Կարճ լուրեր
Մալայզիայի վարչապետը և նրա կառավարությունը երկուշաբթի հրաժարական տվեցին՝ երկիրը ներքաշելով նոր քաղաքական ցնցումների մեջ՝ կորոնավիրուսի լուրջ բռնկման դեմ պայքարում: 74-ամյա Մուհյիդին Յասինի պաշտոնավարման բուռն շրջանը ավարտվեց այն բանից հետո, երբ դաշնակիցները հրաժարվեցին աջակցությունից և ձախողվեց իշխանությանը կառչած մնալու վերջին փորձը: Նա դարձավ Մալայզիայի պատմության մեջ ամենակարճ պաշտոնավարած վարչապետը:
Աղբյուր՝ france24.com
2021 թ․ հոկտեմբերի 1–ից 2022 թ․ մարտի 31–ը Դուբայում կայանալիք «Expo2020Dubai»-ի շրջանակում կանցկացվի «Արտադրված է Հայաստանում» (“Made in Armenia”) քառօրյա ցուցահանդեսը, որին կարող են մասնակցել հայկական ընկերություններն ու արտադրողները։
Աղբյուր՝ dubai2020.am
Ուզբեկստանի Սուրխանդարիա մարզի Շերաբադ շրջանում կործանվել է Աֆղանստանի ռազմաօդային ուժերի նույնականացման նշաններով օդանավը: Երկու աֆղան զինծառայողներ հոսպիտալացվել են Շտապ բժշկական օգնության հանրապետական գիտական կենտրոնի Թերմեզ մասնաճյուղում:
Աղբյուր՝ gazeta.ru
Նաոմի Օսական խոստացել է հաջորդ շաբաթվա Western & Southern Open-ի իր եկամուտը նվիրաբերել` աջակցելու երկրաշարժի օգնության աշխատանքներին Հայիթիում՝ Կարիբյան ծովի երկրում, որտեղ ծնվել է իր հայրը:
Աղբյուր՝ reuters.com
Կանադայում սեպտեմբերի 20-ին կանցկացվեն արտահերթ խորհրդարանական ընտրություններ: Ջասթին Թրյուդոն ձգտում է հասնել օրենսդիր մարմնի մեծամասնությանը:
Աղբյուր՝ dw.com
Նախագահ Ջո Բայդենը Կոնգրեսում բախվեց հանրապետականների կոշտ քննադատությանը, երբ կիրակի օրը «Թալիբան» շարժման գրոհայինները ներխուժեցին Քաբուլ, ինչը գագաթնակետն էր միամսյա հարձակման, որն սկիզբ առավ այն բանից հետո, երբ ԱՄՆ-ն այս տարի սկսեց դուրս բերել իր զորքերը:
Աղբյուր՝ nbcnews.com
Աֆղանստանում Ռուսաստանի դեսպան Դմիտրի Ժիրնովը երեքշաբթի կհանդիպի Թալիբանի ղեկավարության համակարգողի հետ՝ քննարկելու Ռուսաստանի դեսպանատան անվտանգության ապահովման հարցը: Դեսպանը կապի մեջ է Թալիբանի ղեկավարության ներկայացուցիչների հետ, ասել է ՌԴ նախագահի՝ Աֆղանստանի հարցերով հատուկ ներկայացուցիչ Զամիր Կաբուլովը:
Աղբյուր՝ tass.ru
Գործարար մագնատ և ընդդիմության առաջնորդ Հակաինդե Հիչիլեման հաղթող ճանաչվեց Զամբիայի նախագահական թեժ ընտրություններում՝ հաղթելով գործող նախագահ Էդգար Լունգուին: Երկուշաբթի օրը ներկայացված պաշտոնական արդյունքները ցույց տվեցին, որ 156 ընտրատարածքներից 155-ի տվյալներով Հիչիլեման ստացել է 2,810,757 ձայն՝ Լունգուի 1,814,201 ձայնի դիմաց:
Աղբյուր՝ aljazeera.com
Էստոնիայի նախագահ Կերստի Կալյուլայդը երկուշաբթի օրը հայտարարել է երկրորդ ժամկետով առաջադրվելու պատրաստակամության մասին: Նախագահական ընտրությունները երկրում պետք է անցկացվեն օգոստոսի 10-ից սեպտեմբերի 29-ի ընթացքում:
Աղբյուր՝ tass.ru
Մոնիտորի մոտ և գաջեթներով աշխատելիս տեսողությունը պահպանելու համար պետք է 15-20 րոպե ընդմիջումներ կատարել, օգտագործել հակաբրազային էկրան և խոնավեցնող աչքի կաթիլներ, ինչպես նաև շատ հատապտուղ և կանաչի ուտել: ՌԻԱ Նովոստիին խորհուրդ են տվել «Սբեռզդոռովյե» ծառայության բժիշկները:
Երուսաղեմի արվարձանում գտնվող մի քանի գյուղերի բնակիչներ կիրակի օրը տարհանվել են մոտակայքում անտառային մեծ հրդեհի պատճառով, հայտնում է Իսրայելի ոստիկանությունը: Հրդեհը սպառնում էր Երուսաղեմից արևմուտք գտնվող Բեյթ Մեյր, Շոևա, Կիսալոն, Գուվաթ Յերիմ և Ռամատ Ռազիել գյուղերին, ասվում է ոստիկանության հաղորդագրության մեջ:
Աղբյուր՝ france24.com
Բրիտանիայում գրաֆիտի ոճի նկարիչ Բենքսիի նոր աշխատանքներից մեկը փչացրել են: Դա տեղի է ունեցել անմիջապես հետո այն բանից, երբ վարպետը հաստատել է, որ հեղինակն ինքն է, հաղորդում է Sky News-ը: Խոսքը գրաֆիտիի մասին է, որում առնետը կոկտեյլով պառկած է շեզլոնգին: Չարագործին բռնել են:
Աղբյուր՝ gazeta.ru
Պատմության լավագույն ռմբարկուներից մեկը՝ Մյուլերը, Արևմտյան Գերմանիայի հավաքականի կազմում անցկացրած 62 խաղում խփել է 68 գոլ, այդ թվում՝ 1974 թվականի աշխարհի առաջնության հաղթական գոլը Հոլանդիայի ընտրանու դարպասին: Նա նաև 547 գոլ է խփել Բունդեսլիգայի «Բավարիա»-ում 15 տարվա ընթացքում անցկացրած 594 մրցութային խաղերում:
Աղբյուր՝ bbc.com
Թուրքիայի Սև ծովի ափին գտնվող Կաստամոնու, Սինոպ և Բարթըն նահանգներում տեղատարափ անձրևից աձաջացած ջրհեղեղների և սելավների հետևանքով զոհերի թիվը հասել է 64-ի: Այս մասին կիրակի օրը հայտարարել է Թուրքիայի արտակարգ իրավիճակների և աղետների կառավարման մարմինը (AFAD):
Աղբյուր՝ ria.ru
Հայիթիի հիվանդանոցները կիրակի օրը ողողվել են հազարավոր վիրավորներով, նախօրյակին տեղի ունեցած ավերիչ երկրաշարժից հետո, որի հետևանքով զոհվել է առնվազն 1,297 մարդ: Շաբաթ օրը տեղի ունեցած 7,2 մագնիտուդ ուժգնությամբ երկրաշարժը ավերել է հազարավոր տներ և շենքեր Կարիբյան ավազանի երկրներից մեկում, որը դեռ պայքարում էր 11 տարի առաջ տեղի ունեցած մեկ այլ երկրաշարժի հետևանքների դեմ:
Աղբյուր՝ france24.com
Ֆրանսիայի հավաքականի կենտրոնական պաշտպան Ռաֆայել Վարանը, չորսամյա պայմանագիր կնքելուց հետո, շաբաթ օրը ավարտեց իր տեղափոխությունը «Մանչեսթեր Յունայթեդ»՝ մոտ 56 մլն դոլարով:
Աղբյուր՝ sportstar.thehindu.com
Դերասանուհի Էմմա Սթոունը պայմանագիր է կնքել «Քրուելա»-ի երկրորդ մասի նկարահանումների համար: Այս մասին հայտնում է Deadline-ը: Շարունակության թողարկման ամսաթիվը դեռ հայտնի չէ:
Աղբյուր՝ gazeta.ru
Թուրքիայի Սև ծովի ափին գտնվող Կաստամոնու և Սինոպ նահանգներում ջրհեղեղների և սելավների հետևանքով զոհերի թիվը հասել է 44-ի: Այս մասին շաբաթ օրը հայտարարել է արտակարգ իրավիճակների և բնական աղետների կառավարման վարչությունը (AFAD):
Աղբյուր՝ ria.ru
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
