բանակցություններ են վարում ֆուտբոլիստի հնարավոր տեղափոխության շուրջ: Ինքը՝ Կավանին, ցանկանում է կարիերան շարունակել Իսպանիայի առաջնությունում, սակայն «մանկունիանցիները» մտափոխվել են նրան վաճառելու հարցում:
Աղբյուր՝ sport-express.ru
ՀայՓոստը ներկայացնում է Հայաստանը փոստային նամականիշով, որտեղ պատկերված է Հայաստանի Հանրապետության Կարմիր գրքում ընդգրկված «Քարարծիվ» գիշատիչ թռչունը: Քվեարկությունն անցկացվելու է մինչև 2021 թ. սեպտեմբերի 9-ը, հետևյալ հղումով՝ www.posteurop.org/europa2021 :
Աղբյուր՝ ՀայՓոստ ՓԲԸ
Գիտնականները պարզել են, որ ամբողջ աշխարհում օրգանների փոխպատվաստումների թիվը կտրուկ նվազել է 2019-2020 թվականների ընթացքում: Համավարակի սրման հետևանքով հիվանդանոցները ստիպված եղան հետաձգել օրգանների պոտենցիալ կյանքեր փրկող փոխպատվաստումը՝ ռեսուրսների և անվտանգության խնդիրների պատճառով:
Աղբյուր՝ theguardian.com
Աֆղանստանում ԱՄՆ դեսպանատունը տեղափոխվել է Քաթար, հայտարարել է ԱՄՆ պետքարտուղար Բլինքենը: Նա ասել է, որ ԱՄՆ-ը կհամագործակցի թալիբների հետ, եթե նրանք «կատարեն իրենց պարտավորությունները»:
Աղբյուր՝ dw.com
Գերմանիայի կանցլեր Անգելա Մերկելի արտաքին քաղաքականության գծով նախկին խորհրդականը հայտարարել է, որ «Հյուսիսային հոսք-2»-ը հավասար կախվածության մեջ է դնում և՛ ԵՄ-ին, և՛ Ռուսաստանին:
Աղբյուր՝ ria.ru
21-ամյա Մոյզե Կենը վերադառնում է այն ակումբ, որտեղ սկսել է իր պրոֆեսիոնալ կարիերան որպես ակադեմիայի շրջանավարտ, երկամյա վարձակալությամբ, որն այնուհետև, որոշակի պայմանների բավարարման դեպքում, կվերածվի մշտական վաճառքի՝ 20 միլիոն եվրո վճարով:
Աղբյուր՝ france24.com
4.2 մագնիտուդ ուժգնությամբ երկրաշարժ է տեղի ունեցել Նովոսիբիրսկի մարզի Իսկիտիմսկի շրջանում: Երկրաշարժի էպիկենտրոնը գտնվում է Իսկիտիմ քաղաքից 23 կիլոմետր հեռավորության վրա՝ Ուստ-Չեմ գյուղի մոտակայքում:
Աղբյուր՝ lenta.ru
Նուրլան Երմեքբաևը հրաժարական է տվել երեքշաբթի՝ զենքի պահեստում բռնկված հրդեհից և մի շարք պայթյուններից 15 զինվորականների և հրշեջների զոհվելուց օրեր անց: Այս մասին հայտնում է նախագահ Կասիմ-Ջոմարտ Տոկաևի գրասենյակը: Հրդեհի պատճառը մնում է անհայտ:
Աղբյուր՝ reuters.com
«Լիվերպուլն» իր պաշտոնական կայքում հայտարարեց թիմի ավագ Ջորդան Հենդերսոնի հետ նոր պայմանագրի ստորագրման մասին: Անգլիացու և ակումբի միջև նոր համաձայնագիրը նախատեսված է մինչև 2024/25 մրցաշրջանի ավարտը:
Աղբյուր՝ sport-express.ru
Ռուս մեծ բանաստեղծուհի Մարինա Ցվետաևայի մահվան 80-րդ տարելիցի կապակցությամբ Երևանում Ռուսական տունը ներկայացրեց յուրօրինակ գիրք երկու լեզվով` «Մարինա Ցվետաևա. Բանաստեղծություններ»: Ամենաբարդ պոետիկ ստեղծագործությունները հնչեցին հայերեն Ռուզան Հովասափյանի թարգմանությունների շնորհիվ: Գիրքը ներառում է տարբեր տարիներին գրված 80 բանաստեղծություն: Գրքի շնորհանդեսը տեղի կունենա նաև թարգմանչի հայրենիքում՝ Վանաձորում։
Աղբյուր՝ Երևանում Ռուսական տուն
Օքլենդի բնակիչները ստիպված են եղել լքել իրենց տները կեսգիշերին` անսպասելի հորդառատ անձրևների պատճառով: Մեկ գիշերվա ընթացքում քաղաքում գրանցվել են ժամում 90 մմ տեղումներ անձրևի տեքով:
Աղբյուր՝ theguardian.com
Նիստը վարեց ԼՀԿ նախագահ Էդմոն Մարուքյանը: Օրակարգում քննարկվեցին Հայաստանին և Արցախին սպառնացող մարտահրավերները, տարածաշրջանային վիճակը, ներքաղաքական իրավիճակը և Հայաստանի տարբեր համայնքներում սպասվող ՏԻՄ ընտրությունները: Նիստի ընթացքում ներկայացվել է կուսակցության կատարած աշխատանքը միջազգային գործընկերների հետ՝ կապված Ադրբեջանի չդադարող ագրեսիայի, հայ ռազմագերիների վերադարձի վերաբերյալ:
Աղբյուր՝ «Լուսավոր Հայաստան» կուսակցություն
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
