Կարճ լուրեր
Հեռվից անապատի կիզիչ արևից այրված սև ժայռերն արտահայտիչ չեն թվում: Սակայն մոտիկից բազալտը բացահայտում է ընձուղտի, ջայլամի և այծքաղի փորագրություններ, որոնք արվել են 7000 տարի առաջ: Ջիբութիի հյուսիսում քարի վրա փորագրված այս գլուխգործոցները՝ հնագիտական ժառանգությամբ հարուստ և մարդկության օրրան Աֆրիկյան եղջյուրի ժայռափոր արվեստի ամենակարևոր նմուշներից են:
Աղբյուր՝ france24.com
Օգոստոսի 6-ին, Երևանի երկաթուղային կայարանում, ներկայացվեցին երկու նոր ԷՊ2Դ էլեկտրագնացքներ, որոնք Հարավկովկասյան երկաթուղին գնեց ռուսաստանյան «Տրանսմաշհոլդինգ» ընկերությունից: Էլեկտրագնացքները կսպասարկեն ներհանրապետական ուղերթները դեպի Գյումրի և Երասխ, ինչը զգալիորեն կբարձրացնի փոխադրումների հարմարավետության մակարդակը: Այսպիսով, ՀԿԵ-ն ունի արդեն 4 նոր շարժակազմ, և արդիականացման ծրագիրը հետևողականորեն իրականացվում է:
Աղբյուր՝ «Հարավկովկասյան երկաթուղի»
Աշխարհի նախկին առաջին ռակետ շվեյցարացի Ռոջեր Ֆեդերերը ծնկի վնասվածքի պատճառով չի մասնակցի Տորոնտոյի և Ցինցինատիի (ԱՄՆ) մրցաշարերին, հայտնում է Պրոֆեսիոնալ թենիսիստների ասոցիացիայի կայքը (ATP): Մրցաշարը Տորոնտոյում կանցկացվի օգոստոսի 9-15-ը, Ցինցինատիում՝ օգոստոսի 15-22-ը: Ավելի վաղ Ֆեդերերը բաց էր թողել Տոկիոյի Օլիմպիական խաղերը՝ ծնկի վնասվածքի պատճառով:
Աղբյուր՝ rsport.ria.ru
«Թալիբաններից չորս հարյուր վեց ահաբեկիչ ոչնչացվել, ևս 209-ը վիրավորվել են վերջին մեկ օրվա ընթացքում աֆղանական բանակի ռազմական գործողությունների արդյունքում»,- Twitter-ում հայտնել է Աֆղանստանի պաշտպանության նախարարությունը: Աֆղանստանի զինված ուժերը գործողություններ են իրականացրել 17 նահանգներում, այդ թվում՝ Կանդահարում, Հերաթում և Հիլմենդում:
Աղբյուր՝ ria.ru
Ջո Բայդենը հինգշաբթի ժամանակավոր «ապահով ապաստան» է առաջարկել Միացյալ Նահանգներում ոնկոնգի բնակիչներին՝ թույլ տալով հազարավոր մարդկանց երկարաձգել երկրում իրենց մնալը, ի պատասխան Չինաստանում ժողովրդավարության դեմ Պեկինի ճնշումների: Բայդենը հանձնարարել է Ներքին անվտանգության նախարարությանը իրականացնել «արտաքսման հետաձգում» մինչև 18 ամսով ԱՄՆ-ում գտնվող Հոնկոնգի բնակիչների համար՝ հղում անելով «արտաքին քաղաքականության հիմնավոր պատճառներին»:
Աղբյուր՝ reuters.com
Հեռուստադիտողներին «Մումիա» եռագրությունում իր գլխավոր դերով հայտնի Բրենդեն Ֆրեյզերը միացել է Մարտին Սկորսեզեի «Ծաղկի լուսնի սպանողներ» քրեական դրամայի դերասանական կազմին: Նա հանդես կգա փաստաբանի դերում: Ֆիլմը, որը հիմնած է Դևիդ Գրանի համանուն բեսթսելլեր գրքի վրա, պատմում է 1920-ականներին Օկլահոմայում (ԱՄՆ) կատարվող իրադարձությունների մասին: Սպասվում է, որ դրաման էկրան կբարձրանա 2022 թվականին:
Աղբյուր՝ ria.ru
Լիոնել Մեսսին չի մնա ակումբում «ֆինանսական և կառուցվածքային խոչընդոտների պատճառով»: 34-ամյա Մեսսին ազատ գործակալ էր հուլիսի 1-ից, երբ ավարտվեց պայմանագրի ժամկետը: Երկու շաբաթ անց նա համաձայնեց ակումբի հետ աշխատավարձի նվազեցման վերաբերյալ նոր պայմանագրի կնքմանը, սակայն դա կախված էր այն բանից, որ «Բարսան» վաճառելու էր ֆուտբոլիստների` նրա աշխատավարձը ապահովելու համար: «Երկու կողմերն էլ խորապես ափսոսում են, որ ֆուտբոլիստի և ակումբի ցանկությունները, ի վերջո, չեն կատարվի»,- հայտնել է ակումբը:
Աղբյուր՝ bbc.com
Իսրայելը 15 հրշեջներից բաղկացած խումբ է ուղարկում Հունաստան՝ անտառային հրդեհների մարման աշխատանքներին օգնելու համար: Այս մասին ուրբաթ օրը հաղորդել է հրեական պետության արտաքին գործերի նախարարության մամուլի ծառայությունը: Հունաստանում արդեն 10 օր է անոմալ շոգ է: Ջերմաչստիճանը տեղ-տեղ բարձրացել է մինչեւ 47 աստիճան: Արդյունքում, ամեն օր տասնյակ անտառային հրդեհներ են տեղի ունենում ամբողջ երկրում:
Աղբյուր՝ tass.ru
NBA կենտրոնական խաղացող էնես Քանթերը հինգշաբթի խոստացավ շարունակել իր պայքարը Թուրքիայի նախագահ Թայիփ Էրդողանի և նրա ռեժիմի կողմից մարդու իրավունքների խախտումների դեմ, չնայած տեղեկանալով, որ կառավարությունը իրեն ձերբակալելու 9 օրդեր է տվել: Թուրք դատախազները փորձել են ձերբակալել բասկետբոլիստին՝ զրպարտության և ահաբեկչության համար, ասվում է հուլիսի 12-ին Nordic Monitor-ի կողմից հրապարակված փաստաթղթերում, որը հաղորդում է Էրդողանի կառավարության և այլոց կողմից կատարված չարաշահումների մասին:
Աղբյուր՝ reuters.com
Պեկինի միջազգային կինոփառատոնի կազմակերպիչները հետաձգել են այն Չինաստանի շատ շրջաններում կորոնավիրուսային վարակի նոր բռնկումների պատճառով, ասվում է WeChat-ում փառատոնի պաշտոնական օգտահաշվում: Կազմակերպիչները դեռ չեն հայտնել, թե որքան ժամանակով է հետաձգվել միջոցառումը:
Աղբյուր՝ ria.ru
Երեք երեխաներ առյուծների կողմից սպանվել են Տանզանիայի աշխարհահռչակ Նգորոնգորո բնական արգելոցի մոտակայքում՝ կորած անասուններին փնտրելիս: Ըստ Արուշայի ոստիկանության պետ Ջասթին Մասեջոյի՝ 9-ից 11 տարեկան հասակի երեխաները երկուշաբթի օրը տուն են վերադարձել և գնացել են Նգորոնգորոյի վայրի բնության արգելոցի մոտ գտնվող անտառ՝ փնտրելու իրենց անհետացած կենդանիներին: «Այդ ժամանակ էլ առյուծները հարձակվել և սպանել են երեք երեխայի՝ վիրավորելով մեկին», - հայտնել է նա:
Աղբյուր՝ theguardian.com
Բրիտանական The Rolling Stones ռոք խմբի երկարամյա թմբկահար Չարլի Ուոթսը բաց կթողնի խմբի այս տարվա աշնանային շրջագայությունը ԱՄՆ-ում՝ վերջին բժշկական միջամտության պատճառով: Համապատասխան հաղորդագրությունը հինգշաբթի օրը խմբի թվիթերյան էջում տեղադրել է 80-ամյա երաժշտի պաշտոնական ներկայացուցիչը: Ինքը ՝ կատարողը, խոստովանել է, որ իր համար հազվադեպ առողջական խնդիրներ է ունի, սակայն վստահեցրել է, որ խոսքը «թեթև վատառողջության» մասին է:
Աղբյուր՝ tass.ru
Օլիմպիական արագավազորդ Քրիստինա Տիմանովսկայան որոշել է փախչել, երբ նրան տանում էին Տոկիոյի օդանավակայան, քանի որ տատիկը նրան ասել էր, որ տուն՝ Բելառուս, վերադառնալն անվտանգ չէ: Վարշավայում հինգշաբթի Reuters-ին տված հարցազրույցում նա հայտնել է, որ իր ընտանիքը մտավախություն ունի, որ նա կուղարկվի հոգեբուժարան, եթե վերադառնա Բելառուս, և որ տատիկը զանգահարել է իրեն և ասել, որ չվերադառնա:
Անգլիայի հավաքականի ֆուտբոլիստ Ջեք Գրիլիշը բիրմինգհեմյան «Աստոն Վիլա»-ից տեղափոխվել է «Մանչեսթեր Սիթի», հայտնում է «քաղաքայինների» կայքը: Գրիիլիշը «Սիթիի» հետ կնքել է վեց տարվա պայմանագիր: Ըստ մամուլի հրապարակումների՝ 25-ամյա կիսապաշտպանի տրանսֆերը կազմել է 100 միլիոն ֆունտ ստեռլինգ, որն ամենախոշոր ներքին տրանսֆերն է անգլիական ֆուտբոլի պատմության մեջ:
Աղբյուր՝ rsport.ria.ru
Հինգշաբթի օրը Տոկիոն հաղորդեց 5,042 նոր օրական կորոնավիրուսի դեպքերի մասին՝ ռեկորդ սահմանելով համավարակի սկսվելուց ի վեր: Վերջին գրանցած թվերի հետ միասին՝ Տոկիոյում դեպքերի ընդհանուր թիվը 236,138 է, ինչը կազմում է երկրի ընդհանուր թվի մոտ մեկ քառորդը: Չորեքշաբթի Ճապոնիան հաղորդեց ավելի քան 14,000 դեպքի մասին, ընդհանուր առմամբ՝ 970,000 դեպք: Հուլիսի կեսերից Տոկիոյում և չորս այլ տարածքներում հայտարարվել է արտակարգ դրություն, որը երկարացվել են մինչև օգոստոսի 31-ը:
Աղբյուր՝ apnews.com
Երկրի հարավ-արեւմուտքում «Բոկո Հարամ» ահաբեկչական խմբավորման գրոհայինների կողմից սպանվել է Չադի առնվազն 24 զինվորական: Զինյալները հարձակվել են Չուկու Տելիա կղզում գտնվող ստորաբաժանման վրա:
Աղբյուր՝ tass.ru
Արագ տարածվող անտառային հրդեհը այրել է տները և հազարավոր մարդկանց ստիպել տարհանվել չորեքշաբթի օրը Հյուսիսային Կալիֆոռնիայի Սակրամենտո քաղաքից հյուսիս-արևելք գտնվող երկու խիտ անտառածածկ շրջաններում՝ առաջացնելով ծխի բարձր շերտ, որը երևում է առնվազն 110 կմ հեռավորության վրա:
Աղբյուր՝ reuters.com
Այսօր՝ օգոստոսի 5-ին, տեղական ժամանակով 17.00-ին, Իրանի Մեջլիսում (խորհրդարան) տեղի կունենա ընտրված նախագահ Իբրահիմ Ռաիսիի երդմնակալության արարողությունը, ժամը 16.30-ից մինչև 19.00-ն կդադարեցվեն թռիչքները երկրի երեք նահանգների օդանավակայաններում: Այս մասին ասվում է Իսլամական Հանրապետության քաղաքացիական ավիացիայի կազմակերպության հայտարարության մեջ, հաղորդում է Mehr գործակալությունը:
Աղբյուր՝ eadaily.com
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
