Կարճ լուրեր
ՀՀ ՍԱՏՄ Երևանի կենտրոնի տեսուչները կրկնակի ստուգմամբ պարզել են, որ «Գոլդեն Չոյս» ՍՊԸ-ին պատկանող մսամթերքի արտադրությունում շտկվել են նախորդիվ հայտնաբերված սանիտարահիգիենիկ նորմերի բոլոր խախտումները: Վերացվել է նաև Շիրակի մարզում գործող երկու ընկերությունների՝ «Արթ-Հեստել» ՍՊԸ-ին պատկանող կրեմային հրուշակեղենի և անհատ ձեռնարկատեր Աստղիկ Անանյանին պատկանող լիմոնադի արտադրամասերի կասեցումը:
Աղբյուր՝ ՀՀ ՍԱՏՄ
Էստրադային կատարող Ֆիլիպ Կիրկորովն իր անձնական բլոգում արխիվային լուսանկար է հրապարակել ծնողների հետ՝ հոր՝ Բեդրոս Կիրկորովի ծննդյան օրը: Ռուսաստանի և Բուլղարիայի ժողովրդական արտիստը 90 տարեկան է: "Իմ հերո՜սը: Իմ հա՜յրը: Իմ հոբելյա՜րը: Այսօր նա 90 տարեկան է: 90!!! Ամբողջ ընտանիքի հպարտություն, մենք քեզ անսահման սիրում ենք»,- հրապարակավ շնորհավորել է երգիչը հոբելյարի ծննդյան տարեդարձը:
Աղբյուր՝ gazeta.ru
Անցած ամսվա ընթացքում Ճգնաժամային կառավարման ազգային կենտրոնի «911» ծառայությունում ստացվել է 54.121 զանգ, նախորդ տարվա նույն ժամանակահատվածի 50.010-ի դիմաց: Հակահրդեհային ազդարարման համակարգերով սպասարկվել է 493 ահազանգ, որից 469-ը վերաբերել են հրդեհի առաջացմանը կամ դրա սպառնալիքին: հաշվետու ժամանակահատվածում հանրապետությունում գրանցվել է 690 արտակարգ դեպք և պատահար, որից միայն 215-ը վերաբերել են հրդեհներին, իսկ 311-ը՝ ՃՏՊ-ներին:
Աղբյուր՝ ՀՀ ԱԻՆ
Չորեքշաբթի Plos One ամսագրում հրապարակված ուսումնասիրությունը լրացուցիչ ապացույցներ է տալիս այն մասին, որ շներին իսկապես հնարավոր է վարժեցնել՝ Covid-ի հայտնաբերման համար: Հետազոտության ընթացքում փորձարկված շները ճշգրիտ հայտնաբերել են դրական դեպքերի 97 տոկոսը՝ մարդու քրտինքի նմուշները հոտոտելուց հետո: Այսպիսով, նրանք ավելի ճշգրիտ արդյունք են ապահովել, քան հակագենային թեստերը:
Աղբյուր՝ nbcnews.com
«Վենդետա. Ատլանտայի ավազակախմբերը» մարտաֆիլմ-թրիլլերը պատմում է, թե ինչպես է ծովային հետևակի նախկին ծառայող Ուիլյամը կորցնում դստերը, ով դարձել էր փողոցային ավազակախմբերի բախման պատահական զոհ: Մինչ ոստիկանությունը անգործության է մատնված, Ուիլյամը որոշում է ինքնուրույն պարզել կատարվածը, իսկ հետո գտնել և պատժել չարագործներին: Սակայն հետո պարզվում է, որ մեղավորը խոշոր մաֆիոզի որդի է, ուստի Ուիլյամը հայտնվում է ավազակախմբերի միջև առճակատման կենտրոնում:
Աղբյուր՝ ria.ru
Առնվազն երկու մարդ անկարգություններ են առաջացրել Լոնդոնում անցկացվող ռազմական շքերթում, որով հինգշաբթի մեկնարկել է Եղիսաբեթ II-ի պլատինե հոբելյանի տոնակատարությունները: Նրանք վազելով դուրս են եկել շքերթին մասնակցող զինվորականների առաջ, պառկել գետնին և հեռուստատեսային նկարներ ցույց տվել: Տղամարդկանցից մեկը դրոշ էր բռնել, մինչ ոստիկանները հեռացնում էին տղամարդկանց, որոնցից մյուսի գլխին ոսկե թագ է եղել:
Աղբյուր՝ reuters.com
Չորեքշաբթի ՄԱԿ-ի մեկ խաղաղապահ է սպանվել, ևս երեքը վիրավորվել են՝ Մալիի հյուսիսում գտնվող Քիդալ քաղաքում նրանց ավտոշարասյան վրա «ահաբեկչական հարձակման» հետևանքով, հայտնում է Մալիում ՄԱԿ-ի առաքելությունը (MINUSMA): Տուժածները առաքելության Հորդանանի զորամիավորման անդամներն են, առանձին ասել է անվտանգության պաշտոնյան՝ անանուն մնալու պայմանով:
Աղբյուր՝ france24.com
«Լիվերպուլի» կիսապաշտպան Տիագո Ալկանտարան չի կարողանա մասնակցել Ազգերի լիգայում Իսպանիայի հավաքականի հունիսյան հանդիպումներին: Այս մասին հայտնում է անգլիական ակումբի պաշտոնական կայքը: 31-ամյա ֆուտբոլիստը լքել է ազգային հավաքականը մկանային վնասվածքի պատճառով:
Աղբյուր՝ sport-express.ru
24 ժամվա ընթացքում առանձին միջադեպերի արդյունքում երեք պաղեստինցի է սպանվել իսրայելական ուժերի կողմից:
Աղբյուր՝ aljazeera.com
ԿԺԴՀ իշխանությունները վերահսկում են Փհենյանում կորոնավիրուսի տարածման հետ կապված իրավիճակը, մայրաքաղաքում հանվել են մայիսի 12-ին սահմանված գրեթե բոլոր սահմանափակումները: Այս մասին հինգշաբթի ՏԱՍՍ-ին հայտնել են Հյուսիսային Կորեայում ՌԴ դեսպանատանը: Կորեական կողմը չի դիմել Մոսկվային՝ կորոնավիրուսի դեմ ռուսական պատվաստանյութերի մատակարարման խնդրանքով:
Լյարդի բջիջների նորացման շնորհիվ օրգանի տարիքը միջինում չի գերազանցում երեք տարին, պարզել են Գերմանիայի Դրեզդենի տեխնոլոգիական համալսարանի մոլեկուլային կենսաբանները: «Անկախ նրանից՝ դուք 20, թե 84 տարեկան եք, ձեր լյարդը միջինում ապրում է երեք տարուց մի փոքր պակաս»,- նշել են աշխատանքի հեղինակները: Ընդ որում, լյարդի բջիջների նորացումը տեղի է ունենում տարբեր արագությամբ՝ դրա մի փոքր մասը կարող է «ապրել» մինչև 10 տարի:
Աղբյուր՝ gazeta.ru
Վահրամ Դումանյանի մայրը՝ Հասմիկ Հայրապետյանը, «Քիմիա» առարկայի ուսուցչուհի էր: Հոգեհանգիստը տեղի կունենա հունիսի 3-ին՝ ժամը 18:00-ին, Կոնդի Սբ. Հովհաննես եկեղեցում, հուղարկավորությունը՝ հունիսի 4-ին՝ «Զոլեր» սգո սրահից:
Աղբյուր՝ ՀՀ ԿԳՄՍ նախարարության մամուլի քարտուղար
Մարդաբանության և պատմության ազգային ինստիտուտի տվյալներով՝ հնագետները Մեքսիկայի հարավ-արևելքում գտնվող ավերակներում հայտնաբերել են մոտավորապես 1300 տարվա հնություն ունեցող քանդակ, որը պատկերում է մայաների եգիպտացորենի աստծո գլուխը: Արտեֆակտը հայտնաբերվել է Պալենկեում՝ արևելքից արևմուտք ուղղված, «որը խորհրդանշում է եգիպտացորենի բույսի ծնունդն արևի առաջին ճառագայթներով», - ասվում է երեքշաբթի տարածված հայտարարության մեջ:
Աղբյուր՝ france24.com
Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ սույն թվականի հունիսի 1-ից Վրաստանի հայոց թեմի առաջնորդական տեղապահ Հոգեշնորհ Տ․ Կիրակոս վարդապետ Դավթյանը նշանակվել է Վրաստանի հայոց թեմի առաջնորդ։
Աղբյուր՝ Մայր Աթոռ Սուրբ Էջմիածին Տեղեկատվական համակարգ
Երևանում անցկացվող միջոցառման բացմանը մասնակցել են նաև Զբոսաշրջության համաշխարհային կազմակերպության գլխավոր քարտուղար Զուրաբ Պոլոլիկաշվիլին, ՀՀ էկոնոմիկայի նախարար Վահան Քերոբյանը, Հունաստանի տուրիզմի փոխնախարար Սոֆիա Զաչարակին, այլք: Հայաստանն ընտրվել է կազմակերպության գործադիր խորհրդի անդամ 2021-2025թթ. ժամանակահատվածի համար:
Աղբյուր՝ Փոխվարչապետ Համբարձում Մաթևոսյան գրասենյակ
Ավարտվեց Շակիրայի և Ժերար Պիկեի սիրո գեղեցիկ պատմությունը, որին ամբողջ աշխարհը հետևում էր ավելի քան 11 տարի: Ինչպես հայտնում է El Periodico-ն, 45-ամյա երգչուհին դավաճանության մեջ է բռնացրել կատալոնական «Բարսելոնայի» հայտնի պաշտպանին: Ըստ ԶԼՄ-ների՝ 35-ամյա Պիկեն արդեն տեղափոխվել է իր հին բնակարանը, որտեղ այժմ միայնակ է ապրում: Սակայն ֆուտբոլիստը չի նեղսրտում և արդեն ակտիվորեն այցելում է գիշերային ակումբներ «Բարսելոնայի» մեկ այլ խաղացողի՝ Ռիկի Պուչի հետ:
Աղբյուր՝ vesti.ru
Ջադա Փինքեթ Սմիթը «Red Table Talk»-ում խոսել է 2021 թվականի «Օսկար» մրցանակաբաշխության ժամանակ ստեղծված իրավիճակի մասին, երբ նրա ամուսին Ուիլ Սմիթը բռունցքով հարվածեց Քրիս Ռոքին: «Այժմ Օսկարի գիշերվա մասին: Ես իսկապես հուսով եմ, որ այս երկու խելամիտ տղամարդիկ հնարավորություն կունենան խոսելու այս մասին և հաշտության գալու»,- ասել է Փինքեթ Սմիթը:
Աղբյուր՝ gazeta.ru
Չորեքշաբթի Օկլահոմայում հրացանով և ատրճանակով զինված տղամարդը կրակ է բացել բժշկական շենքում, ինչի հետևանքով չորս մարդ է սպանվել, հայտնում է ոստիկանությունը: Զինված տղամարդը նույնպես մահացել է, ըստ երևույթին, ինքն իրեն հասցված վնասվածքից: Այս մասին Սուրբ Ֆրանցիսկոս հիվանդանոցի մոտ լրագրողներին հայտնել է Թալսայի փոխոստիկանապետ Էրիկ Դալգլիշը:
Աղբյուր՝ aljazeera.com
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
