Կարճ լուրեր
Հազարավոր ցուցարարներ դուրս են եկել Սիդնեյի և Ավստրալիայի այլ խոշոր քաղաքների փողոցներ՝ բողոքելով կորոնավիրուսի սահմանափակումների դեմ, մինչ վարակը նոր ռեկորդ է գրանցում, իսկ իշխանությունները նախազգուշացնում են «աճող խնդրի» մասին: Սիդնեյումառանց դիմակների ցուցարարները երթով շարժվել են դեպի Քաղաքապետարան «ազատություն» և «ճշմարտություն» կոչերով և պաստառներով: Իշխանության պնդմամբ չարտոնված ցույցերին ի պատասխան մեծաքանակողտիկաններ և հատուկջոկատայիններ են դուրս բերվել քաղաք:
Աղբյուր՝ aljazeera.com
Սոչիում, հուլիսի 23-ին հորդառատ անձրևներ են տեղացել՝ ուղեկցվելով փոթորկոտ քամով: Անձրևի տարափը քանդել է լողափի հենապատը և սալաքարերը, ողողել մայրուղին՝ Ադլեր - Սոչի ուղղությամբ. այդ կապակցությամբ երթևեկությունը դադարեցվել է: Շաբաթ գիշերը մայրուղու երթևեկությունը վերականգնվել է: Անձրեւներն արդեն դադարել են: Քաղաքապետ Ալեքսեյ Կոպայգորոդսկու խոսքով՝ զոհեր կամ քաղաքային ենթակառուցվածքների ավերածություններ չկան:
Աղբյուր՝ ria.ru
Նախագահ Սի Ցզինպինը այցելել է Տիբեթի քաղաքականապես խնդրահարույց շրջան: Նա Տիբեթում է գտնվել չորեքշաբթիից ուրբաթ, սակայն պետական լրատվամիջոցները այցի մասին հաղորդել են ավարտից հետո: Չինաստանին մեղադրում են հեռավոր և հիմնականում բուդդայական տարածաշրջանում մշակութային և կրոնական ազատությունը ճնշելու մեջ: Կառավարությունը հերքում է իրեն առաջադրված մեղադրանքները և պնդում, որ Տիբեթը զգալիորեն զարգացել է իր կառավարման տարիներին:
Աղբյուր՝ bbc.com
Ուրբաթ օրը ԱՄՆ և Աֆղանստանի նախագահներ Ջո Բայդենը և Աշրաֆ Ղանին հեռախոսազրույց են ունեցել, որի ընթացքում, մասնավորապես, համաձայնել են, որ «Թալիբան» արմատական շարժման կողմից հանրապետությունում ընթացող հարձակումները հակասում են՝ հակամարտության խաղաղ կարգավորմանը սատարելու նրա ներկայացուցիչների հայտարարություններին: Զրույցի ընթացքում կողմերը քննարկել են Աֆղանստանում առկա իրավիճակը և վերահաստատել իրենց հավատարմությունը «ամուր երկկողմ գործընկերությանը»:
Աղբյուր՝ tass.ru
Առնվազն 110 մարդ է զոհվել Հնդկաստանի արեւմտյան Մահարաշտրա նահանգում հորդառատ անձրեւների հետևանքով տեղի ունեցած սողանքներից եւ ջրհեղեղից: Անձրևները վնասել են հարյուրավոր գուղերի՝ ավերելով տները և մարդկանց թողնելով տիղմի մեջ խրված: Արևմտյան նահանգը վերջին տասնամյակների հուլիսյան ամենաուժեղ անձրևներն է ունեցել:
Աղբյուր՝ bbc.com
Ռուս դերասան Սերգեյ Բեզրուկովը հինգերորդ անգամ հայր է դարձել: Նա Instagram-ի իր էջում հետևորդների հետ կիսվել է որդու ծննդյան լուրով: 47-ամյա արտիստը ծննդատան սենյակից լուսանկար է հրապարակել, որում ցույց է տալիս կնոջը՝ ռեժիսոր Աննա Մատիսոնին, նորածինը գրկին:
Աղբյուր՝ lenta.ru
Էկվադորում 27-ի հասել է՝ այս շաբաթ երկու բանտերում անկարգությունների հետևանքով սպանված բանտարկյալների թիվը՝ ստիպելով կառավարությանը արտակարգ դրություն հայտարարել: Նախագահ Գիլերմո Լասոն հրահանգել է «Էկվադորի բանտերում մոբիլիզացնել բոլոր անհրաժեշտ մարդկային և տնտեսական ռեսուրսները կարգուկանոն վերահաստատելու համար» այն բանից հետո, երբ չորեքշաբթի բռնություններ սկսվեցին Էկվադորի հարավ-արևմուտքում գտնվող Գուայասի և երկրի կենտրոնում գտնվող Կոտոպաքսի բանտերում:
Աղբյուր՝ aljazeera.com
Առնվազն 13.200 մարդ, ովքեր ապրում են՝ Մանիլայի արևելյան հատվածում գտնվող Մարիկինա գետի ափերին մոտ, տարհանվել են քանի որ Ֆիլիպիններում հորդառատ անձրևների պատճառով ջրի մակարդակը շարունակում է բարձրանալ: Այս մասին շաբաթ օրը հաղորդվել է հանրապետության ռիսկերի կանխարգելման և բնական աղետների վերացման ազգային խորհրդում:
Աղբյուր՝ tass.ru
Կալիֆոռնիայի վերաքննիչ դատարանը որակազրկել է մասնավոր դատավորին, որին իրենց ամուսնալուծության գործով դիմել էին Անջելինա Ջոլին և Բրեդ Փիթը: Դա Ջոլիին մեծ հաղթանակ բերեց: Ուրբաթ, Երկրորդ շրջանի վերաքննիչ դատարանը համաձայնեց Ջոլիի հետ, որ դատավոր Ջոն Օուդերքըրքը բավարար չափով չի բացահայտել Փիթի փաստաբանների հետ իր գործարար կապերը: Որոշումը նշանակում է, որ զույգի հինգ անչափահաս երեխաների խնամակալության համար պայքարը, որն ավարտին էր մոտենում, կարող է վերսկսել:
Աղբյուր՝ theguardian.com
Ուրբաթ օրը Սպիտակ տան տարածքում ԱՄՆ դրոշի գույներով հատուկ լուսավորություն է միացվել: Միացյալ Նահանգների նախագահի նստավայրը վառ լուսավորված է սպիտակ, կարմիր և կապույտ գույներով: Լուսավորորումը կլինի նաև հուլիսի 24-ին և 25-ին:
Աղբյուր՝ tass.ru
Ի պատասխան կոլեկտիվին հուզող հարցերին թատրոնների միավորման կապակցությամբ՝ Վահրամ Դումանյանը հայտնել է, որ միավորումից հետո թատերախմբի ստեղծագործական գործունեության շարունակականությունը լինելու է երաշխավորված։
Աղբյուր՝ ՀՀ ԿԳՄՍ նախարարության Հասարակայնության հետ կապերի և տեղեկատվության վարչություն
Հնդկաստանի արեւմուտքում գտնվող Մահարաշտրա նահանգում տեղատարափ անձրեւները սողանք են առաջացրել, ինչի հետեւանքով զոհվել է առնվազն 35 մարդ: Զոհերի թիվը կարող է աճել, հայտնում են փրկարարները և հավելում, որ դեպքի տարածքում իրավիճակը շարունակում է մնալ ծանր:
Աղբյուր՝ korrespondent.net
Աշխատանքային խմբում ներգրավված են ՀՀ էկոնոմիկայի նախարարության, Հայաստանի ազգային ագրարային համալսարանի, «Մասնագիտական կրթության որակի ապահովման ազգային կենտրոն» հիմնադրամի, ինչպես նաև գյուղատնտեսության ոլորտի մասնավոր ընկերությունների ներկայացուցիչներ: Հանդիպման ավարտին աշխատանքային խմբի անդամներին ներկայացվել են ոլորտի որակավորումների շրջանակի մշակման ընթացակարգն ու ժամանակացույցը. սեպտեմբերին նախատեսվում է նախագիծը ներկայացնել բուհի, ուսանողների քննարկմանը, ստանալ բոլոր շահագրգիռ մարմինների դիտարկումները:
Աղբյուր՝ ՀՀ ԿԳՄՍ նախարարության Հասարակայնության հետ կապերի և տեղեկատվության վարչություն
Հարավկորեացի հարձակվող Սոն Հընգ Մինը 4 տարվա նոր պայմանագիր է կնքել «Տոտենհեմի» հետ, ուրբաթ օրը հայտարարեց անգլիական Պրեմիեր լիգայի ակումբը: 29-ամյա ֆուտբոլիստը, ով Լեւերկուզենի «Բայերից» 2015-ին է տեղափոխվել թիմ, այժմ, աշխատավարձի զգալի բարձրացում ստանալուց հետո, կմնա հյուսիսային Լոնդոնի ակումբում մինչեւ 2025 թվականը:
Աղբյուր՝ france24.com
Զորամիավորումներում շարունակվում են նորակոչիկ զինծառայողների մարտական պատրաստության պարապմունքները: Ուսուցանվում են համազորային կանոնադրությունները, անցկացվում են շարային պարապմունքներ՝ անձնակազմին նախապատրաստելով զինվորական երդման արարողությանը։ Հրամկազմը նաև անհատական և խմբային զրույցներ է անցկացնում նորակոչիկների հետ, բացատրում զինծառայության առաջնահերթությունները, անվտանգության կանոնների պահպանման կարևորությունը։
Աղբյուր՝ ՊՄ
Սասեքսի դքսուհու հայրը՝ Թոմաս Մարքլը, հայտարարել է, որ դատական հայց կներկայացնի դստեր և նրա ամուսնու՝ արքայազն Հարրիի դեմ, որպեսզի նրանք թույլ տան իրեն տեսնել թոռներին: Ինչպես հայտնի է, Մեգանը հարսանիքի նախօրեին վիճաբանել էր հոր հետ՝ պապարացիների հետ նրա դավադրության համար: Թեև հայրը բազմիցս հրապարակավ զղջացել է կատարվածի համար, դուստրը երբեք չի ներել հորը և ընդհանրապես չի շփվում նրա հետ: Թոմաս Մարքլը վրդովված է, որ իր դուստրն ապրում է ընդամենը 70 մղոն հեռավորության վրա և թույլ չի տալիս տեսնել իր ընտանիքին:
Աղբյուր՝ korrespondent.net
Հուլիսի 27-ին՝ ժամը 10:30-13:30-ը, տեղի կունենա ԵՄ «EURAXESS ցանց. գիտնականների կարիերայի բարելավման հնարավորություններ» խորագրով առցանց սեմինար: Սեմինարի ընթացքում կներկայացվեն EURAXESS ցանցի շրջանակում և պորտալի օգտագործմամբ գիտնականների կարիերայի բարելավման հնարավորությունները, ինչպես նաև ԵՄ «Հորիզոն Եվրոպա» նոր ծրագիրը:
Աղբյուր՝ ՀՀ ԿԳՄՍ նախարարության Հասարակայնության հետ կապերի և տեղեկատվության վարչություն
Ճապոնիայի գլխավոր օդերեւութաբանական վարչությունը նախազգուշացնում է, որ Հոնսյու կղզու հարավարևմտյան հատվածի մոտ ձևավորված արևադարձային դեպրեսիան շուտով կարող է վերաճել թայֆունի և մինչ հուլիսի 27-ը մոտենալ Տոկիոյին, որտեղ այսօր սկսվում են օլիմպիական խաղերը: Այժմ արևադարձային դեպրեսիան գտնվում է Խաղաղ օվկիանոսի Մինամիտորի օղակղզում՝ Տոկիոյից գրեթե 1,9 հազար կիլոմետր հեռավորության վրա:
Աղբյուր՝ rsport.ria.ru
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
