Կարճ լուրեր
Տարածքային սեյսմիկ սանդղակի մշակման հիմքում դրվել է երկու կարևոր գործոն: Առաջինը՝ ի տարբերություն ներկայում օգտագործվող MSK-64 սանդղակի՝ շինությունների տիպայնացումն իրականացվելու է ոչ թե ըստ նրանց կոնստրուկտիվ հատկությունների, այլ ըստ նրանց իրական սեյսմազինվածության աստիճանի։ Երկրորդը՝ հաշվի են առնվելու մեր տարածաշրջանի շինարարության իրականացման ազգային-ավանդական առանձնահատկությունները և երկարամյա փորձը:
Աղբյուր՝ ՀՀ ԳԱԱ գիտության հանրայնացման և հասարակայնության հետ կապերի բաժին
Մեքսիկայի Օախակա նահանգին պատուհասած «Ագաթա» փոթորկի զոհ է դարձել առնվազն 11 մարդ, այդ թվում՝ երկու երեխա։ Եվս 21 մարդ համարվում է անհետ կորած։ Այս մասին երեքշաբթի՝ մայիսի 31-ին, հայտնել է Televisa հեռուստաալիքը՝ վկայակոչելով շրջանի նահանգապետ Ալեխանդրո Մուրատին։
Աղբյուր՝ iz.ru
Աշխարհի առաջին ռակետ սերբ Նովակ Ջոկովիչը նշել է, որ իսպանացի Ռաֆայել Նադալն իր նկատմամբ տարած հաղթանակով ապացուցեց, որ մեծ չեմպիոն է։ «Նա ապացուցեց, թե ինչու է մեծ չեմպիոն համարվում՝ ամուր նյարդերի շնորհիվ հասնելով հաղթանակի: Կասկածից վեր է, որ նա արժանի էր», - Ջոկովիչի խոսքերը մեջբերել է Պրոֆեսիոնալ թենիսիստների ասոցիացիան (ATP):
Աղբյուր՝ ria.ru
Միջոցառումը կայացել է «Արամ Խաչատրյան» համերգասրահում։ 2021-2022 ուստարվա լավագույն դպրոցներն ընտրվել են հեղինակավոր մասնագիտական հանձնաժողովից ստացված գնահատականների ամփոփմամբ: Տարվա լավագույն դպրոցների հնգյակին պատվոգրեր է հանձնվել Երևանի քաղաքապետի կողմից։ Երևանյան մշակութային օջախներում սովորող 9000 աշակերտից մրցույթին մասնակցել են 1500-ը, գալա-համերգին ելույթ ունեցան 500-ը:
Աղբյուր՝ Երևանի քաղաքապետարան
Ռաֆայել Նադալը ևս մեկ անգամ ապացուցեց, որ իր դիրքերը զիջելու մասին խոսակցությունները վաղաժամ էին, քանի որ հողածածկի արքան շարունակելու է պայքարը Մեծ Սաղավարտի իր 22-րդ ռեկորդային տիտղոսի համար։ Նադալը երեքշաբթի Ֆրանսիայի բաց առաջնության քառորդ եզրափակիչում հաղթանակ տարավ գլխավոր մրցակից Նովակ Ջոկովիչի նկատմամբ 6-2 4-6 6-2 7-6 (4) հաշվով:
Աղբյուր՝ france24.com
Շվեյցարիայի Մաքսային և սահմանային անվտանգության դաշնային վարչությունը հայտնել է, որ Ցյուրիխի մերձակայքում սովորական խուզարկության ժամանակ շվեյցարական համարանիշներով մեքենայում հայտնաբերվել է 1353 թվականով թվագրված և 650,000 եվրո գնահատվող կատանա թուր։ Մեքենայում հայտնաբերվել են նաև մի քանի այլ առարկաներ, այդ թվում՝ հնաոճ գիրք, պայմանագիր և վաճառքի հաշիվ-ապրանքագիր։ Պաշտոնյաների խոսքով՝ վարորդը սահմանային անցակետում առարկաներ չի գրանցել։
Աղբյուր՝ theguardian.com
Ֆրանսիայում ամենաշատ վաճառվող ապրանքը՝ «Cristaline» ապրանքանիշի խմելու ջուրը, 20 տարվա մեջ առաջին անգամ կթանկանա՝ ռեկորդային գնաճի և էներգիայի թանկացման ֆոնին։ Այս մասին հայտնել է BFMTV-ն՝ վկայակոչելով արտադրողներին։ Ներկայում ֆրանսիական սուպերմարկետներում «Cristaline» ջրի 1,5 լիտրանոց շիշի գինը մեկ եվրոյի սահմաններում է։ 2021 թվականին երկրում վաճառվել է ավելի քան 233 միլիոն շիշ։
Աղբյուր՝ ria.ru
Երեքշաբթի տեղի իշխանությունները հայտնել են, որ առնվազն երեք մարդ զոհվել է, ևս հինգը անհետ կորել են՝ Մեքսիկայի հարավին պատուհասած ռեկորդային «Ագաթա» փոթորկի հետևանքով:
Աղբյուր՝ reuters.com
Թեհրանը փորձել է դիվանագիտական ուղիներով լուծել իրանական նավի կալանավորման հարցը Հունաստանի իշխանությունների կողմից, սակայն մերժում է ստացել: Այդ մասին երեքշաբթի հայտարարել է Իրանի ԱԳՆ պաշտոնական ներկայացուցիչ Սայիդ Խաթիբզադեն: Նա հայտարարել է. «հունական կողմը պետք է հիշի, որ Իրանի և Հունաստանի լավ հարաբերությունները չեն բխում ԱՄՆ-ի շահերից»։
Աղբյուր՝ tass.ru
Փարիզում ավարտվել է Ֆրանսիայի բաց առաջնության քառորդ եզրափակիչ հանդիպումը Ալեքսանդր Զվերևի և Կառլոս Ալկարասի միջև: Գերմանիայի ներկայացուցիչը չորս սեթում կոտրեց իսպանացու դիմադրությունն ու դուրս եկավ մրցաշարի կիսաեզրափակիչ: Հանդիպումը տևել է 3 ժամ 19 րոպե: Զվերևը 6:4, 6:4, 4:6, 7:6 (9:7) հաշվով հաղթանակն է տարել Ալկարազի նկատմամբ:
Աղբյուր՝ vesti.ru
Իրանը երեքշաբթի դատապարտել և «ոչ անաչառ» է որակել ՄԱԿ-ի միջուկային վերահսկողության կազմակերպության զեկույցը՝ երեք չհայտարարված վայրերում հայտնաբերված միջուկային նյութերի հետքերի վերաբերյալ: Մեկնաբանությունները հնչել են այն բանից հետո, երբ Թեհրանի և համաշխարհային տերությունների միջև 2015 թվականի միջուկային համաձայնագրի երկարաձգման շուրջ բանակցությունները մարտից փակուղի են մտել:
Աղբյուր՝ france24.com
Համացանցում են հայտնվել Բրեդլի Կուպերի՝ կոմպոզիտոր Լեոնարդ Բերնսթայնի կյանքի մասին պատմող «Բերնսթայն» ֆիլմի առաջին կադրերը: Ֆիլմը հիմնականում պատմելու է Բերնսթայնի և դերասանուհի Ֆելիսիա Մոնտեալեգրիի հարաբերությունների մասին: Կուպերը կկատարի կոմպոզիտորի դերը: «Բերնսթայն»-ի պրեմիերան Netflix հոսքային ծառայությունում նախատեսվում է 2023 թվականին:
Աղբյուր՝ kulturomania.ru
Հունիսի 1-ին՝ ժամը 11։00-ին, տեղի կունենա տոնական միջոցառում: Մետրոպոլիտենի «Բարեկամություն» կայարանից մուլտհերոսներով գնացքը կուղևորվի «Հանրապետության հրապարակ» կայարան:
Աղբյուր՝ «Կարեն Դեմիրճյանի անվան Երևանի մետրոպոլիտեն» ՓԲԸ»
Երիտասարդ փոփ երգիչների «Նոր ալիք» միջազգային մրցույթը Սոչիում հետաձգվել է: Այն կկայանա 2023 թվականին: «Մրցույթի ժամկետների հետաձգումը պայմանավորված է տարբեր երկրների մասնակիցների, արտասահմանյան աստղերի, կազմկոմիտեի և «Նոր ալիքի» հանդիսատեսի համար բոլոր լոգիստիկ, տեխնիկական և կազմակերպչական գործընթացները պատշաճ մակարդակով իրականացնելու և ապահովելու անհնարինությամբ» հայտնել են մրցույթի կազմակերպիչները:
Աղբյուր՝ ria.ru
ՔՏՀԱՏՄ-ի կողմից հաշվառվել և վերլուծվել է 2022 թվականի առաջին եռամսյակի ընթացքում ՀՀ-ում արձանագրված հրդեհի 1042 դեպք: Տեղի ունեցած հրդեհներից զոհվել է 9, իսկ վնասվածքներ ստացել՝ 26 մարդ:
Աղբյուր՝ ՀՀ ՔՏՀԱՏՄ իրազեկման, խորհրդատվության և հանրության հետ տարվող աշխատանքների բաժին
Թուրքիայի Անթալիա քաղաքում ավտոբուսը, որտում ռուս եղել են զբոսաշրջիկներ, վթարի է ենթարկվել ու շրջվել: Այս մասին հայտնել է Demirören լրատվական գործակալությունը: Ընդհանուր առմամբ տուժել է 11 զբոսաշրջիկ և վարորդը, նշում է թուրքական գործակալությունը: Վթարը տեղի է ունեցել Քեմեր գավառի Չամյուվա շրջանում: Ավտոբուսը 13 զբոսաշրջիկների էր տեղափոխում Դեմրե քաղաք և, ենթադրաբար, վարորդը կորցրել է կառավարումը:
Աղբյուր՝ gazeta.ru
Մայիսի 31-ին հակաօդային պաշտպանության N զորամասում անցկացվել է մարտավարամասնագիտական զորավարժություն: Հրամանատարները ճշգրտել են պայմանական մարտական խնդիրները, ստորաբաժանումներին տվել համապատասխան հրահանգներ։ Անձնակազմը բացազատել է հակաօդային պաշտպանության միջոցները և, ըստ ուղղությունների, կատարել առաջադրված խնդիրները:
Աղբյուր՝ ՀՀ ՊՆ
Ռեժիսոր Կարեն Շահնազարովը մեծ հարցազրույց է տվել Քսենյա Սոբչակին հեղինակային «Զգուշացե՛ք, Սոբչակն է» շոուում: Նա պատմել է, որ ցանկացել է դերասան Ջոնի Դեփին հրավիրել իր ֆիլմերից մեկին: Ամերիկացի արտիստը պետք է անգլիացու դեր մարմնավորեր: «Ես նրա համար դեր ունեի: Կարծում եմ՝ նա կհամաձայնվեր»,- ասել է Շահնազարովը: Ռեժիսորն նշել է, որ ժամանակակից ֆիլմերի հիթերից իրեն դուր է գալիս «Կարիբյան ծովի ծովահենների» ֆրանշիզան:
Աղբյուր՝ kulturomania.ru
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
