Կարճ լուրեր
«Մերսեդեսի» բրիտանացի վարորդ Լյուիս Հեմիլթոնը տասը վայրկյան տուգանք ստացավ «Ֆորմուլա 1»-ի Մեծ Բրիտանիայի Գրան Պրիում «Red Bull»-ի հոլանդացի վարորդ Մաքս Վերստապպենի հետ բախման համար: Միջադեպը տեղի է ունեցել մրցավազքի առաջին շրջանում: Նիդեռլանդների ներկայացուցիչը փորձել էր ետ մղել Հեմիլթոնի գրոհը, որից հետո շրջադարձ էր մտել արտաքին շառավղով: Բրիտանացին դիպչել էր հակառակորդի բոլիդին, որի պատճառով մեքենան դուրս էր նետվել մրցուղուց:
Աղբյուր՝ gazeta.ru
Դեպքը տեղի է ունեցել կիրակի գիշերը, բեռնատարի շրջվելու հետևանքով: Հաղորդվում է, որ վթարը տեղի է ունեցել այն ժամանակ, երբ վարորդը փորձել է խուսափել Կիսումուից Բուսիա տանող բանուկ ճանապարհին մեկ այլ բեռնատարի բախումից: Մարդիկ վառելիքի տարաներով դեպքի վայր են շտապել` շրջված բեռնատարից վառելիքը դատարկելու համար: Մոտ 11 մարդ, այդ թվում երեխաներ, ծանր այրվածքներով տեղափոխվել են հիվանդանոց:
Աղբյուր՝ bbc.com
Մրցակցության օրենսդրության և քաղաքականության հարցերով միջկառավարական փորձագիտական խմբի 19-րդ նիստին քննարկվել են թվային դարաշրջանում մրցակցության օրենսդրությունը, քաղաքականությունները և կարգավորումները, համավարակի ընթացքում և հետհամավարակային շրջանում իրականացվող մրցակցության քարոզչությանը վերաբերող հարցեր, ՄԱԿ-ի առևտրի և զարգացման խորհրդաժողովի անդրսահմանային հակամրցակցային համաձայնագրերի (կարտելների) դեմ պայքարի գծով աշխատանքային խմբի գործունեության հիմնական արդյունքներն ու հեռանկարները:
Աղբյուր՝ Մրցակցության պաշտպանության պետական հանձնաժողով
Հուլիսի 18-ին 5,7 մագնիտուդ ուժգնությամբ երկրաշարժ է տեղի ունեցել Իրանի հարավում գտնվող Ֆարս նահանգում, հայտնում է Իրանի սեյսմոլոգիական կենտրոնը: Երկրաշարժը գրանցվել է UTC 14.34-ին: Երկրաշարժի էպիկենտրոնը գտնվել է Խեշտ քաղաքից 16 կիլոմետր հյուսիս-արեւմուտք: Օջախը եղել է 11 կիլոմետր խորության վրա: Հնարավոր զոհերի և ավերածությունների մասին տեղեկություններ չեն ստացվել:
Աղբյուր՝ ria.ru
ԱՖղանստանի ԱԳՆ-ն կիրակի օրը հայտարարեց, որ դեսպանի դստեր առեւանգումից հետո հետ է կանչել իր դեսպանին և դիվանագետներին Պակիստանի մայրաքաղաքից ինչը նոր հարված է հարաբերություններին՝ Աֆղանստանում խաղաղության գործընթացի համար բարդ ժամանակահատվածում: Դեսպանի դուստրը գերեվարվել էր ուրբաթ օրը. մի քանի ժամ անց ազատ արձակվելուց հետո նրա վրա վնասվածքներ և պարանի հետքեր էին եղել: Պակիստանի իշխանությունները հայտնել են, որ հետաքննություն են անցկացնում:
Աղբյուր՝ reuters.com
Ծրագիրը նախատեսված է 6-18 տարեկան երեխաների և պատանիների համար։ Ցերեկային կենտրոն հաճախող և սոցիալ-հոգեբանական աջակցություն ստացող երեխաների համար կստեղծվի ստեղծագործական միջավայր, ինչը կնպաստի նրանց արտադպրոցական զբաղվածության և արհեստագործական գիտելիքների ձեռքբերմանը։ Ծրագրի ավարտին կկազմակերպվի ցուցահանդես և կներկայացվեն մասնակիցների աշխատանքները:
Աղբյուր՝ ՀՀ ԿԳՄՍ նախարարության Հասարակայնության հետ կապերի եվ տեղեկատվության վարչություն
Նիգերիայի Օսուն նահանգում վթարի պատճառով զոհվել է 14 մարդ, վիրավորվել՝ չորսը, հայտնում է տեղական Punch թերթը՝ վկայակոչելով իշխանություններին: Հաղորդվում է, որ երկու մեքենաների բախման հետեւանքով զոհվել է ութ մեծահասակ և վեց երեխա, եւս չորս տուժածներ տեղափոխվել են հիվանդանոց: Վթարի պատճառը վարորդների ազնգուշությունն է եղել:
Աղբյուր՝ ria.ru
Բրազիլիայի նախագահ Ժաիր Բոլսոնարուն կիրակի օրը դուրս է գրվել հիվանդանոցից՝ աղիների խցանման չորսօրյա բուժումից հետո: Ծայրահեղ աջակողմյան առաջնորդը չորեքշաբթի օրը ընդունվել էր Բրազիլիայի մայրաքաղաքի ռազմական հիվանդանոց՝ մոտ 10 օր տևած անդադար զկռտոցից հետո: Ավելի ուշ նույն օրը նա տեղափոխվել էր Սան Պաուլոյի «Վիլա Նովա Սթար» մասնավոր հիվանդանոց: Մտավախություն կար, որ 66-ամյա նախագահը կարող է վիրահատության կարիք ունենալ, սակայն դա արագորեն բացառվեց:
Աղբյուր՝ france24.com
Կործանարար ջրհեղեղի հետևանքով Հյուկեսվագեն քաղաքի շրջակայքում հեղեղվել են բազմաթիվ ձեռնարկություններ, նավթի և այլ նյութերի արտահոսք է տեղի ունեցել: Փորձագետները ջրի և օդի նմուշներ են հավաքում: Ենթադրվում է, որ աղտոտված ջուրը կարող է լցված լինել տեղական ջրամբար: Ներկայումս այնտեղ արգելված է լողը, սուզվելը, ձկնորսությունը և նավակով զբոսանքը:
Աղբյուր՝ ria.ru
Նիդեռլանդների մայրաքաղաք Ամստերդամում տեղի է ունեցել աշխարհում առաջին 3D պրինտերով տպված պողպատե կամրջի բացման արարողությունը: Կամուրջը, որը կշռում է վեց տոննա, նախատեսված է հետիոտների ու հեծանվորդների համար: Նախագծի հեղինակը Յորիս Լարմանն է: Այն հագեցած է սենսորներով, որոնք հարկ եղած դեպքում ազդարարում են վերանորոգման անհրաժեշտությունը: Դրանց միջոցով կարելի է նաև հաշվարկել, թե օրական քանի հետիոտն է անցնում կամուրջով:
Աղբյուր՝ korrespondent.net
Արցախի Մաճկալաշեն համայնքում նոր թռչնաբուծարանի կառուցման ծրագրի շրջանակներում յուրաքանչյուր ընտանիք խնամելու է 300 թև թռչուն, ինչի համար ամեն ամիս ստանալու է մոտ 120 000 - 150 000 դրամ եկամուտ:
Աղբյուր՝ Արցախի Հանրապետության նախագահի աշխատակազմ Տեղեկատվության գլխավոր վարչություն
ԱՄՆ նախագահ Ջո Բայդենը կընդունի Իրաքի վարչապետ Մուստաֆա ալ-Քադհիմիին, ասվում է Սպիտակ տան ուրբաթ օրվա հայտարարության մեջ: Այցը կարևորելու է երկու երկրների ռազմավարական գործընկերությունը և զարգացնելու 2008 թ. Համաձայնագրով երկկողմ համագործակցությունը, որով կարգավորվում էր Իրաքից ամերիկյան զորքերի դուրսբերումը: Այս մասին հայտնել է Սպիտակ տան մամուլի խոսնակ Ջեն Փսակին:
Աղբյուր՝ reuters.com
Տեսանյութը հրապարակվել է HBO Max YouTube-ի ալիքում: Նախագծի ռեժիսորն է դերասան Մարկո Դ'Ամորը, որը հայտնի է «Գոմորա» ֆիլմից: Դ'Ամորը սցենարի վրա աշխատել է չորս այլ հեղինակների հետ: «Անմահը» պատմում է «Գոմորա»-ի գլխավոր հերոս Սիրո դի Մարցիոյի մանկության ու պատանեկության մասին, այնուհետև այն մասին, թե ինչ է տեղի ունեցել սերիալի երրորդ եթերաշրջանից հետո: Ֆիլմի պրեմիերան HBO Max հոսքային ծառայությունում հուլիսի 29-ին:
Աղբյուր՝ kulturomania.ru
Հարավային Կորեայի օլիմպիական կոմիտեն շաբաթ օրը հայտարարել է, որ հեռացրել է՝ 16-րդ դարի Կորեայի և Ճnապոնիայի պատերազմը հիշեցնող պաստառները Տոկիոյում՝ օլիմպիական մարզիկների ավանում այն բանից հետո, երբ ՄՕԿ-ը հայտարարեց, որ դրանք սադրիչ են: Համաձայնվելով պաստառները հեռացնելուն ՝ հարավկորեացիներն հայտնել են ՄՕԿ-ից խոստում ստանալու մասին, որ ճապոնական «ծագող արևի» դրոշի ցուցադրումը ևս կարգելվի մարզադաշտերում և օլիմպիական այլ վայրերում:
Աղբյուր՝ apnews.com
Բաշար ալ-Ասադը պաշտոնավարման երդում է տվել Սիրիայում նախագահական ընտրություններում հաղթելուց հետո, հայտնում է սիրիական SANA պետական գործակալությունը: Երդման արարողությունից հետո Ասադը դիմել է սիրիացի ժողովրդին՝ նշելով, որ Սիրիան արժանապատվորեն պաշտպանել և պաշտպանում է իր իրավունքները՝ շնորհիվ թշնամական արշավներին դիմակայելու ժողովրդական միասնության:
Աղբյուր՝ ria.ru
Նախկին նախագահ Միխայիլ Սահակաշվիլին, ինչպես նաև նրա շուրջ համախմբված քաղաքական ուժերը շահադիտական շահարկումներով են զբաղվում «TV Pirveli» հեռուստաընկերության օպերատոր Ալեքսանդր Լաշկարավայի մահից հետո, որին հուլիսի 5-ին ծեծի էին ենթարկել ԼԳԲՏ համայնքի հակառակորդները: Այդ մասին շաբաթ օրը հայտնեց Վրաստանի վարչապետը: Իրակլի Ղարիբաշվիլին նաև նշեց, որ իշխանություններն ամեն ինչ անում են, որպեսզի ԶԼՄ-ների ներկայացուցիչները հնարավորություն ունենան ազատորեն զբաղվել իրենց գործունեությամբ:
Աղբյուր՝ tass.ru
Տասը երեխա և վեց մայր տեղափոխվել են տուն՝ Բելգիա, Սիրիայի բանտից, որտեղ պահվում են ջիհադիստները: Սա «Իսլամական պետության» (ԻՊ) ենթադրյալ անդամների ամենամեծ հայրենադարձությունն է խմբավորման՝ 2019-ի անկումից ի վեր: Հարյուրավոր եվրոպացիներ, ովքեր Սիրիա են մեկնել ԻՊ-ին միանալու համար, ներառյալ կանայք ու երեխաներ, հայտնվել են՝ Սիրիայի հյուսիսում քրդերի կողմից ղեկավարվող ճամբարներում: Երեք մայրեր և յոթ երեխաներ մերժել են Բելգիա վերադառնալու առաջարկը:
Աղբյուր՝ bbc.com
Կազմակերպիչները չեն բացահայտում վարակվածների անձնական տվյալները՝ հարգելով գաղտնիության իրավունքը: Մինչ այժմ կորոնավիրուս է հայտնաբերվել Ճապոնիա ժամանած մի քանի երկրների մարզիկների և թիմի անդամների մոտ: Այն հայտնաբերվել է Իսրայելի, Ուգանդայի և Սերբիայի մարզիկների, ինչպես նաև Նիգերիայի և Ռուսաստանի ազգային հավաքականների օժանդակ անձնակազմի մոտ:
Աղբյուր՝ eadaily.com
Լրահոս
Տեսանյութեր
Քաղաքապետարանը գործնականում թալանում է երևանցիներին. Չախոյան
