Կարճ լուրեր
Շրի Լանկան կենսաչափական քարտեր կտրամադրի անազատության մեջ գտնվող փղերին, և նրանց հեծյալներին կարգելվի խմել նրանց հետ աշխատելու ընթացքում՝ համաձայն կենդանիների բարեկեցության մասին նոր օրենքի: Շատ հարուստ Շրի Լանկացիներ, ներառյալ բուդդայական վանականները, փղերին պահում են որպես ընտանի կենդանիներ՝ ցուցադրելու իրենց հարստությունը, սակայն լայնորեն տարածված են վատ վերաբերմունքի և դաժանության վերաբերյալ բողոքները:
Աղբյուր՝ france24.com
Աֆղանստանի՝ երկրից փախած նախագահ Աշրաֆ Ղանիի հարազատ եղբայրը՝ Հաշմաթ Ղանի Ահմադզայը, միացել է արմատական «Թալիբան» շարժմանը: Վաթսունամյա Հաշմաթ Ղանին 2002 թ.-ից Աֆղանստանում փաշթուններին մոտ էթնիկ խմբի նախագահն է:
Աղբյուր՝ tass.ru
հետևանքով Արցախից տեղահանված քաղաքացիների խնդիրներով զբաղվող ՀԿ-ների ներկայացուցիչների հետ: Այսօր՝ օգոստոսի 21-ին, քննարկվել են ՀՀ-ում ժամանակավորապես բնակություն հաստատած արցախցիներին առնչվող իրավական, սոցիալական բնույթի հարցեր, խոսվել է նրանց Արցախ վերադառնալու համար անհրաժեշտ սոցիալական ծրագրերի կարևորության, այս ուղղությամբ արդեն գործարկված և առաջիկայում նախատեսվող ծրագրերի մասին։
Աղբյուր՝ Արցախի Հանրապետության նախագահի աշխատակազմ տեղեկատվության գլխավոր վարչություն
Պահեստարանի շահագործման հանձնումը նպատակ ունի վերջ դնել միջուկային թափոնների պահեստավորման հարցում Ռուսաստանից Ուկրաինայի կախվածությանը:
Աղբյուր՝ dw.com
Բրիտանացու խոսքով Բրիտանիայի ԱԳՆ-ից իրեն ասել են գնալ Քաբուլի մի հյուրանոց, որը գտնվում է Տալիբանի երեք անցակետերից այն կողմ: Անցած գիշեր նա փորձել է իր կնոջ հետ հասնել հյուրանոց, սակայն առաջին անցակետում դաժան ծեծի է ենթարկվել թալիբների պահակախմբի կողմից և ետ ուղարկվել: Նա այժմ վախենում է տնից դուրս գալուց և կնոջ հետ յոթ անգամ տեղափոխվել է, քանի որ թալիբները թիրախ էին դարձրել օտարերկրյա քաղաքացիներին:
Աղբյուր՝ independent.co.uk
«Մանչեսթեր Սիթիի» պաշտպան Էմերիկ Լապորտը կարող է լքել ակումբը: «Սիթին» համաձայնել է չխոչընդոտել 27-ամյա իսպանացու տրանսֆերը, եթե ֆուտբոլիստի համար առաջարկվի 70 միլիոն եվրո:
Աղբյուր՝ sport-express.ru
Չինական կենտրոնական հեռուստատեսությունը հայտնում է, որ չինական բանակի հրթիռային ուժերի առաջին ոչ միջուկային հրթիռային բրիգադը վերջերս հաղթահարել է ծանր բնապահպանական պայմանները և բարդ էլեկտրամագնիսական միջամտությունը, իրականացրել արագ արձագանքում երկրի հյուսիս-արևմուտքում գտնվող անապատում և հաջողությամբ արձակել երկու նոր հրթիռ:
Աղբյուր՝ ria.ru
Շաբաթ օրը Ավստրալիայի երկու ամենամեծ քաղաքներում սահմանափակման դեմ պայքարողների և ոստիկանության միջև բախումներից հետո հարյուրավոր մաչդիկ են ձերբակալվել: Համաvարակի սկզբից ի վեր երկիրն արձանագրել է ամենօրյա Covid-19-ի դեպքերի ամենակտրուկ աճը:
Աղբյուր՝ france24.com
Հունաստանը Թուրքիայի հետ սահմանին 40 կմ պարիսպ և հսկողության համակարգ է տեղակայել՝ Աֆղանստանից ներգաղթյալների հոսքի պատճառով: «Մենք չենք կարող անտարբեր սպասել հնարավոր ազդեցությանը»,- հայտարարել է Հունաստանի քաղաքացիների պաշտպանության նախարար Միխալիս Խրիսոխոիդիսը՝ ուրբաթ օրը Էվրոսի տարածաշրջան կատարած այցի ժամանակ:
Աղբյուր՝ bbc.com
Հասարակական խորհրդի անդամներին է ներկայացվել մաքսային բարեփոխումների տեսլականը, «Մեկ պատուհան» համակարգի ներդրման ընթացքը և վերջերս գործարկված Պետական վճարումների էլեկտրոնային համակարգում՝ e-payments-ում մաքսային պարտավո-րություն¬ներն առցանց մարելու հնարավորությունը։ Խորհրդի նիստում քննարկվել է ՊԵԿ ցանցային և սերվերային սարքավորումների արդիականացման հարցը։
Աղբյուր՝ ՊԵԿ տեղեկատվության և հասարակայնության հետ կապերի բաժին
«Գրանադայի» պաշտպան Դոմինգուշ Դուարտեն կարող է կարիերան շարունակել Անգլիայում, հաղորդում է Express-ը: Նախորդ մրցաշրջանում Դուարտեն «Գրանադայի» կազմում անցկացրել է 40 հանդիպում և դարձել մեկ գոլի հեղինակ: Tranfermarkt պորտալը ֆուտբոլիստի արժեքը գնահատում է 12 միլիոն եվրո:
Աղբյուր՝ sport-express.ru
Շաբաթ օրը «Գրեյս» փոթորիկն ուժգին քամիներով ներթափանցեց Մեքսիկայի նավթարդյունահանող Վերակրուս նահանգ՝ ափամերձ շրջաններին սպառնալով օվկիանոսից եկող ջրհեղեղով:
Աղբյուր՝ reuters.com
Վրաստանում կորոնավիրուսով վարակված հղիների համար հատուկ առցանց կլինիկա կգործարկվի: Այս մասին լրագրողներին հայտնել երկրի առողջապահության փոխնախարար Թամար Գաբունիան:
Աղբյուր՝ newsgeorgia.ge
Պակիստանի հարավարևմտյան Բելուջիստան նահանգի Գվադար քաղաքում մահապարտ ահաբեկչի կողմից չինացի քաղաքացիներ տեղափոխող մեքենայի վրա հարձակման հետևանքով զոհվել է երկու պակիստանցի երեխա, ովքեր խաղում էին ճամփեզրին: Հարձակման հետևանքով վիրավորվել են Չինաստանի մեկ քաղաքացի և երկու պակիստանցի:
Աղբյուր՝ aljazeera.com
Գիտնականները եկել են այն եզրակացության, որ մի քանի տարի առաջ Մարսի հարավային բևեռում հայտնաբերված հեղուկ ջրով սառցեպատ լճերը իրականում կարող են հիդրատացված հանքավայրեր լինել, որոնք կավ են պարունակում:
Աղբյուր՝ gazeta.ru
Հնդկաստանի դեղերի կարգավորիչը հաստատել է աշխարհում առաջին ԴՆԹ պատվաստանյութը Covid-19-ի դեմ շտապ օգտագործման համար: Պատվաստանյութ արտադրող Cadila Healthcare-ի միջանկյալ ուսումնասիրության համաձայն, երեք դեղաչափ ZyCoV-D պատվաստանյութը կանխել է ախտանշանային հիվանդությունը պատվաստվածների 66%-ի մոտ: Ընկերությունը նախատեսում է ամեն տարի արտադրել Հնդկաստանի երկրորդ տնային պատվաստանյութի մինչև 120 միլիոն դեղաչափ:
Աղբյուր՝ bbc.com
Սկանդալային կոնգրեսական Մարջորի Թեյլոր Գրինը առաջարկել է Կոնգրեսին՝ ԱՄՆ նախագահ Ջո Բայդենին երեք իմպիչմենտ հայտարարել, այդ թվում՝ Աֆղանստանի համար: Ջորջիա նահանգից հանրապետականը հաղորդել է, որ Կոնգրեսին է ներկայացրել Բայդենին իշխանությունից հեռացնելու մասին բանաձևերի նախագծեր այն բանի համար, որ նա, իբրև, տասը հազար ամերիկացիների թողել է աֆղանական թալիբների տիրապետության տակ:
Աղբյուր՝ ria.ru
Վերջին 24 ժամվա ընթացքում գրանցվել է 564 մահվան դեպք: Մերձավոր Արևելքի՝ կորոնավիրուսից ամենաշատ տուժած երկրում սկսել է տարածվել խիստ վարակիչ դելտա տարբերակը:
Աղբյուր՝ france24.com
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
