Կարճ լուրեր
Եվրոպայի հանդբոլի ֆեդերացիան հայտարարել է, որ տուգանք է սահմանել «ոչ պատշաճ հագուստի համար»: Նորվեգացի խաղացողները բիկինիի ներքեւի փոխարեն կիսավարտիք էին հագել՝ Վառնա քաղաքում Իսպանիայի դեմ բրոնզե մեդալի խաղի ժամանակ: Նորվեգիայի հանդբոլի ֆեդերացիայի նախագահը արդեն հայտարարել է, որ ցանկացած չափի տուգանք կվճարեն, սակայն «ստանդարտացված սահմանումներում պետք է լինի ազատ ընտրության հնարավորություն»: «Ամենակարևորն այն է, որ մարզիկները ունենան հարմարավետ հանդերձանք»,- ասել է նա:
Աղբյուր՝ bbc.com
Ամեն շաբաթ ավելի քան 100 միլիոն մեկանգամյա օգտագործման վիրաբուժական դիմակներ են նետվում Միացյալ Թագավորություններում, և դիմակ կրելու կանոնների փոփոխությունից հետո դեռ շատ դիմակներ կնետվեն աղբամաններ: Կինոյի և հեռուստատեսության զգեստների դիզայներ Թոմ Սիլվերվուդը 1500 վերամշակված դեմքի դիմակներով ստեղծել է ինքնատիպ հարսանեկան զգեստ, որը կարող է հետաքրքրել լոքդաունից վերջապես ազատված և ամուսնության մասին մտածող կանանց և աղջիկներին:
Աղբյուր՝ korrespondent.net
Չինաստանի իշխանությունները որոշում են կայացրել վերացնել երրորդ երեխայի ծննդյան բոլոր սահմանափակումները, ներառյալ՝ տուգանքները, ասվում է ՉԺՀ պետական խորհրդի հայտարարության մեջ: Հայտարարության մեջ նշվում է, որ «երեք երեխաների» քաղաքականությունն իրականացնելու և կյանքի կոչելու համար «Բնակչության և պլանավորված պտղաբերության մասին» օրենքում փոփոխություններ կկատարվեն`խրախուսելու ճիշտ տարիքում ամուսնությունը և ծննդաբերությունը:
Աղբյուր՝ ria.ru
Հայրենիքի պաշտպանի վերականգնողական կենտրոնի «Ռոբերտ Աբաջյանի» անվան սրահում անցկացվեց շախմատի առաջնություն՝ զինվորների, ՀՀ ԱԺ պատգամավորների, շախմատի ֆեդերացիայի անդամների և ԵՊԲՀ ռեկտորի մասնակցությամբ: Մրցեց 10 զույգ: «Հերոսներին պարտվելը մեծ պատիվ է: Սա արդեն ձևավորված բարի ավանդույթ է, որն ուշադրության կենտրոնում է պահում բուժում ստացող զինվորներին»,-ընդգծել է ԵՊԲՀ ռեկտոր Արմեն Մուրադյանը:
Աղբյուր՝ «Զինվորի Տուն Վերականգնողական Կենտրոն»
Տոկիոյում Օլիմպիական խաղերը հյուրընկալելու համար Ճապոնիայի ընդհանուր ծախսը կազմել է 15,4 միլիարդ դոլար: Այս մասին հայտարարել է Տոկիո-2020-ի կազմկոմիտեի գլխավոր քարտուղար Տոշիրո Մուտոն Միջազգային օլիմպիական կոմիտեի (ՄՕԿ) 138-րդ նստաշրջանում: Լրացուցիչ 900 միլիոն դոլար ծախսվեց Օլիմպիական խաղերի անվտանգ միջավայր ստեղծելու վրա:
Աղբյուր՝ tass.ru
ՀՀ ԿԳՄՍ նախարարությունում անցկացված խորհրդակցության ընթացքում քննարկվել են թանգարաններում նախատեսված կրթական ծրագրերի պատշաճ իրականացումն ու շարունակականության ապահովումը՝ թիրախավորելով նաև մարզային կենտրոնների ներգրավումը, հուշարձանների պահպանությանն ու դրանց վերականգնմանն առնչվող հարցերը: Քննարկվել են նաև Ժամանակակից արվեստի թանգարանը, Պատանի հանդիսատեսի թատրոնը ԿԳՄՍ համակարգման ոլորտ ներառելու, թատերարվեստի որակը բարելավելու, դերասանական կազմի ընտրությանը վերաբերող հարցեր:
Աղբյուր՝ ՀՀ ԿԳՄՍ նախարարության Հասարակայնության հետ կապերի եվ տեղեկատվության
Հրդեհը բռնկվել է Փարիզի 7-րդ թաղամասում՝ Մատինիոն պալատի մոտ: Այն բռնկվել է Cité Varennes-ի վերանորոգված շենքում, որը գտնվում է Մատինիոն պալատի մոտակայքում: Հրդեհը չի վնասել կառավարության ղեկավարի նստավայրի շենքը:
Աղբյուր՝ ria.ru
Երկուշաբթի Հարավային Կորեայի խոսնակը հայտնել է, որ երկրի օլիմպիական հավաքականը առանձին կերակուրներ կպատրաստի իր մարզիկների համար և Տոկիոյի Օլիմպիական խաղերի ընթացքում սննդի բաղադրիչները փորձարկման կենթարվեն՝ ճառագայթման ստուգման համար: Կորեայի օլիմպիական կոմիտեն օլիմպիական ավանի մերձակայքում հյուրանոց է ամրագրել, որը կօգտագործվի խաղերի մասնակիցների համար կերակուր պատրաստելու համար:
Աղբյուր՝ reuters.com
«Լիբանանից երկու հրթիռ է արձակվել դեպի Իսրայելի հյուսիս: «Երկաթե գմբեթ» հակաօդային պաշտպանության համակարգը հրթիռներից մեկը որսացել է, երկրորդն ընկել է Իսրայելի բաց տարածքում»,- Twitter-ում հայտնում է ՑԱԽԱԼ-ը : Ավելի ուշ բանակը հայտնել է նաև, որ ի պատասխան արձակված հրթիռների՝ ՑԱԽԱԼ-ի հրետանին հարվածեց Լիբանանի տարածքին:
Աղբյուր՝ ria.ru
Հաիթիի ժամանակավոր վարչապետ Կլոդ Ժոզեֆը, որը ղեկավարում էր երկիրը՝ նախագահ Ժովենել Մոյզի սպանությունից հետո, կհեռանա պաշտոնից, և կձևավորվի նոր կառավարություն, որի վարչապետ կնշանակվի Արիել Հենրին: Նոր կառավարությունը նախագահ չի ունենա և խնդիր կառաջանա կազմակերպել նոր ընտրություններ «որքան հնարավոր է շուտ»,- հայտնել է կառավարության՝ վարչապետի աշխատակազմին մոտ գտնող ներկայացուցիչը:
Աղբյուր՝ france24.com
Ուկրաինայի նախկին նախագահ այս մասին հայտնել է իր ֆեյսբուքյան օգտահաշվում: Պորոշենկոն դիմել է Ղրիմի թաթարներին և «բոլոր ուկրաինացի մահմեդականներին» իսլամական Կուրբան Բայրամ տոնի կապակցությամբ: Նա նշել է, որ մեկ տարի անց «Ղրիմի բնիկ թաթար ժողովուրդը» կկարողանա ազատորեն նշել այն Բախչիսարայում: Միևնույն ժամանակ, քաղաքական գործիչը շեշտել է, որ ուկրաինացիները համատեղ ջանքերով կկարողանան «ջախջախել ագրեսորին» և երկրի կազմ վերադարձնել թերակղզին:
Աղբյուր՝ lenta.ru
Բաղդադում 30 մարդ զոհ է դարձել վերջին տարիների խոշորագույն ահաբեկչություններից մեկին, շուրջ 60-ը վիրավորվել է: Պայթուցիկ սարքը գործի է դրվել Իրաքի մայրաքաղաքի՝ հիմնականում շիաներով բնակեցված արեւելյան Մադինատ Սադր թաղամասի մարդաշատ շուկայում: Պայթյունը հանգեցրել է զգալի ավերածությունների, մի քանի խանութներ հրդեհվել են, խուճապահար մարդիկ փորձել են փախչել: Տեղեկություններ են հայտնվել, որ շուկայում մահապարտ ահաբեկիչ է իրեն պայթեցրել. նրա մարմնի վրա պայթուցիկներով գոտի է ամրացված եղել:
Աղբյուր՝ korrespondent.net
Միջազգային օլիմպիական կոմիտեն (ՄՕԿ) հաստատել է օլիմպիական նոր կարգախոս՝ «ավելի արագ, ավելի բարձր, ավելի ուժեղ՝ միասին»: Որոշումն ընդունվել է երեքշաբթի օրը ՄՕԿ-ի 138-րդ նստաշրջանում: Նախորդ կարգախոսը՝ «Ավելի արագ, ավելի բարձր, ավելի ուժեղ», 1894 թվականից ի վեր անփոփոխ է եղել:
Աղբյուր՝ tass.ru
Հուլիսի 22-ին՝ ժամը 19։00-ին, «Առնո Բաբաջանյան» համերգասրահում «Երկիր Արմենիա, երազ Արմենիա» խորագիրը կրող համերգով հանդես կգա մշակութային գործիչ, կոմպոզիտոր, երգիչ Վահան Արծրունին: Համերգային երեկոյին հիմնականում կհնչեն կոմպոզիտորի՝ Կոմիտասի, Ռազմիկ Դավոյանի և իր հեղինակած բանաստեղծությունների հիման վրա գրված երգեր:
Աղբյուր՝ ՀՀ ԿԳՄՍ նախարարության Հասարակայնության հետ կապերի եվ տեղեկատվության
վարչություն
Ջրասուզակները Եգիպտոսի երբեմնի խոշորագույն նավահանգիստ, խորտակված Թոնիս-Հերակլիոն քաղաքում հայտնաբերել են հնագույն ռազմանավ եւ հունական գերեզմաններ: Ռազմանավը խորտակվել է, երբ փլուզվել է հայտնի Ամոնի վանքը, որի մոտ այն կայանել էր: Քաղաքը հիմնվել է մ.թ.ա. 331 թվականին Ալեքսանդր Մակեդոնացու կողմից:
Աղբյուր՝ reuters.com
Նա նախագահ հռչակվեց` ընտրությունների վիճահարույց երկրորդ փուլում ժողովրդական քվե ստանալուց մի քանի շաբաթ անց: Երկրի ընտրական մարմինը հրապարակեց իր վճիռը՝ վերանայելով նրա աջակողմյան մրցակից Կեյկո Ֆուջիմորիի կողմից ընտրությունների արդյունքները կեղծելու մեղադրանքները: Դպրոցի 51-ամյա նախկին ուսուցիչ և արհմիության ղեկավար Կաստիլյոն ստացել է ձայների 50%-ից փոքր-ինչ ավելին: Հուլիսի 28-ին տեղի կունենա նրա երդմնակալության արարողությունը:
Աղբյուր՝ bbc.com
Սկսվել են սուպերհերոսական բլոկբաստերի երկրորդ մասի նկարահանումները, որը հիմնված է DC կոմիքսի համանուն կերպարի վրա։ Այս մասին Instagram-ի իր էջում հայտնել է գլխավոր դերակատար Ջեյսոն Մոմոան: Ըստ Արթուր Քարրիի (նույն ինքը ՝ Ակվամեն) դերակատարողի, էկրանին հանդիսատեսին անակնկալ է սպասվում: «Սա շագանակագույն մազերով վերջին օրն է: Ես շիկահեր եմ լինելու», - խոստովանել է Մոմոան:
Աղբյուր՝ ria.ru
Իրանի մայրաքաղաք Թեհրանում կենտրոնական շուկան և բանկերը կփակվեն՝ COVID-19-ի հետ կապված ծանր իրավիճակի պատճառով, հայտնում են երկրի իշխանությունները:
Աղբյուր՝ ria.ru
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
