Կարճ լուրեր
Բեռնատարը հարվածել է ավտոբուսին հյուսիսային Հնդկաստանի Ութար-Պրադեշ նահանգում: Հարյանայից մինչև աշխատանքային միգրանտների հայրենի Բիհար նահանգ ընկած 1,300 կիլոմետրանոց ճանապարհը ընդհատվել է Բարաբանկի շրջանում ավտոբուսի խափանման պատճառով: Բանվորների մի մասը դեռ ավտոբուսում է եղել, իսկ մյուսները՝ դրա կողքին քնած, երբ չորեքշաբթի վաղ առավոտյան տեղի է ունեցել պատահարը: Առնվազն 30 մարդ վնասվածքներով տեղափոխվել են Բարաբանկիի հիվանդանոցներ:
Աղբյուր՝ bbc.com
Ֆրանսիայի Ֆինանսական հանցագործությունների բաժինը երեքշաբթի հայտնեց, որ մեղադրանք է առաջադրել կաբինետի նախկին նախարար հայտնի աջակողմյան Ռաշիդա Դատիին՝ նախկին նախագահ Նիկոլա Սարկոզիի մերձավոր դաշնակցին, Renault-ի նախկին ղեկավար Կառլոս Գոնի հետ գործարքների համար:
Աղբյուր՝ france24.com
Երկրի գլխավոր հրշեջ վարչությունը, որն իրականացնում է նաև Արտակարգ իրավիճակների նախարարության ծառայությունները, հայտնում է, որ հուլիսի 19-ից 25-ը առնվազն 8,122 մարդ է տեղափոխվել հիվանդանոցներ: Դա 1,8 անգամ ավելին է, քան մեկ շաբաթ առաջ: Առնվազն 23 մարդ մահացել է:
Աղբյուր՝ eadaily.com
Տեղական իշխանությունները հայտնում են, որ Չինաստանի Հենան նահանգում հորդառատ անձրևների և ջրհեղեղի պատճառով զոհերի թիվը հասել է 73-ի, աղետի տարածքում գտնվում է ավելի քան 13 միլիոն մարդ: Ըստ տվյալների՝ վտանգավոր շրջաններից իշխանությունները մինչ օրս շտապ տարհանել են ավելի քան 1,47 միլիոն մարդու:
Աղբյուր՝ ria.ru
«Մանչեսթեր Յունայթեդը» հայտարարել է Մադրիդի «Ռեալի» կենտրոնական պաշտպան Ռաֆայել Վարանին ձեռք բերելու համաձայնության մասին: 28-ամյա ֆրանսիացի ֆուտբոլիստի սպասելի ժամանումը հաջորդում է Դոնտմունդի «Բորուսիա»-ից եզրային հարձակվող Ջեյդոն Սանչոյի հետ կնքած պայմանագրին: Իսպանական թիմը նույնպես հաստատեց տրանսֆերային պայմանագիրը: Ֆինանսական մանրամասները չեն բացահայտվել:
Աղբյուր՝ apnews.com
Թալանվել է Փարիզի հայտնի Chaumet ոսկերչական տունը: Կողոպուտը տեղի է ունեցել ուշ կեսօրին՝ երեկոյին մոտ: Զինված անհայտ անձը վերցրել է զարդերը և սկուտերով փախել: Նախնական գնահատմամբ՝ գողացված իրերն արժեն երկու միլիոն եվրո: Նշվում է, որ ավազակության դեմ պայքարի ոստիկանության օպերատիվ խումբը հետաքննություն է սկսել:
Աղբյուր՝ ria.ru
Առնվազն 57 մարդ է զոհվել՝ Լիբիայի ափերի մոտ միգրանտների նավի շրջվելու հետևանքով: Այսպիսով, 2021 թվականին Միջերկրական ծովի կենտրոնական հատվածում զոհվածների ընդհանուր թիվը հասնում է գրեթե 1000-ի՝ չորս անգամ ավելի, քան նախորդ տարվա նույն ժամանակահատվածում: Իտալիայում Միգրացիայի միջազգային կազմակերպության խոսնակ Ֆլավիո դի Ջակոմոյի հաղորդմամբ՝ նավի խորտակումը զոհերի ընդհանուր թիվը հասցրել է 987-ի: Անցյալ տարի՝ 272 է եղել:
Աղբյուր՝ theguardian.com
Հորդառատ անձրևները հեղեղել են Բաթումիի ու հարակից շրջանների փողոցները, զարգացել են սողանքներ: Արտակարգ իրավիճակների կառավարման ծառայությունը ստացել է ավելի քան 100 հաղորդագրություն: Սողանքը ժամանակավորապես փակել է ճանապարհը: Բաթումիի քաղաքապետի խոսքով ՝ տարածքը մաքրվել է, իսկ երթևեկությունն արդեն վերականգնվել է:
Աղբյուր՝ 1tv.ge
Չինաստանը Կուրիլյան կղզիների շուրջ վեճը համարում է Ճապոնիայի և Ռուսաստանի միջև երկկողմ հարաբերությունների խնդիր, հայտարարել է Չինաստանի ԱԳՆ խոսնակ Չժաո Լիցզյանը: Ավելի վաղ Ճապոնիայի արտգործնախարարի մշտական տեղակալ Տակեո Մորին ԱԳՆ էր կանչել ՌԴ դեսպան Միխայիլ Գալուզինին և բողոք ներկայացրել վարչապետ Միշուստինի Կուրիլյան կղզիներ այցի կապակցությամբ: Կրեմլը պատասխանել էր, որ Նախարարների կաբինետի ղեկավարն ինքը կորոշի, թե Ռուսաստանի որ շրջան այցելի:
Աղբյուր՝ ria.ru
Էլեկտրահաղորդման աշտարակները պայթեցնելու հետևանքով մի շարք նահանգներ, ներառյալ՝ Քաբուլը, հոսանքազրկվել են:
Աղբյուր՝ korrespondent.net
Երեքշաբթի օրը պայթյուն է որոտացել Գերմանիայի Լևերկուզեն քաղաքում գտնվող քիմիական նյութերի թափոնների այրման գործարանում: Պայթյունը տեղի է ունեցել առավոտյան ժամը 09: 40-ի սահմաններում՝ «դեռևս անհայտ պատճառներով», հայտնել է «Chempark» արդյունաբերական տարածքի օպերատորը ՝ «Currenta»-ն: Վիրավորներից առնվազն երկուսը գտնվում էին ծանր վիճակում, իսկ չորս աշխատակիցներ անհայտ կորած էին:
Աղբյուր՝ france24.com
Ինդոնեզիան երեքշաբթի օրը 24 ժամվա ընթացքում գրանցեց կորոնավիրուսից մահվան ռեկորդային 2.069 դեպք: Այժմ հարավարևելյան Ասիայի երկրում մահվան ամենամեծ բռնկումն է Covid-19-ի սկզբից ի վեր: Առողջապահության նախարարությունը երեքշաբթի օրը տեղեկացրել է, որ զարհուրելի թվերը գրեթե 600-ով գերազանցում են նախորդ օրվա ցուցանիշը, ինչպես նաև՝ անցյալ շաբաթվա 1566 դեպքերի քանակը: Վարակման նոր դեպքերը ևս աճել են՝ հասնելով 45000-ի, երկուշաբթի օրվա 28000-ի դիմաց:
Աղբյուր՝ france24.com
Showtime-ը «Դեքստեր»-ի նոր սեզոնը կթողարկի նոյեմբերի 7-ին: Գործադիր պրոդյուսեր Քլայդ Ֆիլիպսը խոստացել է, որ նոր էպիզոդները «պայթեցնելու են համացանցը»: Սերիալում գլխավոր դերը կրկին մարմնավորելու է Մայքլ Հոլը: «Dexter: New Blood»-ում խաղում են նաեւ Ջենիֆեր Քարպենտեր, Ջոն Լիթգոուն և այլ դերասաններ:
Աղբյուր՝ kulturomania.ru
Դեպի տիեզերք կատարած իր թռիչքից անմիջապես հետո, Ջեֆ Բեզոսը երկուշաբթի առաջարկել է մարել ՆԱՍԱ-ի մինչև 2 միլիարդ դոլարի ծախսեր, եթե ԱՄՆ տիեզերական գործակալությունը իր Blue Blue Origin ընկերության հետ պայմանագիր կնքի՝ տիեզերանավի ստեղծման համար, որը նախատեսված է տիեզերագնացներին Լուսին ուղարկելու համար:
Աղբյուր՝ theguardian.com
Իրանի հատուկ ծառայությունները երկրի արեւմտյան սահմանին ձերբակալել են «Մոսադ» իսրայելական արտաքին հետախուզական ծառայության մի խումբ զինված գործակալների, հայտնել է «Ֆարս» լրատվական գործակալությունը՝ վկայակոչելով Իրանի տեղեկատվության նախարարության հակահետախուզության վարչության պետին: Նշվում է, որ հայտնաբերվել են ատրճանակներ, նռնակներ, որսորդական և այլ տեսակի հրացաններ ու զինամթերք:
Աղբյուր՝ ria.ru
Երկամարտում նա ցույց տվեց 205 կգ / 95 կգ +110 կգ / և զբաղեցրեց 7-րդ տեղը: Առաջին եռյակում տեղ գտան հաջորդաբար Սին Չուն Կուոն / Չինաստանի Տայպեյ /, Պոլինա Գուրևան / Թուրքմենիա/ և Միկիկո Անդոհը / Ճապոնիա /: Հայաստանի ծանրամարտի երկրորդ պատվիրակ, օլիմպիական փոխչեմպիոն, աշխարհի ու Եվրոպայի կրկնակի ոսկե դափնեկիր Սիմոն Մարտիրոսյանը մրցահարթակ կելնի օգոստոսի 3-ին:
Աղբյուր՝ ՀԱՕԿ
Բրազիլացի սերֆինգիստ Իտալո Ֆերեյրան ոսկի է նվաճել Տոկիոյի Օլիմպիական խաղերում՝ դառնալով առաջին չեմպիոնը այս սպորտաձևում: Տիտղոսը նվաճվեց եզրափակչի 15,14: 6,60 հաշվով առավելություն գրանցելով ճապոնացի Կանոա Իգարաշիի նկատմամբ: Բրոնզե մեդալը շնորհվեց ավստրալացի Օուեն Ռայթին: Սերֆինգը Տոկիոյի օլիմպիական խաղերում ընդգրկվել է Միջազգային օլիմպիական կոմիտեի 2016 թվականի նստաշրջանում:
Աղբյուր՝ iz.ru
Երգչուհին պաշտոնական հայց է ներկայացրել՝ իր հորը որպես խնամակալ փոխարինելու վերաբերյալ: Աստղի նոր փաստաբանը երկուշաբթի միջնորդություն է ներկայացրել դատարան, այն բանից հետո, երբ Սփիրսը խախտեց իր լռությունը համաձայնագրի վերաբերյալ՝ այն անվանելով «վիրավորական»: Մեթյու Ռոզենգարտը խնամակալությունը նկարագրել է որպես «Կաֆկաեսկյան մղձավանջ»: Նա խնդրեց, որ հաշվապահ Ջեյսոն Ռուբինը նշանակվի Սփիրսի ունեցվածքի խնամակալ:
Աղբյուր՝ bbc.com
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
