Կարճ լուրեր
Նաոմի Քեմփբելը The Cut-ին տված հարցազրույցում պատմել է, որ ստիպված է հրաժարվել ընտանիք կազմելուց՝ հանուն մոդելային մեծ պայմանագրերի: «Կարծում են, որ գլխավոր զոհողությունը փորձն է գտնել հարազատ հոգի, ով կհասկանա քեզ»: Նա հավելել է, որ ինքն ուժեղ մարդու համբավ ունի, սակայն երբեք չի վախեցել զուգընկերոջ հետ փոխզիջումների գնալ:
Աղբյուր՝ gazeta.ru
Նախագահ Գոթաբայա Ռաջապաքսան արտակարգ կանոնակարգ է սահմանել առաջին անհրաժեշտության պարենային ապրանքների գները վերահսկելու համար, քանի որ մասնավոր բանկերի է ներմուծումը ֆինանսավորող արտարժույթը սպառվում է:
Աղբյուր՝ aljazeera.com
Վրաստանի կողմից բարձրացող ալպինիստների խումբը ձնահյուսի տակ է ընկել Հյուսիսային Օսիայի լեռներում: Այս մասին լրագրողներին հայտնել են հանրապետության ԱԻՆ մամուլի ծառայությունից: Ձնահյուսից տուժել է Ուկրաինայի երեք քաղաքացի:
Աղբյուր՝ tass.ru
Հարավարևելյան Եվրոպայի ոչ նյութական մշակութային ժառանգության տարածաշրջանային կենտրոնը հրավիրում է մասնակցելու երիտասարդական մրցույթին: Մրցույթին կարող են մասնակցել 18-35 տարեկան անձինք՝ ներկայացնելով ոչ նյութական մշակութային ժառանգության որևէ տարր, որը ներառված չէ ՅՈՒՆԵՍԿՕ-ի ոչ նյութական մշակութային ժառանգության ներկայացուցչական ցանկում: Հաղթող 3 մասնակիցների համար կկազմակերպվի եռօրյա այց Փարիզ: Մրցույթին մասնակցելու համար հարկավոր է մինչև ս.թ. սեպտեմբերի 15-ը դիմումները մուտքագրել կենտրոնի կայքում:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
«Թալիբան»-ը շահագրգռված է լավ հարաբերություններ ունենալ ԱՄՆ-ի և ամբողջ աշխարհի հետ, հայտարարել է իսլամիստական շարժման ներկայացուցիչ Զաբիուլլահ Մուջահիդը: Ամերիկյան զորքերի դուրսբերման ավարտի ֆոնին նա շնորհավորել է բոլոր աֆղանցիներին հաղթանակի կապակցությամբ:
Աղբյուր՝ dw.com
Թուրքիայի նախագահ Թայիփ Էրդողանը հեռախոսազրույց է ունեցել ԱՄԷ-ի փաստացի կառավարիչ Աբու Դաբիի թագաժառանգ Մուհամմադ բին Զայեդ Ալ Նահյանի հետ, երեքշաբթի հայտարարել է Էրդողանի գրասենյակը: Դա տարածաշրջանային մրցակիցների միջև հարաբերությունների բարելավման նոր նշան է: Բանակցությունները կարող են հանգեցնել զգալի ներդրումների Թուրքիայում:
Աղբյուր՝ reuters.com
Հնդկաստանում անցած շաբաթ մի քանի տասնյակ մարդու մահվան պատճառ դարձած անհայտ վիրուսային հիվանդությունը կարող է առաջացած լինել մոծակների կողմից փոխանցվող դենգե տենդից: Այս կարծիքին են Ուտար Պրադեշ նահանգի իշխանությունները, որտեղ տեղի է ունեցել հիվանդության բռնկումը:
Աղբյուր՝ ria.ru
Պայմանավորվածության շրջանակում՝ 100 ջերմոցային տնտեսության ստեղծում կֆինանսավորի «Հայաստան» համահայկական հիմնադրամը: 1,000 բիզնեսի հիմնման գործում ներդրում կունենա Հայաստանից և Սփյուռքից 1,000 հայ ընտանիք։ Նախաձեռնությունը ողջունվել է նաև Հայկական բարեգործական ընդհանուր միության (ՀԲԸՄ) կենտրոնական վարչության ժողովի անդամ Վազգեն Յակուբյանի կողմից, ըստ այդմ՝ ՀԲԸՄ-ն ևս իր ներդրումը կունենա նախաձեռնության կայացման գործում։
Աղբյուր՝ ՀՀ ԱՍՀՆ Տեղեկատվության եվ հասարակայնության հետ կապերի բաժին
ՀՀ ԿԳՄՍ նախարարության և ՀՀ-ում Ֆրանսիայի դեսպանության միջև այսօր Մուշեղ Գալշոյանի անվան թիվ 148 ավագ դպրոցում ստորագրվել է «Հայաստանի Հանրապետության դպրոցական հաստատություններում ֆրանսերենի դասավանդման զարգացման վերաբերյալ գործընկերության համաձայնագիր»: Ըստ համաձայնագրի՝ ֆրանսերենի խորացված ծրագիր իրականացնող դպրոցները կհամալրվեն ուսումնական նյութերով, դասավանդողները կանցնեն վերապատրաստում: 2021-2022 թթ. ուսումնական տարվանից չորս դպրոցներում կբացվեն ֆրանսերենի խորացված ուսուցմամբ 2-րդից 9-րդ դասարաններ, իսկ երեք ավագ դպրոցներում՝ ֆրանսերենի խորացված ուսուցմամբ 10-ից 12-րդ դասարաններ:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Հարձակվող Արտյոմ Մանուկյանը դարձավ Վլադիվոստոկի «Ադմիրալ»-ի հոկեյիստ: Մանուկյանն իր կարիերայի մեծ մասն անցկացրել է Օմսկի «Ավանգարդ»-ում:
Աղբյուր՝ sport-express.ru
Առցանց խաղերի մինչև 18 տարեկան խաղացողներին կթույլատրվի միայն մեկ ժամ խաղալ ուրբաթ, հանգստյան օրերին և արձակուրդներին, հայտնել է Չինաստանի տեսախաղերի կարգավորիչը: Մամուլի և հրապարակումների ազգային վարչությունը պետական «Սինհուա» լրատվական գործակալությանը հայտնել է, որ խաղերը թույլատրվելու են միայն երեկոյան 20-ից 21-ը:
Աղբյուր՝ bbc.com
Բրիտանացի դերասան Կոնրադ Խանը, ով մասնակցել է գանգստերների մասին «Սուր հովարներ» (Peaky Blinders) սերիալի նկարահանումներին, խոսել է սերիալի վերջին սեզոնի թողարկման մասին: Դերասանի խոսքով՝ սերիալը մեծ էկրան կբարձրանա հաջորդ տարվա սկզբին:
Աղբյուր՝ kulturomania.ru
Հայաստանի Սյունիքի մարզի Կապան քաղաքում այսօր տեղի ունեցավ սահմանամերձ ոստիկանների համար ռուսաց լեզվի անվճար դասընթացների բացման արարողությունը, որոնք կազմակերպում է Երևանում Ռուսական տունը (Ռոսսոտրուդնիչեստվո Հայաստանում):
Աղբյուր՝ Երևանում Ռուսական տուն
Կոմպոզիտորի հոգեհանգիստը տեղի կունենա ս.թ. օգոստոսի 30-ին՝ ժամը 18.00-20.00, «Արամ Խաչատրյան» համերգասրահի նախասրահում: Վերջին հրաժեշտի արարողությունը կկայանա օգոստոսի 31-ին՝ ժամը 12.00-ից 14.00-ն: Անվանի կոմպոզիտորի աճյունը կամփոփվի Քաղաքային գերեզմանատան կենտրոնական պանթեոնում՝ (գաջի գործարանի հարևանությամբ):
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Հարվարդի համալսարանը, որն ի սկզբանե հիմնադրվել էր հոգևորականներ կրթելու համար՝ ծառայելու Նոր Անգլիայի վաղ պուրիտանական գաղութարարներին, ունի նոր գլխավոր հոգևորական (կապելլան): Համալսարանի կրոնական առաջնորդները միաձայն ընտրեցին 44-ամյա աթեիստ Գրեգ Էփշտեյնին: Հրեական ընտանիքում մեծացած տղամարդը նկարագրվում է որպես «հումանիստական շարժման կնքահայր:
Աղբյուր՝ theguardian.com
Տղան խաղալիս է եղել Կալաբասասի իրենց տան բակում՝ Լոս Անջելեսից արևմուտք ընկած Սանտա Մոնիկա լեռներում, երբ առյուծը հարձակվեց նրա վրա: Կենդանին երեխային քարշ է տվել դիմացի սիզամարգով, սակայն մայրը դուրս է վազել և անզեն՝ սեփական ձեռքերով, այնքան է հարվածել պումային, մինչև որ նա բաց է թողել որդուն: Ավելի ուշ կենդանին հայտնաբերվել և գնդակահարվել է վայրի բնության պատասխանատուների կողմից:
Աղբյուր՝ bbc.com
Հայաստանը ներկայացնելու է 11 մարզաձևից 55 մարզիկ: Հայաստանի մարզական պատվիրակությունից Կազան առաջինը մեկնելու են բռնցքամարտիկները, որոնց մրցումները սկսվելու են սեպտեմբերի 2-ին: Խաղերի բացման պաշտոնական արարողությունը նախատեսված է սեպտեմբերի 4-ին:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
Ռուսաստանի նախագահ Վլադիմիր Պուտինը շնորհավորել է մուլտիպլիկատոր Լեոնիդ Շվարցմանի ծննդյան 101-ամյակը՝ ընդգծելով ռեժիսորի տաղանդը և նրա ներդրումը անիմացիայի ազգային դպրոցի զարգացման գործում:
Աղբյուր՝ tass.ru
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
