Կարճ լուրեր
«30-ը «Բարսելոնայում» իմ ունեցած առաջին համարն էր: Այսքան տարի անց, տեղափոխվելով «ՊՍԺ», ես ունեմ կյանքում ինչ-որ նոր բանի միևնույն զգացումը»,- ասել է Մեսսին Ֆրանսիայի փոխչեմպիոնի մամուլի ծառայությանը տված հարցազրույցում: Հետաքրքիր է, որ Լիգա 1-ում 30 թիվը հատկացվում է դարպասապահներին: Սակայն լիգայի ղեկավարությունը բացառություն է արել, որպեսզի Մեսսին ընտրի այս թիվը:
Աղբյուր՝ gazeta.ru
Ռուսաստանը 1,1 մլն դոլար է հատկացրել Տաջիկստանին՝ Աֆղանստանի հետ սահմանին սահմանապահ ուղեկալներ կառուցելու համար: Այս մասին հինգշաբթի՝ օգոստոսի 12-ին, հայտարարել է Ռուսաստանի Դաշնության արտաքին գործերի նախարարի տեղակալ Օլեգ Սիռոմոլոտովը:
Աղբյուր՝ iz.ru
Արքայական ընտանիքի մեծ երկրպագուն՝ Ջերի Լեյթոնը, աճուրդում գնել է արքայազն Չարլզի և արքայադուստր Դիանայի հարսանեկան տորթի կտորը՝ զույգի հարսանիքից ավելի քան 40 տարի անց: Ջնարակի և մարցիպանի հիմքով մեծ կտորը զարդարված է շքեղ արքայական զինանշանով՝ ոսկե, կարմիր, կապույտ և արծաթագույն գույներով: Այն հանձնվել էր Մայր թագուհու աշխատակցուհի Մոյա Սմիթին, ով պահպանել էր պատառը պոլիէթիլենային թաղանթի մեջ և թվագրել 1981 թվականի հուլիսի 29-ով:
Աղբյուր՝ theguardian.com
Պատրիկ Ուիդդեն անունով ամերիկացին TikTok է նկարել, որում նա դիմել է Քանյե Ուեսթին և ասել, որ ինքը սոված կմնա այնքան ժամանակ, մինչև երաժիշտի նոր «Donda» ալբոմը չհայտնվի հանրային տիրույթում:
Աղբյուր՝ gazeta.ru
11-մետրանոց հարվածաշարում «Չելսին» 6: 5 հաշվով հաղթեց «Վիլյառեալին» և երկրորդ անգամ բարձրացրեց ՈւԵՖԱ-ի սուպերգավաթը`Բելֆաստում անցկացրած խաղից հետո: Սա առաջին անգամն էր, որ Սուպերգավաթը անցկացվեց Հյուսիսային Իռլանդիայում, և 13,000 հանդիսատես ֆանտաստիկ մթնոլորտ ստեղծեց հարավային Բելֆաստի մարզադաշտում, որը երկրում որևէ սպորտային իրադարձության ամենաբարձր այցելությունն էր Covid-19 համաճարակի բռնկումից ի վեր:
Աղբյուր՝ bbc.com
Կամչատկայի երկրամասի տարածքում ընկել է զբոսաշրջիկներով լի Մի-8 ուղղաթիռ, հայտնել են ՌԴ արտակարգ իրավիճակների ծառայությունները «ՌԻԱ Նովոստի»-ին: Գործակալության զրուցակցի խոսքով՝ օդանավում եղել է 16 մարդ, որոնցից ութը ողջ են մնացել:
ԱՄՆ-ում մահացել է ռեժիսոր Ալֆրեդ Հիչքոքի միակ դուստրը՝ Պատրիսիա Հիչքոկը: Ռեժիսոր Ալֆրեդ Հիչքոքի և նրա կնոջ՝ սցենարիստ Ալմա Ռևիլի դուստրը մահացել է 93 տարեկան հասակում, հայտնել է The Hollywood Reporter-ը:
Աղբյուր՝ kulturomania.ru
Մադրիդի «Ռեալի» պաշտպան Վիկտոր Չուստը վարձակալվել է «Կադիսի» կողմից, հայտնում է ակումբի պաշտոնական կայքը: 21-ամյա իսպանացու հետ վարձակալության պայմանագիրը նախատեսված է մինչև 2021/22 մրցաշրջանի ավարտը՝ առանց գնման իրավունքի:
Աղբյուր՝ sport-express.ru
Հնդկաստանի հյուսիսային Հիմաչալ Պրադեշ նահանգում առնվազն երկու մարդ զոհվել է, տասնյակ մարդիկ՝ հայտնվել սողանքի փլատակների տակ: Ոստիկանությունն ու տեղական իշխանությունները սկսել են փրկարարական աշխատանքները, հայտարարել է Հիմաչալ Պրադեշ նահանգի գլխավոր նախարար Ջայրամ Թակուրը:
Աղբյուր՝ bbc.com
Լեհաստանը ուժեղացնում է Բելառուսի հետ սահմանի պաշտպանությունը՝ անօրինական միգրանտների թվի ավելացման պատճառով, չորեքշաբթի լրագրողներին հայտնել է երկրի կառավարության մամուլի քարտուղար Պյոտր Մյուլերը:
Աղբյուր՝ ria.ru
Հնդկաստանի կառավարությունը խորհուրդ է տվել Աֆղանստանում գտնվող հնդիկ քաղաքացիներին շտապ վերադառնալ հայրենիք՝ նախքան այդ պետությունից առևտրային թռիչքների դադարեցումը: Առաջարկությունը վերաբերում է Աֆղանստանում տնտեսական օբյեկտների շինարարությամբ զբաղվող հնդկական ընկերությունների աշխատակիցներին, ինչպես նաև այդ երկրում գտնվող հնդիկ լրագրողներին:
Աղբյուր՝ eadaily.com
Գերմանիայի դաշնային դատախազները հայտնել են, որ տղամարդը՝ նշված որպես Դեյվիդ Ս., Աշխատել է Բեռլինում Բրիտանիայի դեսպանատանը: Նա, ըստ պնդումների, «առնվազն մեկ անգամ» փաստաթղթեր է փոխանցել ռուսական հետախուզությանը՝ «անհայտ գումարի» դիմաց: Տղամարդը ձերբակալվել է երեքշաբթի Բեռլինից քիչ հեռուգտնվող Պոթսդամ քաղաքում, իսկ նրա տունն ու աշխատավայրը խուզարկվել են: Ձերբակալությունը կատարվել է բրիտանա-գերմանական համատեղ հետաքննության արդյունքում:
Աղբյուր՝ bbc.com
Սև ծովում նավթի արտահոսքի տարածքը, պարզվել է, հարյուր հազարավոր անգամ ավելի մեծ է, քան նախկինում հաղորդվում էր: Այս մասին հայտնել են ռուս գիտնականները՝ արբանյակային պատկերները վերլուծելուց հետո: Միջադեպը տեղի էր ունեցել Նովոռոսիյսկի մերձակայքում օգոստոսի 7-ին՝ հունական Minerva Symphony նավթատարի վրա նավթի մղման ժամանակ:
Աղբյոր՝ ria.ru
Չինական դատարանը չորեքշաբթի մեղավոր ճանաչեց կանադացի գործարար Մայքլ Սփավորին լրտեսության մեջ և դատապարտեց 11 տարվա ազատազրկման: Օտտավայում և Վաշինգտոնում դա դիտարկվեց որպես Պեկինի հետ ավելի լայն դիվանագիտական բախումների մի մաս: Նրա դատավճիռը կայացվում է այն ժամանակ, երբ Կանադայում չինական հեռահաղորդակցության հսկա Huawei-ի գլխավոր ֆինանսական ներկայացուցչի փաստաբանները վերջին ջանքերն են գործադրում համոզելու այնտեղի դատարանին` նրան չհանձնել ԱՄՆ-ին:
Աղբյուր՝ france24.com
Իտալական Սիցիլիա կղզում գտնվող Էթնա հրաբուխը ժայթքումներից հետո բարձրության նոր ռեկորդ է սահմանել: Եվրոպայի ամենաբարձր գործող հրաբուխը մեծացել է իր չափերով՝ հասնելով ծովի մակարդակից 3357 մետրի: Էթնա լեռը ժայթքել էր օգոստոսի 9 -ի գիշերը:
Աղբյուր՝ korrespondent.net
«ՊՍԺ»-ն, հարձակվող Լիոնել Մեսսիի տրանսֆերի մասին հայտարարությունից հետո, իր պաշտոնական կայքում բացեց արգենտինացու անունով շապիկների վաճառքը: Մեկ ժամ անց վաճառվեցին բոլոր 250 հազար մարզաշապիկները, այդ թվում՝ արտագնա մարզաշապիկը, որոնց մեջքի հատվածում գրված է Մեսսի ազգանունը: Ֆուտբոլիստը հանդես կգա «30» համարի ներքո:
Աղբյուր՝ sport-express.ru
Ալժիրի կառավարությունը երեքշաբթի օրը հայտարարել է, որ հրկիզողներն են պատասխանատու տասնյակ անտառային հրդեհների համար, որոնց հետևանքով զոհվել է 42 մարդ, այդ թվում՝ 25 զինծառայող, որոնք տեղակայված էին կրակը մարելու համար: Ավերվել են մայրաքաղաքից արևելք ընկած տները: Երեքշաբթի օրը Տիզի Ուզուի շրջանի անտառում բռնկված հրդեհներից ծխեր են բարձրացել: Բնակիչները օգտագործել են ծառերի ճյուղերը և պլաստիկե տարաներով ջուր են լցրել`փորձելով հնարավորինս մարել կրակը:
Աղբյուր՝ reuters.com
«Ես շատ էի ուզում խաղալ այստեղ, բայց հիմա որոշում կայացնելու պահն է, և, ցավոք, սա իմ կայացրած որոշումն է: Ինչպես գիտեք, ինձ մի քանի ամիս անհանգստացնում է այս վնասվածքը»,- մեջբերում է Նադալի խոսքերը մրցաշարի Twitter-ի էջը: Ավելի վաղ Վաշինգտոնում կայացած մրցաշարում իսպանացին 1/8 եզրափակչում պարտվել էր հարավաֆրիկացի Լլոյդ Հարիսին:
Աղբյուր՝ sport-express.ru
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
