Կարճ լուրեր
«Թալիբան» շարժման զինյալները սպանել են աֆղանական ռադիոկայանի ղեկավարին Քաբուլում և լրագրող են առեւանգել հարավային Հիլմենդ նահանգում, երկուշաբթի հայտարարել են տեղական իշխանությունների պաշտոնյաները՝ հաղորդելով լրատվամիջոցների աշխատակիցների վրա վերջին հարձակումների մասին:
Աղբյուր՝ reuters.com
Վրաստանի Ներքին գործերի նախարարության Հասարակական անվտանգության կառավարման 112 կենտրոն հաղորդում է ստացվել, որ Գարդաբանիի Գրեսի ջրանցքի մոտակայքում՝ Քուռ գետում ձկնորսություն կատարող անձին հոսանքը քշել է և անհետացել ջրի մեջ: Փրկարարների ինտենսիվ աշխատանքների արդյունքում՝ հրշեջ-փրկարարները Գրեսի ջրանցքի մոտակայքում գտել են մեկ մարդու դի: Մարմինը դուրս է բերվել, և ընտանիքի անդամները ճանաչել են նրան:
Աղբյուր՝ 1tv.ge
Պայթյունը տեղի է ունեցել Լիպեցկի Նովոլիպեցկի մետալուրգիական գործարանի արտադրամասի կցակառույցում: Այս մասին ՏԱՍՍ-ին հայտնել է արտակարգ իրավիճակների ծառայությունների աղբյուրը «Առավոտյան 09: 59-ին Նովոլիպեցկի մետալուրգիական կոմբինատի թթվածնի բաշխման կետում պայթյուն է տեղի ունեցել: Տանիքը հրդեհվել է: Տուժածներ չկան»,- հավելել է աղբյուրը:
Աղբյուր՝ tass.ru
Աֆղանստանի զինվորականները լայնածավալ գործողություն են իրականացրել Քանդահար, Հերաթ, Հիլմենդ, Պակտիա և այլ նահանգներում: Ինչպես հայտնում է հանրապետության պաշտպանության նախարարությունը Twitter-ում, մեկ օրում ոչնչացվել է «Թալիբան» արմատական շարժման 679 զինյալ, ևս 161 մարդ վիրավորվել է:
Աղբյուր՝ ria.ru
Երկրի արևելքում ութամյա հինդու տղան պահվում է ոստիկանական բաժանմունքում, այն բանից հետո, երբ նա դարձավ երկրի ամենաերիտասարդ մարդը, ում երբևէ մեղադրանք է ներկայացվել անարգանքի համար: Տղայի ընտանիքը թաքնվում է: Պահպանողական Ռահիմ Յար Խան շրջանի հինդուական համայնքից շատերը լքել էին իրենց տները, երբ մահմեդական ամբոխը հարձակվել էր հինդուիստական տաճարի վրա՝ անցյալ շաբաթ տղայի գրավով ազատ արձակվելուց հետո: Տղան մեղադրվում է մեդրեսեի գրադարանի գորգի վրա, որտեղ պահվում են կրոնական գրքեր, դիտավորյալ միզելու համար:
Աղբյուր՝ theguardian.com
Մուրմանսկ-Ադլեր գնացքից հոսպիտալացված երեխաների թիվը հասել է 91-ի: Անցյալ շաբաթ օրը 19 երեխա և երկու ուղեկցող անձինք, ովքեր ուղևորվում էին Կարելիայից, աղիքային վարակի նշաններով Մուրմանսկ-Ադլեր գնացքից հոսպիտալացվել են Կրասնոդարի երկրամասի հիվանդանոցներ: Հաջորդ օրը հոսպիտալացվածների թիվը հասել էր 87-ի:
Աղբյուր՝ tass.ru
13 ամսվա ինտենսիվ բուժումից հետո Սինգապուրի հիվանդանոցից դուրս է գրվել երեխան, որը համարվում էր աշխարհում ամենափոքրը: Կվեկ Յու Սուանը ծնվելիս ընդամենը 212 գրամ էր, և նրա հասակը՝ 24 սմ: Աղջիկը ծնվել է ընդամենը 25 շաբաթականում, ինչը միջին 40-ից շատ չափասազնց քիչ է: Նախորդ ռեկորդակիրը մի աղջիկ էր ԱՄՆ-ից, որը 2018 թվականին ծնվել էր 245 գ քաշով: Յու Սուանն այժմ շատ ավելի առողջ քաշ ունի՝ 6,3 կգ:
Աղբյուր՝ bbc.com
Ամերիկացի հայտնի գրողը, որին անվանում են «Սարսափների արքա», մտադիր է նոր վեպ գրել: Գրքի իրադարձությունները կպատմեն կորոնավիրուսի մասին: Կիրակի՝ օգոստոսի 8-ին, գրողն այս մասին հայտարարել է Վուպի Գոլդբերգի հետ The View թոք շոուի եթերում: Թե ինչ ժանրում է գրվելու նոր վեպը և որտեղ են տեղի ունենալու իրադարձությունները, Քինգը չի հստակեցրել:
Աղբյուր՝ korrespondent.net
Խարթումի որոշումը կայացվեց մի քանի օր անց այն բանից հետո, երբ Ադիս Աբեբան մերժեց Սուդանի առաջարկը՝ միջնորդել Տիգրեյում ընթացող հակամարտությանը:
Աղբյուր՝ aljazeera.com
Չինաստանի Ուհան քաղաքի իշխանությունները կիրակի ավարտեցին գրեթե ամբողջ բնակչության COVID-19-ի թեստավոումները՝ թեստ է հանձնել ավելի քան 11,28 միլիոն բնակիչ, հայտնում է «Սինհուա» գործակալությունը՝ վկայակոչելով տեղական իշխանություններին: Քաղաքի վարչակազմը երեքշաբթի հայտարարել էր բոլորին թեստավորելու մասին, երբ վարակի մի քանի նոր դեպք էր հայտնաբերվել: թեստավոումները տևեցին հինգ օր: Մինչ շաբաթ օրը հայտնաբերվել է 37 հաստատված դեպք, ինչպես նաև վարակի 41 ասիմպտոմատիկ կրող:
Աղբյուր՝ ria.ru
Կալիֆոռնիայի հյուսիսում դեռ մոլեգնող հրդեհը այժմ նահանգի պատմության մեջ երկրորդն է, հայտարարել են պաշտոնյաները կիրակի օրը, երբ հրդեհը ոչնչացրել է պատմական մի քաղաք և ստիպել տարհանել հազարավոր մարդկանց այդ տարածքից: Անտառային հրդեհն այժմ ընդգրկում է 187,562 հեկտար տարածք և միայն 21 տոկոսն է վերահսկված: Հրդեհի բռնկման պատճառների հետաքննությունը շարունակվում է: Այն այժմ տարածվել է Տեխասի Հյուսթոն քաղաքից ավելի մեծ տարածքով:
Աղբյուր՝ aljazeera.com
Քոեն եղբայրները հնարավոր է այլևս երբեք միասին չաշխատեն այն բանից հետո, երբ «Օսկար» մրցանակի արժանացած դուետից մեկը որոշեց, որ «այլևս չի ցանկանում ֆիլմեր նկարել», այս մասին հայտարարել է նրանց վաղեմի կոմպոզիտորը: Զարմանք առաջացավ անցյալ տարի այն բանից հետո, երբ աստատվեց, որ Ջոել Քոենը միայնակ կզբաղվի առաջիկա «Մակբեթի ողբերգությունը» ֆիլմով, որի գլխավոր դերակատարներն են Դենզել Վաշինգտոնը և Ֆրենսիս ՄակԴորմանդը: Ֆիլմն առաջինն է, որտեղ Ջելը և նրա եղբայրը՝ Իթանը, միասին չեն աշխատել:
Աղբյուր՝ independent.co.uk
Ուկրաինայում օգոստոս ամսին ձյուն է տեղացել: Օդեսա-Նիկոլաև ավտոճանապարհին տեղումներ են եղել անձրևի, կարկուտի և ձյան տեսքով: Ձյունը, ականատեսների վկայությամբ, արագ հալվել է: Վատ եղանակի պատճառով նաեւ բազմաթիվ ծառեր է տապալվել:
Աղբյուր՝ korrespondent.net
Ուզբեկստանի իշխող լիբերալ-դեմոկրատական կուսակցությունը մտադիր է հոկտեմբերի 24-ին կայանալիք ընտրություններում թեկնածու առաջադրել նախագահ Շավթաթ Միրզիյոևին: Ակնկալվում է, որ 64-ամյա Միրզիյոևը կառաջադրվի երկրորդ ժամկետով և կհաղթի, սակայն մինչ այժմ նա ոչ մի մեկնաբանություն չի արել իր ծրագրերի վերաբերյալ: Նա իշխանության է եկել 2016 թվականին՝ Կենտրոնական Ասիայի նախկին խորհրդային առաջնորդ և առաջին նախագահ Իսլամ Քարիմովի մահից հետո:
Աղբյուր՝ reuters.com
Թաիլանդի ոստիկանությունը շաբաթ արցունքաբեր գազ և ռետինե փամփուշտներ է կիրառել Բանգկոկում՝ ընդդեմ վարչապետ գեներալ Պրայուտ Չան Օչայի կառավարության դեմ ցուցարարների: Շաբաթ օրը Բանգկոկում բողոքի ցույց է անցկացվում Թաիլանդի կառավարության դեմ, որը, ընդդիմության կարծիքով, թույլ է տվել և շարունակում է թույլ տալ բազմաթիվ սխալներ՝ կորոնավիրուսի համավարակի դեմ պայքարում:
Աղբյուր՝ ria.ru
Աշխատանքային քննարկմանը տնտեսվարողները նախ ներկայացրել են իրենց հուզող խնդիրները, մասնավորապես՝ օրենսդրական կարգավորումների, ԵԱՏՄ որոշումների կատարման, էքսպրես-բեռների տեղափոխման ընթացակարգի վերաբերյալ և այլն: Օրակարգում էր նաև հասցեատիրոջ բացակայության դեպքում առաքանիների ժամանակավոր պահպանության ժամկետի ավարտվելու պարագայում դրանց հետագա տնօրինման հարցը: Քննարկվել է նաև առանձին (մասնագիտացված) մաքսային հսկողության գոտի ստեղծելու հնարավորության հարցը։
Աղբյուր՝ ՊԵԿ տեղեկատվության և հասարակայնության հետ կապերի բաժին
Իսրայելական բանակը հայտարարել է, որ շաբաթ օրը Իսրայելի ինքնաթիռները ռմբակոծել են Գազայի հատվածում «Համաս»-ի տարածքները` ի պատասխան պաղեստինյան անկլավից արձակված պայթուցիկներով փուչիկների: Հարձակման հետևանքով զոհերի և ավերածությունների մասին հայտարարություններ չեն եղել:
Աղբյուր՝ aljazeera.com
Իտալական հայտնի ապրանքանիշը դատական հայց է ներկայացրել ամերիկացի թոփ մոդել Քենդալ Ջեների դեմ՝ պայմանագրի պայմանները խախտելու համար, հայտնում է «ELLE»-ն: Ըստ պարբերականի՝ հայցը ներկայացվել է Մանհեթենի ԱՄՆ շրջանային դատարանում: Բողոքի տեքստում նշվում է, որ Քարդաշյան քույրերից կրտսերը՝ Ջեները, պետք է նկարահանվեր երկու ֆոտոսեսիայում: Սակայն նա մասնակցել է դրանցից միայն մեկին՝ երկրորդին այդպես էլ չներկայանալով: ինչպես նշված է հայցադիմումում, Ջեներին վճարվել էր 1,35 մլն դոլար:
Աղբյուր՝ ria.ru
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
