Կարճ լուրեր
«Մեծ յոթնյակ»-ի երկրները պահանջել են, որպեսզի Թալիբան շարժումը երաշխավորի, որ համաշխարհային անվտանգությանը սպառնալիք չի լինի: Այս մասին ասվում է G7-ի երկրների արտգործնախարարությունների հայտարարության մեջ: G7-ը նաև կոչ է արել միջազգային հանրությանը մշակել միասնական դիրքորոշում Աֆղանստանի ճգնաժամի վերաբերյալ:
Աղբյուր՝ smotrim.ru
Չինաստանը նշել է Տիբեթի Ինքնավար Մարզի հիմնադրման 70-ամյակը «աշխարհի տանիքին»՝ Կոմունիստական կուսակցության իշխանությունը ճանաչելու կոչով:
Աղբյուր՝ aljazeera.com
Երգչուհի Զեմֆիրան հայտնել է, որ կորցրել է համերգներ տալու և անարդյունք աշխատելու ցանկությունը: Կորոնավիրուսի համավարակը սպանել երգչի մասնագիտությունը, կարծում է նա:
Աղբյուր՝ ria.ru
Օգոստոսի 19-ին զինվորական ծառայության անվտանգության կանոնների պահպանման արդյունավետության բարձրացման նպատակով 4-րդ զորամիավորման զորամասերից մեկում բացազատվել են ուսումնական կետեր, զինծառայողների հետ անցկացվել են անվտանգության կանոնների պահպանման վերաբերյալ հրահանգավորումներ:
Աղբյուր՝ ՀՀ ՊՆ
81-ամյա Լոուն, ով հայտնել է, որ ունի Ալցհեյմեր և անոթային դեմենցիա, առաջին խաղացողը չէ, ով պարզել է, որ տառապում է գլխուղեղի դեգեներատիվ հիվանդությամբ: Նրա նախկին թիմակից սըր Բոբի Չարլթոնը ևս անցած տարի ախտորոշվել էր այս հիվանդությամբ: «Սա հեշտ ճանապարհ չէ հատկապես այն մարդկանց համար, ովքեր ձեզ ամենաշատն են սիրում»,- ասել է Լոուն:
Աղբյուր՝ bbc.com
Օգոստոսի 19-ին 3-րդ զորամիավորման զորամասերում հանդիսավոր միջոցառումներով մեկնարկել է 2021 ուսումնական տարվա երկրորդ կիսամյակը։ Ուսումնական նոր փուլի մեկնարկի հանդիսավոր արարողություններին հաջորդել են մարտավարաշարային պարապմունքները։
Աղբյուր՝ ՀՀ ՊՆ
Տեղական ոստիկանությունը հայտնել է, որ հինգշաբթի օրը Պակիստանի կենտրոնում շիա մահմեդականների շքերթի ժամանակ ուժեղ պայթյունի հետևանքով զոհվել է առնվազն երեք և վիրավորվել ավելի քան 50 մարդ: Հարձակումը տեղի է ունեցել արեւելյան Փենջաբ նահանգի Բահավալնագար քաղաքում:
Աղբյուր՝ apnews.com
Կարատեն, որն իր նորամուտը նշեց Տոկիոյի օլիմպիական խաղերում, դուրս մնաց ծրագրից: Բեյսբոլը և սոֆթբոլը նույնպես հանվել են ցուցակից: Նրանց փոխարեն կհայտնվի բրեյք դանսը: Փարիզի Օլիմպիական խաղերը տեղի կունենան 2024 թվականի հուլիսի 26-ից օգոստոսի 11-ը:
Աղբյուր՝ sport-express.ru
Լևանդովսկին, ով շաբաթ օրը դառնում է 33 տարեկան, երջանիկ է «Բավարիայում», բայց ցանկանում է մինչև 35 տարեկանը տեղափոխվել եվրոպական մեկ այլ բարձրակարգ ակումբ: Սակայն ակումբը նրան գնահատել է ավելի քան 100 մլն ֆունտ: Լեհ հարձակվողը հասկանալիորեն հիասթափված է վաճառքի նրանց դժկամությունից, բայց դժվար թե ինչ-որ բան անի, որը կվնասի ակումբի հետ իր լավ հարաբերություններին:
Աղբյուր՝ skysports.com
Ռեժիսոր Ջերեմի Գարելիկը սկսել է «Սպանություն զբոսանավի վրա» կատակերգական դետեկտիվի շարունակության մշակումը: Ֆիլմում կրկին կնկարահանվեն Ջենիֆեր Էնիսթոնը և Ադամ Սենդլերը: Նկարահանումները տեղի կունենան Ֆրանսիայում եւ Կարիբյան ծովում:
Աղբյուր՝ kulturomania.ru
Այսօր նշվում է Մարդասիրության համաշխարհային օրը: «Ավրորան» գրասենյակ է բացել Արցախի մայրաքաղաք Ստեփանակերտում՝ ավելի արդյունավետ դարձնելու տեղում «Ավրորայի» մարդասիրական գործունեությունը, ամրապնդելու տարածաշրջանում իր ներկայությունը եւ նպաստելու Արցախի դիրքերի ամրապնդմանը միջազգային ասպարեզում։
Աղբյուր՝ «Ավրորա» մարդասիրական նախաձեռնություն
Երկուշաբթի օրը Զաքի Անվարին մեկն էր նրանցից, ովքեր փորձում էին փախչել երկրից՝ կառչելով ամերիկյան C-17A ինքնաթիռի շասսիից:
Աղբյուր՝ tass.ru
Օդաչու 19-ամյա Զառա Ռուտերֆորդը չորեքշաբթի օրը դուրս եկավ երեք ամսյա թռիչքի՝ դառնալու ամենաերիտասարդ կինը, ով միայնակ շուրջերկրյա թռիչք է կատարել:
Աղբյուր՝ reuters.com
Օգոստոսի 28-ից մեկշաբաթյա դասընթացներ կանցկացվեն Արցախում, որը հնարավորություն կտա արցախցիներին ձեռք բերել սոցիալական բիզնես հմտություններ: Ծրագրին կմասնակցեն Արցախում բնակվող, ԱՀ քաղաքացիություն ունեցող 18-ից 49 տարեկան անձինք, ովքեր կլրացնեն դիմում-հայտը և կանցնեն բանավոր հարցազրույցի փուլը:
Աղբյուր՝ Սոցիալական Ձեռներեցների դպրոց
Ուզբեկստանը Չինաստանի հետ համատեղ ծրագրեր է նախատեսում զենքի, ռազմական տեխնիկայի և տեխնոլոգիաների ոլորտում: Երկրի Ռազմական արդյունաբերության պետական կոմիտեն մտադիր է չինական տեխնոլոգիաները ներգրավել համատեղ նախագծերում, հայտնում է նախարարության մամուլի ծառայությունը:
Աղբյուր՝ eadaily.com
Ջեյմս Բոնդի 53-ամյա աստղը, որի կարողությունը կազմում է մոտ 116 մլն ֆունտ (160 մլն դոլար), ասել է, որ իր կարծիքով փողը ժառանգելը «զզվելի է», և նա հույս ունի «բաժանել» իր միլիոնների մեծ մասը: Քրեյգն ունի երկու դուստր:
Աղբյոր՝ dailymail.co.uk
Իսրայելն այժմ պահանջում է, որ երեք տարեկանից բարձր անձը ցույց տա պատվաստման ապացույց կամ Covid-19-ի բացասական թեստ՝ նախքան փակ տարածքներ մտնելը: Ռեստորանները, սրճարանները, թանգարանները, գրադարանները, մարզադահլիճներն ու լողավազաններն այն վայրերից են, որոնք ընդգրկված են «Green Pass» համակարգում: Այնուամենայնիվ, խանութներ կամ առևտրի կենտրոններ այցելելու համար անձեռնմխելիության ապացույց անհրաժեշտ չէ:
Աղբյուր՝ bbc.com
Ուկրաինայի նախագահ Վլադիմիր Զելենսկիի և ԱՄՆ նախագահ Ջո Բայդենի հանդիպումը օգոստոսի 30-ից հետաձգվել է օգոստոսի 31-ին՝ կապված ուկրաինական պետության ղեկավարի այցի ծրագրի ընդլայնման հետ, որն այժմ նախատեսում է պետությունների ղեկավարների դեմ առ դեմ բանակցություններ:
Աղբյուր՝ tass.ru
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
