Կարճ լուրեր
Կատալոնական «Բարսելոնայի» ղեկավարությունը ցանկանում է, որ 2021/22 մրցաշրջանում ոչ ոք չվերցնի տասներորդ համարը, որի տակ հանդես էր գալիս Լիոնել Մեսսին, հաղորդում է Diario Sport-ը: Նշվում է, որ անհրաժեշտության դեպքում այն կտրվի ակադեմիայի երիտասարդ սանի:
Աղբյուր՝ gazeta.ru
Ամերիկացի զինվորականները կարող են Աֆղանստանում մնալ օգոստոսի 31-ից հետո`ամերիկացիներին տարհանելու համար, չորեքշաբթի հայտարարել է նախագահ Ջո Բայդենը: Իսկ Պենտագոնը հայտարարել է, որ ամերիկյան բանակը ներկայումս հնարավորություն չունի կապ հաստատել Քաբուլի օդանավակայանից դուրս գտնվող մարդկանց հետ:
Աղբյուր՝ reuters.com
Չորեքշաբթի Ռիգայի կենտրոնում մի քանի հազար մարդ բողոքի ցույց է անցկացրել «ընդդեմ կորոնավիրուսի դեմ ստիպողական պատվաստումների»: Ավելի վաղ Լատվիայի նախարարների կաբինետը որոշել էր, որ պատվաստումը կդառնա պարտադիր բժշկական, սոցիալական, կրթական և այլ հաստատություններում:
Աղբյուր՝ interfax.ru
Աֆղանստանի նախագահ Աշրաֆ Ղանին ապաստան է գտել Արաբական Միացյալ Էմիրություններում, հայտնում է Պարսից ծոցի երկիրը: ԱՄԷ-ի ԱԳՆ-ն հայտարարել է, որ երկիրը ընդունել է Ղանիին և նրա ընտանիքին մարդասիրական հիմունքներով:
Աղբյուր՝ bbc.com
Տարեսկզբից Կիեւում գրանցվել է հազվագյուտ եւ վտանգավոր հիվանդության ՝ դիրոֆիլարիոզի երեք դեպք: Հիվանդությունը տարածվում է մոծակի խայթոցի միջոցով, և հարուցում են մակաբույծները՝ Դիրոֆիլարիայի (Dirofilaria) կլոր հելմինտները, որոնք ազդում են ինչպես մարդկանց, այնպես էլ կենդանիների վրա: Հելմինտները կարող են մաշկի տակ մինչև 30 սանտիմետր տեղաշարժվել: Մկաբույծից ազատվել հնարավոր է միայն վիրահատական միջամտությամբ:
Աղբյուր՝ ria.ru
Սքարլեթ Յոհանսոնն այժմ երկու երեխաների մայր է: «Սև այրու» աստղը վերջերս որդի է լույս աշխարհ բերել՝ Կոսմոյին: Այս մասին ամուսինը՝ «Saturday Night Live» հաղորդման աստղ Քոլին Ջոսթը չորեքշաբթի հայտնել է Instagram-ում: Սա զույգի առաջին երեխան է, ովքեր ամուսնացել էին անցած հոկտեմբերին: 36-ամյա Յոհանսոնն ունի նաև 6-ամյա դուստր՝ Ռոուզը, Ռոմեն Դորիաքի հետ նախկին ամուսնությունից:
Աղբյուր՝ apnews.com
Պրոֆեսոր, բժշկական գիտությունների դոկտոր Աննա Բոգոլեպովան խորհուրդ է տալիս վարել առողջ ապրելակերպ, որը կպաշտպանի ոչ միայն դեմենցիայից, այլև բազմաթիվ այլ առողջական խնդիրներից: Պետք է խուսափել գլխի վնասվածքներից, քանի որ դրանց պատճառով դեմենցիայի զարգացման ռիսկը մեծանում է 3,5 անգամ; կարգավորել քաշը և բարելավել կրթության մակարդակը: Աղքատ գիտելիքներ ունեցող մարդիկ ունեն մեծ տարիքում Ալցհեյմերի զարգացման ավելի բարձր մակարդակ:
Աղբյուր՝ gazeta.ru
2004 թվականի Օլիմպիական խաղերի հաղթող, Վրաստանի իշխող «Վրացական երազանք» կուսակցության նախկին պատգամավոր, ձյուդոիստ Զուրաբ Զվիադաուրին ձերբակալվել է սպանության մեղադրանքով: 40-ամյա Զվիադաուրիին սպառնում է մինչեւ 15 տարվա ազատազրկում: Ողբերգական եռակի սպանությունը տեղի է ունեցել նախորդ երեկոյան, Թելավի մունիցիպալիտետի Ծինանդալ գյուղի մոտ (Կախեթի մարզ):
Աղբյուր՝ newsgeorgia.ge
Շաբաթ օրը Հայիթիում տեղի ունեցած հզոր երկրաշարժի հետևանքով զոհերի թիվը հասել է առնվազն 1,941-ի: Փրկարարներին հաջողվել է 34 մարդու ողջ դուրս բերել փլատակների տակից, սակայն շատերը դեռ անհետ կորած են 7,2 մագնիտուդ ուժգնությամբ երկրաշարժից հետո: Մոտ 10 000 մարդ վիրավորվել է:
Աղբյուր՝ bbc.com
Հարավային Կարոլինայի Օկոնի շրջանի բնակիչ Հարրի Չեյզ Քոբլ կրտսերը ձերբակալվել է ձիու առեւանգման համար, որին նա փորձել է թաքցնել իր ննջասենյակում: Օգոստոսի 9-ին հարևանները տեսել են տղամարդուն ձիուն հեծնած, որին հետո նա տուն է մտցրել: Նրանք կասկածել են, որ Հարրին գողացել է կենդանուն և հայտնել այդ մասին ոստիկանությանը: Ջուբիլի անունով կենդանին անվնաս և ապահով վերադարձվել է տիրոջը:
Աղբյուր՝ korrespondent.net
Օգոստոսի 18-ին ՊՆ խաղաղապահ բրիգադում անցկացվել է 2021 թվականի երկրորդ կիսամյակի ուսումնական փուլի բացման հանդիսավոր արարողությունը։ Խաղաղապահ բրիգադի հրամանատարը զինծառայողներին մաղթել է անվտանգ ծառայություն, հրահանգել է լինել զգոն և պատասխանատու, բարձր առաջադիմությամբ կատարել առաջադրված խնդիրները։
Աղբյուր՝ Պաշտպանության նախարարություն
Այս մասին երեքշաբթի զեկույցում ներկայացրել է ՄԱԿ-ի ատոմային դիտորդը, հայտնում է Reuters-ը: Այս քայլը լարվածություն է առաջացնում Արևմուտքի հետ, թեև երկու կողմերն էլ ձգտում են վերսկսել բանակցությունները Թեհրանի միջուկային գործարքի վերականգնման շուրջ:
Մյասնիկյան պողոտայում և Աճառյան փողոցում մեկնարկել է Երևանի քաղաքային լուսավորության ծրագիրը: Կփոխվեն, կամրացվեն լուսավորության հենասյուները, առկա լուսատուներն էլ կփոխարինվեն էներգախնայող LED տիպի լուսատուներով: Հաղորդուղիները կանցկացվեն ստորգետնյա՝ պլաստիկ խողովակաշարերով: Աշխատանքներն ընդգրկում են 28 փողոց: Ծրագիրն իրականացվում է ՎԶԵԲ վարկային, Արևելյան Եվրոպայի էներգախնայողության և շրջակա միջավայրի գործընկերություն (E5P) դրամաշնորհային միջոցներով:
Աղբյուր՝ Երևանի քաղաքապետարանի աշխատակազմի լրատվության վարչություն
Հոլիվուդյան դերասանուհի Սքարլեթ Յոհանսոնը լքել է «Դիսնեյի» նախագծերը և մասնակցություն կունենա ռեժիսոր Ուես Անդերսոնի նոր ֆիլմում: Ֆիլմի նկարահանումները կանցկացվեն Իսպանիայում: Կինոնկարի անվանումն ու սյուժեն դեռ չեն բացահայտվել, միայն հայտնի է, որ նախագծի դերասանական կազմում են նաև Թոմ Հենքսը, Թիլդա Սուինթոնը, Մարգոտ Ռոբին, Էդրիեն Բրոուդին:
Աղբյուր՝ kulturomania.ru
Երեքշաբթի Կալիֆոռնիայի անտառային հրդեհների ճգնաժամը սրվեց, երբ ուժգին քամիները բորբոքեցին նահանգի ամենամեծ հրդեհը, առանձին, ավելի փոքր կրակից բոցերը մղեցին դեպի գյուղական լեռնային համայնք և առաջացրեցին էլեկտրականության նախազգուշական լայնածավալ անջատումներ: Կալիֆոռնիայի պատմության արդեն երկրորդ ամենախոշորը դարձած «Դիքսի» հրդեհը այրել է 604,000 ակր տարածք:
Աղբյուր՝ france24.com
Օգոստոսի 22-ին Երևանի պետական կամերային թատրոնում կկայանա Հասմիկ Տեր-Կարապետյանի մոնո-ներկայացումը: Այն կպատմի հայ մեծանուն դերասանուհի Արուսյակ Փափազյանի վերելքի, հաղթանակի ու ողբերգության մասին: Ներկայացման սկիզբը՝ 20:00-ին:
Աղբյուր՝ toms.am
Դե Նիրոն ռոմանտիկ լուրերի առիթ է ստեղծել՝ իր 78-ամյակը Ֆրանսիայում նշելիս: Երեքշաբթի ֆրանսիական Eden Roc հյուրանոցից նավով զբոսանքի դուրս եկած դերասանին նկատել են առեղծվածային կնոջ հետ: Նրանք քայլել են ձեռք ձեռքի տված:
Աղբյուր՝ foxnews.com
«Թալիբան» արմատական շարժման անդամները կրակ են բացել Նանգարհար նահանգում Աֆղանստանի ազգային դրոշին աջակցող ցույցի մասնակիցների վրա, «ՌԻԱ Նովոստիին» հայտնել է աղբյուրը՝ տեղի բնակիչներից: Կան զոհեր և վիրավորներ:
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
