Կարճ լուրեր
Մայիսի 30-ից 31-ը N զորամիավորումում անցկացվել են հրամանատարական հավաքներ։ Քննարկվել են մարտական պատրաստության, զինվորական կարգապահության ամրապնդման և մարտական հերթապահության կազմակերպման հարցեր։ Վերլուծվել են կատարված աշխատանքների արդյունքներն ու նախանշվել առկա խնդիրների լուծման ուղիները:
Աղբյուր՝ ՀՀ ՊՆ
Միացյալ Նահանգները և Կանադան հաղորդել են հեպատիտ A-ի բռնկման մասին, որը հավանաբար տարածվում է վարակված օրգանական ելակներից: Ելակը, որը բաշխվել է ամբողջ երկրում, վաճառվել է FreshKampo կամ HEB ապրանքանիշով մարտի 5-ից ապրիլի 25-ը ընկած ժամանակահատվածում, ասվում է ԱՄՆ Սննդի և դեղերի վարչության շաբաթ ուշ երեկոյան տարածած հայտարարության մեջ:
Աղբյուր՝ aljazeera.com
Մայիսի 31-ին «Գազպրոմը» դադարեցրել է գազի մատակարարումը հոլանդական GasTerra ընկերությանը: ՌԴ նախագահ Վլադիմիր Պուտինի հրամանագրի համաձայն՝ ապրիլի 1-ից մատակարարվող գազի դիմաց վճարումները պետք է կատարվեն ռուբլիով՝ նոր ռեկվիզիտների կիրառմամբ: Սակայն հոլանդական գազի վաճառող GasTerra-ն հրաժարվել է ռուսական գազի դիմաց վճարել ռուբլով:
Աղբյուր՝ vesti.ru
Հունաստանի ոստիկանությունը երկրի խորհրդարանի դիմաց որսորդական հրացանով 37-ամյա տղամարդու է ձերբակալել՝ ոստիկանության մարտավարական ստորաբաժանման անդամների հետ կարճատև առերեսումից հետո: Աթենքի ոստիկանության գլխավոր շտաբի աշխատակիցը Associated Press-ին ասել է, որ երեքշաբթի լուսաբացին նախորդած միջադեպը տևել է մեկ ժամից մի փոքր ավելի, և ոչ ոք չի տուժել:
Մադրիդի «Ռեալի» հարձակվող Կարիմ Բենզեմային ՈՒԵՖԱ-ի Տեխնիկական դիտորդական խումբը ճանաչել է Չեմպիոնների լիգայի 2021/22 մրցաշրջանի լավագույն խաղացող: Այս մասին հաղորդել է մրցաշարի պաշտոնական Twitter էջը: Մադրիդի «Ռեալը» Չեմպիոնների լիգայի հաղթողը դարձավ՝ 1:0 հաշվով առավելության հասնելով «Լիվերպուլի» նկատմամբ, Բենզեման մադրիդցիների հետ 5-րդ անգամ դարձավ մրցաշարի հաղթող։
Աղբյուր՝ ria.ru
Հոլիվուդյան աստղ Ջոնի Դեփը չնախատեսված ելույթ է ունեցել Լոնդոնում կայացած ռոք համերգին, մինչ սպասում է իր նախկին կնոջ՝ Էմբեր Հյորդի զրպարտության գործով դատավարության արդյունքին: Դերասանը բրիտանացի կիթառահար Ջեֆ Բեքի հետ հանդես է եկել Ալբերտի թագավորական սրահում: Սա զույգի երկրորդ հանդիպումն է Շեֆիլդում կիրակի օրը կայացած համերգից հետո:
Աղբյուր՝ bbc.com
Համացանցում է հայտնվել իմպլանտներով մարդկանց կյանքի ու ճակատագրի մասին պատմող «Чип внутри меня» («Չիպն իմ ներսում») վավերագրական ֆիլմի թրեյլերը: Պրեմիերան կկայանա հունիսի 1-ին: «Ֆիլմը հիմնված է հինգ պատմությունների վրա, որոնք միավորված են մեկ թեմայով: Մինչ հասարակության մեջ բուռն քննարկումներ են ընթանում ուղեղի չիպերի միջոցով մարդկանց կառավարելու մասին, Յուլիա Կիսելևան (ռեժիսոր) հայտնաբերել է հինգ մարդու, որոնց համար նման չիպը կենսական անհրաժեշտություն է», - գրում են ֆիլմի ստեղծողները:
Աղբյուր՝ gazeta.ru
Չինաստանն այս տարի իր երկրորդ ամենամեծ ներխուժումն է կատարել Թայվանի հակաօդային պաշտպանության(ՀՕՊ) գոտի այն բանից հետո Թայպեյն ազդարարեց, որ մտադիր է խորացնել անվտանգային կապերը ԱՄՆ-ի հետ: Թայվանի ՊՆ-ն հայտնել է, որ չինական 30 ռազմական ինքնաթիռ, որոնցից երկու երրորդը՝ կործանիչներ, երկուշաբթի մտել են Թայվանի ՀՕՊ տարածքի հարավ-արևմտյան հատված, և որ ի պատասխան՝ երկիրը դուրս է բերել իր օդուժը և տեղակայել հակաօդային հրթիռ համակարգեր:
Աղբյուր՝ aljazeera.com
«Լիվերպուլի» գլխավոր տնօրեն Բիլի Հոգանը անպատշաճ մեկնաբանություն է անվանել Ֆրանսիայի սպորտի նախարար Ամելի Ուդեա-Կաստերայի կողմից, ով նախկինում մեղադրել էր անգլիական ֆուտբոլային ակումբին Չեմպիոնների լիգայի եզրափակչում տեղի ունեցած անկարգությունների մեջ և պահանջել ներողություն խնդրել: Շաբաթ օրը Փարիզի արվարձանում «Ստադ դը Ֆրանս» ստադիոնում կայացավ Չեմպիոնների լիգայի եզրափակիչը իսպանական «Ռեալի» և անգլիական «Լիվերպուլի» միջև (1:0):
Աղբյուր՝ ria.ru
Վարչապետ Ջասթին Թրյուդոն երկուշաբթի հայտարարեց Կանադայում ատրճանակի սեփականության իրավունքը սառեցնելու առաջարկի մասին՝ փաստացի արգելելով դրանց ներմուծումն ու վաճառքը՝ Միացյալ Նահանգներում վերջերս տեղի ունեցած զանգվածային կրակոցներից հետո: Օրինագիծը դեռևս պետք է ընդունվի խորհրդարանի կողմից, ընդ որում իշխող լիբերալները ունեն միայն փոքրամասնության մանդատները:
Աղբյուր՝ france24.com
Բրազիլիայի հյուսիս-արևելքում ջրհեղեղների հետևանքով զոհերի թիվը կարող է հասնել ավելի քան 100-ի այն բանից հետո, երբ Պերնամբուկո նահանգի իշխանությունները հաստատեցին 91 զոհերի և շատ ավելի անհետ կորածների մասին: Անցյալ շաբաթ հորդառատ անձրևները պատուհասել են Պերնամբուկոյին՝ ուրբաթ սողանքներ առաջացնելով, որոնք ոչնչացրել են աղքատ թաղամասերի բնակարանները կամ բլուրների վրա կառուցված ֆավելաները:
Աղբյուր՝ theguardian.com
Ֆրանսիական ՊՍԺ-ի խաղացող Լիոնել Մեսսին խոսել է այն մասին, թե ինչպես է տարել կորոնավիրուսը, հայտնում է TYC Sports-ը: «Կորոնավիրուսն ինձ մոտ բարդություններ առաջացրեց, տուժեցին թոքերս: Մեկուկես ամիս ես նույնիսկ չէի կարողանում վազել թոքերի ախտահարման պատճառով։ Ես վերադարձա ավելի շուտ, քան պետք էր, և միայն ավելի վատացրի ամեն ինչ»,- ասել է Մեսսին:
Աղբյուր՝ gazeta.ru
Ընկերությունը հայտնում է, որ այժմ, բացի «Անվտանգ որոնում YouTube-ում» գործառույթից, որը թույլ է տալիս ծնողներին տեսնել այս հայտնի տեսահոսթինգում որոնման հարցումների պատմությունը, մեծահասակները կկարողանան վերահսկել և այն, թե հենց որ հոլովակներն են դիտել իրենց երեխաները: Kaspersky Safe Kids-ի՝ iOS-ի համար տարբերակում ընդլայնվել են վեբ-վերահսկման և էկրանային ժամանակի վերահսկման գործառույթները։
Աղբյուր՝ «Կասպերսկի» ընկերության Հայաստանի ներկայացուցչություն
Ոստիկանությունն հայտնել է, որ անցյալ շաբաթվա վերջին ինչ-որ մեկը ներխուժել է Նյու Յորքի եկեղեցու զոհասեղան, գողացել 2 միլիոն դոլար արժողությամբ ոսկյա մասունքն ու հանել հրեշտակի արձանի գլուխը: Միջադեպը տեղի է ունեցել հինգշաբթի երեկոյան ժամը 18:30-ից շաբաթ երեկոյան ժամը 4-ի սահմաններում Սուրբ Ավգուստին կաթոլիկ եկեղեցում, որը հայտնի է որպես Բրուքլինի Պարկ Սլոփ թաղամասի «Նոտր Դամ»: Եկեղեցին այդ ժամանակ փակ էր շինարարության նպատակով:
Աղբյուր՝ apnews.com
Կանադացի ռեփեր Դրեյքը դարձել է տարվա ամենաշատ լսվող արտիստը: Ըստ Chart Data-ի, նա հավաքել է ընդհանուր առմամբ 3 միլիարդ ունկնդրում տարբեր հոսքային հարթակներում: Ամենահայտնի երաժիշտների ցուցակում երկրորդ տեղում է ռեփեր YoungBoy Never Broke Again-ը (2,8 մլրդ ունկնդրում), իսկ երրորդը` երգչուհի Թեյլոր Սվիֆթն է (2,5 մլրդ):
Աղբյուր՝ vesti.ru
Երկուշաբթի հրապարակված տվյալները ցույց են տվել, որ մայրցամաքի խոշորագույն տնտեսությունում սպառողական գները մայիսին մեկ տարի առաջվա համեմատությամբ աճել են 8,7%-ով՝ պայմանավորված էներգիայի և սննդի ծախսերի աճով: Bloomberg-ի կողմից հարցված վերլուծաբանները կանխատեսել էին 8,1% աճ:
Աղբյուր՝ aljazeera.com
ԿԳՄՍ նախարարության համապատասխան ստորաբաժանումը ամփոփել է 2021-2022 ուստարում Հայաստանի ուսումնական հաստատություններում սովորող օտարերկրյա և սփյուռքահայ ուսանողների վերաբերյալ տեղեկությունները՝ ըստ բուհերի և երկրների: ՀՀ-ում գործող միջազգային բուհերում սովորող օտարերկրացի ուսանողների թիվը 354 է, իսկ միջին մասնագիտական ուսումնական հաստատություններում սովորող սփյուռքահայերի թիվը՝ 471: Ընթացիկ ուստարում ՀՀ ուսումնական հաստատություններում սովորում են 3.760 օտարերկրացի և 4.248 սփյուռքահայ ուսանողներ:
Աղբյուր՝ ՀՀ ԿԳՄՍ նախարարության հասարակայնության հետ կապերի և տեղեկատվության վարչություն
ԱՀԿ-ն կոչ է արել երկրներին փոխհատուցում ստանալ ծխախոտի արդյունաբերությունից՝ մարդկանց առողջությանը և շրջակա միջավայրին հասցված վնասների համար: Ինչպես նշվում է երեքշաբթի Ժնևում հրապարակված՝ ԱՀԿ-ի զեկույցում, ծխախոտը տարեկան խլում է ավելի քան 8 միլիոն մարդու կյանք, մթնոլորտ է մտնում 84 միլիոն տոննա ածխաթթու գազ, և ծխախոտի գրեթե 4,5 տրիլիոն ֆիլտր աղտոտում է շրջակա միջավայրը:
Աղբյուր՝ tass.ru
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
