Կարճ լուրեր
Նիկ Քեյվը և նրա Bad Seeds խմբի ընկեր Ուորեն Էլիսը ձայնագրել են Մերիլին Մոնրոյի մասին ֆիլմի սաունդթրեքը: Կինոժապավենը կկոչվի «Շիկահեր». Ֆիլմի ռեժիսորն է Էնդրյու Դոմինիկը: Այն հիմնված է Ջոյս Քերոլ Օութսի նույնանուն վեպի վրա։ «Շիկահեր» ֆիլմի թողարկումը նախատեսվում է 2022 թվականին:
Աղբյուր՝ ria.ru
ԱՄՆ-ը սառեցրել է Աֆղանստանի կենտրոնական բանկին պատկանող գրեթե 9,5 միլիարդ դոլարի ակտիվները և դադարեցրել է կանխիկ միջոցների մատակարարումը երկիր՝ փորձելով կանխել Թալիբանի ղեկավարած կառավարությանը հասանելիությունը այդ փողերին, երեքշաբթի հաստատել է վարչակազմի ներկայացուցիչը:
Աղբյուր՝ aljazeera.com
«Բարսելոնայի» և Դանիայի հավաքականի հարձակվող Մարտին Բրեյտուեյտը կշարունակի հանդես գալ կապտանռնագույնների համար՝ նոր պայմանագրի ստորագրման պայմանով: Հարձակվողը վստահ է, որ արժանի է աշխատավարձի բարձրացման, քանի որ Լիոնել Մեսսիի հեռանալուց հետո նա դարձել է մեկնարկային կազմի խաղացող, տեղեկացնում է Mundo Deportivo-ն: Եթե պայմանների վերանայում տեղի չունենա, դանիացին Բարսելոնայից կխնդրի խզել պայմանագիրը:
Աղբյուր՝ gazeta.ru
Հետազոտողների պնդմամբ՝ հալման պատճառը կլիմայի փոփոխությունն է. 1990-ականների կեսերից Քեբնեկաիսեն կորցրել է ավելի քան 20 մետր բարձրություն:
Աղբյուր՝ theguardian.com
Ռազմական փորձագետ Սուն Չժունպինի խոսքերով, որոնք մեջբերում է Global Times-ը, զորավարժությունները ուղղված կլինեն Չինաստանի ժողովրդաազատագրական բանակի (ՉԺԱԲ) զորքերի՝ բազմաթիվ տեսակների և ձևերի կողմից կղզու վրա հարձակման գործնական նախապատրաստմանը:
Աղբյուր՝ tass.ru
Ըստ բժիշկների՝ ասպիրինը կարող է օգնել պայքարել կրծքի ագրեսիվ քաղցկեղի դեմ՝ դժվար բուժվող ուռուցքները ավելի զգայուն դարձնելով քաղցկեղի դեմ դեղամիջոցների նկատմամբ: Մանչեսթերում գտնվող Christie NHS Foundation Trust-ի թիմը սկսում է փորձարկում կրծքագեղձի եռակի բացասական քաղցկեղով հիվանդների համար: Կենդանիների վրա ուսումնասիրություններն արդեն հուսադրող արդյունքներ ցույց են տվել:
Աղբյուր՝ bbc.com
Երեքշաբթի երեք մարդ զոհվել է, երբ թուրքական օդուժը հարվածել է Իրաքի հյուսիս-արևմուտքում գտնվող կլինիկային, հայտնում են անվտանգության և բժշկական աղբյուրները: Անկարան պարբերաբար թիրախավորում է այս տարածաշրջանը քուրդ անջատողականների դեմ գործողությունների ժամանակ:
Աղբյուր՝ france24.com
Ժելեզնոգորսկի քաղաքային խորհրդի պատգամավոր Անդրեյ Զակալինը մահացել է, երբ ընկել է Կամչատկայի Կլյուչևսկայա Սոպկա հրաբուխից: Այս մասին հայտարարել է Կրասնոյարսկի երկրամասի օրենսդիր ժողովի նախագահի տեղակալ Ալեքսեյ Կուլեշը:
Աղբյուր՝ ria.ru
Արեւմտյան Գերմանիայում տեղի ունեցած ջրհեղեղները ի հայտ են բերել Երկրորդ համաշխարհային պատերազմի տարիների 350 կիլոգրամ զինամթերք: Վտանգավոր գտածոներում գերակշռում են փամփուշտները, նռնակներն ու հրատեխնիկան: Զինամթերքն արդեն ոչնչացվել է:
Աղբյուր՝ korrespondent.net
Ճապոնիայում մահացել է Սուդոկու թվերով գլուխկոտրուկը հրատարակած և հայտնի դարձրած Մակի Քաջին: Նա մահացել է քաղցկեղից օգոստոսի 10-ին 69 տարեկանում:
Աղբյուր՝ interfax.ru
«Գրեյս» փոթորկի պատճառած հորդառատ անձրևների պատճառով դժվարացել են փրկարարական աշխատանքները Հայիթիում: Երկրաշարժի հետևանքով անօթևան մնացած տասնյակ հազարավոր մարդիկ ստիպված են որոշում կայացնել՝ փոթորիկին դիմակայել բարակ բրեզենտնե վրաններու՞մ, թե՞ ռիսկի դիմել`վերադառնալով տները, որոնք վնասվել էին ցնցումից: Իսկ զոհերի թիվը հասել է 1,419-ի:
Աղբյուր՝ bbc.com
Անհայտ անձինք հրդեհ են բռնկել Կաստելպորցիանոյի արգելոցի տարածքում, որտեղ գտնվում է Իտալիայի ղեկավար Սերջիո Մատարելլայի ամառային նստավայրը: Ինչպես հայտնում է ANSA գործակալությունը, չարագործների գործողությունների հետևանքով որոշ թփեր ու ծառեր են այրվել:
Աղբյուր՝ tass.ru
«Ռոման» հայտարարություն է տարածել, որում նշել է, որ Աբրահամը կնքել է հնգամյա պայմանագիր, և որ «Չելսին» «կպահպանի հարձակվողի մասնակցությամբ հետագա տրանսֆերային արժեքի տոկոսի իրավունքը»: Իտալական ԶԼՄ-ները հայտնում են, որ 23-ամյա ֆուտբոլիստը, ով կրելու է 9 համարի մարզաշապիկը, յուրաքանչյուր մրցաշրջանում կվաստակի 4,5 միլիոն եվրո:
Աղբյուր՝ france24.com
Թալիբները կոչ են արել աֆղան պաշտոնյաներին վերադառնալ իրենց աշխատավայրեր և հանգիստ աշխատել:
Աղբյուր՝ dw.com
Նոր թիմի կազմում 20-ամյա պաշտպանը վարձավճարով հանդես կգա «Օսասունայում» 2021/22 մրցաշրջանում: Մանու Սանչեսը «Ատլետիկոյի» սան է 2014 թվականից ի վեր և երկարաձգել է պայմանագիրն ակումբի հետ մինչև 2025 թվականը:
Աղբյուր՝ sport-express.ru
Ավելի քան 6000 կղզիները, որոնք կազմում են Ճապոնական արշիպելագը, համալրվել են ևս մեկով: Գիտնականները հայտնել են, որ ստորջրյա հրաբխի ժայթքումը Տոկիոյից 1200 կմ դեպի հարավ ստեղծել է նոր ցամաքային զանգված: Մինամի Իոտոյից 50 կմ հարավ ընկած, կիսալուսնի տեսքով ցամաքային այդ զանգվածը, հնարավոր է, անհետանա էրոզիայի պատճառով:
Աղբյուր՝ theguardian.com
Վրաստանում վերջին մեկ օրվա ընթացքում հայտնաբերվել է կորոնավիրուսի 6208 դեպք, ինչը նոր ռեկորդ է դարձել համավարակի սկզբից ի վեր, երեքշաբթի՝ օգոստոսի 17-ին, հաղորդել է երկրի առողջապահության նախարարությունը: Նշվում է, որ COVID-19-ի յուրաքանչյուր 13-րդ թեստը դրական արդյունք է ցույց տվել:
Աղբյուր՝ korrespondent.net
Նորագույն թեթև ռազմատրանսպորտային «Իլ-112 Վ» (Il-112V) ինքնաթիռը վթարի է ենթարկվել Կուբինկա օդակայանի մոտակայքում: Ինքնաթիռում եղել է երեք մարդ: Նախնական տվյալներով՝ ոչ ոք ողջ չի մնացել:
Աղբյուր՝ tass.ru
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
